Sunday, June 1, 2014

KIA, DAP DUNG (36) GINRA KAW GASAT POI BYIN, MYEN SI HKALA LAM NGA

(Lachid Kachin) (Myutsawkasa)

May 29, 2014 ya shani 7:00pm ten ram hta lahta Sam Mung KIA Masat (4) Dap Ba npu Dap Dung (36) ginra Mung Ya, Na Sang kaw Myen Dap Nu Tat-M-(88) kata na mying nchye shi ai hpyen hpung n-gun (100) daram hte tinang KIA Dap Dung (36) ni gasat poi byin ai lam shiga na chye lu ai.

Ndai gasat poi hta Myen dap maga na Du (1), Tsa Zen "Sergeant" (1) hkala nna marai (2) si ai lam shiga na chye lu ai. Tinang KIA dap maga na gaw hpa nra ai lam shiga na chye lu ai.
MYEN HPYEN N-GUN JINGHPAW MUNG DE MATUT MANOI DU NGA


May 29, 2014 ya shani 8:40pm ten ram hta Wunpawng Mungdan KIA Masat (2) Dap Ba npu Dap Dung (11) ginra Wan Leng lam "Mho Nyin" de na lung wa ai Wan Leng gawk (4) tup hta Myen tai hpyen n-gun (120) daram jawn nna Myitkyina M.P.Hk Taing daju de shang mat wa sai lam shiga na chye lu ai.

May 28, 2014 ya shani 10:00am ten ram hta KIA Masat (2) Dap Ba npu Dap Dung (11) ginra de Lawu Myen mung "Irrawaddy Taing" de na lung wa ai Myen tai hpyen hpung n-gun (150) ram gaw Wan Leng Gawk (5) tup hta jawn nna Myitkyina M.P.Hk Taing daju de shang mat wa sai lam shiga na chye lu ai.

KIA DAP DUNG (8) NA "MKM" NI MYEN TAI HPYEN NI HPE BAWM HTE HKAP GASAT, MYEN SI HKALA LAM NGA

May 29, 2014 ya shani 3:30pm ten ram hta lahta Sam Mung KIA Masat (4) Dap Ba npu Dap Dung (8) ginra Muse hte Nam Hkam lapran "Asia World" gate makau kaw mying nchye ai Myen tai hpyen ni lai wa ai kaw tinang KIA MKM ni Bawm (1) hkap adem bun dat ai hta Myen marai (3) si nna marai (6) hkala hkrum mat ai lam shiga na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။