Friday, December 12, 2014

အရာမထင်သည့် ဆွေးနွေးပွဲများနှင့် ၂၀၁၄

(Mizzima)

မြန်မာ့ ထိပ်တန်းခေါင်းဆောင်တွေဟာ ဆွေးနွေးပွဲတွေကို အလျဉ်းသင့်သလို လုပ်နေကြသော်လည်း စိတ်ဝင်စားဖွယ်ရာရလဒ်များ ထွက်ပေါ်မလာသည်မှာ အံ့သြစရာပင် ဖြစ်သည်။

၂၀၁၁ ခုနှစ်၊ သြဂုတ်လမှ စတင်ကာ သမ္မတ ဦးသိန်းစိန် စီစဉ်ခဲ့သည့် ငြိမ်းချမ်းရေး ဆွေးနွေးရေးလုပ်ငန်း စဉ်အတွက် တိုင်းရင်းသား လက်နက်ကိုင်အုပ်စုများမှ ကိုယ်စားလှယ်များပါဝင်သည့် NCCT အဖွဲ့နှင့် အစိုးရ ၏ ငြိမ်းချမ်းရေး ဖော်ဆောင်ရေး အဖွဲ့တို့ အကြား နောက်ဆုံးပြုလုပ်ခဲ့သည့် ဆွေးနွေးပွဲများသည်လည်း ရှေ့မတိုးသာ၊ နောက်မဆုတ်သာ အခြေအနေမျိုး ဖြစ်ပေါ်လာပြန်သည်။

 
ငြိမ်းချမ်းရေး ဆွေးနွေးပွဲများတွင် ပါဝင်ခဲ့သူများ ယခုနှစ် အစောပိုင်းက ထုတ်ပြန်ခဲ့သည့် ကြေညာချက် တစ်ရပ်တွင် နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်ကို မြန်မာနှစ်ကူး သင်္ကြန်ကာလမတိုင်မီ လက်မှတ်ရေးထိုးနိုင်မည်ဟု ပြောကြားမှုသည် လက်ရှိအနေများအရ အလားအလာ မှေးမှိန်နေသည်။

ငြိမ်းချမ်းရေး ဆွေးနွေးပွဲများကို ရပ်ဆိုင်းထားမှုသည် အနာဂတ်အတွက် စဉ်းစားဖွယ်ရာများ ဖြစ်နေသည်။
နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီမှု လက်မှတ်ထိုးပြီးနောက် အစိုးရနှင့် တိုင်းရင်းသား လက်နက်ကိုင်အုပ်စုများ အကြား နိုင်ငံရေးဆွေးနွေး ပွဲတစ်ရပ် ကျင်းပရေးဆိုင်ရာ အစီအစဉ်မူကြမ်းတစ်ရပ် ကို နိုင်ငံရေးပါတီ ၅၀ မှ ကိုယ်စားလှယ်များက နိုဝင်ဘာ ၂၆ ရက်တွင် သဘောတူညီခဲ့ကြသည်။
အဆိုပါ နိုင်ငံရေးဆွေးနွေးပွဲတွင် လွှတ်တော် ကိုယ်စားလှယ်များ၊ တပ်မတော်၊ နိုင်ငံရေးပါတီများ၊ တိုင်းရင်းသား လက်နက်ကိုင် အဖွဲ့အစည်းများနှင့် အရပ်ဘက် အဖွဲ့အစည်းများ ပါဝင်ရန် ဖော်ပြထားသည်။

ထိုအစီအစဉ်တွင် မည်သည့်အကြောင်းအရာများကို ဆွေးနွေးမည်၊ ရရှိသော သဘောတူညီချက်ကို လွှတ်တော်တွင် လက်မှတ်ရေးထိုးမည် ဟု သတ်မှတ်ချက်များ ပါရှိခဲ့သည်။ သို့သော် ရှုပ်ထွေးလွန်းလှသည့်အခင်း အကျင်းများက လက်ဆုပ်လက် ကိုင်ပြနိုင်လောက်တဲ့ရလဒ်တွေ ထွက်ပေါ်မလာနိုင်ခဲ့ပါ။

ထို့အတူ ခြောက်ပွင့်ဆိုင် ဆွေးနွေးပွဲဆိုသည်က ထပ်မံထွက်ပေါ်လာပြန်သည်။ ထိုအစီအစဉ်ကို အဆိုပြုခဲ့ သူမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ လွှတ်တော်ကိုယ်စားလှယ် ဦးမြင့်ထွန်း ပဲဖြစ်သည်။
အဆိုပါ ဆွေးနွေးပွဲမှာ သမ္မတ၊ လွှတ်တော်နှစ်ရပ်မှ ဥက္ကဋ္ဌများ၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒေါ်အောင်ဆန်းစုကြည်နှင့် တိုင်းရင်းသားပါတီများမှ ခေါင်းဆောင်များပါဝင်ရန် ၎င်းက တိုက်တွန်းခဲ့သည်။

ခြောက်ပွင့်ဆိုင်တွေ့ဆုံမှုတွင်ပါဝင်ရန် ဆန္ဒရှိသည်ဟု ဒေါ်အောင်ဆန်းစုကြည် က ထုတ်ဖော်ပြောကြားခဲ့ သည်။ သို့သော် နိုင်ငံတော်သမ္မတ၊ ဦးသိန်းစိန်၊ ပြည်သူ့ လွှတ်တော်ဥက္ကဋ္ဌ သူရဦးရွှေမန်း၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ လေးပွင့်ဆိုင်တွေ့ဆုံမှုကိုပဲ ဒေါ်အောင်ဆန်းစုကြည်က ပိုမိုလိုလားပုံရသည်။
တိုင်းရင်းသားရေးရာ ပြဿနာရပ်များအတွက် နိုင်ငံရေးဖြေရှင်းချက်များမရှိဘဲ မြန်မာနိုင်ငံအတွင်း အပြောင်း အလဲများ ရှိလာမှာ မဟုတ်ပါဘူး။၊

သမ္မတ ပြောရေးဆိုခွင့်ရပုဂ်္ဂိုလ် ပြန်ကြားရေးဝန်ကြီး ဦးရဲထွဋ်၏ ပြောကြားချက်တွေအရ သမ္မတရုံးသည် အခု ဆွေးနွေးပွဲအတွက် စိတ်အားထက်သန်မှု၊ ရှိမနေတာကိုလည်း ပြသနေသည်။

ထို့ကြောင့် ဖက်ဒရယ်အရေး၊ ဖွဲ့စည်းပုံ ပြင်ဆင်ရေး၊ နိုင်ငံအတွင်း၊ စစ်တပ်၏အခန်းကဏ္ဍ ပြောင်းလဲရေး နှင့် ဒီမိုကရေစီအသွင် ကူးပြောင်းရေးစသည့် အဓိကအကြောင်းအရာတွေကို ဆွေးနွေးရန် စစ်ဗိုလ်ချုပ် ဟောင်းများ၊လွှမ်းမိုးထားဆဲဖြစ်သော အစိုးရအတွက် အရေးမကြီးသည့် ဖြစ်ရပ်တစ်ခုလားဟု မေးခွန်းထုတ်ရန် လိုသည်။

၂၀၁၄၊ခုနှစ်အတွင်း အရာမထင်ခဲ့သည့် ဆွေးနွေးမှုများသည် အစိုးရ၏ အလေးအနက်မထားမှုကိုလည်း ပြသနေသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။