Wednesday, February 18, 2015

KIA Dung (6) Ni Hpakant-Mho Gaung Lam Dingyang Myen Hpyen Ni Hpe Bawm Hte Hkap Gasat

(Myutsawkasa)

Febb 17, 2015 ya shani 10:00 am. ten daram hta Hpakant kaw na Modo (64) hte Mho Gaung de lai yu wa ai Tat.M-(66) kata na myen tai hpyen ni Nam Sheng hte Labang kahtawng lapwan na Gala Kawng kaw hkam bawm (2) wa kapaw la nna marai (10) lahta de si hkala hkrum mat ai lam shiga na chye lu ai.
Dai hpang, 12:10 pm ten daram hta Tat. M-(66) ni Modo Convoy hpung ni hpe lagaw lam hte shim lam la ya na matu shawng yu wa wa ni Hka San Lup Wa Kawng makau kaw tinang KIA ni hkam tawn ai bawm (1) bai wa kapaw la nna marai (3) si nna marai (7) ram bai hkala hkrum mat ai lam na chye lu ai.

Dai hpang, Hka San kawn bai lai yu wa ai Myen dap Tat.M-(66) hpyen hpung ni hpe tinang KIA MHH hpyen hpung ni Cyau Kang Hka hte Lamung Tu lapran kaw Remote bawm (1) bai hkap adem bun dat ai hta Myen marai (5) si nna marai (12) bai hkala hkrum mat ai lam shiga na chye lu ai.
Dai Hpang , 4:50 pm ten daram hta Ka-maing kaw na bai matut pru wa ai Myen hpyen Modo Convoy hpung ni Gau Ri, Kin Sa Ra Yang lapran kaw tinang KIA ni hkam tawn ai bawm (2) bai wa kapaw la ai majaw marai (4) si nna marai (10) jan ram bai hkala hkrum mat ai lam na chye lu ai.
Dai hpang, 5:00 pm ten daram hta Gau Ri, Kin Sa Ra Yang kaw na matut lai yu wa ai Tat.M-(66) kata na hpyen hpung hpe Sawng Hka hte Kanoi (Rubber) sun lapran kaw tinang KIA MHH ni Bawm Hkrawn "Maing Badeta" bai kapaw sharu bun dat ai hta myen dap maga na ayai aya, manyi manawn, arum ara, rai ram ram bai si hkala hkrum mat ai lam na chye lu ai. Mho Gaung du yang si hkala hkrum mat ai myen htaw ai Modo (3) tup rai mat ai lam matut na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။