Tuesday, November 29, 2016

၂၀၁၆ ခုနှစ်၊နိုဝင်ဘာ (၂၈) ရက်၊ တနလာင်္နေ့ တစ်ရက်တာပတ်လုံးတိုက်ပွဲသတင်းများ

(၁) နိုဝင်ဘာလ ၂၈ ရက်နေ့၏ ပထမဆုံးတိုက်ပွဲသည် နံနက် (၂) နာရီတွင်စတင်ခဲ့သည်။ မဟာမိတ်တပ်မှ "ချိုင့်ကျုံးတောင်ကုန်း"ရှိ ရန်သူစခန်းကိုဝင်ရောက်တိုက်ခိုက်ခဲ့သည်။ မိနစ် (၃၀) ခန့် ပြင်းထန်စွာတိုက်ပွဲဖြစ်ပွားခဲ့ပြီး ၎င်းတောင်ကုန်းရှိရန်သူများအားလုံးကိုအောင်မြင်စွာမောင်းထုတ်နိုင်ခဲ့သည်။ ဤပွဲမှာမဟာမိတ်တပ်ပေါင်းစု၏နောက်ထပ်အောင်ပွဲတစ်ခုဖြစ်ခဲ့သည်။
(၂) နံနက် (၄) နာရီ (၃၀) မိနစ်တွင် ရန်သူတို့ သည်မိမိတို့သိမ်းပိုက်ထားသည့် "ချိုင့်ကျုံးတောင်ကုန်း"ကို ပြန်လာတိုက်ခိုက်ခဲ့သည်။ မိနစ် (၂၀) ခန့်တိုက်ပွဲဖြစ်ပွားခဲ့ပြီး ရန်သူတို့နောက်ထပ်တစ်ကြိမ်ထပ်မံဆုတ်ခွာသွားသည်။ထို့နောက်နံနက် (၈) နာရီတွင် တစ်ကြိမ်၊ (၁၀) နာရီတွင် တစ်ကြိမ်၊ (၁၂) နာရီ (၁၅) တွင်တစ်ကြိမ် "ချိုင့်ကျုံးတောင်ကုန်း"အားနောက်ထပ်သုံးကြိမ်တိုင်လာရောက်တိုက်ခိုက်ခဲ့သော်လည်း မဟာမိတ်တပ်ဖွဲ့၏ ခုခံမှုကြောင့် ပြန်လည်ဆုတ်ခွာသွားခဲ့ရပြန်သည်။ မိမိတို့သည် ရန်သူ၏၎င်းစခန်းတောင်ကုန်းအားဆက်လက်သိမ်းထားဆဲဖြစ်သည်။

(၃) နံနက် (၅) နာရီ (၃၀) မိနစ်မှ (၁၀) နာရီခန့်အထိ "စီခန်းတိ"ဒေသတွင် တိုက်ပွဲများကြိုကြားကြိုကြားဖြစ်ပွားခဲ့သည်။
(၄)နံနက် (၈) နာရီ အချိန်တွင်ရန်သူ့ထံမှမိမိတို့သိမ်းပိုက်ထားသည့်"မုံးကိုးနယ်စပ်ဂိတ်"အား ရန်သူတို့သည် ပြန်လည်တိုက်ခိုက်လာခဲ့သည်။တစ်နာရီခန့်ကြာတိုက်ပွဲဖြစ်ပွားခဲ့ပြီး ရန်သူတို့ ပြန်လည်ဆုတ်ခွာသွားခဲ့သည်။ နောက်ဆက်တွဲ တိုက်ပွဲများကို အသိရသေးချေ။
(၅) နံနက် (၁၀) နာရီ (၃၀) မိနစ်မှ နေ့လည် (၁) နာရီအထိ ရန်သူ့အင်အား ၁၀၀ ဝန်းကျင်ခန့်ရှိသော ခလရ (၂၂) နှင့် "မုံဟွမ်ရွာ" နှင့် "မန်ကောင်းရွာထိပ်"တွင် ရင်ဆိုင်တိုက်ပွဲများဖြစ်ပွားခဲ့သည်
(၆) ယနေ့ နံနက် (၁၁) နာရီခန့်တွင်"နမ့်တောင်း" မှ "ပန်ဆိုင်း"ဖက်သို့ တက်လာသော အင်အား ၁၀၀ (တစ်ရာ) ခန့်ရန်သူ့စစ်ကြောင်းဖြင့်တိုက်ပွဲဖြစ်ပွားခဲ့သည်။ တစ်နာရီကြာတိုက်ပွဲအပြီးခေတ္တခဏရပ်တန့်သွားပြီး ညနေ (၅) နာရီ (၃၀) မိနစ်တွင် ၎င်းနေရာအနီးအနားတွင်ပင်ဒုတိယအကြိမ်ထပ်မံဖြစ်ပွားခဲ့သည်။ တိုက်ပွဲနှစ်ကြိမ်အတွင်း ရန်သူ့ဖက်မှ (၄) ဦးခန့်ကျဆုံးခဲ့ပြီး (၁၀) ဦးအထက်ဒဏ်ရာရရှိခဲ့သည်။ မိမိတို့ဖက်မှ အသေးစားဒဏ်ရာအချို့သာရရှိခဲ့သည်။
(၇) ညနေ (၄) နာရီ (၃၀) မိနစ်တွင် ၁၀၅ မိုင် မှ "နမ့်ကတ်ရွာ"ဘက်သို့ ချီတက်လာသော ရန်သူအင်အား (၅၀) ဦးခန့်ပါဝင်သောတပ်ဖွဲ့နှင့် "နမ့်ဟွမ်ရွာ" အနီးတွင် ထိတွေ့တိုက်ပွဲဖြစ်ပွားခဲ့သည်။ တိုက်ပွဲသည် အနည်းငယ် ပြင်းထန်ခဲ့သည်။ နှစ်ဖက်အထိအခိုက်အကျအဆုံးများကိုမူမသိရသေးချေ။
(၈) မုံးကိုး-ဖောင်းဆိုင်ဖက်တွင် လက်နက်ကြီးများဖြင့် အပြန်အလှန်ပစ်ခတ်တိုက်ခိုက်ခဲ့ကြသည်။ လေကြောင်းမှ နှစ်ကြိမ်လာရောက်ခဲ့သော်လည်း တိမ်ထူထပ်နေသောကြောင့် တစ်ကြိမ်သာ ဗုံးကြဲတိုက်ခိုက်ခွင့်ရခဲ့သည်။ မိမိတို့ဖက်မှ အထိအခိုက်အကျအဆုံးမရှိချေ။ 

ယနေ့ နိုဝင်ဘာ ၂၈ ရက်နေ့သည် မြောက်ပိုင်းဒေသတိုက်ပွဲကိုးရက်မြောက်နေ့ဖြစ်သည်။ ယနေ့သည်မိုးတိမ်ထူထပ်နေသောကြောင့်လေကြောင်းမှတိုက်ခိုက်မှု အကြိမ်အရေအတွက် နည်းခဲ့သောနေ့တစ်နေ့ဖြစ်သည်။ သို့သော် ရန်သူ့ဖက်မှ အကျအဆုံးများခဲ့သောနေ့တစ်နေ့ဖြစ်သည်။ 
ရန်သူသည်တပ်အင်အား၊ စစ်အသုံးအဆောင်ပစ္စည်းများကိုမြောက်ပိုင်းဒေသသို့ဆက်လက်ပို့ဆောင်နေသောကြောင့် တိုက်ပွဲများဆက်လက်ကြီးထွားလာနိုင်ဖွယ်ရှိသည်။ 

ထို့ကြောင့် မိဘပြည်သူများအနေဖြင့် မိမိတို့ မြောက်ပိုင်းမဟာမိတ်တပ်ပေါင်းစု မှအသိပေးကြေညာချက်အား လိုက်နာကြပါရန် လေးစားစွာ ထပ်မံ၍အသိပေးအပ်ပါသည်။

မြောက်ပိုင်းမဟာမိတ်တပ်ပေါင်းစု
Northern Alliance – Burma
AA + KIA + TNLA+ MNDAA
We Fight , We Win

သတင်းနှင့်မီဒီယာများဆက်သွယ်ရန်ဖုန်းနံပါတ်
မိုင်းအိုက်ကျော်
၀၉၄၉၃၁၄၉၅၁ (0949314951)

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။