Tuesday, December 2, 2014

အပစ်ရပ်စာချုပ် ထိခိုက်စေမည့် လုပ်ရပ်များ ရပ်ရန် ဖက်ဒရယ် ပြည်ထောင်စု တပ်မတော် တောင်းဆို

(Mizzima)

တစ်နိုင်ငံလုံး အပစ်အခတ် ရပ်စဲရေးစာချုပ် (NCA) ချုပ်ဆိုနိုင်ရန် ကြိုးပမ်းမှု နီးစပ်လာသော်လည်း တပ်မတော်ဘက်မှ
ကာကွယ်ရေးဦးစီးချုပ်၏ မူ ၆ချက်တင်ပြမှု အပါအဝင် ကချင်နှင့် ရှမ်း၌ စစ်ရေး တင်းမာမှုများအပေါ် စိုးရိမ်မကင်းဖြစ်ရသည်ဟု ဖက်ဒရယ် ပြည်ထောင်စု တပ်မတော် (F.U.A) ၏ ပထမအကြိမ် စစ်ဦးစီးအဖွဲ့ အစည်းအဝေးအပြီး ဒီဇင်ဘာ ၁ ရက်က ကြေငြာချက် ထုတ်ပြန်လိုက်သည်။



ယင်းကြေငြာချက်၌ အစိုးရနှင့် တစ်နိုင်ငံလုံး အပစ်အခတ် ရပ်စဲရေး ညှိနှိုင်းရေးအဖွဲ့ (NCCT) တို့၏ စက်တင်ဘာလက ဆွေးနွေးပွဲ၌ တပ်မတော်ဘက်မှ
ကိုယ်စားလှယ်များက နောက်ကြောင်းပြန် အဆိုပြုချက်များ တင်သွင်းလာခြင်းနှင့် ကာကွယ်ရေးဦးစီးချုပ်၏ မူ ၆ ချက်ကို အခိုင်အမာ ထပ်မံတင်ပြလာခြင်း အပါအဝင် တိုင်းရင်းသား ဒေသအချို့၌ ထိုးစစ်များ ပြင်းထန်လာမှုကို စိုးရိမ်မကင်း ဖြစ်ရသည်ဟု ဆိုထားသည်။


ယင်းအပြင် လိုင်ဇာရှိ ကေအိုင်အေ ဗိုလ်သင်တန်းကျောင်းအား လက်နက်ကြီးဖြင့် ပစ်ခတ်ခြင်း၊ ရှမ်းပြည်နယ် တောင်ပိုင်း၊ တာ့ဖာဆောင်း ကူးတို့ဆိပ်ရှိ စက်စက်ပီပီ (စက်စက်အေ) တပ်အား ဝင်ရောက်သိမ်းပိုက်ခြင်းအပြင် PSLF/TNLA လှုပ်ရှားရာ ပလောင်ဒေသ ၊ ကရင်ပြည်နယ်တို့တွင် တိုက်ပွဲများ မကြာခဏ ဖြစ်ပွားခြင်းသည် ပဏာမ လက်မှတ်ထိုးထားသည့် အပစ်ရပ်ရေး စာချုပ်ကိုပါ ဖျက်ဆီးလိုသည့် လုပ်ရပ်များဖြစ်ပြီး ထိုလုပ်ရပ်များကို ပြင်းထန်စွာ ရှုတ်ချသည်ဟု F.U.A က ဆိုထားသည်။


ထို့ပြင် အပစ်ရပ်စာချုပ်ကို ဟန့်တားစေသည့် စစ်ဆင်မှုများကို ချွင်းချက်မရှိရပ်ဆိုင်းရန် F.U.A က တောင်းဆိုလိုက်သည်။


ဒီဇင်ဘာ ၁ ရက်က ထုတ်ပြန်လိုက်သည့် အချက် ၅ ချက် ပါသည့် ယင်းကြေငြာချက်တွင် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) ၏ ပထမအကြိမ် ကွန်ဂရက် F.U.A ၏ ပထမအကြိမ် အစည်းအဝေးကို နိုဝင်ဘာ ၂၈ ရက်နှင့် ၂၉ ရက်၌ F.U.A ၏ လွတ်မြောက်နယ်မြေ တစ်ခုတွင် ကျင်းပခဲ့ပြီး UNFC ၏ ကာကွယ်ရေးဌာန တာဝန်ခံ၊ ဒု-တာဝန်ခံတို့ ဦးဆောင်ကာ စစ်ဘက်ဆိုင်ရာ ကိုယ်စားလှယ် ၁၁ ဦးနှင့် အကြံပေး၊ လေ့လာသူများ အပါအဝင် စုစုပေါင်း ၁၅ ဦး တက်ရောက်ခဲ့သည်ဟု သိရသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။