Thursday, September 4, 2014

ဖားကန့်တွင် ကျောက်တူးလုပ်ငန်း မစနိုင်သေး

(DVB)

စက်တင် ဘာ ၁ ရက်နေ့ကစ ကချင်ပြည်နယ် ဖားကန့် ကျောက်စိမ်း တူးဖော်ရေး လုပ် ငန်းတွေ လုပ်ကိုင်ခွင့် ရပြီ ဖြစ်ပေမယ့် စစ်ပွဲ အခြေအနေ၊ ရာသီဥတု အခြေအနေတွေ အရ လုပ်ငန်းတွေ စတင်နိုင်ခြင်း မရှိသေး ဘူးလို့ ကျောက်စိမ်းရတနာမြေ ကုမ္ပဏီမှ ဦးလင်းသော်နိုင်က ဒီဗွီဘီကို ပြောပါတယ်။

လက်ရှိ အခြေအနေအရ ဖားကန့်ကို သွားလာရ ခက်ခဲနေတာ၊ အစိုးရတပ်နဲ့ ကေအိုင်အေ
တပ်ဖွဲ့ တိုက်ပွဲတွေ ဖြစ်မဖြစ် မသေချာတာ စတဲ့ အချက်တွေကြောင့် လုပ်ငန်း မစတင်နိုင်သေးပဲ အခြေအနေ စောင့်ကြည့်နေရတာလို့ ဆိုပါတယ်။ 


 
ဖားကန့်မှာ ကျောက်စိမ်း တူးဖော်ခွင့်တွေကို အစိုးရနဲ့ ကေအိုင်အေ တပ်တွေ တိုက်ပွဲဖြစ်ခဲ့တဲ့ လွန်ခဲ့တဲ့ ၂ နှစ်ကျော်ကာလကစ ပိတ်ပင်ထားခဲ့တာ ဖြစ်ပါတယ်။

မြန်မာနိုင်ငံ ကျောက်မျက်ရတနာ လုပ်ငန်းရှင်များ အသင်း ဥက္ကဋ္ဌ ဟောင်း ဦးတေဇကတော့ အိမ်နီးချင်း တရုတ်နိုင်ငံရဲ့ စီးပွားရေး အားကောင်းလာလို့ မြန်မာနိုင်ငံဟာ ပြီးခဲ့တဲ့ ၇ နှစ်တာ ကာလအတွင်း ကျောက်စိမ်းနဲ့ ကျောက်မျက်ရောင်းချမှုကနေ အမေရိကန်ဒေါ်လာ ၁၇ ဘီလီယံကျာ်နဲ့ ညီမျှတဲ့ ယူရိုငွေ ၁၃ ဘီလီယံကျော် ရခဲ့တယ်လို့ ပြောဆိုခဲ့ပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။