Monday, January 20, 2014

ငြိမ်းချမ်းရေး စစ်တမ်း (၃) - “အစိုးရအဆိုပြု တနိုင်ငံလုံး အပစ်ရပ်ရေးစာချုပ် အပေါ် သုံးသပ်ချက်”

(ရှေ့နေအောင်ထူး) (ရွှေဟင်္သာသတင်းဌာန)
 

နိဒါန်း

၂၀၁၃ ခုနှစ် နိုဝင်္ဘာလ (၂) ရက်နေ့ ကချင်ပြည်နယ် လိုင်ဇာမြို့ တွင်ကျင်းပခဲ့သည့် တိုင်းရင်းသား လက်နက်ကိုင် အဖွဲ့ အစည်းများ ၏ ညီလာခံ အပြီး နိုဝင်္ဘာလ (၄) ရက်နေ့ မြစ်ကြီးနား ၌ အစိုးရ ကိုယ်စား လှယ်များ နှင့်တွေ့ဆုံကြ ရာ အ မျိုးသား ကာကွယ် ရေး နှင့် လုံခြုံရေး ကောင်စီ (ကာ၊ လုံ) ကရေးဆွဲထား သည့် စာချုပ်ကို အစိုးရ ဘက်က တင်သွင်း ခဲ့ ကြောင်း သိရသည်။

အစိုးရ အဆိုပြု စာချုပ်သည် မည်မျှ အရေးကြီး သဖြင့် ယင်းကို အခြေပြုလျက် စာတမ်းငယ် တစောင်မျှ ဖြစ်အောင် သုံးသပ် ရသည်ကို ရှေးဦးစွာ ရှင်းရန် လိုပါ မည်။ ၆၅ နှစ်ကြာ ခဲ့ပြီးသည့် ပြည်တွင်း စစ် သမိုင်းတွင် တိုင်းရင်း သားလက်နက် ကိုင် အဖွဲ့ အစည်း အားလုံး လွှမ်းခြုံ ပါဝင်လက်မှတ် ရေးထိုး ခွင့်ရ အောင် အာဏာရ အစိုးရက အဆိုပြု တင် သွင်းသော စာချုပ် ဟူ၍ဤသည်မှာ ပထမ ဆုံးဖြစ်သည်။ ထို့အပြင် ၁၉၈၉ ခုနှစ်မှ စတင်၍စစ်အစိုးရ ဟောင်း များနှင့် တိုင်းရင်း သားလက်နက် ကိုင်အဖွဲ့ အစည်း များချုပ် ဆိုခဲ့ကြ သည့် သဘော တူညီချက် များအနက်ဥပဒေ သဘော ဆန်စွာ ပုံစံ တကျ ရေးသား အဆိုပြု ထားရာ တွင် လည်း ဤစာချုပ် မှာပထမဆုံးဖြစ် သည်။


ဤစာချုပ် ကိုရည်ညွှန်း လျက် တပြည်လုံး ရှိ တိုင်းရင်း သား လက်နက် ကိုင်တော် လှန်ရေး အဖွဲ့အ စည်းအားလုံး က လည်း စုပေါင်း ဆွေးနွေး ကြကာပြန် လှန် အဆိုပြု စာချုပ် (မူကြမ်း) တစောင်ထွက် ပေါ်လာလိမ့် မည်ဟု ခန့် မှန်းရ သည်။ ထို့နောက် (အကယ် ၍ လက်ရှိ အစိုးရ နှင့်စစ်ခေါင်း ဆောင်များ ဘက်က သဘောထား တင်းမာစွာ ထားပြီးဆွေးနွေး ပွဲများ ကိုတဘက်သတ် မဖျက် သိမ်းပါက) ၄င်း အဆိုပြု စာချုပ် (မူကြမ်း)နှစ်စောင် အပေါ် အခြေခံကာ နှစ်ဘက် အပြန် အလှန် ညှိနှိုင်း ဆွေးနွေး သွားကြ မည်ဟုမျှော်လင့်သည်။ ထို့နောက် ထိုစာချုပ် (မူကြမ်း) နှစ်စောင် လုံးအားပြည်သူ လူထုကြီး တရပ်လုံး သို့ ချပြ၊ ဆွေးနွေး ဝေဘန်ခွင့် ပေး၊ သဘော ထားဆန္ဒကိုရယူမည် ဆိုပါက သင့်တင့် လျောက်ပတ် သည့် ငြိမ်းချမ်း ရေး စာချုပ် တစောင်ပေါ်ပေါက် လာဘွယ် ရှိပါသည်။

အဆိုပါ ပေါ်ပေါက် လာမည့် ငြိမ်းချမ်း ရေး စာချုပ်၏ အနှစ်သာ ရကို မူတည်ကာ တပြည် လုံး အပစ်ရပ် ထားစဉ် ပဋိပက္ခ ၏ ဘက်နှစ် ဘက်အ တွင်း ပေါ်ပေါက် နိုင်သည့် ပြဿနာ များအားဤစာချုပ် ကို ကိုင်စွဲ၍ ငြိမ်း ချမ်းစွာ ဖြေရှင်း နိုင်ခြေ ရှိမရှိ၊ပြည်ထောင်စု နိုင်ငံ တ၀ှမ်းလုံး တွင် ဥပဒေ စိုးမိုးရေး အပေါ် အခြေခံ သည့်လူ့အခွင့် အရေး အုတ်မြစ် ကို အတိုင်း အတာ တခုအထိချနိုင် မချနိုင်၊ဤ စာချုပ်၏ လုပ်ငန်း စဉ်များကို ဆက် လက် ဖေါ်ဆောင် ခြင်းဖြင့် ဒီမိုက ရေစီ အခွင့် အရေးများ အပြင် တိုင်းရင်း သားများလိုလား တောင်းဆို လျက်ရှိသည့်တန်းတူ ရေးနှင့် ကိုယ်ပိုင် ပြဌာန်း ခွင့်ကို အာမခံ နိုင်မည့်စစ်မှန်သည့် ဖက်ဒရယ် ပြည်ထောင်စု တည် ဆောက်နိုင်မည့် လမ်းကြောင်းပေါ်ပေါက် နိုင်မနိုင် အဆုံး အဖြတ် ပေးသွားမည် ဖြစ်ပါသည်။

           ငြိမ်းချမ်းရေး အဖြေရှာ ရာတွင် နိုင်ငံတကာ လူ့အခွင့် အရေး ဥပဒေများ၊ နိုင်ငံတကာ အတွေ့
           အကြုံ များနှင့် မြန်မာနိုင်ငံ ၏ ထူးခြားချက် များအား မည်သို့လေ့ လာပေါင်း စပ်သင့်သလဲ။

သမိုင်း ၀င် လိုင်ဇာ တိုင်းရင်း သား ညီလာခံ အပြီး ချမှတ် လိုက်သော ဆုံးဖြတ် ချက်များ အနက်ပြည်ထောင်စု တပ်မ တော် ဖွဲ့ စည်းခြင်း  ဟူ၍ နိုင်ငံရေး အရရောစစ်ရေး အရပါ အရေးကြီး သည့် အချက် တရပ် ပါဝင်လာ ခဲ့သည်။ ဤ သည် မှာတိုင်းရင်း သားလက်နက် ကိုင် အဖွဲ့အ စည်းများက မိမိတို့ ၏တပ် များဖွဲ့စည်း တည်ရှိမှု အရ မြန်မာ့ တပ်မ တော် နှင့်ပူး ပေါင်းကာတခုတည်း သောပြည် ထောင်စု တပ်မတော် အနေဖြင့် တရားဝင် ရပ်တည်လိုကြောင်း အတိ အလင်းထုတ် ဖေါ်လိုက် သည်ဟု စာရေးသူ နားလည် သည်။ ယခင် နအဖစစ်အစိုးရ ချပေးခဲ့သောနယ်ခြား စောင့် တပ်[1]ဖွဲ့စည်းပုံမှာ  အစစ အစိုးရ စစ်တပ်၏ ထိန်းချုပ်မှု အောက်သို့ကျရောက် သွားခဲ့ သောကြောင့် တိုင်းရင်း သား လက်နက် ကိုင်အဖွဲ့ အစည်းကြီး များကလက်မခံ ခဲ့ကြ။ သို့ဖြစ်၍ တိုက်ပွဲ များ ပြန် လည် ဖြစ်ပွား ခဲ့ခြင်း လည်းဖြစ် သည်။ပြည် တွင်း စစ် မီး ဆက်လက် တောက်လောင် ခဲ့သည်။ စစ်မှန် သည့်ပြည်တွင်းငြိမ်း ချမ်းရေး ကိုလိုချင် လျှင် တိုင်းရင်း သား လက်နက်ကိုင် တပ်များ အား မည်သို့ တရားဝင် နေရာချ ထားရ မည်မှာ အသေ အချာလေ့လာ ဆွေး နွေး ရမည့် အကြောင်း ရပ် ဖြစ်သည်။

သို့ရာတွင် ပြည်တွင်း ငြိမ်း ချမ်းရေး ကိုလို လားသည် ဟု ထပ်ခါ ထပ်ခါ ဆိုနေ သောဒုတိယ ဗိုလ်ချုပ်ကြီး မြင့်စိုးက ခါး ခါး သီးသီး ငြင်းပယ်ခဲ့ သည်။ကမ္ဘာမှာ ဘယ်နိုင် ငံမှာ မဆို တပ်မတော် ဆိုတာ တခုတည်းဘဲ ရှိတယ်။ လက်ရှိ တပ်မ တော်ကိုဖျက်လို့ လည်း မရဘူး။ ပြင်လို့ လည်း မရဘူး။ တိုင်းရင်း သားတွေ က လည်း ဘာမှမတောင်း ဆိုဘူး။ဟု ပြောခဲ့ သည်။ ပြည်ထောင် စုတပ် မတော် ဖွဲ့စည်းရန်တိုင်းရင်း သားများ လိုင်ဇာညီ လာခံ ဆုံးဖြတ် ချက်ထဲ တွင် ထည့် သွင်း ခဲ့ခြင်းမှာအတိ အလင်း တောင်းဆိုခြင်း ပင် ဖြစ်သည်။ ဤသည်မှာ ရှင်းနေသည်။ဒုတိယ ဗိုလ်ချုပ်ကြီး မြင့်စိုး သည် အဘယ် ကြောင့် မျက်စိ မှိတ်ခါဇွတ်ငြင်း နေသနည်း။

စစ်ရေး ကိစ္စကို စိတ်ဝင် စားသည် ဖြစ်စေ၊ မ၀င်စား သည်ဖြစ်စေ၊ နားလည် သည်ဖြစ်စေ၊ နားမ လည် သည် ဖြစ်စေ၊ ပြည် ထောင်စု တပ်မတော် ဖွဲ့စည်း ရေး အား တိုင်းရင်း သား များကအဘယ် ကြောင့် တောင်းဆို နေသည်၊ ပြည် ထောင်စု တပ်မတော်ဖွဲ့စည်း ခွင့်ပြုသင့် သည်၊ မပြုသင့် သည် တို့ကို အခြေခံ လူထုကြီး တရပ် လုံးလိုက်ပါ စဉ်းစား ရမည့် အချိန်၊ သဘော ထား အမြင်များ ထုတ်ဖေါ် ရမည့်အချိန် ရောက်ပြီဖြစ် သည်။ အဘယ် ကြောင့်ဆို သော် ငြိမ်းချမ်း ရေး သည်ဒုတိယ ဗိုလ်ချုပ်ကြီး မြင့်စိုး တဦးတည်း နှင့် သော်လည်း ကောင်း၊ ၄င်းပါဝင်ဖွဲ့စည်းထား သည့် မြန်မာ့ တပ်မတော်တရပ် တည်းနှင့် သော်လည်း ကောင်း၊ သက်ဆိုင် သည့် ကိစ္စ မဟုတ်၊တိုင်းရင်း သားပေါင်း စုံ လူထု ကြီး တရပ်လုံး နှင့်ဆိုင် သည့်ကိစ္စဖြစ် သောကြောင့် ပင်။

ကမ္ဘာမှာ ဘယ်နိုင်ငံ မှာ မဆို တပ်မတော် ဆိုတာ တခုတည်း ဘဲ ရှိတယ်။ဟူ၍ ဒုတိယ ဗိုလ်ချုပ်ကြီး မြင့်စိုး က နိုင်ငံ တ ကာ အတွေ့ အကြုံ ကို ကိုးကား ကာထောက်ပြ သွားခဲ့သည်။ နိုင်ငံတ ကာ စံထား ချက်များ၊ အတွေ့ အကြုံ များ အား လေ့လာ ကာမြန်မာ နိုင်ငံပြည် တွင်း ငြိမ်းချမ်း ရေး အတွက် အဖြေရှာ ရန် ကြိုး ပမ်း ခြင်းဖြစ် ပါက ကြိုဆိုရ ပါ မည်။ သို့ရာတွင်ပြည်တွင်း ကိစ္စရပ် များတွင် မိမိတို့ မနှစ် သက်သော အကြောင်း ရပ်နှင့်ကြုံတွေ့ မှသာ နိုင်ငံ တကာ စံထား ချက်များ၊ အတွေ့ အကြုံများ အားကိုးကား ကာငြင်း ပယ်ခြင်း မျိုး မဖြစ်သင့်။ မိမိတို့ နှစ်သက် သည့် အ ကြောင်း ရပ်အပေါ် အခြား သူများက နိုင်ငံ တကာ စံထား ချက်များ၊ အတွေ့ အကြုံများ အား ကိုးကား ကာကန့်ကွက် လာသော အခါ အခြား နိုင်ငံများ လုပ်တိုင်း လိုက်လုပ် စရာမ လိုကြောင်း၊မိမိတို့ တိုင်းပြည် တွင် ထူးခြား ချက်များ ရှိ ကြောင်း အကြောင်း ပြကာပယ်ရှားခြင်း မျိုးလည်း မပြု သင့်ပါ။

နိုင်ငံ တကာ စံထား ချက်များ၊ အတွေ့ အကြုံများ အား လေ့လာ ကိုးကား ကာ အသုံး ပြုရန်ကြိုး ပမ်းရ မည်မှာ ဘက် တဘက်ဖြစ် သည်။ မိမိတို့ တိုင်းပြည် ၏ထူးခြား ချက်များ အလိုက် အဖြေရှာ ရန် ကြိုးပမ်း ရမည်မှာ လည်း အခြားဘက် တဘက်ဖြစ် သည်။ ဘက်တ ဘက် ဘက်အား မိမိတို့ လိုလျှင် လိုသလိုကိုင်စွဲ ကျင့်သုံးခြင်း မျိုး၊ မလို လျှင် မလို သလိုပစ်ပယ်ခြင်း မျိုး မဖြစ်သင့်။ ယင်းနှစ် ခုကို ပေါင်းစပ် ကျင့်သုံး နိုင်လျှင်အကောင်း ဆုံးဖြစ်သည်။ မည်သို့ ပေါင်းစပ် ကျင့်သုံး မည်နည်း။ အခြေအနေနှစ်ရပ်ရှိပါသည်။

ပထမ အခြေ အနေမှာနိုင်ငံ တကာ လူ့အခွင့် အရေး ဥပဒေ နှင့် သက်ဆိုင် သည်။ လွန်ခဲ့သော နှစ်ပေါင်းသုံးဆယ် ကျော်မှ စ၍ ကမ္ဘာ တခွင် ဆက်သွယ် ဆောင် ရွက် သည့် ခေတ်ကြီး[2]အတွင်း သို့ ချဉ်းနင်း ၀င်ရောက် ခဲ့ရာ ယင်း အား အကောင်း ဘက်[3]မှ မြင် သူများ ရှိသလို အပျက်သ ဘော[4]အခြေခံ မှရှုမြင် သူများ လည်း ရှိသည်။ သို့ရာ တွင် နိုင်ငံ တကာ လူ့အခွင့် အရေး ဥပဒေ [5]နှင့် လူသား ချင်း စာနာ ထောက်ထား သည့် ဥပဒေ [6]များတ ကမ္ဘာ လုံးသို့ အရှိန် အ ဟုန်ဖြင့် ပျံ့နှံ့သွား၊လက်တွေ့ ကျင့်သုံး လာကြခြင်း များ အပေါ် တွင်မူ မည်သည့် နိုင်ငံကမျှငြင်း ပယ် နိုင်ခြင်း မရှိ၊ တညီ တညွတ် တည်း လေးစားမှု ပြလာ ကြရ သည်။ ယင်း တို့သည်ယနေ့ ခေတ်တွင် အငြင်း မပွား သော နိုင်ငံ တကာ စံများ ဖြစ်လာ ခဲ့သည်။မိမိတို့ နိုင်ငံ၏ ထူးခြား ချက်ဟူ သည်ကို လက်ညှိုး ထိုးကာ နိုင်ငံ တကာလူ့ အခွင့် အရေး ဥပဒေ နှင့် လူသားချင်း စာနာ ထောက်ထား သည့်ဥပဒေများ အား လိုက်နာခြင်း မပြုနိုင် ဟူသော အ ကြောင်းပြ ချက်သည် ခေတ် မရှိတော့။နိုင်ငံ့ ဂုဏ် သိက္ခာ ငြိုး မှိန်ခြင်း ဖြင့်သာ အဆုံး သတ်သွား ခဲ့ကြရ သည်။

ဒုတိယအခြေ အနေမှာ နိုင်ငံ တကာမှ အပြု သဘော အတွေ့ အကြုံများ ကို စံထား ကာလိုက်နာလုပ်ဆောင် ရန် ကြိုး ပမ်းခြင်း နှင့် အပျက် သဘော အတွေ့ အကြုံ များ မှသင်္ခန်းစာ ရယူပြီး မိမိတို့ တိုင်းပြည် ၏ ထူးခြားမှု အလိုက် အသစ် တခုခု ကို တီထွင်ကျင့် သုံးခြင်း ဖြစ်သည်။

ဤနေရာ တွင်ပြည်ထောင်စု တပ်မ တော် ဖွဲ့စည်း ရေးကိစ္စသည် ပထမ အခြေ အနေနှင့် မသက်ဆိုင်။ ဒုတိယ အခြေ အနေတွင်တိုက်ရိုက် အကျုံး ၀င်လျက် ရှိသည်။ မြန်မာ့ တပ်မတော် သည် နိုင်ငံ တကာနိုင်ငံ များ ရှိစံထား လောက် သည့် တပ်မ တော်များ ကဲ့သို့ နိုင်ငံရေး တွင်ဝင်ရောက် မစွက် ဘက်ဘဲ ပြည်သူ လူထု ကို ကာကွယ် သည့် တပ်သာ ဖြစ်ခဲ့ မည်ဆို ပါကပြည် ထောင်စု တပ်မတော် ဖွဲ့စည်း ရေးဟူ သည်မှာ ဆွေးနွေး ရန်ပင်မလို။မည်သည့် တိုင်းရင်း သား မျှ လည်း စစ်တပ် ထောင်ပြီး တွန်းလှန် စစ်ဆင် နွှဲရန်အကြောင်း မရှိ။ ယခုမူ အား မနာ တမ်းဆို ရလျှင် ဗိုလ်ချုပ် အောင်ဆန်းတည် ထောင်ခဲ့ သည့် တပ်၏ အနှစ် သာရပျက်စီး သွားခဲ့ သည်မှာ ဆယ်စုနှစ် များစွာကြာ ခဲ့ပြီ။

စစ်အာ ဏာရှင်များ ၏အမိန့်ပေး မှုအောက် ၌ အပြစ်မဲ့ ကျောင်း သားများ ခိုလှုံ လျက်ရှိ သောကျောင်းသား သမဂ္ဂ အဆောက် အအုံအား ဗုံးဖြင့် ဖြိုချ လုပ်ကြံခဲ့ သည့်တပ်၊ကျောင်းသား ခေါင်း ဆောင် ဆလိုင်း တင်မောင်ဦး အား ကြိုး ပေး ခဲ့သည့် တပ်၊သံဃာ တော်များ အား သတ်ဖြတ် ခဲ့သည့် တပ်၊ တိုင်းရင်း သူမိန်းခ လေးများ အားမုဒိန်း ကျင့်ခဲ့ သည့် တပ်၊ တိုင်းရင်း သားများ ၏ ရွာပေါင်း မြောက်များ စွာအားမီးရှို့ ခဲ့ သည့်တပ်၊ ကရင်နှင့် ကရင်နီ ပြည်နယ် များတွင် တိုင်းရင်း သားကျေးရွာ သုံး ထောင်ကျော် အား အတင်း အဓမ္မရွှေ့ ပြောင်းခိုင်း ခဲ့သည် တပ်ဖြစ်သွား ခဲ့ပြီ။ ကချင်ပြည် နယ်တွင် လက်ရှိ စစ်ဘေး ဒုက္ခသည် တသိန်း ကျော်အနက်ထောင် နှင့်ချီသည့် တိုင်းရင်း သား များမှာ မြန်မာ့ တပ် မတော် ၏ စစ်ရာဇ၀တ်မှု ကျူး လွန်ခံခဲ့ကြ ရသည်။ သက် သေများ အခိုင် အမာရှိ နေဆဲပင်။

အနှစ် ချုပ်ဆို ရလျှင် မြန်မာ့ တပ်မတော် သည်နိုင် ငံတကာ နိုင်ငံ များရှိစံထား လောက် သည့် တပ်မ တော် များကဲ့သို့ လူထုများ အပေါ်ကောင်း မွန်စွာ ဆက် ဆံခြင်း၊ ကာကွယ် စောင့်ရှောက် မှုပြုခြင်း မရှိခဲ့ သဖြင့်တိုင်းရင်း သား များ သည် မိမိတို့ ကိုယ်ကို ခုခံကာ ကွယ်နိုင် ရန် တွန်းလှန်စစ်ဆင်နွှဲ နေကြရ ခြင်းဖြစ် သည်။ တိုင်းရင်း သား တပ်မ တော် များ ဟိုပြည် နယ်သည်ပြည် နယ်များ တွင် အရှို အရှို ပေါ်ပေါက် လာကြခြင်း ဖြစ်သည်။

တိုင်းရင်း သား လူထုများ အပေါ် ဖိနှိပ် ရက်စက် မှု ပေါင်းစုံ ကျူး လွန်ခဲ့ သည့်မြန်မာ့ တပ်မ တော်အား သွားမ ထိနှင့် သည် အတိုင်း ထား၊ ဖိနှိပ်မှု မှ ကာကွယ် နိုင်ရန်မလွှဲ သာ မရှောင် သာ တွန်းလှန် စစ်ဆင်နွှဲ နေကြ ရသည့်တိုင်းရင်း သား တပ်မတော် များ အားလုံး ဖျက် သိမ်းပြီး လက်နက် ချ ၀င်ရောက် လာကြရန်ဒုတိယ ဗိုလ်ချုပ် ကြီး မြင့်စိုး က တောင်း ဆို နေခြင်း ဖြစ်သည်။ ဤသို့ မီဒီယာ မှနေ၍တင်းမာ သည့် ခြိမ်းခြောက် သံပေးကာ ခြောက် လိုက်လျှင်တိုင်း ရင်းသား တပ်မ တော်များ ဒူး ထောက် အရှုံး ပေးကာ လက်နက် ချဝင် ရောက်လာ ကြလိမ့် မည်ဟုဒုတိယ ဗိုလ်ချုပ် ကြီး မြင့်စိုး စိတ်ကူး ယဉ်နေပုံ ရသည်။ ဤသည်မှာ မည်သို့မျှမဖြစ်နိုင် ကြောင်း ပြည်တွင်း စစ် ၆၅ နှစ် သမိုင်းက သက် သေပြ ခဲ့ပြီ။

မကြာ သေးမီ ကပင် RCSS/SSA  ဥက္ကဌ ဒုတိယ ဗိုလ်ချုပ် ကြီး ယွက်စစ်က အစိုးရ ရဲ့နိုင်ငံရေး ဆွေး နွေးပွဲ မူဘောင် ကို သဘော မတူဘူး။ ထာဝရငြိမ်း ချမ်း ရေးရဘို့လက်နက် စွန့်ရ မှာဖြစ် လို့ဘဲဟု ပြောကြား ခဲ့သည်။ [7]အလား တူပင် အခြား တိုင်းရင်း သား လက်နက် ကိုင် အဖွဲ့ အစည်း ကြီးများ သည်လည်းမည်သည့် အာမခံ ချက်မျှ မရှိသည့် မျက် မှောက် အခြေ အနေ အောက်တွင်လက်နက် စွန့်ဘွယ် မရှိ။ ၁၉၅၈ ခုနှစ် တွင် ဦးနု အစိုးရက အကောင် အ ထည် ဖေါ်ခဲ့ သည့်လက်နက် နှင့် ဒီမို ကရေစီ လဲလှယ် ရေး အောက်တွင် မည်သည့် နိုင်ငံရေး အခွင့် အရေးမျှအာမခံ ချက် မရှိဘဲ လက် နက်အပ်ခဲ့ သော မွန်နှင့် ပအို့ဝ်များလက်နက်ပြန် ကိုင်ခဲ့ကြ ရသည့် သမိုင်း သင်္ခန်းစာ များအား တိုင်း ရင်း သားအဖွဲ့ များဖြတ်သန်းခဲ့ဘူးပြီ။

တပ်မ တော် စစ်ခေါင်း ဆောင်များ သည်နိုင်ငံ တကာမှ အပြု သဘော အတွေ့ အကြုံများ ကို စံထားကာ လိုက်နာ လုပ်ဆောင် ရန်မကြိုး ပမ်းနိုင်ခဲ့ ကြောင်း ထင်ရှားသည်။ သို့ဖြစ်  လျှင်အပျက် သဘော အတွေ့ အကြုံများ မှ သင်္ခန်း စာရ ယူပြီး မိမိတို့ တိုင်းပြည် ၏ထူးခြားမှု အလိုက် အသစ် တခုခုကို တီထွင် ကျင့်သုံး ရပါမည်။ နိုင်ငံ တကာမှ အပျက်သဘော အတွေ့ အကြုံဟူ သည်မှာ အဘယ်နည်း။ ဆိုဗီယက် နှင့် ယူဂို ဆလားဗီး ယားပြည်ထောင် စု နိုင်ငံများ ပြိုကွဲ သွား ခဲ့ခြင်းဖြစ် သည်။ ဆိုဗီယက် ယူနီယံမှ  ၁၅နိုင်ငံ ကွဲထွက်၊ ယူဂို ဆလား ပြည် ထောင်စုမှ ခြောက် နိုင် ငံ ဖြစ်သွားခဲ့ သည်။သက်ဆိုင်ရာ နိုင်ငံများ အလိုက် တပ်မတော် များ အဖြစ်ဆက်လက် ရပ်တည် သွား ခဲ့ကြ သည်။ မြန်မာနိုင်ငံ သည် ယင်းသို့ မဖြစ်သင့်။ အာဏာရစစ်ခေါင်း ဆောင်ဟောင်း သစ်များသည် ယင်းသို့ ဖြစ် စေ မည့်ပြောဆို လုပ်ဆောင်မှု များမပြုသင့်။

တိုင်းရင်း သား လက်နက် ကိုင် အဖွဲ့ အစည်း များက ၄င်းတို့ ၏ တပ်များ ပါပါဝင် ဖွဲ့စည်းစေ လျက် ပြည်ထောင် စုတပ် မတော် တည် ဆောက်ရေး တင်ပြ နေခြင်း သည်ပေါင်းစည်း ရေးကို တောင်း ဆိုနေခြင်း ဖြစ်သည်။ ဤသည် ကို အ ပြုသ ဘော အခြေခံ မှရှုမြင် ဘို့ လိုသည်။ လက်တွေ့ မည်သို့ ပေါင်းစည်း သင့်သည် ကို လက်ခံ စဉ်းစားရန်တာဝန်ရှိ သည်။ နှစ်ဘက် အပြန် အလှန် ဆွေးနွေး ညှိနှိုင်း အဖြေရှာ ခြင်းဖြင့်ငြိမ်းချမ်း ရေးအုတ်မြစ် တချပ်ကို ချသင့် သည်။

ပြည် ထောင်စုတပ်မ တော် ဖွဲ့စည်းရေး တောင်း ဆိုမှုအသံ ကျယ်လောင် လာသော အခါ လက်ရှိ တပ်မတော် သည် တိုင်းရင်း သား လူမျိုး အားလုံး ပါဝင်ဖွဲ့ စည်းထား သော တပ်မတော်ဖြစ်သည်။ဟူ၍ ကာချုပ် မင်းအောင် လှိုင်က ၂၀၁၃ ခုနှစ် ဒီဇင်္ဘာ လ(၁) ရက်နေ့ ၌ပြောလာ သည်။[8]တဦးချင်းအရ မြန်မာ မဟုတ် သော အခြား တိုင်းရင်းသား များလည်း ပါမည်မှာအငြင်း မပွားပါ။ သို့ရာတွင် လူများ စုကြီးမှာ စာရေး သူကဲ့ သို့မြန်မာ လူမျိုးများ ဖြစ် သည်။ မြန် မာ့တပ်မ တော်တွင် တပ်ကို ကိုင်၍တိုက်ရိုက် အမိန့်ပေး နေကြ သူများ မှာ တိုင်းမှူး၊ တပ်မှူး များဖြစ် သည်။ ၄င်း တို့ အနက် မြန်မာ မဟုတ်သည့် အခြား တိုင်းရင်း သားဦး ရေ မည်မျှ ရှိသည် ကို ကာချုပ်ကစာရင်း ထုတ်ပြန် ပေး နိုင်လျှင် အကျိုး ရှိမည်။ ၁၀ ရာခိုင် နုန်းမျှပင်ရှိမည် မဟုတ် သဖြင့် စာရင်းထုတ် ပြန်ပေး ရဲလိမ့်မည် ဟု မမြှော်လင့်။

ပို၍ အရေးကြီး သည်မှာ လူမျိုး ကိုယ် စားပြုမှု ကင်းမဲ့ နေခြင်း ဖြစ်သည်။သာဓက အားဖြင့် တပ်မ တော် အတွင်း၌ ကရင် စစ်သား များလည်း ပါဝင် မည် မုချ ဖြစ်သည်။သို့ရာ တွင် ကေအင် ယူကို အမြစ်ပြတ် ချေမှုန်း နိုင်ရေး အတွက် ကရင်ရွာ အချို့အားမြေလှန် စနစ် သုံးပြီး မီးရှို့ရန် အမိန့် ပေးလိုက် သည့် အချိန်၌တပ်မတော် အတွင်း ရှိ မည်သည့် ကရင် စစ်သား ကမျှ ၄င်း အမိန့်ကို မတွန်း လှန်ရဲဘဲလိုက်နာ ဆောင်ရွက် ရသည်။ ၁၉၉၄ ခုနှစ် တွင် ရ၀မ်ဒါ နိုင်ငံ၌ ဟူတူ လူများ စုကတူစီ လူနည်း စုအား လူမျိုးတုံး သတ်ဖြတ် မှုကြီး ကျူးလွန်ကာ ရက်စက် စွာသတ်ဖြတ် ကြသော အခါ ဟူတူ လူများစု နှင့်အတူ တွဲ၍ ၄င်းတို့ ၏ အမိန့်ကို နာခံကာမိမိနှင့် မျိုးတူ တူစီများ ကို သတ်ဖြတ် သည့် တူစီ များ လည်း အမြောက် အများရှိခဲ့သည်။ သို့ဖြစ် ၍ မြန်မာ့ တပ်မတော် အတွင်း၌ မြန်မာ မဟုတ်သည့်အခြား တိုင်း ရင်း သား များပါ ပါဝင်ဖွဲ့ စည်းထား သည် ဆိုရုံမျှ နှင့်ပြည် ထောင်စုတပ်မ တော်ဟု ခေါ်၍ မရနိုင်ပါ။

တိုင်းရင်း သား အဖွဲ့ အစည်း များက တောင်းဆို နေကြ သည်မှာမိမိတို့ အမျိုး သားလူထု ကို ကာကွယ် နိုင်မည့် တပ် များတရားဝင် ဆက်လက် ရပ် တည် နိုင် ရေး ဖြစ်သည်။ စင်စစ် အားဖြင့်မူတိုင်းရင်း သားများ သည် ငြိမ်းချမ်း ရေး ကို မြတ် နိုးကြ သည်။  မိမိတို့ ၏ကျေးလက်၊ တောင်တန်း များပေါ် တွင် အေးချမ်း စွာ အသက် မွေးဝမ်း ကျောင်းပြု လို ကြသူများဖြစ် သည်။ မည်သူ မျှ လက်နက် မကိုင် ချင်ကြ။ သို့ရာ တွင် ၄င်းတို့ ၏ ဘ၀က၄င်း တို့ကို သင်ပေးလိုက် သည်။  လက်နက် ကိုင် မထားလျှင် မြန်မာ့ တပ်မတော် ၏ဖိနှိပ် ရက်စက် မှုများ ခံကြရ မည် ဟူသည်မှာ ဘ၀ပေး အ သိဖြစ် လာသည်။လက်နက် ကိုင်ထား မှသာ ၄င်းတို့ ၏ နိုင်ငံရေး အခွင့် အရေး တောင်း ဆိုမှုကိုအာဏာရ စစ်အစိုး ရက အလေး ထား မည်ဟု နားလည်ကြ သည်။ ဤအ တိုင်းလည်း လက်ရှိဖြစ်ပေါ် နေသည်။ ၁၉၈၉ ခုနှစ် အပစ်အ ခတ်ရပ် စဲရေးဖြစ် စဉ်မှ စတင်ခဲ့ သောယုံကြည်မှု တည်ဆောက် ရေးသည် မအောင်မြင် ပါ။ နှစ်ပေါင်း ၂၅နှစ်မျှ ကြာ ပြီး နောက်မှာ ပင် စစ် အစိုးရ အဆက်ဆက် အပေါ် မယုံကြည် ကြပါ။ယင်း ကာလ အတွင်း စစ်အစိုး ရများ၏ ပြုမူ ဆက် ဆံမှုများ မှာ ယုံကြည် စရာ မကောင်း  ခဲ့၊ဥပဒေ အရ မည်သည့် အာမခံ ချက်မျှ မရခဲ့၊ လက်တွေ့ အရ အစိုးရ စစ်တပ် ကစတင် တိုက်ပွဲများ ပြန်ဖေါ် ခဲ့ခြင်း ကြောင့်ဖြစ် သည်။
သို့ဖြင့် တိုင်းရင်း သား တော်လှန်ရေး အဖွဲ့ အစည်း များသည် ၄င်းတို့၏သက်ဆိုင် ရာ လက်နက် ကိုင်တပ် များကို ပိုးမွေး သလို မွေးမြူ လာခဲ့ကြ သည်။အားလုံး နီးပါးသည် ၄င်းတို့၏ တပ်မတော် များအား ပျောက်ကြား [9]အနေ အထား မှအမြဲ တန်းတပ် [10]များ အသွင်သို့ကူးပြောင်း လာကြသည်။ ယူနီဖေါင်း၊ ရာထူး တံဆိပ် အမှတ်အသား များ၊အဆောင် အယောင် များ စနစ် တကျ တပ်ဆင် လာသည်။ တိုင်းရင်း သား လူငယ်များ မှာ၎င်းတို့၏ လူမျိုး အလိုက် ဖွဲ့စည်း ထားသော တပ်များ တွင်ယူနီဖေါင်း အပြည့် အစုံကို ရာထူး တံဆိပ် အမှတ် အသားများ တပ်ကာ ၀တ်ဆင် သည့်အပေါ်ဂုဏ်ယူ ၀င့်ကြွား ကြကြောင်း တွေ့နိုင် သည်။

အမြဲတန်း တပ်ပုံစံ ပီသ လာသော တပ်များတွင် ၀သပ တပ်များ သည် ထိပ်ဆုံး တန်းမှပါလာ သည်။ ၁၉၈၉ ခုနှစ် ဧပြီလ (၁၈) ရက်နေ့ တွင်ကျောက်ညီ လိုင်၊ ပေါက်ယို ချန်း တို့ ဦးဆောင် ကာ ၀ အမျိုး သားတပ်က ဗမာပြည်ကွန် မြူ နစ်ပါတီ အား ပုန်ကန်ခြား နားခဲ့ပြီး နောက် ပေါ်ပေါက်လာခဲ့သည့်တပ်ဖြစ်သည်။ [11]ထိုစဉ် ကစ၍ န၀တ စစ် အစိုးရက အပစ် အခတ် ရပ်စဲရေး လုပ်ပြီး ၀သပ အားတည်ဆဲ ဥပဒေများ ကို ဆန့်ကျင်ကာ ရပ်တည်ခွင့် ပေးလာခဲ့ သည်မှာ ယနေ့ အချိန် အထိနှစ်ပေါင်း အစိတ်နီး ပါး ရှိလာခဲ့ပြီ။

ကမ္ဘာ မှာ ဘယ် နိုင်ငံ မှာမ ဆို တပ်မတော်  ဆိုတာ တခု တည်းဘဲ  ရှိတယ်။ ဟူ၍  ကမ္ဘာနှင့် ချီပြီး ကိုးကား ကြွေး ကြော် ခဲ့သော ဒုတိယ ဗိုလ်ချုပ်ကြီး မြင့်စိုးအား ၀ တပ်မ တော်၏ တည်ရှိမှု နှင့် စပ်လျှဉ်း ၍ မေးရ ပါမည်။စနစ် တကျ  ဖွဲ့ စည်း တည်ဆောက် ထားသော တပ်မတော် တရပ်ကို  ဥပဒေ အရတရားဝင် အောင်ဖေါ် ဆောင် မပေးဘဲ နှစ်ပေါင်း ၂၅ နှစ်  နီးပါး ကြာမျှ ရပ်တည် လှုပ်ရှားခွင့်  ပေးထား သည်မှာ ကမ္ဘာမှာ  ဘယ် နိုင်ငံမှာ ရှိသလဲဟူသော မေးခွန်းဖြစ် သည်။

တပ် မတော်၏ တည်ရှိမှု ကို အသိ အမှတ်ပြု ထားခြင်း အားဖြင့် စစ်ခေါင်း ဆောင်ဟောင်း သစ်များ သည် ၄င်းတို့ ကိုယ်တိုင် ရေးဆွဲ ထားသော ၂၀၀၈ ခုနှစ်ဖွဲ့စည်းပုံ အခြေခံ ဥပဒေ အတည် ပြုပြဌာန်း သည့် ၂၀၀၈ ခုနှစ် မေလ (၂၉) ရက်နေ့ ကထဲကတရားဝင် စတင်ချိုး ဖေါက် လာခဲ့ကြ သည်မှာ ယနေ့ တိုင်ဖြစ် သည်။ ၀ တပ်မတော် ၏တည်ရှိမှု သည် ပုဒ်မ ၃၃၈ ပါ  နိုင်ငံ တော် အတွင်းရှိလက်နက် ကိုင် အဖွဲ့ အစည်းများ အားလုံး သည် တပ်မတော် ၏ ကွပ်ကဲ မှု အောက် တွင်ရှိရမည်။” 
 ဟူသော ပြဌာန်း ချက်နှင့် ဆန့်ကျင် နေသော ကြောင့်ဖြစ် သည်။ လာမည့်မေလ(၂၉) ရက် နေ့ဆိုလျှင် ချိုးဖေါက် မှု သက်တမ်း ခြောက် နှစ် ပြည့် ပါမည်။ဤချိုး ဖေါက် မှုကြီး အား လွှတ်တော် အတွင်းရှိ မည် သည့် အမတ် တဦး တလေ ကမျှထောက်ပြခြင်း၊ ကန့်ကွက် ဆွေးနွေး ခြင်း မရှိ။ ဖွဲ့စည်း ပုံ အခြေခံ ဥပဒေ ကိုကာကွယ် စောင့် ရှောက်ပါ မည်ဟု ကတိ သစ္စာပြု ထားကြသော အမတ် မင်းများ သည်၎င်း တို့မကာ ကွယ်လိုသည့် ကိစ္စများ အား မျက် ကွယ်ပြု ထားကြ သည်။ ယင်း သို့ဖြင့်ဥပဒေ စိုးမိုးရေး ပျက်ယွင်း နေသည်မှာ သိသာ ထင်ရှားပါ သည်။ မည်သို့ပြန် လည်တည် ဆောက် မည်နည်း။

ဝ တပ် မတော် ကိစ္စ နှင့် စပ်လျှဉ်း ၍လက်ရှိ အစိုးရ အနေဖြင့်   ဖြေရှင်း ရန် နည်း လမ်းနှစ် ရပ်သာ ရှိသည်။ ပထမ နည်း လမ်းမှာတည်ဆဲ ၂၀၀၈ ခုနှစ် ဖွဲ့စည်းပုံ အခြေခံ ဥပဒေ နှင့် ဆန့် ကျင်နေ သဖြင့် ၀တပ်မ တော်ကို လုံးဝဖျက် သိမ်းဘို့ ပြတ် ပြတ်သား သား ရာဇသံ ပေး၊ မနာခံ ပါကအပြတ် တိုက်ချပြီး  ဖျက်သိမ်း ပစ်လိုက် ရန်သာ ရှိသည်။ ဒုတိယနည်း လမ်းမှာ ၀သပ နှင့် ညှိနှိုင်း ဆွေးနွေး ကာ ၀ တပ် မတော် တည်ရှိမှုတရား ၀င် ဖြစ်စေရေး အတွက် ၂၀၀၈ ဖွဲ့စည်း ပုံ အခြေခံ ဥပဒေ ပုဒ်မ ၃၃၈ နှင့်အခြား ဆက်စပ် သော ပုဒ်မများ၊ ဥပဒေ များကို ပြင်ပေး လိုက်ရန် ဖြစ် သည်။

ပထမ နည်းလမ်း မှာ လုံးဝ မဖြစ်နိုင် တော့၊ ဖြစ်လည်း မဖြစ်သင့် တော့ပါ။ ယင်းသို့မဖြစ် နိုင်တော့ သည့် အခြေ အနေ ရောက် အောင် ဖန်တီး ခဲ့သူ များမှာ စစ် ခေါင်းဆောင် ဟောင်းများ ဖြစ်သည်။ လက်ရှိ သမတ ဦးသိန်း စိန်မှာ ထိပ်ဆုံး တွင်တာဝန်ရှိ သည်။ ဗိုလ်ချုပ်ကြီး ခင်ညွန့် နှင့်အတူ လက်တွဲ ကာ နအဖ အတွင်း ရေးမှုး (၂) အနေဖြင့် ကိုယ် တိုင်ပါ ၀င်ဖေါ် ဆောင် ခဲ့ခြင်း၊ စစ်အစိုး ရ၏နောက်ဆုံး ၀န်ကြီးချုပ် အနေဖြင့် ဆက်လက် အကောင် အထည် ဖေါ် ခဲ့ခြင်း ကြောင့်ဖြစ်သည်။ ဤသည်ကို ရှင်းပါမည်။

ရှစ် လေးလုံး အရေး တော်ပုံကြီးပြီးဆုံး သည့် နောက်တွင် စစ်အစိုး ရ၏ အာဏာ ကို ခြိမ်း ခြောက်နေ သော လက် နက် ကိုင်အင်အား ကြီးနှစ်ရပ် ရှိခဲ့သည်။ တရပ်မှာ ရှမ်းပြည် ၏ အရှေ့ မြောက်ပိုင်း ၀ဒေသ တွင် ၀ တပ်ဖွဲ့ များ၏ တိုက်စွမ်း အားကို အဓိက အခြေပြု ၍ တည်ဆောက် ထားသော ဗမာပြည် ကွန်မြူနစ် ပါတီ၏ လက်နက် ကိုင်တပ် များ ဖြစ်သည်။ ဒုတိယ တရပ်မှာကရင်ပြည် နယ်တွင် ကရင် အမျိုးသား အစည်း အရုံး ကေအင် ယူ က တည် ထောင် ထား သည့်မာနယ် ပလော လွတ်မြောက် ဒေသကို အခြေပြု လျက် ဖွဲ့စည်း ထားသောမြန်မာ ပြည် ဒီမိုကရက် တစ် မဟာ မိတ် အဖွဲ့ချုပ် (ဒီအေဘီ)ဦးဆောင် သည့် တပ်များဖြစ် သည်။ ထိုစဉ်က ဒီအေဘီ တွင်တိုင်းရင်း သားလက် နက် ကိုင် အဖွဲ့ အများ စုကြီးနှင့် အေဘီ အက်စ်ဒီ အက်ဖ်ကျောင်းသား တပ်မတော် အင်အား တသောင်း ကျော် ပါဝင် ခဲ့ သည်။ ၀ တပ်များ က ဗမာပြည်ကွန်မြူနစ် ပါတီ အား ပုန်ကန် သော အခါ န၀တ စစ် အစိုးရ သည် ၄င်းတို့၏အာ ဏာ တည်မြဲမှု ကို ကျားကန် ပေးနိုင် ရေး အတွက် တချက်ခုတ် နှစ်ချက်ပြတ် အနေဖြင့်ဝသပနှင့် အပစ် အခတ် ရပ်စဲ ရေး လုပ်လိုက် သည်။ ထို့နောက် ဗမာပြည်ကွန်မြူနစ် ပါတီနှင့် ရင်ဆိုင် နိုင်ရန် အရှေ့မြောက် ဒေသတွင် ချထားခဲ့ သောစစ် အစိုးရ တပ် အတော် များများကို နုတ်ပြီး ကရင်ပြည် နယ်သို့ ရွှေ့ ပြောင်း ကာထိုးစစ်ကြီးများ ဆင်နွှဲစေ ပါ တော့သည်။

ထို ကာလ များအတွင်း ၀တပ်မတော် သည် ရှမ်းနှင့် တိုက်ခိုက်ခဲ့ သော စစ်ပွဲအချို့ မှ လွဲ၍ စစ်ကြောင့်အထိ နာခြင်း မရှိဘဲ အေးဆေး စွာတပ် တည်ဆောက် ရေး လုပ်ခွင့် ရခဲ့သည်။တရုတ် နိုင်ငံမှ အကူ အညီလည်း မြောက်များ စွာ ရရှိ လာခဲ့သည်။ [12]၂၅ နှစ်နီး ပါးမျှ ကြာ လာခဲ့ပြီး နောက် ဗကပကို ပုန်ကန်ခဲ့ စဉ် ၁၉၈၉ခုနှစ် တုံးက အခြေအနေ မဟုတ် တော့။ စစ်ရေး အရရော စီးပွားရေး အရပါတောင့်တင်း လာခဲ့သည်။

မြန်မာ့ တပ်မတော် က ၀ တပ်မ တော်အား အပြတ် မတိုက်ရဲ သည်မှာအကြောင်း နှစ်ချက်ရှိ သည်။ ပထမ အချက်မှာ အရင်း အနှီးကြီး မားလွန်း စွာပေးရ မည်ဖြစ်ပြီး ၀နယ်ကို အပြီးအပိုင် သိမ်းပိုက် နိုင်ရန် မလွယ်၊ သိမ်းပြီးနောက် ဆက် လက် ထိန်းထားနိုင် ရေးမှာ ပို၍ခက် သည်။ မိုက်မိုက် ကန်းကန်း တိုက်ပါကယူဂို ဆလား ဗီးယား ကဲ့သို့ ကွဲ သွားနိုင် သည်။ ဒုတိယ အကြောင်း မှာ တရုတ် နိုင်ငံ၏ငြိုငြင် မှုကို မခံနိုင်ခြင်း ဖြစ်သည်။ ၀သပ ၏ နောက်၌ တရုတ် နိုင်ငံရှိနေ ကြောင်း အားလုံး သိကြသည်။ လိုင်ဇာ တိုင်းရင်း သား ညီလာခံသို့ ၀ နှင့်မိုင်းလား အဖွဲ့များ မတက်ခြင်းမှာ တရုတ် နိုင်ငံက မီးစိမ်း မပြ၍ ဖြစ်ကြောင်းဘာတေး လစ်တနာက ထောက်ပြ သွားခဲ့သည်။[13]

ဝ တပ် မတော်၏ တည် ရှိမှုကို စစ် အစိုးရ အဆက်ဆက် က အသိ အမှတ်ပြု ထားခြင်းမှာတည်ဆဲ ဥပဒေ များနှင့် လုံး ၀ ဆန့်ကျင် လျက် ရှိသည်။ ၂၀၀၅ ခုနှစ် တွင်ရှမ်းခေါင်း ဆောင် ဦးခွန်ထွန်း ဦးပါ (၉) ဦးအား ရှမ်းပြည် ပညာ ရှင်များအတိုင် ပင်ခံ ကောင်စီ ဖွဲ့စည်းရန် ကြိုးပမ်း သည် ဟူ၍ စစ်အစိုး ရက စွပ်စွဲကာ ၁၉၈၈ခုနှစ် အသင်း အဖွဲ့ဖွဲ့ စည်းခြင်း ဆိုင်ရာ ဥပဒေပုဒ်မ (၆)နှင့် အခြားဥပဒေ များပါ ပေါင်းစပ် တရားစွဲ ဆိုပြီးနောက် ထောင်ဒဏ် ၇၅ နှစ်မှ ၁၀၆ နှစ် အထိချမှတ်ခဲ့ သည်။ ဤမျှပြင်း ထန်လှ သော ပြစ်ဒဏ် ကြီးများ ချမှတ်ခဲ့ သည့်အဓိက အခြေခံမှာ ရှမ်းပြည် ပညာရှင် များအတိုင် ပင်ခံ ကောင်စီ ဖွဲ့စည်းရန်ကြိုးပမ်း ခဲ့ကြခြင်း ကြောင့် ဖြစ်သည်။

ယင်း အမှုအား ၀သပ နှင့်ဝ တပ် မတော်၏ တည်ရှိမှု နှင့် နှိုင်းယှဉ်နိုင် သည်။ ၀သပနှင့်ဝ တပ်မ တော် ၏ တည်ရှိမှု သည် မည်သည့် ဥပဒေ အရ တရားဝင် သနည်း။ ရှမ်းပြည်ပညာရှင် များ အတိုင် ပင်ခံ ကောင်စီ ဖွဲ့စည်းရန် ကြိုးပမ်း ရုံ မျှနှင့်ရှမ်း ခေါင်း ဆောင်များ အား ထောင်ဒဏ် နှစ်တရာကျော် ချမှတ်လျှင် ၀သပနှင့် ၀တပ်မ တော် ခေါင်း ဆောင် များ အား ထောင်ဒဏ် နှစ် တထောင် ကျော် ချရပါမည်။ လက်တွေ့ယင်းသို့ အရေးယူ စေလိုသဖြင့် ထောက်ပြ နေ ခြင်း မဟုတ်ပါ။ဥပဒေ စိုးမိုးရေး အခြေခံ သဘောကို ရှင်းပြခြင်း သာ ဖြစ်သည်။ အာဏာရစစ်အစိုးရ အဆက် ဆက်သည် ယနေ့တိုင် ဥပဒေ စိုးမိုးရေး အခြေခံကိုဖျက်ဆီး နေကြကြောင်း ရှင်းလင်း စေလို၍သာ ဖြစ်သည်။

အမျိုးသား ရင်ကြား စေ့ရေး ဟူသည်ကို တတွတ် တွတ်ရွတ် လျက် ယခုတိုင် လက်ရှိဦးသိန်း စိန် အစိုးရ၏ ဥပဒေ စိုး မိုး ရေးချိုး ဖေါက်မှုကြီး ကိုဝိုင်းဝန်း ဖုံးကွယ် ထားကြသည့် နိုင်ငံရေး ပါတီ အဖွဲ့ အစည်း များ အားလုံး တွင်တာဝန် ရှိ သည်။ ဒေါက်တာ စိုင်းမောက် ခမ်း၊ ဦးအောင် မင်းတို့ ခေါင်းဆောင် သည့်ပြည်ထောင် စုငြိမ်းချမ်းမှု ဖေါ်ဆောင် ရေး ကော်မတီ တွင် တာဝန်ရှိ သည်။ ကာချုပ်မင်းအောင် လှိုင် ခေါင်းဆောင် သည့် မြန်မာ့ တပ်မတော် တွင်တာ ၀န်ရှိ သည်။ဒေါ်အောင် ဆန်းစု ကြည် ခေါင်းဆောင် သည့် ဥပဒေ စိုးမိုးရေး နှင့်တည်ငြိမ် ရေး ကော် မတီတွင် လည်း တာ ၀န်ရှိသည်။

ဝ တပ်မ တော်တည်ရှိမှု ကို လက်တွေ့ အရ ဖျက်သိမ်း ၍ မရနိုင် တော့ပါ။ တိုင်းပြည် သည် ယင်း အခြေအနေသို့ ဆိုက် ရောက်နေ ခဲ့ပြီဖြစ် ကြောင်း သမတ ဦးသိန်းစိန် ခေါင်း ဆောင်သည့်စစ်ခေါင်း ဆောင် ဟောင်း သစ်များ ကိုယ် တိုင် ၀န်ခံကြ ရပါမည်။ကမ္ဘာ မှာ ဘယ်နိုင်ငံ မှာမဆို  တပ်မတော် ဆိုတာ တခု တည်းဘဲ ရှိတယ်။ဟုကြွေး ကြော်ကာ မြန်မာ့ တပ်မတော် တခုတည်း ကိုသာ ထားရှိပြီးအခြား တိုင်းရင်း သား တပ်မတော် များအား လုံးဝဖျက် သိမ်းစေလို သည့်ဒုတိယ ဗိုလ်ချုပ်ကြီး မြင့်စိုးသည် ပကတိ အခြေအနေ ကို မျက်ကွယ်ပြု နေခြင်းဖြစ်သည်။

လက်တွေ့အရ ၀ တပ်မတော် တခုတည်းကိုပင် ဖျက်သိမ်းရန် မဖြစ်နိုင်ပါ။


[1] Border Guard Force [2] Globalization [3] Positive  [4] Negative [5] International Human Rights Law
[6] Humanitarian law [7] 7 Daw News Journal, ဒီဇင်္ဘာ ၁၀ ရက် ၂၀၁၃ ခုနှစ်[8] 7 Daw News Journal, ဒီဇင်္ဘာ ၄ ရက် ၂၀၁၃ ခုနှစ်[9] Guerilla  [10] Regular Army [11]၀င်းတင့်ထွန်း၏ အမှောင်ကြားကဗမာပြည်၊ စာ ၄၉၈[12]ဘာတေးလစ်တနာ တရုတ်က၀ တပ်မတော်ကို အဆင့်မြင့် လက်နက်တွေအဆက်မပြတ် ထောက်ပံ့ နေ တယ်။ ရဟတ် ယာဉ် အနည်း ငယ်နဲ့ တိုက်ပွဲ သုံးလက် နက်တင်မော်တော် ယာဉ်တွေ တောင်ပါတယ်။” Messenger စာ ၁၀၊ ဒီဇင်္ဘာလ ၁၆ ရက် ၂၀၁၃ ခုနှစ်[13] Messenger စာ ၁၀၊

ဒီဇင်္ဘာလ ၁၆ ရက် ၂၀၁၃ ခုနှစ်
ဦးအောင်ထူး (ရှေ့နေ) 


ငြိမ်းချမ်းရေး စစ်တမ်း (၃)။ ဒုတိယပိုင်း - အစိုးရအဆိုပြု ယခု စာချုပ်သည် တရားဝင်သလား

 ဒုတိယပိုင်း အစိုးရအဆိုပြု ယခု စာချုပ်သည် တရားဝင်သလား။


ငြိမ်းချမ်း ရေး ဆွေးနွေး ပွဲဖြစ်စဉ် များ အတွင်း စစ်အစိုးရ အဆက်ဆက် သည်မိမိကိုယ် ကို တရားဝင် သည့် နေရာ တွင် ထား ရှိပြီး တိုင်းရင်း သား လက်နက် ကိုင်အဖွဲ့အ စည်း များအား တရား မ၀င် အဖွဲ့ အစည်းများ အဖြစ် ဆက် ဆံ ပြုမူဆောင်ရွက်ခဲ့ သည်။ ၄င်းတို့ ကိုယ်တိုင် အာဏာ သိမ်းပြီးတက် လာသောအစိုး ရ ဖြစ်သဖြင့် တရားဝင် အစိုးရ မ ဟုတ် သော်လည်း တိုင်းရင်းသား လက်နက် ကိုင်အဖွဲ့အစည်း များအား အပစ် အခတ်ရပ် စဲရေး လက်မှတ် များ ထိုး စေ ပြီးနောက်ဥပဒေ ဘောင်အတွင်း ၀င်ရောက် လာကြပြီဟူသော အသုံး အနှုန်းဖြင့်ဖိနှိမ်ထား လေ့ရှိခဲ့ သည်။ ၄င်းတို့ ကိုယ်ကို ဥပဒေ ဘောင်အတွင်း က တရားဝင် အစိုးရအနေအ ထား မျိုးဖြင့် ဇွတ်မြှင့် တင်ထား လေ့ရှိခဲ့သည်။ 
၂၀၁၀ ရွေး ကောက်ပွဲကျင်းပပြီး နောက်တွင် ဤအနေ အထား ကို ပို၍ပင် သိသာ ထင်ရှားစွာ ဖေါ်ဆောင် လာခဲ့ သည်။

စင်စစ် အားဖြင့် မူ ၂၀၁၀ ခုနှစ် ရွေးကောက်ပွဲ သည် ပြဿ နာများ စွာ ရှိခဲ့ပြီးကြိုတင်မဲများ၊ မဲသမာ မှုများ ဖြင့် အနိုင် ယူခဲ့ ကြောင်းအထောက် အထားများ ရှိခဲ့သည်။ ပွင့်လင်း စွာ သုံးသပ်ရ လျှင်လွှတ်တော် အမတ် အများစုကြီး မှာ လူ ထု က စစ်မှန်စွာ ရွေးချယ် တင်မြှောက်ခံခဲ့ကြရ သူများ မဟုတ်ကြ။ ၂၀၁၀ ရွေး ကောက်ပွဲ တခုတည်း အပေါ်မူ တည် ၍ တရားဝင် မှုရရှိ ရေး ကြိုးပမ်း ရာတွင် စစ်ခေါင်း ဆောင် များ အခက် အခဲနှင့် ကြုံတွေ့ ခဲ့သည်။

ရွေးချယ် တင်မြှောက် ခြင်း ခံရသူ များ မဟုတ် သည့် စစ်ဗိုလ်၂၅% ပါဝင်ဖွဲ့စည်း ထားသည့် လွှတ်တော် အတွင်းသို့ ဒေါ်အောင် ဆန်းစု ကြည် ခေါင်းဆောင် သည့်အမျိုးသား ဒီမိုကရေ စီအဖွဲ့ချုပ် လွှတ်တော် ကိုယ်စား လှယ်အချို့ ဝင် ရောက်သွား သဖြင့်သာ တရားဝင် သလိုလို အနေ အထား မျိုး ဖန်တီး နိုင်နေ ခြင်းဖြစ်သည်။ သို့ဖြစ် ၍ အစိုးရသည် မိမိ၏ တရားဝင် မှုကို ဇွတ်တွန်း တင်ပြီးတိုင်းရင်း သား လက်နက်ကိုင် အဖွဲ့အစည်း များအား တရား မ၀င်အနေ အ ထား ဆက် ထားရန်ကြိုးပမ်း နေမှုများ ရပ်ဆိုင်း သင့်ပြီ။ ယင်းသို့ ပြုနေသမျှ စစ်မှန်သည့်ငြိမ်းချမ်းရေး မရနိုင်။ အစိုးရ က ယခု တင်သွင်း သည့် စာချုပ် သည် ဤသဘောလက္ခဏာ ဆောင်လျက် ရှိနေဆဲ ဖြစ်သည်။

အစိုးရ အဆိုပြု စာချုပ်၏ အခန်း (၁၂) အထွေ ထွေကဏ္ဍ တွင် အောက်ပါအ တိုင်းဖေါ်ပြ ထားသည်။

၂၁။ဤ သဘောတူညီချက် စာချုပ်ကို လက်မှတ်ရေး ထိုးပြီး သည့် အချိန်မှ စ၍မတရား အသင်း အက်ဥပဒေ အရ အရေး ယူ ခံထား ရသူများ အပေါ်ဖြေလျှော့ ပေးရေး ဆောင်ရွက် ပေးရန် သဘောတူ ညီသည်။ ဤသည်မှာတိုင်း ရင်း သား လက်နက် ကိုင် အဖွဲ့အစည်း များအား သတ်မှတ် ထားသည့် မတရား အသင်းစာရင်း ၀င် အဖြစ်မှ ရုပ်သိမ်း ပေးခြင်း မပြုကြောင်း နှင့် ၄င်းအဖွဲ့ ၀င်တဦးချင်း စီအပေါ်တွင် သာ အစိုးရက သနား ညှာတာ သမျှ သက် သာခွင့် ပေးသွား မည်ဟုအတိ အလင်းဆို လိုက်ခြင်း ဖြစ်သည်။ အစိုးရ ဘက်ကို တရားဝင် ဖြစ်စေပြီးလက်နက် ကိုင်တိုင်း ရင်းသား အဖွဲ့အစည်း များအား တရား မ၀င် ဆက်ထား နေဆဲဖြစ် သောအစိုးရ အဆိုပြု ယခု စာချုပ်သည် တရားဝင် ဖြစ်မလာ နိုင်ပါ။ သို့ဖြစ်၍ယခု စာချုပ်ကို ကိုင်စွဲကာ နိုင်ငံတွင်း ရှိ မည်သည့် တရားရုံး တွင်မျှတရားစွဲ ဆိုနိုင်မည် မ ဟုတ် ပါ။ တရားဝင် စာချုပ်ဖြစ် လာစေရန် ရည်ရွယ်ချက်မရှိ ဘဲနှင့် စာချုပ်ဟူ ၍ ခေါင်းစဉ် တပ်ကာ တိုင်းရင်း သားလက်နက် ကိုင်တော် လှန်ရေး အဖွဲ့အစည်း ခေါင်းဆောင် များအားလက်မှတ် ထိုးခိုင်း ခြင်းမှာ ဥပဒေ ကြောင်း အရ လှည့် ဖြား ရာရောက်ပါသည်။

စာချုပ် စာတမ်းများ ၏ သဘာဝ အရ လည်း တရားဝင် ထားရှိသည့် ဘက်က သာလိုက်နာ ရန် တာဝန် ရှိပြီး တရား မ၀င် ထားခံရ သည့် ဘက်ကို လိုက်နာ ရန် အတင်း အကျပ်မပြုနိုင် သောကြောင့် အစိုးရ အဆိုပြု စာချုပ်သည် စစ်မှန် သည့်ငြိမ်းချမ်း ရေးကို လည်း ဦးမ တည်ပါ။ တရားဝင် စာချုပ် ချုပ် ဆိုလိုလျှင်တိုင်းရင်း သား လက်နက် ကိုင် အဖွဲ့အ စည်း များ အပေါ်မတရား အသင်း ကြေညာ ထားမှုများ အားရုပ်သိမ်း ပေးရပါ မည်။

 ၁၉၉၉ ခုနှစ်၌ ဆီအာရာ လီယွန်း နိုင်ငံ အစိုးရ နှင့် ဆီအာရာ လီယွန်း တော်လှန်ရေး တပ်ဦး[1]တို့အကြား ချုပ်ဆိုခဲ့ သည့် ငြိမ်းချမ်းရေး စာချုပ်တွင် တော်လှန်ရေး တပ်ဦးအနေဖြင့် အစိုးရရုံး များ၌ ၀င်ရောက် ကာ အုပ်ချုပ်မှု တာဝန်ထမ်း ဆောင်နိုင် စေရန် ဟန့်တား ထားသော ဥပဒေများ အား ၄င်းစာချုပ်လက်မှတ်ရေး ထိုးပြီး(၁၄) ရက်အ တွင်း အစိုးရက တာဝန် ယူရှင်းလင်း ဆောင်ရွက်ပေး ရမည်ဟု ပါရှိသည်။ ယင်းမှာ တော်လှန်ရေး တပ်ဦးအားတရားဝင် ဖြစ် စေရန် အစိုးရက ဥပဒေ ကြောင်းအရ အပြည့်အ၀တာဝန်ယူ ဆောင်ရွက် ပေးရမည်ဟု ဆိုလိုခြင်း ဖြစ်သည်။ မြန် မာ နိုင်ငံတွင် လည်းအလားတူ ဖြစ်သင့်သည်။

မြန်မာ နိုင်ငံတွင် တိုင်းရင်း သားလက် နက်ကိုင်အဖွဲ့အစည်း များနှင့် လက်ရှိ အစိုးရတို့ အကြား ချုပ်ဆို ကြမည့် တနိုင် ငံလုံးအပစ်ရပ် စာချုပ်၏ အနှစ် သာရသည် အဘယ် နည်း။ အပစ် ရပ်ရေး သက်သက် ကို အဓိကဦးတည် လျက် ဥပဒေ စိုးမိုးရေး ပျက်စီး နေမှုကို ဆက်လက် အားပေး နေသည့် စာချုပ်မဖြစ်သင့်ပါ။ ငြိမ်းချမ်း ရေးကို ဦး တည်လျက် ဥပဒေ စိုးမိုးရေး အုတ်မြစ် ကိုစတင်ချ မှတ်ကျင့် သုံးသည့် စာချုပ် ဖြစ်ရ ပါမည်။ သို့ဖြစ်လျှင် စာချုပ်ကိုလက်မှတ်မ ထိုး မှီ တိုင်းရင်း သား လက်နက်ကိုင် အဖွဲ့ အစည်း များနှင့် ၄င်းတို့ ၏တပ်များ အား တရားဝင် မည်သို့ရပ် တည်ခွင့်ပြု မည်ကို ပွင့်ပွင့် လင်းလင်းဆွေးနွေး ကြဘို့ လိုပါမည်။

ဝ တပ်မ တော်၏တည်ရှိမှု ကို လက်တွေ့ အရ အသိ အမှတ်ပြု ထားသည့် ကိစ္စအား အထက် တွင် ဆွေးနွေးခဲ့ပြီ။ ယင်း သို့ အသိ အမှတ်ပြုမှု ကို တရားဝင် လုပ်ပေး ရန် လိုပါမည်။ဝ အမျိုးသား များထက် ပို၍ သမိုင်း အစဉ်အလာ ကြီး မားသည့်အခြား တိုင်းရင်း သားများ၊ သမိုင်းတွင် တထီး တနန်းဖြင့်သီးခြား လွတ်လပ်စွာ နေခဲ့ကြ သူများ၊ ပင်လုံ စာ ချုပ် ချုပ်ဆို သည့်အချိန် ရောက်မှ မြန်မာ နိုင်ငံနှင့် ပေါင်းစည်း လာကြသော တိုင်းရင်း သားများစသည် တို့က တွန်း လှန် စစ်[2]ကိုဆင်နွှဲနိုင် ရန် ၄င်းတို့၏ အမျိုးသား တပ်မတော် များ တည်ထောင် ထားကြခြင်း ကို၎င်းတို့၏ နိုင် ငံရေး ရည်မှန်း ချက် မအောင်မြင် သေးပါဘဲ လျက် မည်သို့လျှင်အတင်း အကျပ် ဖျက်ခိုင်း၍ ရနိုင်ပါ မည်နည်း။ ၀ တပ် မ တော်ကဲ့သို့ပင် အခြားတိုင်းရင်းသား တပ်မတော် များ၏ တည်ရှိမှု သည် အကောင် အထည် ဖြစ်သည်။လက် တွေ့ဖြစ် သည်။ ဖျက်ခိုင်း ၍ မဖြစ် နိုင်တော့။ မြန်မာ့ တပ်မတော် ၏တိုက်ရိုက် ထိန်းချုပ်မှု အောက်တွင် နေရမည့် နယ် ခြားစောင့် တပ်ဖွဲ့စည်းရေး ကိုလည်း လက် မခံနိုင်ကြ။ ဤသည် မှာ အရှိ တရားဖြစ် လာသည်။ ဤသည်ကိုဥပဒေ စိုးမိုးရေး အခြေခံမှ ချဉ်းကပ် ကာ ငြိမ်းချမ်း ရေး အဖြေရှာ မည်ဆိုပါ ကတရားဝင် အသိ အမှတ် ပြုရန်မှ တပါး အခြား မရှိပါ။ ဖက် ဒရယ်ပြည် ထောင်စု တပ် မတော်ဖွဲ့ စည်းရေး သည် ထင်ရှားသည့် နည်းလမ်း တရပ် ဖြစ်လာ သည်။

ပြည်တွင်း စစ် ၆၅ နှစ် တာ ကာလ အတွင်းတိုင်းရင်း သား တပ်များ ပေါက်ဖွား တည်ရှိ လာမှုမှာ မြန်မာ နိုင်ငံ၏ မျက် ကွယ်ပြု၍မရသော ထူးခြား မှုဖြစ်လာ သည်။ ခန္ဓာကိုယ် ၏ အစိတ် အပိုင်းဖြစ် လာသည်။ခြေထောက် သဘွယ်ဖြစ် လာ သည်။ 
၂၀၀၈ ဖွဲ့စည်းပုံ ကို ဖိနပ် အနေဖြင့် စဉ်းစားကြည့်နိုင် သည်။ ဖိနပ်သည် ခြေထောက် နှင့် မတော်ပါ။ ၂၀၀၈ ဖွဲ့စည်းပုံ တွင်တိုင်းရင်း သား တပ်များ တရားဝင် ရပ်တည်ရေး အတွက် နေရာ မရှိပါ။ခြေ ထောက် ကိုဖြတ် ပစ်မလား၊ သို့ မဟုတ် ခြေထောက် နှင့်တော်မည့် ဖိနပ် အသစ်တရံထပ်ချုပ် မည်လား ဤနှစ်ခု ကိုသာ စဉ်းစားရန် ရှိ လာသည်။

ဗိုလ်ချုပ် နေ၀င်း ခေတ်က ခြေထောက် ကို ဖြတ်ပစ်ရန် ကြိုးပမ်းခဲ့ သည်။တွေ့ဆုံ ဆွေးနွေး ပွဲများ ကျင်းပခဲ့ သောအခါ ၁၉၇၄ ဖွဲ့စည်းပုံ ကိုအသေ ကိုင်ထားခဲ့ သည်။ ယင်းအောက် သို့ ၀င်ရောက် ရန်သာ ဖိအား ပေးခဲ့ပြီးဖွဲ့စည်းပုံ ကို ကာ ကွယ် ခဲ့သည်။ ဖွဲ့စည်းပုံ နှင့် ဆန့်ကျင် သည်ဟု ဆိုကာတိုင်းရင်း သားများ အား ကိုယ်ပိုင် အုပ်ချုပ်ခွင့် ပေးရန်ငြင်း ပယ် ခဲ့သည်။ဖိနပ်ကို အဓိက ထား စဉ်းစားခဲ့သည်။ သို့သော် ဖိနပ်ဖြစ် သော ၁၉၇၄ဖွဲ့စည်းပုံ အား ရှစ်လေးလုံး အ ရေး တော်ပုံ ကာလ အတွင်း လူထုကသမိုင်း အမှိုက်ခြင်း ထဲသို့ လွှင့်ပစ်ခဲ့ သည်။ခြေထောက် သည် ပြတ် မသွားခဲ့။ ဆက်လက်ရှင်သန်ကြီး ထွားလာခဲ့ သည်။
၁၉၇၄ ဖွဲ့စည်းပုံ အား ခုခံကာ ကွယ်ခဲ့ကြ သည့်စစ်ခေါင်း ဆောင်ဟောင်း များသည် လွှတ်တော် အတွင်းတွင် လည်း ကောင်း၊လွှတ်တော် အပြင်တွင် လည်းကောင်း ယခုတိုင် ရှိနေကြ ဆဲ ဖြစ်သည်။ ယင်းတို့ သည်ဖိနပ် ဖြစ်သော ၂၀၀၈ ခုနှစ် ဖွဲ့စည်း ပုံအား ဆက်လက် ခုခံကာ ကွယ်ရန်ကြိုးစား နေကြပြန် သည်။ခြေထောက် နှင့်မတော် သော ဖိနပ်ကြီး ကို ကိုးရိုး ကားယားစီးထား ရင်း ဥပဒေ စိုးမိုးရေး ကို ဆက်လက် ချိုးဖေါက် နေကြပြန် သည်။ဤပုံမျိုးနှင့် ဆက် သွားလျှင် စစ်မှန်သ ည့် ငြိမ်းချမ်းရေး ရနိုင်ဘွယ် မရှိပါ။

ဝသပအဖွဲ့ အစည်း၊ ၀သပ က ထောင် ထားသည့် ၀ တပ်မတော်နှင့် ၀သပက စိုးမိုးထားသည့် နယ်မြေကို ယနေ့တိုင် စစ်အစိုးရ အဆက် ဆက်က အသိ အမှတ်ပြု ထားရ သည်။ ၀သပကသဘော မတူလျှင် မည်သည့် အစိုးရ အရာရှိ မျှ ၀ နယ် မြေ အတွင်း ၀င်ရောက် ခွင့် မရှိ။ ၀အမျိုး သားတို့သည် ကိုယ်ပိုင် အုပ်ချုပ်ခွင့် အပြည့် အ၀ ရ နေကြသည်။
အခြား တိုင်းရင်း သားပြည် နယ်များ အား ယင်း အခွင့်အရေး အဘယ် ကြောင့် မပေး သနည်း။ခြား နားချက်သည် အ ဘယ်နည်း။ ၀သပ က ၀ အမျိုးသား တပ်မတော် ကို အတော် ပင်ကြီးမားစွာတည်ထောင် ထားနိုင်၍ပင်။ တိုင်းရင်း သား ပြည်နယ် များ အားလုံး နိုင်ငံရေး အရတန်းတူ အခွင့်အရေး မရကြဘဲ လက်နက်ကိုင် တပ်ကြီး ကြီး ရှိသူက အခွင့် အရေးပိုရကြ မ ည်ဆိုလျှင် ပြည်ထောင်စု တခုလုံး တွင် လက်နက် ကိုင်တပ်တည် ထောင်ရေး ပြိုင်ပွဲကြီး ဆက် ဖြစ်နေပါ မည်။ ဤသည်မှာ မကောင်းပါ။ ဖြစ်လည်းမဖြစ်သင့်ပါ။

တိုင်းရင်း သား လက်နက် ကိုင်အဖွဲ့ အစည်းများ၊ ၄င်းတို့ ၏ တပ်များ အား တရားဝင် ရပ်တည်ခွင့် မပေးဘဲတနိုင်ငံ လုံး အပစ် အခတ်ရပ်စဲ ရေး စာချုပ်ကို လက်မှတ် ရေးထိုးချုပ်ဆို လိုက်လျှင် လက်နက် ကိုင်တပ် တည် ထောင်ရေး ပြိုင် ပွဲကြီးဥပဒေ နှင့် မညီဘဲ ဖြစ်ပွား နေသည် ကို အားပေး လိုက်ရာ ရောက်သည်။ဥပဒေ ပြဌာန်း ချက်များ ကို ကိုး ကား ကာ မြန်မာ့ တပ်မတော် ဘက်ကမိမိ တပ်ကြီး ထွားအောင် တည်ဆောက် နေသလို တိုင်းရင်း သားလက် နက်ကိုင် အဖွဲ့ အစည်းများ ဘက်က လည်း ဥပဒေ ပြဌာန်း ချက်ကို ကိုးကားရန် မလိုဘဲ မိမိတို့ တပ်များကြီးထွား အောင် တည်ဆောက် ခွင့်ရ နေသည်။ ဤ အခြေအ နေနှစ်ရပ်တပြိုင် တည်းဖြစ် နေခြင်းသည် ဥပဒေစိုး မိုးရေး အ ခြေခံ ပျက်ယွင်း ခြင်းဖြစ် သည်။အကျိုး ဆက် အနေဖြင့် မည်သည့် အခါတွင် မျှလူထု ၏ စီးပွားရေး တည်ငြိမ်၊ တိုး တက် မှုမရနိုင်။

မြန်မာ့ တပ်မတော် သည်တိုင်းရင်း သား လက်နက် ကိုင် အဖွဲ့ အစည်း များအား ခြောက်သည့် ချော့သည့်နည်းပရိ ယာယ်များ ကို စွန့်လွှတ် ကာ ရိုးရိုး မှန်မှန် ချဉ်းကပ် သင့်ပြီ။စစ်မှန် သည့် ပြည်တွင်း ငြိမ်းချမ်းရေး ကို တကယ်တမ်း လိုလား သည် ဆိုပါကမြန်မာနိုင်ငံ ပြည်တွင်း စစ် သမိုင်းကို ပြန်လည် လေ့လာ သုံးသပ်ကာတိုင်းရင်း သားတပ် များ အား တရားဝင် နေရာချ ထားနိုင်ရေး အတွက်ရိုးသားစွာ  အဖြေရှာ သင့်ပြီ။ ဤသည်ကို အချိန် မဆွဲသင့် တော့။ ၁၉၈၉ ခုနှစ်မှ စတင်အကောင် အထည် ဖေါ်ခဲ့သည့် အပစ် ရပ်ဖြစ် စဉ်များ အတွင်း စစ် အစိုးရ များကအမျိုးသား ညီလာခံ ကို လက်ညှိုး ထိုး ကာ ရှောင်လွှဲခဲ့ သည်။ ၁၅ နှစ်နီး ပါးကြာ မျှအချိန်ဆွဲ ခဲ့သည်။ ယခု လည်း နိုင်ငံရေး ဆွေး နွေးပွဲတွင် ဆွေးနွေး ကြပါ ဟူ၍လက်ညှိုး ထိုးကာ နောက်ထပ် နှစ်သုံး ဆယ်ကြာ သည်အထိ အချိန် ဆွဲခြင်း မျိုးကိုမလုပ် ဆောင်သင့် တော့။

တိုင်းရင်း သား လက်နက်ကိုင်အဖွဲ့အစည်း များနှင့် ယင်းတို့၏ တပ်များ အား တရားဝင် နေရာချ ထားနိုင် ရေးမှာအ သေး စိတ် နိုင်ငံရေး ဆွေးနွေးပွဲ များ အထိ ယူသွား ရန် အကြောင်း မရှိပါ။လက်နက် ကိုင် ပဋိပက္ခ္ခ ဖြစ်နေကြ သည့် ဘက်နှစ် ဘက် အဓိက ထိုင်ပြီးချက်ချင်း လက်ငင်း ဆွေးနွေးကြ ရမည့် ကိစ္စဖြစ် သည်။ တနိုင်ငံလုံးအပစ်အခတ် ရပ်စဲရေး ကို လက်မှတ် ထိုးပြီးမှ နိုင်ငံရေး ဆွေးနွေး ပွဲများ တွင်ဆွေးနွေးကြ ရန် ရွှေ့ လိုက်သည် ဆိုပါစို့။ နှစ်ပေါင်း မည်မျှ ဆက်ကြာမည်မသိသော ဆွေးနွေး ပွဲဖြစ်စဉ် များအတွင်း တိုင်းရင်း သား လက်နက် ကိုင်အဖွဲ့အ စည်းများ၊ ၄င်း တို့၏ တပ်များ သည် တရားမ၀င် ဆက်လက် ရပ်တည် နေကြရ မည်။လက်တွေ့ အရမူ တရားဝင် အဖွဲ့အစည်း လိုလို လှုပ်ရှား နေကြမည်။
၎င်းတို့နှင့် ဆက်ဆံကြ သည့် လူထုများ အတွက်လည်း မတရား အသင်း ဥပဒေ နှင့် အရေး ယူခံရမည် ကိုစိုးရိမ်ရ မည့် အနေ အထား ဆက်ရှိ နေမည်။ ဤသို့ ဖြစ်စေ လို၍ အစိုးရ ဘက်ကတမင်ဖန် တီးထား ခြင်း ဖြစ်သည် ဆိုလျှင် မည်သည့် အခါတွင် မျှ ယုံကြည်မှုတည်ဆောက် နိုင်ဘွယ် မရှိပါ။ စိုးရိမ် စရာမလို၊ လက်တွေ့ အရေး မယူပါ ဆိုလျှင်လည်း ဥပဒေ စိုးမိုးရေး ကို နေ့စဉ်ချိုး ဖေါက်သည့် သဘော သက်ရောက် သည်။ဤအ တိုင်းလည်း ဖြစ်ပေါ်နေသည်။

အဆိုပါနိုင်ငံရေး ဆွေးနွေးပွဲ ဟူသည်များ တွင် လက်နက် ကိုင်ပဋိပက္ခ ၌ တိုက်ရိုက်အကျုံး ၀င်ခြင်းမရှိ သူများ၊ လက် နက်ကိုင် တော်လှန်ရေး တွင်ကိုယ်တွေ့ မပါဝင်ဘူး သူများ၊ အထူး သဖြင့် ဖက်ဒရယ် ကို ထောက်ခံကြောင်း ကြေငြာ ပြီး၂၀၀၈ ဖွဲ့ စည်းပုံ အောက်သို့ ဆွဲသွင်း မည့် ပုဂ္ဂိုလ်များ ပါဝင်ဆွေးနွေး လာကြပါက အခြား နိုင်ငံရေး ပြဿနာ များ အဖြေရှာ ရာ၌ အကျိုးရှိ ကောင်းရှိနိုင် ပါမည်။ သို့ရာတွင် တိုင်းရင်း သား လက်နက် ကိုင် အဖွဲ့ အစည်းများ နှင့်၎င်းတို့ ၏ တပ်များ အား ပြည်ထောင် စုတပ်မတော် ၏ အစိတ် အပိုင်း အနေဖြင့်တရားဝင် ရပ်တည်ရေး၊ အစိုးရထံ မှလက် ၀ါး ဖြန့်စရာ မလိုဘဲသက်ဆိုင် ရာပြည်နယ် အတွင်းရှိ ၀င်ငွေ လမ်း ကြောင်းများ မှ တရားဝင် သတ်မှတ် သည့်ရာခိုင် နှုန်း တစုံ တရာဖြင့် ခံစားခွင့် ရရှိရေး၊ တိုင်းရင်း သား တပ်များ အတွင်းရာထူး တာဝန်များ တပြေးညီ သတ် မှတ်ရေး၊ သင်တန်း ကိစ္စများ၊ လက်နက်ခဲ ယမ်းနှင့်စုသားစု ဆောင်းရေး၊ လေ့ကျင့် ရေး၊ တပ်နေ ရာချ ထားရေး၊ စသည့်တပ် နှင့် ဆိုင် သည့်ကိစ္စရပ် မှန် သမျှတို့ ကိုမူ သက်ဆိုင်ရာတိုင်းရင်းသား လက်နက်ကိုင် အဖွဲ့အစည်း ခေါင်း ဆောင်များ ကိုယ်တိုင်တို့အားဆွေးနွေး ဆုံးဖြတ်ခွင့် ပေးမှသာ သဘာဝ ကျ၊ တရားမျှတ မှုလည်း ရှိနိုင်ပါမည်။

ယင်း လက်တွေ့ ပြဿနာ များအပေါ် သဘောတူ ညီချက်ရ အောင် မယူဘဲ နှစ်ဘက် အလွယ် တကူအပစ်ရပ် လက် မှတ် ထိုးပြီးနောက် နားလည် မှုဖြင့်လုပ်ပိုင်ခွင့် များပေး ထားပါက ပြဿနာ ပေါင်း သောင်း ခြောက်ထောင် ကိုဖိတ် ခေါ်ရာရောက် ပါမည်။ အစိုးရ က ၄င်းနှင့် အဆင်ပြေ လျှင်ပြေ သလို၊ မပြေ လျှင်မပြေသလို လုပ်ပိုင် ခွင့်များ ပေး ထား ခြင်း၊လုပ်ပိုင်ခွင့် များကို ပြန်ရုပ်ခြင်း တို့ ရှိမည် မုချဖြစ် သည်။ အစိုးရ က ၄င်း၏လက်ထဲ တွင် လုပ်ပိုင်ခွင့်များ ကို ကိုင်ထားကာနိုင်ငံရေး ကစားတော့ မည်ဖြစ်သည်။

တိုင်းရင်းသား လက်နက်ကိုင် အဖွဲ့အစည်း များ အနက်မှ အစိုးရ ကို နာခံသည့်အဖွဲ့အစည်း များအား လုပ်ပိုင်ခွင့် ပို ပေး၊ အာခံနိုင် သည့် အဖွဲ့ အစည်းများ အားလုပ်ပိုင်ခွင့် ပေးရန် ငြင်းပယ်၊ ဤနည်း ဖြင့် တိုင်းရင်း သား လက်နက် ကိုင် အဖွဲ့ အစည်း အချင်းချင်း အတွင်း တွင်လည်း သွေးကွဲမှု များရှိလာနိုင် သည်။ တိုင်းပြည်၏ အခွင့် အာဏာကို သုံး ကာလုပ်ပိုင်ခွင့် များချချင် သည့်အခါ ချပေး၊ ရုပ်ချင် သည့်အခါ ရုပ်သိမ်း စသဖြင့်လုပ်ချင် သလိုလုပ်နေ ရာ၌ အ ချုပ် အခြာ အာဏာ၏ မူရင်း ပိုင်ရှင်ဖြစ် သောပြည်သူ လူထု၏ အခန်း ကဏ္ဍ ပျောက်နေသည်။ ပြည် ထောင်စု တခု လုံး တွင် တသမတ် တည်းတပြေးညီ မရှိ။ ဤသည်မှာ ဥပဒေ စိုးမိုးရေး ကို ကြီးမားစွာ ပျက်ပြား စေသည်။လူထု စီး ပွားရေး ကို ထိခိုက်စေ သည်။

ကား ပါမစ်နဲ့ လဲလှယ်တဲ့ ငြိမ်းချမ်းရေး လားဟူသော စကားလုံး မှာ လူထု အတွင်း ခေတ်စား လျက် ရှိသည်။ [3]အစိုး ရ ကအပစ် အခတ်ရပ်စဲ ရေး လက်မှတ် ထိုးသည့်တိုင်းရင်း သား လက်နက်ကိုင် အဖွဲ့အစည်း များအား ကား ပါမစ်များ ချပေးရာ တွင်၎င်းတို့က ပါမစ်များကို ပြန်လည်ရောင်း ချရာ ပါမစ် တစောင်လျှင် ကျပ်သိန်း ၅၀၀မှ သိန်း ၁၅၀၀ အတွင်း ရကြ ကြောင်း သတင်းများ ထွက်ပေါ်လျက် ရှိသည်။[4] ပျမ်းမျှ ကြေးအား ဖြင့်သိန်း ၁၀၀၀ ထားကြ ပါစို့။ ကားအစီး ၁၂၀ ရသော အဖွဲ့အစည်း တခုသည် အစီး ၆၀ ဆယ်ကိုပြန်ရောင်း လျှင် ကျပ်သိန်း ပေါင်း ၆၀၀၀၀ ရရှိ မည်။ ဤသည်မှာ နည်းသည့် ငွေမဟုတ်ပါ။ ငြိမ်းချမ်းရေး သည် လူထုကြီး တရပ်လုံး နှင့် သက်ဆိုင် သဖြင့်ငြိမ်း ချမ်း ရေး လုပ်ငန်း စဉ်များကို အခြေပြု လျက် အစိုးရကပေးသော ခံစားခွင့် မှန်သမျှ သည် သက်ဆိုင်ရာ တိုင်းရင်း သား လူထုများ နှင့်လည်းသက်ဆိုင်ပါ သည်။ ပြည်တွင်း စစ် ၆၅ နှစ် ကာလ အတွင်းငြိမ်းချမ်းရေး ပျက်ခြင်းကြောင့် မကောင်း သည့် အကျိုးဆက် များအား သက်ဆိုင်ရာတိုင်းရင်းသား လူထု များက ခံစား ခဲ့ကြရ သော ကြောင့်ဖြစ် သည်။

သို့ရာတွင် ၄င်းဖြစ်စဉ် တခုလုံး တွင် လူထု အနေဖြင့်ရှင်းရှင်း လင်းလင်း သိခွင့်မရကြ။ အဆိုပါ ငွေများအားအဖွဲ့ အ စည်းအတွက် သော်လည်း ကောင်း၊ သက်ဆိုင် ရာ တိုင်းရင်းသားလူထု အတွက်သော် လည်းကောင်း၊ မည်သည့် နေ ရာ တွင် မည်သို့ သုံးစွဲ လိုက်ကြောင်းမသိကြရ။ ထိုအချိန် တွင် တိုင်းရင်း သား အဖွဲ့အစည်း ခေါင်းဆောင်များ သည် ၄င်း တို့လိုချင် သည့် ငြိမ်းချမ်းရေး ကို ကားပါမစ် များနှင့် လဲလှယ် လိုက်ပြီဟုဂျာနယ်များ ကရေး သားလာ ကြခြင်း ဖြင့် သက်ဆိုင် ရာ အဖွဲ့အ စည်းခေါင်း ဆောင်များ ၏ဂုဏ်သိက္ခာ ကို ထိပါးမှာ စိုးရိမ်မိသည်။

ငြိမ်းချမ်း ရေးဖြစ်စဉ် ကိုလည်း သေးသိမ် စေနိုင်ပါ သည်။ ဤငွေများ အား အဖွဲ့အစည်းရပ်တည်ရေး အတွက် သုံးစွဲ နေ ကြကြောင်း ဦးအောင် မင်း ကိုယ်တိုင်က အပြင်တွင်လိုက်ပြော နေသည် ဟူသော သတင်းများ လည်း ထွက်ပေါ် နေပြန် သည်။
အဖွဲ့ အစည်းရပ် တည်ရေး အတွက်အခက် အခဲရှိ သဖြင့် ဘဏ္ဍာ ငွေကြေး လိုအပ် သည်မှာ သဘာဝ ကျသည်။ သို့ ရာ တွင်ငြိမ်းချမ်း ရေးဆွေးနွေး နေသည့်ဖြစ် စဉ်အတွင်း လာဘ် လာဘ သဘော သက်ရောက် စေသည့်အကျိုး စီး ပွား များအား ပေးအပ် လျှင် ပေးသူ အတွက်ရော လက်ခံသူ အတွက်ပါမကောင်းပါ။ တပြည်လုံး အပစ် အခတ် ရပ်စဲ ရေး ကို လက်မှတ် ထိုးစေလို သဖြင့်ဖြားယောင်း သည့် အနေဖြင့် ပေးသည်ဟု ပေးသူ အပေါ် သုံးသပ် ခံရနိုင်သည်။ ကားပါမစ်အကျိုးစီး ပွားကို ထောက်ထား လျက် ငြိမ်းချမ်းရေး စာချုပ်တွင် ပါသင့် သည့်ပြဌာန်း ချက်များမ ပါဘဲ အ လွယ် တကူ လက်မှတ် ထိုးပေး လိုက်သည်ဟုလက်ခံသူ အပေါ်တွင်လည်း သုံးသပ် ခံရနိုင်သည်။

သို့ဖြစ်၍ တရားဝင် ငြိမ်းချမ်းရေး စာချုပ် မချုပ်မှီ လာဘ်လာ ဘသဘော သက်ရောက် စေသည့် အကျိုး စီးပွားများ အား လက်ခံမည့် အစားမိမိတို့ အဖွဲ့အ စည်း ရပ်တည်ရေး အတွက် သာမက သက်ဆိုင်ရာ တိုင်းရင်းသား လူထုများခံစားထိုက် သည့် နိုင်ငံရေး အခွင့်အ ရေး၊ မိမိတို့ ပြည်နယ် အတွင်းရှိကုန်သွယ် လမ်းကြောင်း များ ၊နိုင်ငံခြား ရင်းနှီးမြှုပ်နှံမှု လုပ်ငန်းများ နှင့် သဘာဝ သယံဇာတ ထွက်ရှိမှု များ အပေါ်မှရသင့်ရထိုက်သည့် အကျိုးစီး ပွားများ အပေါ် တရား ၀င်ခွဲဝေသုံး စွဲခွင့်ရှိ မည့်ရာခိုင်နှုန်း အချိုး အစား များအား ပွင့်ပွင့် လင်းလင်း ညှိနှိုင်း သဘော တူညီချက်ရှာနိုင် လျှင် ပိုမိုအကျိုး ရှိပါမည်။ ယင်းသို့ဖြစ် စေရန်မှာအဖွဲ့အစည်း အနေဖြင့် တရားဝင် အသိ အမှတ် ပြုခံရ ဘို့ လိုသည်။ သို့မှသာသဘောတူ ညီချက်များ သည် ဥပဒေ အရ အာမခံ ချက်ရှိနိုင် မည် ဖြစ်သည်။

တိုင်းရင်း သား လက်နက် ကိုင် အဖွဲ့ အစည်း များနှင့် ၄င်းတို့ ၏ တပ်များ တရားဝင်ရပ်တည်၊ ဖွဲ့စည်း၊ လှုပ်ရှားရေး ကိစ္စ ဆိုင်ရာများ အား နိုင်ငံရေး ဆွေးနွေး ပွဲဟူသည် များသို့ ရွှေ့လိုက် မည်ဆိုပါစို့။ ကာလ ရှည်ကြာ ဆွေးနွေး ပြီးမှမြန်မာ့ တပ်မတော် က သဘော မတူဟု ဆိုပါက ပြန်ပျက် သွားနိုင်ပြန် သည်။အစိုးရ အာဏာ ပိုင်များ သာမက မြန် မာ့ တပ်မ တော် စစ်ခေါင်းဆောင်များ ကိုယ်တိုင် ပါဝင်သည့် ဆွေးနွေး ပွဲများ ကျင်းပ၊ ညှိနှိုင်း အဖြေရှာ၊နှစ်ဘက် သ ဘော တူညီချက် ရပြီးမှ ငြိမ်းချမ်း ရေး စာချုပ်ကိုလက်မှတ် ထိုးခြင်း သည်သာ အကောင်း ဆုံး ဖြစ်ပါမည်။ လက်နက် ကိုင် တပ်မရှိ၊လက်နက် ကိုင် ပဋိပက္ခ တွင် ကိုယ်တိုင် မပါဝင် သည့်တိုင်းရင်း သား နိုင်ငံရေး ပါတီ အဖွဲ့အ စည်းများ၊ ဒီမို ကရေစီ အင်အား စုများ၊သာမန် လူထုများ သည် မိမိတို့ အမြင်၊ ယူဆ ချက်၊ သဘော ထားများ အား အစိုးရကိုဖြစ်စေ၊ တိုင်းရင်း သား လက်နက်ကိုင် အဖွဲ့အစည်း များကို ဖြစ်စေတိုက်ရိုက် ပေးပို့ပြီး အကြံပေး နိုင်သည်။ မီဒီယာ ပေါင်းစုံ ကို သုံးကာထုတ်ဖေါ်နိုင် သည်။ လိုအပ်လျှင် ဆန္ဒပြ တောင်းဆိုနိုင် သည်။ လူထုများ၏ပါဝင်မှုကို ဤနည်း ဖြင့် ဖိတ် ခေါ်သင့်ပါသည်။

တိုင်းရင်းသား လက်နက် ကိုင် အဖွဲ့အ စည်းများ နှင့် အစိုးရတို့ သည်လက်နက် ကိုင် ပဋိပက္ခ ၏ ဘက်နှစ် ဘက် ဖြစ် သည်။ ဆွေးနွေး ပွဲဖြစ်စဉ် တလျှောက် လုံး၌သက်ဆိုင်ရာ ဘက်များ အလိုက် မိမိတို့၏ လူထုများ ကို ရှင်းပြ သင့် သည်။ လူ ထု၏သိရှိခွင့် [5]ကိုတန်ဘိုး ထားပြီး ၄င်းတို့၏ မေးခွန်းများ အား မခြွင်း မချန်ဖြေကြား သင့်သည်။လူထု ၏ အကြံပေး ချက်များ ကို တလေး တစား နားထောင် သင့်သည်။ လက်မခံ နိုင်ပါကအဘယ် ကြောင့် လက်မခံနိုင် ကြောင်း ကျေလည်စွာ ရှင်းပြ သင့်သည်။ ဤနည်း ဖြင့်ငြိမ်းချမ်း ရေး ကြိုးပမ်းမှု ဖြစ်စဉ် တလျှောက် လုံးတွင် လူထု၏ ပါဝင်မှုကိုစနစ် တကျ လမ်းဖွင့် ပေးသင့် ပါသည်။

ယင်းသို့ သော ကျယ်ပြန့် သည့် လူထု ပါဝင်မှု အခြေခံ တွင် ပဋိပက္ခ ဖြစ်နေကြ သည့်ဘက်နှစ် ဘက်လုံးက လေ့လာ ခံ ယူပြီး နှစ်ဘက် ညှိနှိုင်း ဆွေးနွေး အဖြေရှာ သဘော တူညီမှုရအောင်ပြု ကာ တိုင်းရင်းသား လက်နက် ကိုင်အဖွဲ့ အ စည်း များနှင့်၎င်းတို့၏ တပ်များ အား တရားဝင် နေရာချ ထား လိုက်နိုင်ပြီ ဆိုလျှင် မည်သူ မျှငြင်းပယ်ကြ မည်မ ဟုတ် ပါ။ တကယ့် တရားဝင် စာချုပ်ဖြစ် ရေးအတွက်ဆက်လက် ဖြည့်ဆည်း ရမည့် အချက်များ ရှိပါသေး သည်။


တနိုင်ငံလုံး အပစ်ရပ်ရေး စာချုပ်လား၊ ငြိမ်းချမ်းရေး စာချုပ်လား

ဗေဒင်မေး လျှင်ဆန် ကုန်ပါမည်။ တနိုင်ငံ လုံး အပစ်ရပ် ရေး စာချုပ်ကိုတိုင်းရင်းသား လက်နက် ကိုင် အဖွဲ့ အစည်း အား လုံး လက်မှတ် ထိုးပြီး နောက်တွင်အစိုးရ အာဏာပိုင် များက ယင်းစာချုပ် ကို လက်ညှိုး ထိုးလျက် တိုင်းပြည် တွင်ငြိမ်းချမ်း ရေးရ သွားပြီဟု ကမ္ဘာသို့ ကြေညာ ပါမည်။ ယင်းကိုကန့်ကွက် လို၍မ ဟုတ်ပါ။ တကယ်တမ်း ကြေ ညာ နိုင်သည့် အနေ အထား ရောက်အောင်အုတ်မြစ် ချပေးလိုက် သည့် စာချုပ်ဖြစ် စေဘို့သာ တိုက်တွန်းခြင်း ဖြစ် သည်။

လွန်ခဲ့သည့် သုံးနှစ် တာခန့်မျှ ကာလ အတွင်း ဆွေးနွေးပွဲ များ အဆင့်ဆင့်ကျင်းပခဲ့ပြီး နောက်တွင် ယခု အချိန်၌ နိုင် ငံရေး အရ နောက်တ ဆင့်သို့တိုးမြှင့်နိုင် လျှင် ဘက်နှစ် ဘက်လုံး အတွက် အကျိုးရှိ ပါမည်။ တနိုင်ငံလုံးအပစ်ရပ် ရေးသည် အဓိက ဦးတည် ချက် မဖြစ်သင့် တော့။ ဒုတိယ ဗိုလ်ချုပ်ကြီး မြင့်စိုးကိုယ်တိုင် က ၁၄ ဖွဲ့ရှိ တာ၁၂ ဖွဲ့နဲ့ အပစ် ရပ်ပြီး သွားပြီ။ ၂ဖွဲ့ဘဲ ကျန်တော့ တယ်။ ကေအိုင်အို နဲ့လည်း တိုက်ပွဲ တွေမရှိသ လောက်ဖြစ် နေပြီ။ဟုပြော ခဲ့သည်။ ၄င်း၏ ပြောဆို ချက် မှန်ကန်ပါသည်။ ကေအိုင်အိုနှင့် လည်းစစ်ရှိန် လျှော့ရန် သဘော တူထား ပြီးဖြစ် သဖြင့် တဆင့် တက်သည့် အနေဖြင့်ငြိမ်းချမ်းရေး ကိုအဓိကထား ဦးတည် ဆွေးနွေး သင့်ပြီ။တနိုင်ငံလုံး အပစ်ရပ် ရေး သည်လည်း ပါဝင်သွား ပါမည်။ သို့ဖြစ် လျှင် စာချုပ်အားနိုင်ငံတကာ တွင် သုံးစွဲ သကဲ့သို့ ငြိမ်းချမ်းရေး စာချုပ် Peace Agreementဟုခေါ်ဝေါ်နိုင် သည့် အဆင့် အထိ တထိုင်တည်း ဆွေးနွေးသွား သင့်သည်။

တိုင်းရင်း သား လူမျိုး အားလုံး အနက် ပြည်တွင်း စစ်ဒဏ် ကိုအခံရ ဆုံးမှာ ကရင် လူထုဖြစ် သည်။ ကရင် ပြည်နယ် တွင် မြန်မာ အစိုးရ အနေဖြင့်လတ်တ လော ဖွံ့ဖြိုးရေး လုပ်ငန်း လုပ်သည် ထက် ငြိမ်းချမ်း ရေး တည်ဆောက်မှု ကိုဦး စွာခိုင်ခိုင် မာမာ လုပ်ဆောင် သင့်သည်ဟု ကရင်ပြည် နယ် ဒေသခံများ ကလိုလား နေကြကြောင်း သိရသည်။[6]ကော့ ကရိတ်မြို့ နယ်ရှိ ကော့နွဲရွာ သား တစ်ဦးဖြစ် သူ စောမြအေးကဖွံ့ဖြိုးရေး အစီအစဉ် ကို ကျနော်တို့ ဒေသခံ တွေ ကြိုဆို ပါတယ်။ ဒါ ပေမယ့်အစိုးရ အနေနဲ့ ငြိမ်းချမ်း ရေး ခိုင်မာမှု ကို အရင်ဆုံး လုပ်ဆောင် သင့်တယ်။ငြိမ်း ချမ်း ရေးပျက် သွားရင် ဖွံ့ဖြိုးရေး က အချည်း နှီးပဲ ဖြစ်မယ်ဟုကေအိုင်စီ သို့ ပြောသည်။ ယခုအ ပစ်ရပ်ထား သည့် အခြေ အနေမှာ မခိုင်မာ သေး ဟုလူထုက ထောက်ပြ နေခြင်းဖြစ်သည်။

ငြိမ်းချမ်း ရေး လုပ်ငန်းစဉ် အပေါ် လူထု၏ ယုံကြည်မှု ကို တည်ဆောက် ရန်လိုပါမည်။ပထမ တခါ အပစ်ရပ် စာချုပ် ချုပ်ခဲ့ပြီး ပြီ။ ဒုတိယ တခါလည်း အပစ်ရပ်စာချုပ်ပင်ထပ်ချုပ်ဦးမည်ဆို လျှင်ခြားနား ချက်သည် အဘယ် နည်း။ ယခု စာချုပ် သည်ငြိမ်းချမ်းရေး လမ်းကြောင်း ကို ပီပြင်စွာ ချလိုက်သည့် စာချုပ်၊အပစ်ရပ် ဆိုင်းခြင်း အား တနိုင်ငံလုံး အ တိုင်း အတာ အရ လုပ်ဆောင် သည့်အပြင် (ရှမ်းပြည်တွင် တိုက်ပွဲများ ဖြစ်နေသ လို) အပစ် အခတ်များ ထပ်မဖြစ် အောင်ကြီးကြပ် ထိန်းကွပ်နိုင် မည့် ယန္တယား အား ကောင်းစွာ တပ်ဆင်ထား သည့်စာချုပ်၊ရှေ့ဖေါ်ဆောင် မည့် နိုင်ငံ ရေး လုပ်ငန်း စဉ်များ တိကျပီ ပြင်စွာ ပါရှိသည့်စာချုပ်၊ တကယ့်ငြိမ်း ချမ်းရေး စာချုပ်ဖြစ် ရန်မျှော် မှန်းပါသည်။ သို့ ဖြစ် ပါကတိုင်းရင်း သား ပေါင်းစုံ လူထု အားလုံး နှလုံး စိတ်ဝမ်း ချမ်းမြေ့ကြ ပါမည်။

တောင် အာဖရိက နိုင်ငံ၏ ဆွေးနွေး ပွဲဖြစ်စဉ် များတွင်ကြား ကာလ ဖွဲ့စည်းပုံ အခြေခံ ဥပဒေ ရေးဆွဲ နိုင်သည့် အ ဆင့် ရောက်သည် အထိတောက်လျှောက် ဆွေးနွေး သဘောတူ ညီချက်များ ချနိုင်ခဲ့ သည်။ ကင်ညာ နိုင်ငံတွင်သ ဘော တူစာချုပ် ကို ဥပဒေ အဖြစ်ပါ ဆက်တိုက် ပြဌာန်းပေး နိုင်ခဲ့သည်။အင်ဒိုနီး ရှားနိုင်ငံ အာချေး တွင် ဆူနာမီဖြစ် အပြီး ၂၀၀၄ ခုနှစ် တွင်စတင် ဆွေးနွေး၊ ၂၀၀၅ ခုနှစ် သြဂုတ်လတွင် အပြီးသတ် သဘော တူညီချက် ရ၊ ၂၀၀၆ခုနှစ် မှစပြီး ငြိမ်းချမ်း ရေး လုပ်ငန်းစဉ် များကိုလက်တွေ့ အကောင် အထည်ဖေါ် နိုင်ခဲ့သည်။ မြန်မာနိုင်ငံ တွင် အဘယ် ကြောင့်မဖြစ် နိုင် ရမည်နည်း။ မလိုအပ် ဘဲ အဘယ် ကြောင့် အချိန်ဆွဲ နေပါမည် နည်း။ ၂၀၁၄ခုနှစ် သည် ငြိမ်းချမ်း ရေး နှစ် ဖြစ်သင့်သည်။

လိုင်ဇာ ညီလာခံ သည် သမိုင်းဝင် ဖြစ်သွား ခဲ့ပြီ။ ပြည်တွင်း စစ် ၆၅ နှစ်တာသက်တမ်း အတွင်း တိုင်းရင်း သား လက် နက် ကိုင်အဖွဲ့ အားလုံး နီးပါးပါဝင်တက် ရောက်သည့် ညီလာခံ မှာ ဤတခု သာ ရှိသေးသည်။ ယင်း ညီလာခံ တွင်အ မျိုး သား အဆင့် နိုင်ငံရေး မူဘောင်ကို ချမှတ်ပြီးမှ တနိုင်ငံလုံး အပစ်ရပ် ရေးလက်မှတ် ထိုးသွား မည်ဟူ သည်မှာ ထူးခြား သည့် သဘော တူညီချက် ဖြစ်သည်။လာမည့် ကရင်ပြည်နယ် တွင် ကျင်းပမည့် ဒုတိယ ညီလာခံ တွင်ဤ သဘော တူညီချက် ကိုဆက်လက် ထိန်းသိမ်း ရုံသာမက အမျိုးသား အဆင့် နိုင်ငံရေး မူဘောင်ဟူသည်မှာ အဘယ် အရာ များနည်း ဟူ၍ အသေး စိတ်များ အားဆွေးနွေး အတည်ပြု နိုင်လိမ့်မည် ဟု မျှော်လင့်သည်။


[1] Revolutionary United Front of Sierra Leone

[2]ကရင်နီပြည် သည် သမိုင်းကြောင်း အရ လွတ်လပ်စွာ တည်ရှိခဲ့ ကြောင်း၊ ယင်း၏လွတ်လပ် ခဲ့မှုကို ၁၉၄၇ ခုနှစ် ဖွဲ့  စည်းပုံ အခြေခံ ဥပဒေ ပုဒ်မ၂ (ခ) အရပင်ထည့်သွင်း ပြဌာန်း အသိ အမှတ်ပြုခဲ့ ရကြောင်း ကရင်နီ ၀န်ကြီး ချုပ် အဖြစ်တာဝန်ယူ ခဲ့သူ ကွယ်လွန်သူ မန်းအောင် သန်းလေးက စာရေး သူ အား ရှင်းပြခဲ့ ဘူးသည်။၎င်းက ဆက်လက် ၍ ကရင်နီ အမျိုးသား တိုးတက်ရေး ပါတီသည် တော်လှန်စစ် ကိုဆင်နွှဲ နေခြင်း မဟုတ်၊ တွန်းလှန် စစ်ကိုဆင်နွှဲ နေ ခြင်း သာဖြစ် ကြောင်း၊ တော်လှန်စစ် ဆိုသည်မှာ မိမိတိုင်း ပြည်၏အစိုးရ ကို မကြိုက်၍ တော်လှန်ခြင်း ဖြစ် ကြောင်း၊တွန်း လှန်စစ်ဆို သည်မှာမိမိတိုင်း ပြည်အတွင်း သို့အခြား တိုင်းပြည် အစိုးရ တရပ်ရပ် ၏လက်နက် ကိုင်တပ် များက ၀င်ရောက် ကျူးကျော် လာသဖြင့်ပြန်လည် မောင်းထုတ် ရန်တွန်းလှန် တိုက်ပွဲ ၀င်ရခြင်း ဖြစ်ကြောင်းရှင်းပြခဲ့သည်။

[3]၂၀၁၃ ခုနှစ် နိုဝင်္ဘာလ ၂၅ ရက်နေ့ ထုတ်Weekly Eleven News Journal မှ ထုတ်နုတ် ဖေါ်ပြချက်။တိုင်း ရင်း သားလက်နက်ကိုင်အဖွဲ့ အစည်း များအား စုစုပေါင်း အစီးရေ ၃၀၀၀ နီးပါးအထိတင်သွင်းခွင့် ပေးမည်။အစီး ၂၀၀၀ ကျန်သေးပြီး မည်သို့  လုပ်ဆောင်မည် အတိအကျမသိရ။ အဆိုပါ အစီး ၂၀၀၀ အတွက်ပါမစ်များ ရောင်းချလျှင် ယခု ဈေးဖြင့် ဆိုပါကအနည်းဆုံး ကျပ်သန်းပေါင်း ၁၀၀၀၀၀ (အမေရိကန်ဒေါ်လာ ၁၀၂ သန်းကျော်) မှအများဆုံး ကျပ် သန်း ပေါင်း သုံးသိန်း (အမေရိကန် ဒေါ်လာ ၃၀၇ သန်းအထိ)ရရှိကြ မည်ဖြစ်သည်။

[4]၄င်းကားဈေး ကွက်၌ငြိမ်းချမ်း ရေးအဖွဲ့အစည်းများ ၏ ကားပါမစ် အရေ အတွက်မှာ ရာဂဏန်း ထောင် ဂဏန်းဝန်း ကျင်ရှိ နေနိုင်ပြီး ကရင် အမျိုးသား အစည်း အရုံး (KNU) နှင့်ရှမ်းတိုင်း ရင်းသား လက်နက် ကိုင် အဖွဲ့ အစည်း များ ၏ ပါမစ်များ မှာအများ ဆုံးဖြစ်ကြောင်း သိရသည်။ ငြိမ်းချမ်း ရေးအဖွဲ့ အစည်းများ ရသည့် ကားပါမစ် များကို ပြန် လည်ရောင်း ချမှုများ ရှိနေသည်။ -----ဈေးကွက် အတွင်း ငြိမ်းချမ်းရေး အတွက်ချ ပေးထားသည့် ပါမစ်များ ကိုပြန်လည် ရောင်းဝယ် ရာတွင် တစ်စောင် လျှင် ကျပ်သိန်း ၅၀၀ မှကျပ်သိန်း ၁၄၀၀၊၁၅၀၀ အထိ ပေါက် ဈေးရှိ သည်။” 

[5] The Right to Know[6] Karen Information Center

 

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။