Tuesday, February 11, 2014

BA (5) DE MAJAN BAI HPANG SAI

(Jinghpawkasa)

Wunpawng Mungdan Shanglawt Asuya Ginjaw Ginra rai nga ai, KIA Dap Ba (5) Ginra Ja Ing Yang Mare hta February (10) ya jahpawt hkying (10:00 AM) daram hta laja lana gap gasat lai wa sai lam shiga na chye lu ai. Myen asuya hpyen dap hk-l-y (221) dap ni gaw Ja Ing Yang Mare kaw shanu shara la nga ai Du Jumm Myu Zin woi awn ai Mung Shawa Kanawn Mazum Hpyen Hpung (MKM) ni hpe sa htim gasat lai wa ai re lam, shanni daw hkying (1:00 PM) ten ram hta myen asuya dap hk-l-y (261) dap ni n-gun (150) ram bai jat nna sa htim gasat garum lai wa sai lam shiga na chye lu ai. Myen asuya hpye dap ni gaw shana de jan shang wa ten du hkra KIA ni nga ai shara ni de laknak kaba ni hte gap sharu bun lai wa sai lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။