Tuesday, December 2, 2014

အမျိုးသားဥယျာဉ်စီမံကိန်းနှင့်ပတ်သက်၍သက်ဆိုင်ရာမှလူထုရှင်းလင်းပွဲလုပ်

(Kachin Waves)

မြစ်ကြီးနားမြို့ အောင်မြင် သာစံပြကျေးရွာ၌ ဒီဇင်ဘာလ ၁ရက်တွင်သစ်တောဦးစီးဌာနမှ အင်ခိုင်ဘွမ်တောင် တန်း တွင်လုပ်ဆောင်သွားမည့် အမျိုးသားဥယျာဉ် စီမံကိန်းနှင့် ပတ်သက် ၍ ဒေသခံများနှင့် အပြန်အလှန် ဆွေး နွေးပွဲ ကျင်းပ ပြုလုပ် ခဲ့ကြောင်းသတင်း ရရှိသည်။
ဆွေးနွေးပွဲတွင် ကွင်းဆင်းလေ့လာသွားမည့်လမ်းစဉ်များအား ကြိုတင်ဆွေးနွေးချပြသွားမည်ဖြစ်ပြီး သစ်တော နှင့်ပတ်သက်သည့် နည်းဥပဒေလုပ်ထုံးလုပ်နည်းများကိုလည်းရှင်းပြခဲ့သည်။


“ အစိုးရအနေနဲ့ရော သစ်တောရေးရာဝန်ကြီးဌာနအနေနဲ့က မြေသိမ်းခြင်းမဟုတ်ဘူး။ ကာကွယ်ဖို့ရည်ရွယ်ထား ပါတယ်။ သဘာဝအတိုင်းထိန်းသိမ်းချင်လို့အမျိုးသားဥယျာဉ်ကိုဖွဲ့စည်းတည်ထောင်ရတာပါ။” ဟုမြို့နယ်သစ် တောဦးစီးမှူး ဦးနေမျိုးမှဆိုသည်။

ယင်းစီမံကိန်းတွင် ဒေသခံများ၏ လယ်ယာ၊ တောင်ယာမြေများ နှင့်စားကျက်မြေများပါဝင်နေသဖြင့် စီမံကိန်း ကြောင့် အခွင့်အလမ်းနစ်နာဆုံးရှုံးမှုများရှိနေသဖြင့်လျော်ကြေးငွေအားမလိုလားပဲ၎င်းတို့မှဓမ္မဦး ချလုပ်ကိုင်စား သောက် နေသောမြေနေရာ များအား ချန် လှပ်ပေးသွားရန်တောင်းခံသွား မည်ဖြစ်ကြောင်း ဒေသခံများ မှဆို သည်။

“ လျော်ကြေးပေးတဲ့ဟာကိုအဓိကမစဉ်းစားပဲနဲ့ မြေနေရာချန်လှပ်ထားပေးမယ့်ဟာကိုအဓိကထားစဉ်းပေးပါလို့ တောင်းဆိုချင်တယ်။” ဟုအောင်မြင်သာစံပြကျေးရွာဒေသခံ ဦးနော်ခွန်မှဆိုသည်။

ဒေသခံများမှ အင်ခိုင်ဘွမ်တောင်တန်းတွင် မွေးမြူရေး၊ စိုက်ပျိုးရေးတို့အားအဓိကထားအသက်မွေးဝမ်းကြောင်း ပြုလုပ်သဖြင့် အစိုးရအနေဖြင့်စိုက်ပျိုးရေးအတွက်သာမဟုတ်ပဲ မွေးမြူရေးအတွက်ပါလေးလေးနက်နက်စဉ်းစား ပေးပါရန်ဒေသခံများမှဆိုသည်။

အင်ခိုင်ဘွမ်တောင်တန်းတွင် အမျိုးသားဥယျာဉ်ပြုလုပ်သွားပါက ထိုနယ်နိမိတ်ထဲတွင် သစ်ခုတ်ခြင်း၊ ကျောက်တူးခြင်း တို့ပြုလုပ်ခွင့်ပေးမည်မဟုတ်ကြောင်း ချိုးဖောက်ပါကသစ်တောဥပဒေအတိုင်း အရေုးယူ ခြင်းခံရမည်ဖြစ်ကြောင်း မြို့နယ်သစ်တောဦးစီးဌာနမှူး ဦးနေမျိုးကဆိုသည်။

၎င်းတောင်တန်းတွင် ရေမြေတောတောင် နှင့်သဘာဝသားရဲတိရိစ္ဆာန်များ ငှက်မျိုးစိတ်ပေါင်း ၁၁မျိုး ဝက်ဝံတို့ကျက်စားနေထိုင်သဖြင့် နယ်နမိတ်သတ်မှတ်ပြီး ထိန်းသိမ်းကာကွယ်သွားမည်ဖြစ်ကြောင်း လည်းဆိုသည်။

စီမံကိန်းဧရိယာမှာ ပလနငွေပျော်စံပြကျေးရွာတောင်ခြေမှစတင်ကာ မြစ်ဆုံအထိစုစုပေါင်း ဧရိယာမှာ ဧက ၇၄၂၆၀ဧက ဖြစ်သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။