Saturday, October 4, 2014

SSPP/SSA အား မြန်မာ့တပ်မတော် အပြင်းအထန် တိုက်ခိုက် သေကျေ ကျဆုံးမှုများ

အောက်တိုဘာ ၄ ရက် ၂၀၁၄
သျှမ်းပြည်တောင်ပိုင်း ကျေးသီးမြို့နယ်အတွင်း ရှိ သျှမ်းပြည်တပ်မတော် တပ်စခန်းများအား မြန်မာ့ တပ်မတော် စစ်အင်အား တိုးဖြည့် တိုက်ခိုက်သောကြောင့် တိုက်ပွဲများ တခြားမြို့နယ်သို့ ပျံ့လာနေပြီ ဟု ဒေသအတွင်း သတင်းရပ်ကွက်ကပြောသည်။
အောက်တိုဘာ ၄ ရက်နေ့တွင် မြန်မာအစိုးရတပ် စစ်သည်အင် အား ထောင် ဂဏန်းသည် ကျေးသီးမြို့ နယ်၊ မိုင်းနောင်မြို့နယ်ခွဲ၊ သျှမ်းပြည်မြောက်ပိုင်း မိုင်းရယ်မြို့နယ် အင်အားတိုးဖြည့် လှုပ်ရှားလာ သော ကြောင့် တိုက်ပွဲများ မိုင်းရယ်-ကျေးသီးကားလမ်းပေါ်ရှိ SSPP ၏ နမ့်ပုတ်တပ်စခန်း ၊ လွယ်ကုန် လွယ် ကျိုင်း တပ်စခန်းအထိ ပျံ့နှံ့လာကြောင်း၊ ယမန်နေ့ တိုက်ပွဲကြောင့် မြန်မာ့ တပ်မတော် ဘက်က ၁၀ ဦး သေဆုံး ၊ ၂၀ ထက်မနည်းဒဏ်ရာရရှိကြောင်း၊ သျှမ်းပြည်တပ်မတော် SSPP/SSA ဘက်ကလည်း ၃ ဦး ကျဆုံးကြောင်း နီးစပ်သည့် အသိုင်းအဝိုင်းများက ပြောသည်။


“မွန်းလွဲ၂ နာရီ မိုင်းရယ်တောင်ဘက်က လွယ်ကျူစိ ဘက်မှာ မြန်မာစစ်ကား တစီးဗုံးကွဲ မီးလောင် တယ်။ စစ်သား ၅ ဦးသေ၊ ၁၀ ဦးကျော်ဒဏ်ရာရတယ်။ ပွဲချင်းပြီး က ၄ ယောက်လေ။ ဒဏ်ရာရသူတွေ ထဲက နားလီရွာ ခေါက်ဆွဲဆိုင် အရောက် မှာ ၁ ယောက်ထပ်သေတယ်။ ၄ နာရီ ၄၅ မိနစ် နမ့်ပုတ် နှင့်ကျေး သီးကြား လမ်းမပေါ် ပန်စယ့်ဘက်မှာတော့ ည ၇ ခွဲအထိ ပစ်ခတ်ကြတယ်။ ” ဟု အမည် မဖေါ်လိုသည့် ရှေ့တန်းတပ်မှူး တဦးကပြော သည်။

“ကျနော်တို့ကို အလုံးအရင်းနဲ့လာတိုက်တယ်။ လက်နက်ကြီးတွေအများ အပြားသယ်လာပြီး ကျနော် တို့ကို လာထုတယ်။ လက်နက်ကြီး အဓိကသုံးတာ သူတို့က။ ခင်ဗျားစဉ်းစားကြည့်လေ ကျနော်တို့ဆီ အလုံးအရင်းအင်အားတွေနဲ့ လာတိုက်တယ်။ ကျနော်တို့ဘက်ကလည်း သူတို့အင်အား ထပ်မဖြည့် နိုင်အောင် လမ်းမှာ ဖြတ်တိုက်ရတော့တာပေါ့။ ဒါ ကျနော်တို့ဒေသကို ကျနော်တို့ ကာကွယ် တာလေ။ ဗမာပြည်ကို ကျနော်တို့ သွားတိုက်နေတာ မဟုတ်ဘူး။ အဲ - ကျနော်တို့ နေစရာစခန်းမရှိတော့ရင်တော့ သွားတိုက်ရမှာဘဲ။ ” ဟု တိုက်ပွဲဝင် တပ်မှူး တဦးကပြောသည်။

သျှမ်းပြည်တပ်မတော် နှင့် မြန်မာအစိုးရတို့သည် ပြည်ထောင်စု အဆင့်ငြိမ်းချမ်းရေး လက်မှတ် ရေးထိုးထားကြပြီးဖြစ်သည်။ ထို့ကြောင့် သျှမ်းပြည်တပ်မတော် SSPP/SSA အပေါ် ထိုးစစ်ဆင်နေ မှု ရပ်ဆိုင်းပေးရန် ဘန်ကောက်ရောက် သျှမ်းခေါင်းဆောင်များက စုပေါင်းကာ နိုင်ငံတော် သမ္မတထံ ယမန်နေ့က စာရေးတောင်းဆိုသည်။

သျှမ်းသံတော်ဆင့်
https://www.facebook.com/Panglong.burmese

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။