Tuesday, December 9, 2014

ထိုင်းနိုင်ငံ ဘန့်မိုင်ဆာမာခီက ကချင်မနောပွဲ

(ဧရာဝတီ)

ထိုင်းနိုင်ငံမြောက် ပိုင်း ချင်ဒေါင်းနယ်၊ ဘန့်မိုင် ဆာမာခီ ရွာ ကလေးမှာ ကချင် မနောပွဲ ကို ဒီဇင်ဘာလ ၄ ရက် နေ့ ကနေ ၇ ရက်နေ့ ထိ ကျင်းပ ခဲ့ပါတယ်။ 

မြန်မာပြည် က စစ်ဘေးရှောင် ကချင် တိုင်းရင်းသားတွေ ကို ထိုင်းနိုင်ငံ က တောင်ပေါ် တိုင်းရင်းသား အဖြစ်  မွေးစားပြီး ထိုင်း ဘုရင်မင်းမြတ် က ရွာတည်ပေးခဲ့တာ နှစ်ပေါင်း ၃၀ ပြည့် တဲ့ အထိမ်းအမှတ်ရယ်၊ ထိုင်း ဘုရင့်မွေးနေ့ရယ်နဲ့ ပူးပေါင်းပြီး ကချင်မနောပွဲကို ဘန့်မိုင်ဆာမာခီရွာမှာ စည်စည်ကားကား ကျင်းပကြတာပါ။ 

မြန်မာပြည်မှာ ကချင်တိုင်းရင်းသားတွေအားလုံးပါဝင်နိုင်မယ့် မနောပွဲကို မြန်မာအစိုးရစစ်တပ်နဲ့ ကချင် တိုင်းရင်းသား လက်နက်ကိုင် KIA အဖွဲ့တို့အကြားတိုက်ပွဲတွေပြန်ဖြစ်လာခဲ့တဲ့ ၂၀၁၁ ခုနှစ်ကတည်းက မကျင်းပဖြစ်ခဲ့ပါဘူးလို့ သိရပါတယ်။ 
ထိုင်းနိုင်ငံ ချင်းဒေါင်းနယ်က ဘန့်မိုင်ဆာမာခီမှာတော့ မြန်မာ၊ တရုတ်၊ အိန္ဒိယအပါအ၀င် ကမ္ဘာတ၀ှမ်းက ကချင်တိုင်းရင်းသားတွေ ပူးပေါင်းပါဝင်ကျင်းပခဲ့ကြပါတယ်။ 
ကချင်ရိုးရာအတိုင်း အနှစ်သာရ ရှိရှိ ကျင်းပခဲ့တဲ့ ပွဲဖြစ်တာကြောင့် တက်ရောက်လာကြတဲ့ ကချင်တိုင်းရင်း သား နွယ်ဝင်အားလုံးက ပျော်ရွှင်မှုတွေ ရှိတယ်လို့ ဆိုကြပေမယ့် ကိုယ့်မြေ၊ ကိုယ်အိမ်မှာ ကျင်းပတာမဟုတ် တာကြောင့် အပြည့် မပျော်ရွှင်နိုင်ကြပါဘူးတဲ့။ 
ကချင်ရိုးရာ အကပြိုင်ပွဲတွေ၊ အုပ်စုလိုက် ကပြဖျော်ဖြေတာတွေ ကချင် တိုင်းရင်းသားတွေ၊ ထိုင်းဘက်က သူတွေပါ ဖျော်ဖြေပွဲတွေမှာ ပါဝင်ကြတာတွေ့ရပါတယ်။ 
အားလုံးလိုလိုက ပျော်ပျော်ရွှင်ရွှင် လုံခြုံအေးချမ်းစွာနဲ့ မနောပွဲကို ဖြတ်သန်းကြတာ မြင်တွေ့ရပါတယ်။ 
ဘန့်မိုင်ဆာမာခီက မနောပွဲ မြင်ကွင်းတချို့ကို ဧရာဝတီဘလော့ဂ် ပရိသတ်တွေအတွက် လည်း ပြန်လည်ဖော်ပြပေးလိုက်ပါတယ်။ 

အကပြိုင်ပွဲတွေရဲ့ ဒိုင်လူကြီးများ

  ပြိုင်ပွဲဝင် အကအဖွဲ့တဖွဲ့


ဘန့်မိုင်ဆာမာခရီ ရွာတည်ခြင်း  နှစ် ၃ဝ ပြည့်ကျောက်တိုင်နဲ့ ကချင် မနောတိုင်



တိဗက်က လာတဲ့ ကချင်တိုင်းရင်းသား တချို့

ကချင် တီးဝိုင်းတခုရဲ့ စင်တင်ဖျော်ဖြေပွဲနဲ့ အဆိုတော် ကိုမွန်းအောင်



No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။