Wednesday, February 12, 2014

MIWA ASUYA KAWN SHI MASHA YAWNG HPE SHAGA LA

(Jinghpawkasa)

Wunpawng Mungdan Shanglawt Asuya KIO/KIA hte myen tai hpyen ni majan kaba bai byin hpang wa na masa nga ai lam shiga na chye lu ai. Ya ten Miwa asuya ni gaw Jinghpaw Munghkran de nga ai Miwa mung masha ni yawng hpe February (14) ya hpang jahtum da nna Jinghpaw mung kaw na Miwa hkran de wa na lam ndau nga sai lam buga masha ni kawn chye lu ai. Miwa asuya kawn ya na zawn shi mungdan masha ni hpe Miwa hkran de wa na matu ndau shaga ai lam gaw lai wa sai bat hkan kawn rai sai lam na chye lu ai.
 
Myen tai hpyen asuya ni mung ya ten Wunpawng Mungdan Shanglawt Asuya Up hkang ginra hte ni gahtep ai sha law law ni de shang shara la nga sai lam hpe mung na chye lu ai. February (10) ya shani kaw nna KIO Ginjaw Ginra rai nga ai KIA Dap Ba (5) Ginra hta myen tai hpyen ni htu gasat wa ai majaw majan bai byin hpang wa sai lam, ndai KIO Ginjaw shingwang kata majan zim mat ai gaw laning mi jan mat wa sai lam hpe mung chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။