Friday, July 24, 2015

မြစ်ဆုံစီမံကိန်းကို အကြောင်းပြပြီး မဲဆွယ်ရန် ကြံ့ဖွံ့ပါတီကြိုးပမ်း

(Jinghpawkasa)

ကချင်ပြည်နယ် မြစ်ကြီးနားမြို့ ကြံ့ခိုင်ဖွံ့ဖြိုးရေးရုံးတွင် ဇွန် (၂၉) ရက်နေ့၌ ပြုလုပ်သော အစည်းအစေးတွင် အင်ဂျန်းယန်မြို့နယ် အပါအ၀င် မြစ်ဆုံရေကာတာ စီမံကိန်းအနီးတဝိုက်ရှိ ပြည်သူများအားလုံး ကြံ့ခိုင်ဖွံ့ဖြိုးရေးရေးပါတီကို မဲထည့်ရန်နှင့် ကြံ့ဖွံ့ပါတီ အနိုင်ရပါက မြစ်ဆုံရေကာတာကို လုံးဝရပ်ဆိုင်းသွားအောင် ပြည်လုပ်ပေးမည်ဟု လိမ်လည်မဲဆွယ်ရန် အစည်းအဝေးတွင် တိုင်ပင် ပြောဆိုခဲ့ကြောင်း သတင်းကြားသိရပါသည်။ အစည်းအဝေးအပြီး စားသောက်ပွဲတွင် သူတို့ဆွေးနွေးခဲ့ကြသော လိမ်လည်မဲဆွယ်ရန်ကိစ္စကို ကျေနပ်သဘောကျပြီး `ကောင်းလိုက်တဲ့အကြံ ဒီလိုတာစည်းရုံးသွားရင် ပြည်သူများဘယ်ခံနိုင်မှာလဲ ဟုပြောဆိုကာ အရက်ခွက်တိုက် အောင်ပွဲခံခဲ့ကြကြောင်း လည်း သိရှိရပါသည်။

မြစ်ဆုံစီမံကိန်းနှင့် ပါတ်သက်၍ ကချင်ပြည်နယ်အစိုးရ အဆင့်တွင် ဆုံးဖြတ်ချက်ချလို့မရကြောင်း ကချင်ပြည်နယ် ၀န်ကြီး ဦးလဂျွန်ငန်ဆိုင်းကိုယ်တိုင် ကချင်ပြည်နယ် မြို့တော်ခန်းမတွင် ပြုလုပ်သော အစည်းအဝေး၌ အသိအလင်းပြောကြားထားပြီးဖြစ်ကြောင်း သိရှိရပါသည်။
 
ယခုကဲ့သို့ ကြံ့ဖွံ့ပါတီ၏ မသမာသော နည်းလမ်းများဖြင့် လိမ်လည်လှည့်ဖြား မဲဆွယ်စည်းရုံးမှုကို ပြည်သူများ သတိထားဖို့လိုအပ်ကြောင်းနှင့် ပြောတိုင်းယုံရင် ပြည်သူများသာ နစ်နာမည်ဖြစ်ကြောင်း မြစ်ကြီးနား ဒေသခံတစ်ဦးမှ သတိပေးပြောကြားလာသည်မှ သိရှိရပါသည်။
 
အင်ဂျန်းယန်မြို့နယ်မှ ကြံ့ဖွံ့ပါတီ အမတ်လောင်းအဖြစ် ရှေ့နေ ဒေါ်ဒွဲဘူနှင့်၊ စစ်တပ်အရာရှိဟောင်း ဗိုလ်မှူးဟောင် ဘရန်ရှောင် (ဂွေထူဒေသပြည်သူ့စစ်ခေါင်းဆောင် ဦးလဆန်အောင်ဝါ၏ တူ) များက ဝင်ရောက်ယှဉ်ပြိုင်သွားမည်ဖြစ်ကြောင်း သိရှိရပါသည်။ ဇွန် (၂၉) ကြံ့ဖွံ့အစည်းအဝေးတွင်လည်း ထိုသူများလည်း ပါဝင်တက်ရောက်ကြောင်း သိရှိရပါသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။