Tuesday, October 1, 2013

ကေအိုင်အေ စစ်သုံ့ပန်းပေါ်လစီနဲ့ ပတ်သက်၍ ကျောင်းသားတပ်မတော် (ABSDF) ပြန်တစ်ဦး၏ ကုိုယ်တွေ့ဖြစ်ရပ်မှန်

စောငွေလရောင် 
 
1988ခုနစ် တောခိုတဲ့အခါ စစ်သင်တန်းတက်ဖို့ ဆိုပြီး ကေအိုင်အေ ဗဟိုဌာနချုပ်ရှိရာ လိုင်စင်ကိုအတက်။ ယခုလူသိများတဲ့ လိုင်ဇာနဲ့ လေးဆယ့်ငါ့မိနစ်ခရီး အကွာရှိ ကေအိုင်အေရဲ့ အမှတ်(၃)နည်းဗျူဟာဌာနချုပ် နောင်ရာပါစခန်းမှာ နားကြတယ်။ ကျနော်တို့ တောခိုကျောင်းသားတွေကို ဗိုလ်မှုးပန်းအောင် ကခေါ်ပြီး ညတွင်းချင်းပဲ ကြိုဆိုနုတ်ဆက်စကားပြောတယ်။ ပြီးတော့ ဗီဒီအိုပြပေးတယ်။ ပထမဆုံးကြည့်လိုက်ရတာက ကျနော်တို့ နောင်ရာပါမရောက်ခင် တပတ်လောက်က ဗန်းမော် မြစ်ကြီးနားလမ်းပိုင်းပေါ်က ရင်ကွဲတောင်နားက ခြုံခိုတိုက်ပွဲကိုပြတယ်။ ကေအိုင်အေက ခလရ ၂၇က ဒုဗိုလ်ခင်မောင်အေးအပါအ၀င် စစ်သည်နစ်ဆယ်ကျော်နဲ့  လက်နက်ပေါင်းနစ်ဆယ်ကျော်သိမ်းဆည်း ရမိတယ်။ မှတ်မိသေးတဲ့ ဗီဒီအိုက တကယ့်တိုက်ပွဲဖြစ်တဲ့ဟာကိုရိုက်ထားတာ။ ခင်မောင်အေးကို ဖမ်းမိတော့ ကြွက်စုတ်ကလေးလိုပဲ ရွံ့တွေပွလို့ ။ ကင်မရာမင်းကမေးတယ် နံမည်ဘယ်လိုခေါ်လဲဆိုတော့ အမောင်မင်းသားက ဟောလီးဝုဒ်ရိုက်တယ် ထင်လားမသိဘူး ဘိုလို I am Khin Mg Aye လို့ ဖြေသဗျ...။


နောက်တခုက ကျနော့်ပထမဆုံးအကြိမ် ရှေ့ တန်းထွက်ဖြစ်တဲ့ ဗန်းမော်ခရိုင် ကေအိုင်အေ အမှတ် (၃)တပ်မဟာနဲ့ အမှတ် (၂)နည်းဗျူဟာစိုက်တဲ့ အင်ဘာဘာ တိုက်နယ်ထဲက နောင်ငွန်ပါရွာ...။ ကျနော်တို့ အဖွဲ့ မရောက်ခင် အေအိုင်ကေက တပ်မဟာမှူး ဗိုလ်မှူးလဇိန်ဘောက် စစ်ကြောင်းက ကချင်ပြည်နယ် မိုးညှင်းမြို့ နယ် ဟိုပင်အခြေစိုက်တဲ့ ခလရ (၄၀)ကို ခြုံခိုတိုက်တဲ့အတွက် တပ်ရင်းမှူး ဒုဗိုလ်မှူးကြီး သန်းထွန်းအပါအ၀င် တပ်ရေး ဗိုလ်ကြီး ထလရဗိုလ်ကြီး..တပ်ခွဲမှူးနဲ့ အရာရှိအရာခံ ၂၀ကျော်ကို အရှင်းဖမ်းမိတယ်။ လက်နက်ပေါင်း ၅၀ကျော် သိမ်းဆည်းရတယ်။ တိုက်ပွဲမှာဖမ်းမိခဲ့တဲ့ သုံးပန်းအားလုံးကို စနစ်တကျ ဆေးကုပြီး ကျွေးမွေးစောင့်ရှောက်တဲ့  နေရာကို ကျနော်တို့ သွားကြည့်တယ်။ ဟိုက်ရှားပါး..ဆရာသမားတွေက စိမ်ပြေနပြေ ဖဲရိက်ကစားနေလိုက်ကြတာ သူတို့ တပ်ရင်းက ဘားတိုက်ထဲမှာလိုပဲ...။

တပ်ရင်းမှုးဒုဗမက သိန်းထွန်းတိုက်ပွဲမှာရတဲ့ ခြေထောက်က ဒဏ်ရာသက်သာပြီဆိုမှာ သူတို့ အားလုံးကို အိမ်ပြန်လမ်းပြန်ပို့ တယ်..။ ရိုးရိုးတောင်မဟုတ်ဘူးနော်။ ဒုဗမကသန်းထွန်းက ခြေထောက်ဒဏ်ရာကြောင့် လားကောင်းကောင်း တကောင်းဆင်ပြီး စီးခိုင်းပြီးကို ပြန်ပို့ ပေးခဲ့တာ။

ကဲ...လတ်တလော... လဂျားယန်စစ်ဆင်ရေးကာလမှာ သုံ့ ပန်း၃၀ကျော်..။ တိုင်းသိပြည်သိ။ သူတို့ တွေကို ဘယ်လိုထားခဲ့ကြတယ်ဆိုတ ပေရှည် မနေတော့ပါဘူး..ကျနော်ပြောချင်တာ ဘာလဲဆိုတာ ဖေ့ဘုတ်လောကသားများ အားလုံး သဘောပေါက်မယ်လို့ မျှော်လင့်ပါတယ်။

(Kayin Lay ဖေ့ဘုတ်မှ ကူးယူဖော်ပြပါသည်။)

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။