Wednesday, November 12, 2014

ဘုံရန်သူ မူးယစ်ဆေးဝါးပပျောက်ရေး မံဝင်းကြီးတွင် လှုပ်ရှား

(ကချင်သတင်းဌာန)

ကချင်ပြည် မန်စီမြို့နယ် မံဝင်းကြီးကျေး ရွာ တွင် ကချင် အသင်းတော် မူးယစ်ဆေးဝါး တိုက် ဖျက်ရေး ကော်မတီ အဖွဲ့များ က မူးယစ်ဆေးဝါး ပပျောက်ရေး အတွက် ဒေသခံ လူထုများအား အသိပညာပေး လက်ကမ်း စာစောင်များ ဖြန့်ဝေ ကာ သတိပေး ဗီနိုင်း ပိုစတာများ စိုက်ထူသည့် လှုပ်ရှားမှုများ ပြုလုပ် ခဲ့ကြောင်း သိရသည်။

မံဝင်းကြီးကျေးရွာတွင် ယနေ့ နိုဝင်ဘာ  ၁၁ ရက် နံနက် ၁၀ နာရီမှ ညနေ ၅ နာရီချိန်ထိပြုလုပ်ခဲ့ခြင်းဖြစ်ပြီး ရွာမှ မိုင် ၄၀ အကွာရှိကျေးရွာများတွင် နိုဝင်ဘာလ ၉ ရက်နေ့မှစတင်ပြုလုပ်နေခဲ့ကြောင်း မံဝင်းကြီးဒေသ မူးယစ်ဆေးဝါးတိုက်ဖျက်ရေးကော်မတီမှ ဦးဆောင်သူ တစ်ဦးဖြစ်သည့် ဆရာလဖိုင်ဇော်လတ် KNG ကချင်သတင်းဌာန သို့ ပြောသည်။


"မူးယစ်ဆေးဝါးဟာ ကချင်အမျိုးသားတွေအားလုံးရဲ့ အဓိက ရန်သူဖြစ်တယ်ဆိုတာသိစေချင်တယ် ပြီးတော့ ဒီလှုပ်ရှားမှုမှာ တဖြည်းဖြည်းချင်း အားလုံးနဲ့ ပူးပေါင်းလုပ်ဆောင်သွားကြမယ်။ ရည်ရွယ်ချက်ကတော့ ပြည်သူတွေရဲ့ပါဝင်မှုတွေ သဘောထားတွေရအောင်လည်း လုပ်ဆောင်နေတာပါ” ဟု ပြောသည်။

မူးယစ်ဆေးဝါးပြန့်ပွားမှုများ ပပျောက်နိုင်ရေးအတွက် လက်ကမ်းစာစောင်များတွင် “မူးယစ်ဆေးဝါးသည် တမျိုးသားလုံး၏ အဓိကကျသော ထာဝရဘုံရန်သူဖြစ်သည်” ဟုဆိုပြီး သမ္မာကျမ်းစာများဖြင့်လည်း အသိပေး ရေးသားမှုများပြုလုပ်ကာ ဗီနိုင်းပိုစတာများတွင်လည်း “မူးယစ်ဆေးဝါးကို ဝိုင်းဝန်းတိုက်ဖျက်ကြစို့” စာသားများကို ကချင်၊ မြန်မာ၊ တရုတ်၊ ရှမ်းဘာသာ ၄ မျိုးဖြင့် ရေးသားစိုက်ထူခဲ့ခြင်းဖြစ်ကြောင်း သိရသည်။

မံဝင်းကြီးဒေသ မူးယစ်တိုက်ဖျက်ရေး ကော်မတီမှ အဖွဲ့ ၆ ဖွဲ့ခွဲကာ မံဝင်းကြီးကျေးရွာတွင် ၁၃ နေရာနှင့် အခြားကျေးရွာများတွင် နေရာ ၃၄ တို့တွင် အသီးသီး မူးယစ်တိုက်ဖျက်ရေး လှုပ်ရှားမှုများပြုလုပ်ခဲ့ကြသည်ဟု ပြောသည်။

မံဝင်းကြီးဒေသတွင် မူးယစ်ဆေးဝါးရောင်းဝယ်သူများနှင့် သုံးစွဲသူများစာရင်း ၂၀၀ ခန့် ရရှိထားပြီး ထိုသူတို့အား သတိပေးမှုများပြုလုပ်မည်ဖြစ်ကြောင်းနှင့် နာခံမှုမရှိပါက အရေးယူအပြစ်ပေးမှုများ ပြုလုပ်သွားမည်ဖြစ်ကြောင်း ကော်မတီအဖွဲ့များပြောသည်။

မံဝင်းကြီးကျေးရွာတွင် ဒေသခံများအပါအ၀င် စစ်ပြေးဒုက္ခသည် စခန်းလည်းရှိကာ လူဦးရေစုစုပေါင်း ၁၂၀၀၀ ကျော်ရှိကြောင်း သိရှိရသည်။

ထိုသို့ ကချင်ပြည်နယ်ရှိ ခရစ်ယာန်အသင်းတော်များစုပေါင်းဦးဆောင်ကာ မူးယစ်ဆေးဝါးတိုက်ဖျက်မှုများကို ဒေသအသီးသီး တိုင်းရင်းသားမျိုးနွယ်စု မခွဲခြားတားမြစ်လှုပ်ရှားနေခြင်း အပေါ် ဒေသခံလူထုများ အားရ ကျေနပ်မှုရှိကြောင်း၊ မူးယစ်ဆေးဝါးပပျောက်ရေး ဆက်လက် အကောင်အထည်ဖော်လုပ်ဆောင်ရန် မျှော်လင့်ကြောင်း ဒေသခံများပြောသည်။

ယခုနှစ်အစောပိုင်းမှစ၍ အသင်းတော်များပူးပေါင်းဖွဲ့စည်းထားသော မူးယစ်ဆေးဝါးတိုက်ဖျက်ရေးအဖွဲ့များသည် အဓိက မြစ်ကြီးနား၊ ဖားကန့်၊ ဗန်းမော် တို့တွင် လှုပ်ရှားမှုများပြုလုပ်ကာ အရေးယူသတိပေးမှုများလည်း ပြုလုပ်ခဲ့သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။