Thursday, June 5, 2014

KIA,Dung (2 hte 36) Ginra Ni Hta Gasat Poi Byin, Myen Hpyen Dap ni Si Hkala Ai Ni Law

(Myutsawkasa) (Lachid Kachin)

Jung 4, 2014 ya shani hta lahta Sam Mung KIA Masat (4) Dap Ba npu Dap Dung (36) ginra Hpai kawng, Hka Lum, Mung Gu de na Bang Sai de yu wa ai Myen tai hpyen hpung Hk-M-Y-(323, 507), Tat-M-(88) na pawng hpawn hpyen hpung n-gun (400) grupyin hpe tinang KIA Dap Dung (36) na MHH Kung (5) na hpyen hpung ni Bawm (2) lang hkap dem bun dat ai kaw nna lahkawng maga laja lana gasat poi byin ai lam shiga na chye lu ai.

Myen tai hpyen maga na si mang (10) taw nga sai lam hpe dai shara gasat poi shang ai KIA hpyenla ni kawn na chye lu ai, hkala ai lam ram ram law ai rai nna hkala hkrum ai Myen tai hpyenla ni hpe Bang Sai tsi rung hte Muse tsi rung ni de htaw sa da sai lam shiga na chye lu ai.


 



KIA DAP DUNG (2) GINRA KAW MYEN HTE KIA GASAT POI BYIN


Jun 4, 2014 ya shani 3:30pm ten ram hta lahta Sam Mung KIA Masat (4) Dap Ba npu Dap Dung (2) ginra Ta Mu Nye hte Maw Han lapran Man Jum Hkyet kaw mying nchye shi ai Myen tai hpyen dap hpyen hpung the tinang KIA hpyen hpung ni gasat poi byin ai lam shiga na chye lu ai. Gasat poi hta lahkawng maga na si hkala shiga tup hkrak nchye lu shi ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။