Tuesday, October 15, 2013

N-Mawk mare "Myu A-ya Hkan Bu" a kasha woi ningbaw ai Myen Ramma ni, Jinghpaw Ramma ni hpe jawm adup zingri.

(Kachinnet)

2013 ning October (13) ya shana hkying (09:30Pm) aten daram hta N-Mawk mare kata kaw, Myen Asuya maga de na N-Mawk Mare "Myu A-ya Hkan Bu" a kasha woi ningbaw ai Myen Ramma marai (20) jan gaw, mara n nga ai Jinghpaw Ramma ni hpe jawm adup zingri ai mabyin nga lai wa sai hpe chye lu ai.
Ya na zawn adup zingri hkrum ai Ramma ni gaw, Laban shani Ramma Masat Ninghtoi rai nhtawm, shana Ramma Masat Ninghtoi yungwi pinra lamang nga ai de sa yu ai kaw nna, bai nhtang wa ai lam lapran kaw, hkap adup zingri hkrum ai re lam hpe chye lu ai.

Adup zingri hkrum ai hta Jinghpaw Ramma La kasha marai (3) hte Num kasha marai (4) rai nna La kasha marai (3) hkrai sha adup hkrum ai lam chye lu ai.

Hkap adup hkrum ai La kasha (3) hta na, Labya Naw Hpang hte Maru Htu yan a kasha Labya Naw Ring Asak (20) ning gaw, Kawa Tawng hte adup hkra law lai mat ai majaw dai shara kaw nan n'nga mat sai lam chye lu ai. Ngam ai Num kasha marai (4) hte La kasha (2) hpe adup hkra hkrum ai raitim hprawng lawt mat ai lam chye lu ai.

Dai shana N-Mawk mare hta Jinghpaw Ramma ni hpe hkap adup jahkrit ai shara (3) rai nna, kaga shara ni hta mung Nhtu hte hkap share jahkrit ai lam galaw ai hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။