Wednesday, September 11, 2013

KIA DUNG (12) GINRA HTA LAJA LANA GASAT

(Jinghpawkasa)

Wunpawng Mungdan Shanglawt Asuya Sinpraw Ginwang Dap Ba (3) n pu, KIA Dung (12) ginra rai nga ai Zau Bung makau, Kawng Ja the Nam Lim Pa hta KIA myu tsaw share ninghkring ni hte myen tai hpyen ni September (10) ya jahpawt kaw nna laja lana gap gasat nga ai lam shiga na chye lu ai. Maji Gung de na yu hkrat wa ai myen hpyen hpung (mying n chye lu) ni hte KIA Dung (12) na myu tsaw share ninghkring ni jahpawt hkying (11:00 AM) ten kawn shana maga hkying (4:00 PM) ten ram du hkra Magyeng Kahtawng kaw gap gasat lai wa ai re lam na chye lu ai. Ndai zawn gasat ai hta myen hpyen ni kawn shana maga hkying (4:00 PM) du hkra sinat kaba ni naw gap sharu bun nga ai lam hpe mung na chye lu ai. Ndai gasat poi hta myen maga na hpyen du langai het hpyen ma (5) hkrat ai lam, tinang KIA myu tsaw share ninghkring ni maga na gaw hpa n ra ai lam na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။