Hkala Hkrum Ai MKM Magam Gun Brang Shawng Hpe Myen Asuya Hpyen Dap ni Zingri Sat

(Kachinnet)

Wunpawng Mungdan Shanglawt Hpyen Dap Masat (36) Dap Dung makawp maga ginra, Sam Mung, Loi Dang mare kaw 2013 September 3 ya shani 1:00 hte 2:00 lapran Myen Asuya Hpyen Dap hte gasat poi byin wa sai hta hkala hkrum ai masha hpe Myen Asuya Hpyen Dap ni zingri sat da ai mabyin byin wa sai lam chye lu ai.

Ndai gasat poi hta Myen Asuya Hpyen Dap ni hkap gap ai majaw MKM magam gun rai nga ai Brang Shawng hkala hkrum ai hpe rim la nna zingri sat kau ya ai re hpe chye lu ai.

 

Ndai zawn zingri sat kau hkrum ai Brang Shawng gaw Mungbaw, Yingseng mare na re lam, moi mang hpe 2013 September 6 ya shani mare buga masha ni mu la nna makoi mayang ya sai lam chye lu ai.

Ndai zawn re ai mabyin ni gaw Mung Myit Sinli Sub-state ginra hta grai law wa nga ai lam hpe mung na chye lu ai.