Sunday, May 11, 2014

May (11) Na Majan Shiga Ni

(Myutsawkasa)


KIA Dap Dun (1) Ni Myen Tai HpyenLa (20) Ram Hpe Lu Kapaw Sat, KIA Ni Padang Dip

(by-myutsaw kasa)


May 10, 2014 ya shani Manmaw Kai Htik kaw nna Myen Asuya dap Nu (88) npu na hpyen hpung langai n-gun (100) ram lam hkawm yu wa ai hpe Lawa Yang lahta kaw tinang KIA Dap Dung (1) ni Bawm Hkrawn the hkap adem bun dat ai hta Myen dap maga na yawm htu marai (20) daram si hkala hkrum mat ai lam shiga na chye lu ai.




Lai wa sai April 4, 2014 ya kaw nna May 9, 2014 ya shani du hkra KIA Dap Dung (27) ginra gasat poi ni hta Myen asuya dap maga na marai (33) si nna marai (71) hkala hkrum mat sai re lam shiga na chye lu ai. Ndai jahpan gaw KIA Dap Dung (1) gasat poi na rai nlawm shi ai re lam na chye lu ai.













 


KIA Dap Dung (2) Ginra Nam Sa Hte Kawng Ling Lapran Kaw Gasat Poi Byin, KIA Ni Padang Dip
 



May 10, 2014 ya shani 3:10pm ten kaw nna 3:40pm ten ram du hkra KIA Masat (4) Dap Ba npu Dap Dung (2) ginra Nam Sa hte Kawng Ling lapran kaw tinang KIA dap hte mying nchye ai Myen asuya dap hpyen hpung langai laja lana gasat hkat ai lam shiga na chye lu ai. Ndai gasat poi hta Myen asuya dap ni a machyu pala hte arung arai nkau tinang KIA ni lu zing la ai lam na chye lu ai.



 


KIA Dap Dung (27) Ginra Man Chyam Kaw Gasat Poi Byin, Myen Si Hkala Law
 


May 10, 2014 ya shani 4:00pm ten ram hta KIA Masat (3) Dap Ba npu Dap Dung (27) ginra Man Chyam kaw tinang KIA ni shara la nga ai de Myen asuya dap Nu (88) ni wa htim gap ai kaw nna gasat poi laja lana byin ai lam shiga na chye lu ai. Gasat poi gaw shana de daw 5:30pm ten ram du hkra naw matu ai rai nna sinant nsen ni garu kachyi naw ngoi nga ai lam na chye lu ai.



Ndai gasat poi hta Myen asuya dap maga na si hkala law na re nga nna dai majan ginra kaw du nga ai myu tsaw share ninghkring langai tsun shana wa ai. "Annhte ni atsawm sha shara la nga ai kaw myen dap ni myi di chyip htim shang wa ai majaw hkring la na aten pyi nlu nhkring nsa shingte kau sai, arum ara gaw rai mat masai" nga nna matut tsun shana wa ai.







 


KIA Da Dung (36) Ginra Ying La Bum Kaw Gasat, Myen Du (1) Si, Hkala Nba law
 



May 10, 2014 ya shani 3:00pm ten ram kaw nna 3:50pm ten ram du hkra KIA Masat (4) Dap Ba npu Dap Dung (36) ginra Ying La Bum kaw mying nchye ai Myen asuya dap hpyen hpung ni wa htim ai majaw gasat poi byin ai lam shiga na chye lu ai.



Ndai gasat poi hta Myen asuya dap maga na shagan (2) kap du "Bho" (1) hkrat sum mat ai lam shiga na chye lu ai, hkala nba law ai lam hpe mung matut na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။