Wednesday, October 2, 2013

မြန်မာ့ငြိမ်းချမ်းရေးစင်တာနှင့် ငြိမ်းချမ်းရေးကြိုးပမ်းမှု

(Ven Ravika)

မြန်မာငြိမ်းချမ်းရေးစင်တာနှင့် ငြိမ်းချမ်းရေးကြိုးပမ်းမှုများ ကို လေ့ လာကြည့်ရာ အောက်ပါ အချက် အလက်များကို သတိပြုမိသည်။

Identify needs and interests

တိုင်းရင်းသားတို့၏ လိုအပ်ချက်နှင့် အကျိုးစီးပွားကို လေ့လာသင့်သည်။ လူသတ်ရန် လက်နက်ကိုင်ခြင်းမဟုတ်၊ ရှင်သန်ရေးအတွက် ကိုင်ရခြင်းဖြစ်သည်ဟု N-Gun Ja Wa က ဆိုသည်။ ရှင်သန်ရေးနှင့် လုံခြုံရေးအတွက် တော်လှန်ရခြင်းဖြစ်သည်။ သို့ဖြစ်၍ တိုင်းရင်းသားတို့က နိုင်ငံရေးအာဏာကို ရယူလိုကြသည်။ မိမိတို့လုံခြုံရေးအတွက် ပြည်နယ်တပ်မတော်ကို ထားလိုကြသည်။ ဤအချက်ကို လေးနက်စွာ ထည့်သွင်းစဉ်းစားရမည်။


Take expert advice

ညှိနှိုင်းရာ၌ ရော့ရွှေ ရော့ပတ္တမြား ရော့နဂါး သဘောဖြင့် သွား၍ မရပေ။ ကျွမ်းကျင်သူတို့၏ အကြံညာဏ်များကို ရယူသင့်သည်။ ဆွေးနွေးရာ၌ ကျွမ်းကျင်မှု မရှိလျှင် ယုံကြည်မှုတိုးသည်ထက် သံသယက ပိုကြီးလာတတ်၍ ဖြစ်သည်။ မြန်မာ့ငြိမ်းချမ်းရေးစင်တာက Fact finder အနေဖြင့် ကိုယ်တိုင်ကိုယ်ကျ လုပ်လျှင် မသင့်တော်ပေ။ တသီးပုဂ္ဂလ Fact finding projects များကို အားကိုးသင့်သည်။ လိုအပ်လျှင် ပါတီပေါင်းစုံ၊ အဖွဲ့ပေါင်းစုံ၊ လူတန်းစားပေါင်းစုံ ပါဝင်သည့် Expert working groups များကိုလည်း ဖွဲ့စည်းသင့်သည်။

Promote movements

ညှိနှိုင်းခြင်း၊ ဆွေးနွေးခြင်းကို အချိန်ဆွဲလျှင်၊ အိပဲ့အိပဲ့ဖြင့် သွားလျှင် ငြိမ်းချမ်းရေးလုပ်ငန်းစဉ်ကို ထိခိုက်စေသည်။ ထမင်းစားနေစဉ် ကိစ္စတစ်ခု ပေါ်၍ ထသွားပြီး နာရီဝက်လောက် ကြာမှ ပြန်စားလျှင် ခံတွင်းပျက်သကဲ့သို့ ဖြစ်တတ်သည်။ အပစ်ရပ်ကိစ္စကို ရှေ့တန်းတင်ခြင်းမှာ ငြိမ်းချမ်းရေးအာသာကို လျော့နည်းစေသည်။ ငြိမ်းချမ်းရေးကနေ အာရုံတပါး မသွားစေဖို့ ခပ်စိတ်စိတ် လှုပ်ရှားရသည်။

Fractionate

မြန်မာ့ငြိမ်းချမ်းရေးစင်တာအနေဖြင့် တိုင်းရင်းသားတို့၏ အကြောင်းအရာအချက်အလက်များကို အသုံးချရာ၌လည်း မှားယွင်းမှုများ ရှိသည်။ ဆွေးနွေးနေသည့်အချိန်၌ ခက်ခဲ့ရှုပ်ထွေးသည့် အခြေအနေများ ဖြစ်ပေါ်စမြဲ ဖြစ်သည်။ ထိုသို့ ဖြစ်ပေါ်လာသည့်အခါ အချင်းချင်းစကားပြိုင်လု၍ မိမိတို့၏ ငြိမ်းချမ်းရေးမူဝါဒများကို တဖက်သတ် ချမှတ်ခြင်းမှာ လွဲမှားနေသည်။ မြန်မာ့ငြိမ်းချမ်းရေးစင်တာသည် တိုင်းရင်းသားတို့ကို သွားရောက်စည်းရုံးရာ မရောက်ဘဲ သွား၍ ရန်တွေ့သလို ဖြစ်နေသည်။ မိမိချမှတ်သည့် မူဘောင်များကို လက်ခံရန် အတင်းတိုက်တွန်းသကဲ့သို့ ဖြစ်နေသည်။ ဆွေးနွေးချက်များ၊ တင်ပြမှုများကို ဂရုစိုက်မှု အားနည်းသည်။ အမှန်တွင် ဤအဆင့်တွင် တိုင်းရင်းသားတို့၏ အကြောင်းချက်များကိုသာ ရယူစုဆောင်းသင့်သည်။

မြန်မာ့ငြိမ်းချမ်းရေးလုပ်ငန်းစဉ်သည် ဤအဆင့်၌ ထစ်နေသည်။ ထိုမျှသာ မဟုတ်သေးပါ။ ချဉ်းကပ်မှု၌လည်း အားနည်းသည်ကို တွေ့ရသည်။

Tool to break deadlock

အကြပ်အတည်းတွေ့လျှင် ဖောက်ထွက်ဖို့ကိရိယာလည်း မရှိပါ။ အကြပ်ကိုင်နည်းကိုလည်း ကျင့်သုံးသဖြင့် walk in the wood သဘောမျိုး သက်တောင့်သက်သာ သိပ်မရှိလှပါ။ အဆိုးဆုံးမှာ Coalition Building ကို ခွင့်မပြုခြင်းဖြစ်သည်။ မြန်မာ့ငြိမ်းချမ်းရေးစင်တာအနေဖြင့် မြန်မာနိုင်ငံတွင် စစ်မှန်သည့် ငြိမ်းချမ်းရေးတစ်ရပ်ကို တည်ဆောက်လိုစိတ် အမှန်တကယ် ရှိမည်ဆိုလျှင် နောင်အခါ၌ UNFC နှင့် တွေ့မည်မဟုတ်တော့ဘဲ တစ်ဖွဲ့ချင်းသာ တွေ့မည်ဖြစ်ကြောင်းဟူသော စကားကို လုံးဝမပြောသင့်ပေ။

Coalition Building

မြန်မာနိုင်ငံတွင် ဖြစ်ပွားနေသည့် ပြည်တွင်းစစ်ပြဿနာသည် အပေါ်ယံကြောအားဖြင့် လူများစုဗမာလူမျိုးနှင့် လူနည်းစုလူမျိုးများကြား ဖြစ်ပွားနေသည့် ပြဿနာဟု ထင်စရာရှိသည်။ ပွင့်လင်းစွာ ဝေဖန်ရလျှင် တိုင်းရင်းသားလူမျိုးများအချင်းချင်းကြား၌လည်း မတင်မကျအခြေအနေများ ရှိသည်။ တိုင်းရင်းသားလူမျိုးများသည် အဆိုပါအခက်အခဲများကို ကျော်လွှား၍ ဖက်ဒရယ်ပြည်ထောင်စု တည်ဆောက်ရေး ဟူသော ဘုံရည်မှန်းချက်အောက်၌ coalition မဟာမိတ်ဖွဲ့ထားကြသည်။ လက်ရှိတွင် UNFC သည် အကြီးဆုံးတိုင်းရင်းသားမဟာမိတ်တစ်ခု ဖြစ်သည်။

မြန်မာငြိမ်းချမ်းရေးစင်တာသည် UNFC အဖွဲ့ကြီးနှင့် ဆက်ဆံ၍ မလိုလားအပ်သည့် အသေးအမွှားပြဿနာပေါင်းများစွာကို ရှောင်ရှားနိုင်သော်လည်း UNFC ကို ချန်လှပ်၍ ယင်းအဖွဲ့ကြီး၏ အဖွဲ့ဝင်များ၌ တည်ရှိနေသာ မတူညီသော အကျိုးစီးပွားအချို့ကို ဖော်ထုတ်ကာ နိုင်ငံရေးအမြတ်ထုတ်ချင်သည်။ သို့ဖြစ်၍ မြန်မာငြိမ်းချမ်းရေးစင်တာသည် မြန်မာနိုင်ငံအတွက်  ငြိမ်းချမ်းရေးကို အမှန်တကယ်ပင် ဆောင်ကျဉ်းပေးနိုင်မည်လောဟု တွေးစရာ ဖြစ်လာသည်။

ထို့ကြောင့်

၁။ တိုင်းရင်းသားလူမျိုးများကြား၌ အငြင်းပွားဖွယ် ဖြစ်နိုင်သော တနိုင်ငံလုံး အပစ်ရပ်မှုကို ဆိုင်းငံ့ထားခြင်း၊
၂။ တစ်ဖွဲ့ချင်းဆက်ဆံရေးမူဝါဒကို စွန့်လွှတ်၍ မဟာမိတ်ပြုထားသော တိုင်းရင်းသားအဖွဲ့အစည်းများကို မဟာမိတ်အနေဖြင့်သာ တွေ့ဆုံခြင်း၊
၃။ ဆွေးနွေးသည့်နေရာတွင် နိုင်ငံရေးနှင့် စစ်ရေးကို အဖွဲ့ခွဲ၍ တပြိုင်နက် ဆွေးနွေးနိုင်ရန် စီစဉ်ပေးခြင်းတို့ကို ဆောင်ရွက်သင့်သည်ဟု ယူဆမိသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။