Tuesday, November 19, 2013

ကချင် လူမှုကူညီကယ်ဆယ်ရေး၊ လူ့အခွင့်အရေးနှင့် ဘာသာရေးအဖွဲ့အစည်းများမှ ထုတ်ပြန်ကြေငြာ

ချက်ချင်းထုတ်ပြန်ရန် : ကချင်ပြည်နယ်အတွင်း လူမှုကူညီစောင့်ရှောက်ရေး အခြေအနေ
နမ်လင်းပါကျေးရွာ အနီးတ၀ိုက်တွင် ထွက်ပြေးရှောင်တိမ်းသူဦးရေ တိုးပွားလာခြင်း

ငြိမ်းချမ်းရေးဆွေးနွေးပွဲများ ဆက်လက်ပြုလုပ်နေဆဲ ဖြစ်သော်လည်း မြန်မာအစိုးရ စစ်တပ်နှင့် ကချင်လွတ်လပ်ရေး တပ်မတော်တို့အကြား တိုက်ပွဲများ ဆက်လက် ဖြစ်ပွားလျက် ရှိပါသည်။ နမ်လင်းပါကျေးရွာအနီး လတ်တလောဖြစ်ပွားခဲ့သော တိုက်ပွဲများကြောင့် ဒေသခံရွာသားများနှင့် စစ်ဘေးရှောင် ဒုက္ခသည်များမှာ လုံခြုံရေးအတွက် ထွက်ပြေးတိမ်းရှောင်ခဲ့ကြရပါသည်။ ဒေသခံပြည်သူများမှာ ရက်သတ္တပတ်(၃)ပတ်ခန့်ကြာအောင် ၀န်းရံပိတ်ဆို့ခြင်းကို ခံခဲ့ကြရပါသည်။ ကူညီကယ်ဆယ်ရေးအဖွဲ့အစည်းများမှ ခွင့်ပြုချက် အကြိမ်ကြိမ်တောင်းခံခဲ့သော်လည်း ကန့်သတ်ချက်မဲ့ ကူညီထောက်ပံ့ရေးလုပ်ငန်းများ ဆောင်ရွက်နိုင်ရန် ခွင့်ပြုချက် မရရှိခဲ့ပါ။

ကျောင်းသူကျောင်းသား (၇၀၀) ကျော်နှင့် ဆရာ၊ ဆရာမ (၃၄)ဦးရှိသည့် နမ်လင်းပါကျေးရွာ ဘော်ဒါကျောင်း ပတ်လည်တွင် မြန်မာအစိုးရစစ်တပ်မှ တပ်စခန်းများ ဆောက်လုပ်နေကြောင်း ၂၀၁၃ ခုနှစ်၊ နိုဝင်ဘာလ (၁၆)ရက်၊ စနေနေ့ညနေပိုင်းအချိန်တွင် သတင်းရရှိခဲ့သည်။ ကျောင်းသူကျောင်းသားများနှင့် ဆရာ၊ ဆရာမများမှာ ကျောင်းဝင်းအတွင်း ၀ိုင်းရံပိတ်ဆို့ခြင်း ခံခဲ့ကြရဲ့ပြီး၊ ကာသိုလစ်အသင်းတော်၏ အကူအညီတောင်းခံမှုကြောင့် ညနေပိုင်းတွင် ပြန်လည်လွတ်မြောက်ခဲ့ကြပါသည်။

နောက်ဆုံးဖြစ်ပွားခဲ့သော တိုက်ပွဲများကြောင့် နမ်လင်းပါကျေးရွာမှ ရွာသူရွာသားများ အပါအ၀င် ဒေသခံ စစ်ဘေးရှောင်ပြည်သူ (၂၃၀၀)ကျော် ထိခိုက်နစ်နာခဲ့ကြရပါသည်။ ယခင်ဖြစ်ပွားခဲ့သော စစ်ပွဲများကြောင့် ထွက်ပြေးတိမ်းရှောင်ခဲ့ကြရသည့် စစ်ဘေးရှောင်ပြည်သူများမှာ ယခုတဖန် ဒုတိယအကြိမ် ထပ်မံထွက်ပြေးတိမ်းရှောင်ကြရခြင်း ဖြစ်ပါသည်။ စစ်ဘေးရှောင်ပြည်သူများမှာ ဒုက္ခသည်စခန်းမှ ဝေးရာသို့ စွန့်ခွာထွက်ပြေးခဲ့ကြရပါသည်။ စစ်ဘေးရှောင်ပြည်သူအချို့မှာ ဗန်းမော်-မန်စီဒေသရှိ ဒုက္ခသည်စခန်းများနှင့် ကချင်လွတ်လပ်ရေးအဖွဲ့ ထိန်းချုပ်နယ်မြေရှိ ကူညီကယ်ဆယ်ရေးစခန်းများသို့ ထွက်ပြေးတိမ်းရှောင်ခဲ့ကြပါသည်။ သို့သော်လည်း စင်ခန်းကြီးရွာသားများ အပါအ၀င် ဒေသခံပြည်သူအချို့မှာ သွားလာဆက်သွယ်ရန်ခက်ခဲသော စစ်ပွဲနယ်မြေအတွင်း ပိတ်မိနေကြဆဲ ဖြစ်သည်။

သက်ဆိုင်သည့် အဖွဲအစည်းများအား ထပ်မံသတိပေး နှိုးဆော်လိုသည်မှာ -
- မြန်မာနိုင်ငံနှင့် နိုင်ငံသားများ၏ အနာဂတ်အတွက် မြန်မာနိုင်ငံတွင် ဖြစ်ပွားနေသော ပဍိပက္ခများအား ငြိမ်းချမ်းသော နည်းလမ်းဖြင့် အဖြေရှာ အဆုံးသတ်ရန် အလွန်အရေးကြီးကြောင်း ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေးအရာရှိ ဗွီဂျေနမ်ဘီးယား ပြောကြားခဲ့သည်ကို ထပ်လောင်းတင်ပြလိုပါသည်။ သို့ပါ၍ ပစ်ခတ်တိုက်ခိုက်မှုများကို ချက်ချင်းရပ်ဆိုင်းရန် တိုက်တွန်းပါသည်။
- “အသက်အန္တရယ်နှင့် လူပုဂ္ဂိုလ်အား တိုက်ခိုက်ခြင်း၊ ညှင်းပန်းနှိပ်စက်ခြင်း၊ မတရားသဖြင့် ပြုမူခြင်း၊ လူ့ဂုဏ်သိက္ခာအား ညှိုးနွမ်းစေရန် ပြုမူဆောင်ရွက်ခြင်း အထူးအဖြင့် အရှက်ရစေရန် ပြုမူခြင်း၊ စိတ်ဒါဏ်ရာရရှိအောင် ပြုလုပ်ခြင်း” စသည်တို့ကို ပြည်သူများအား မပြုလုပ်ရန် တားမြစ်ထားသော နိုင်ငံတကာ လူမှုကူညီကယ်ဆယ်ရေးနှင့် လူ့အခွင့်အရေးဆိုင်ရာ ဥပဒေများအား လေးစားလိုက်နာရန်
- တိုက်ပွဲနှင့် တိုက်ရိုက်ပတ်သက်သည့် အဖွဲ့အစည်းများ (မြန်မာအစိုးရ စစ်တပ်များနှင့် ကချင်လွတ်လပ်ရေးတပ်မတော်) အနေဖြင့်  နိုင်ငံတကာ လူမှုကူညီကယ်ဆယ်ရေးနှင့် လူ့အခွင့်အရေးဆိုင်ရာ ဥပဒေများ၊ အထူးသဖြင့် ပြည်သူလူထု၏ အခွင့်အရေးအား လေးစားလိုက်နာရန်၊ နှစ်ဘက်အဖွဲ့အစည်းများ အနေဖြင့် ပြည်သူလူထုနှင့် တိုက်ပွဲဝင်စစ်သည်များအား ခွဲခြားသည့် စည်မျဉ်းစည်းကမ်းများအား စောင့်ထိန်းရန်နှင့် ပြည်သူများအား ပစ်ခတ်တိုက်ခိုက်မှုများ မရှိစေရန်အတွက် သတိထားရန်
- မည်သည့် နေရာဒေသဖြစ်စေကာမူ စစ်ဘေးရှောင်ပြည်သူများအား အကူအညီပေးနိုင်ရန်အတွက် ကူညီထောက်ပံရေးအဖွဲ့အစည်း(NGO)များအား အတားအဆီး၊ အကန့်အသတ်မရှိ လွတ်လပ်သော ခွင့်ပြုချက်ပေးရန် နှစ်ဘက်အဖွဲ့အစည်းအား တိုက်တွန်းပါသည်။
- စစ်ဘေးရှောင်ပြည်သူများ၏ လုံခြုံရေးနှင့် အကာအကွယ်ရရှိရေးသည် အဆောတလျင် ဆောင်ရွက်ရမည့် ကိစ္စဖြစ်သည်။ လတ်တလော အဖြစ်အပျက်၊ အတွေ့အကြုံများကြောင့် ကလေးငယ်များနှင့် စစ်ပြေးဒုက္ခသည် ပြည်သူများမှာ စိတ်ဒါဏ်ရာများ ရရှိခဲ့ရပြီး ဖြစ်သည်။ စစ်ပြေးဒုက္ခသည် အများစုမှာ အနီးတ၀ိုက်ရှိ တောအတွင်းသို့ တိမ်းရှောင်ခိုလှုံနေကြပါသည်။
- ဒုက္ခဆင်းရဲခံစားခဲ့ကြရသော စစ်ဘေးရှောင် ကျောင်းသားကျောင်းသူများ၊ ဆရာ၊ ဆရာမများနှင့် ပြည်သူများအားလုံးအတွက် အလွန်အမင်း စိုးရိမ်ပါသည်။ ဤဒုက္ခသည်အများစုမှ ယခုလအစောပိုင်းတွင် မုန်ဒိန်ပါကျေးရွာမှ ထွက်ပြေးတိမ်းရှောင်ခဲ့ကြရသူများ ဖြစ်ကြသည်။
- နိုင်ငံတကာ၊ ပြည်တွင်း ကူညီကယ်ဆယ်ရေး အဖွဲ့အစည်းများနှင့် အလှူရှင်များအနေဖြင့် လတ်တလော လိုအပ်လျက်ရှိသော ထောက်ပံ့မှုများနှင့် အကူအညီများပေးနိုင်ရန် အကူအညီ တောင်းခံအပ်ပါသည်။
- စစ်ဘေးရှောင် ဒုက္ခသည်ပြည်သူများ လတ်တလော လိုအပ်နေသည့် လိုအပ်မှုများမှာ - အကာအကွယ်ရရှိရေးနှင့် စစ်ဘေးရှောင်စခန်းများသို့ လုံခြုံစွာ ရောက်ရှိရေး၊ အစားအသောက် ရရှိရေး၊ နေထိုင်ရန် အမိုးအကာနှင့် စောင်၊ အနွေးထည်ကဲ့သို့သော အသုံးအဆောင်များ ဖြစ်ပါသည်။ စစ်ဘေးရှောင်ပြည်သူများမှာ လုံခြုံသည့်နေရာကို ရှာဖွေနေဆဲဖြစ်ကာ မည်သည့် စားသောက်စရာ၊ အ၀တ်အထည်မျှ မရှိကြပါ။ ချမ်းအေးသည့် ဆောင်းရာသီဖြစ်သဖြင့် လုံခြုံသည့် အမိုးအကာ၊ နွေးထွေးစေမည့် အကာအကွယ်များ ရရှိရန် ပိုမိုခက်ခဲလျက် ရှိပါသည်။
- မိမိတို့ ပူးပေါင်းဆောင်ရွက်ရေးအဖွဲ့အနေဖြင့် ဒုက္ခသည်များအား လုံခြုံစွာ ရွှေ့ပြောင်းရေး အပါအ၀င် အခြားလိုအပ်ချက်များကို ကူညီဆောင်ရွက်လျက် ရှိပါသည်။

၂၀၁၃ ခုနှစ်၊ နိုဝင်ဘာလ (၁၈) ရက်၊ ရန်ကုန်၊ မြန်မာ။

BRIDGE
Kachin Baptist Convention (KBC)
Kachin Relief and Development Committee (KRDC)
Kachin Women Association (KWA)
Kachin Development Group (KDG)
Karuna Myanmar Social Services (KMSS)
Metta Development Foundation
Shalom Foundation
WunpawngNinghtoi (WPN)

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။