Friday, October 4, 2013

Myen Asuya Hpyen Hpung ni hte TNLA ni gasat poi byin.

(Kachinnet)

2013 ning October (3) ya shani, shana maga hkying (05:00)pm aten daram hta KIA Masat (4) Dap Ba, Dap Dung (34) uphkang ginra rai nga ai, Man Lum hte Dak Lek lapran kaw, Myen Asuya Hpyen Dap maga na hpyen hpung ni hte Hpu Nau Balawng  TNLA  Hpyen Hpung ni gasat poi byin ai lam chye lu ai. Gasat poi byin ai shara hta Myen Asuya Hpyen Dap maga de na marai (3) hkrat sum ai lam chye lu ai.
 
Lai wa sai September (29) ya shani, KIA Masat (12) Dap Dung ginra Mabing mare kaw nna, Si Hkan Gyi maga de, chyinglau lai lung wa ai Myen Asuya Hpyen Dap Hk.L.Y (69), Hk.M.Y (522) na pawng hpawm hpyen hpung ni hpe KIA Masat (12) Dap Dung na hpyen hpung ni, remote bawm hte hkap shingla gasat ai hta Myen Asuya Hpyen Dap maga marai (5) hkala nna, marai (3) hkrat sum mat ai lam chye lu ai.

Matut nna mung, Myen Asuya Hpyen Dap ni gaw Mali Hka hte N-Mai Hka de lung ai Jak Li ni hpe September (29) ya shani kaw nna pat hkum tawn ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။