Thursday, October 31, 2013

MYEN HPYEN HPE SHALAW NA KIO KAW MYEN AHKANG HPYI

(Jinghpawkasa)

Wunpawng Mungdan Shanglawt Asuya Sinpraw Ginwang KIA Dap Ba (3) npu, Dap Dung (12) Ginra hta chyat rawng taw ai myen hpyen la ni hpe shaw la na matu lam hpaw ya na lam myen hpyen ni kawn KIO Asuya de hpyi shawn wa ai lam hpe na chye lu ai. KIA Dung (12) Ginra Man Je maga de KIA myu tsaw share ninghkring ni hte myen tai hpyen ni lai wa sai bat kawn gap gasat hpang wa ai rai nna dai ni du hkra naw gap gasat nga ai lam, ndai zawn gap gasat ai hta myen tai hpyen hpung ni
hpe KIA myu tsaw share ninghkring ni kawn wang shingrup tawn ai majaw myen ni chyat rawng taw ai re lam na chye lu ai. Myen hpyen ni kawn hpyen n gun sa jaw ai ni hpe mung KIA myu tsaw share ninghkring ni pat shingla gasat ai majaw myen hpyen hpung ni jam jau nga ai re lam, Jinghpaw Mung taimu kawn chyat rawng taw ai hpyen hpung ni hpe shaw la na matu ya na zawn KIO Ginjaw de hpyi shawn wa ai re lam hpe na chye lu ai.

1 comment:

  1. ahkang tsep kawp nmai jaw ai,,,rim la ai bawng masha ni hpe gaw shinggyim masha myit jasat hpring hkra hte mai gawn lajang ai,,,myen ni tinang myu sha ni hpe rim la ai ten gara hku galaw ai hpe myit dum ra ai..

    ReplyDelete

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။