Sunday, January 18, 2015

Hpakant,Dung (6)ni Myen laknak N kau Lu Zing

(Lachid Kachin)

Wunpawng Mung Dan Shang lawt Hpyen Dap KIA, Dap Ba (2) n pu
KIA, Dap dung (6) Hpakant ginra de myen tai hpyen ni (15.1.2015)
ya sha ni kawn hpyen ngun ka ba , Lak nak ka ba ni hte maja laja
la na htu ga sat wa ai majaw tinang KIA, maga kawn Mung mara
masha hpe hkra ma chyi na tsang ai majaw Tinang hpyen dap Post
n kau hpe (15-16,Jan ,2015) ya sha ni hkan e gan yen kau sai
re lam chye lu ai.



N dai zawn yen kau ai Post ni gaw Awng Ba Li, Wa Je Post, RCM, Kyu hpyi Bum hte Tang Gau bum post (dung -6 da ju ma kau ) ni re lam chye lu ai. 


Tim tinang KIA, maga kawn (16,1,2015) ya sha ni daw kawn yen kau da ai Post ni hpe bai lu zing la na matu laja la na bai htim gasat hpang wa sai hte maren dai sha ni jang (jan,16) ya sha ni sha na de nan Tang Gau bum hpe bai lu la sai hte, (17,1, 2015) ya sha ni hta gaw Wa Je Post , (jan,17) ya sha ni (1:30 ) pm hta gaw RCM kyu hpyi bum Post ni hpe Myen ni a la ta kaw na bai lu zing madu la sai re, (jan, 17) ya sha ni KIA, kawn Myen ni hpe bai sha chyut gap ai majan hta Myen ni kaw na (60-MM) laknak ka ba (2) , Bazuga (RPG) hte laknak kaji n kau hpe padang dip lu zing la sai lam hpe mung chye lu ai.


Matut n na (17,1,2015) ya sha na de kaw nna tinang KIA, gin ra de myen tai hpyen ni hpyen garum (စစ္ကူ) a loi sha n mai lung wa na matu yaw sha da let Mogaung - hpakant mawdaw lam shara (5) daram hta tinang maga kawn backhole hte htu di kau ai hte Mahkrai n kau ni hpe mung kapaw di kau sai lam ni hpe chye lu ai. Myen ni grai sum machyi wa sai majaw Majan gaw grau grau sawng wa na re masa sha nga ai lam KIA, du salang ni kawn chye lu ai. 


Ya yang e myu hte mung dan a ma tu shawng lam kaw tai hpyen ni hpe ning hkap ga sat taw nga ai Myu tsaw ni a matu Wunpawng myu sha ni yawng Kyu ja ja chyawm hpyi ya nga ga!

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။