Friday, September 6, 2013

ဗီဂျေနမ်ဘီးယားသည် လိုင်ဇာကိုရောက်ရှိစဉ် ABSDF စခန်းသို့ လေ့လာခဲ့

(ရွှေဟင်္သာသတင်းဌာန)

ဗီဂျေနမ်ဘီး ယား၏ တရက်တာ လိုင်ဇာ ခရီးစဉ် တွင် မြန်မာနိုင်ငံလုံး ဆိုင်ရာ ကျောင်း သားများ တပ်မတော် (ABSDF) ၏ စခန်းသို့ လည်း သွားရောက် လေ့လာ ခဲ့သည်ဟု အဖွဲ့ဥက္ကဌ ဦးလာစိုင်းက ဆိုပါသည်။
 
မစ္စတာ နမ်ဘီးယားက ကျနော်တို့ အဖွဲ့နဲ့ တွေ့ဆုံစဉ် မြန်မာနိုင်ငံ ထဲမှာ စစ်မှန်တဲ့ ငြိမ်းချမ်းရေး ရရှိအောင် တတတ် တအား ဝိုင်းဝန်း ကြိုးပမ်း ပေးသွားမယ်လို့ပြောသွား ခဲ့ပါတယ်ဟု ဆိုပါသည်။

မစ္စတာ နမ်ဘီးယားသည် ပြီးခဲ့သည့် သြဂုတ်လ ၂၈ ရက်နေ့တွင် ကချင် လွတ်လပ်ရေး အဖွဲ့ KIO ၏ လိုင်ဇာ ဗဟို ဌာန ချုပ်သို့ ရောက်ရှိ ခဲ့ပြီးKIA ၏ ဒုစစ်ဦးစီးချုပ် ဗိုလ်ချုပ် ဂွမ်းမော်နှင့် အတူ   ABSDF ကျောင်းသား တပ်စခန်းသိှု့ည့်လည် ခဲ့ပါသည်။


မစ္စတာ နမ်ဘီးယားအား ABSDF မြောက်ပိုင်း ဥက္ကဌ ဦးလာဆိုင်း၊ ပြန်ကြားရေး တာဝန်ခံ ဗိုလ်မှူး မင်းဌေး နှင့် ဦးယောရှုတို့က ကြိုဆို ခဲ့ပါသည်။

ABSDF ကမူ ကမ္ဘာ့ ကုလ သမဂ္ဂ အဖွဲ့နေဖြင့် အစိုးရ၏ တင်ပြချက်များကို ကြားနာ ရမည် ဖြစ်သလိုဘဲ ပြည်သူ လူထုအသံ တိုင်းရင်းသားများ တို့၏ အသံကိုလည်း ကြားနာ သင့်ကြောင်း ပြန်ကြားရေး တာဝန်ခံ ဗိုလ်မှူး မင်းဌေးက အဆိုပြု တင်ပြ ခဲ့ပါသည်။

ABSDF မြောက်ပိုင်း အဖွဲ့သည် ပြီးခဲ့သည့် သြဂုတ်လ (၅) ရက်နေ့ကရန်ကုန်မြို့ မြန်မာ ငြိမ်းချမ်းရေး ပြန်လည် ထူထောင်ရေး လုပ်ငန်း ဗဟိုဌာန (MPC) ရုံးတွင် ကျင်းပသော အပစ်အခတ် ရပ်စဲရေး ဆွေးနွေးပွဲတွင် ကိုယ်စားလှယ် (၅) ဦး ပါဝင် တက်ရောက် ခဲ့ပါသည်။  ABSDF သည် သဘော တူညီချက် (၄) ချက်ဖြင့် အစိုးရနှင့် ပဏာမ အပစ်အခတ် ရပ် စဲ ခဲ့ပါသည်။

အလားတူ သြဂုတ်လ (၁၀) ရက်နေ့တွင်လည်း ပြည်ထောင်စု အဆင့်နှင့် ပထမ အကြိမ် တွေ့ဆုံပြီး အချက် (၁၃) ချက် သဘောတူ လက်မှတ် ရေးထိုး ပြန်ပါသည်။ သို့သော် ABSDF ကျောင်းသား တပ်မတော်သည် ပါတီ ထောင်ပီး ရွေးကောက်ပွဲ ဝင်ရန် အစီအစဉ် မရှိဟု ဆိုပါသည်။

(ABSDF) အဖွဲ့၏ အပစ်အခတ် ရပ်စဲရေး အပေါ်တွင် မဟာမ်ိတ် ဖြစ်သည့် ကချင် လွတ်လပ်ရေး အဖွဲ့ KIO မှ တစုံတရာ ဝေဖန် ပြောဆိုခြင်း မရှိကြောင်း ABSDF ပြန်ကြားရေး တာဝန်ခံ ဗိုလ်မှူး မင်းဌေး က ဆိုပါသည်။

ABSDF ကျောင်းသား တပ်မတော် တို့သည် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဌ ဦးအောင်မင်း ဦးဆောင်သည့် ကိုယ်စားလှယ် အဖွဲ့တို့နှင့် အလွတ်သဘော (၃) ကြိမ်၊ ကြိုတင် ပြင်ဆင်ရေး အလုပ် အဖွဲ့နှင့် (၂) ကြိမ် စုစုပေါင်း (၅)ကြိမ်ခန့် တွေ့ဆုံ ဆွေးနွေး ခဲ့ကြပြီးမှ အပစ်ရပ်နိုင်ခဲ့ခြင်း ဖြစ်ပါသည်။

မြန်မာနိုင်ငံ ဆိုင်ရာ ABSDF ကျောင်းသား တပ်မတော်သည်  ၁၉၈၈ ခုနှစ် နိုဝင်ဘာလ (၁) ရက်နေ့က စတင် ဖွဲ့စည်း ခဲ့ပါသည်။ အခြေခံ အင်အား တပ်ရင်းပေါင်း (၁၁) ရင်းခန့်ရှိပြီး မဟာမိတ် တိုင်းရင်းသား လက်နက်ကိုင် အဖွဲ့ များတို့ နှင့်အတူ ပူးတွဲ စစ်ဆင်ရေးများ ဆင်နွှဲခဲ့ပါသည်။ ကချင်ပြည်နယ်တွင် ရှိနေသော ABSDF မြောက်ပိုင်း အဖွဲ့သည် KIO နှင့်အတူ ၂၀၁၂ ခုနှစ် အစိုးရ စစ်ဆင်ရေး များကို လက်တွဲပြီး ယနေ့ အထိ ရင်ဆိုင် နေခဲ့ပါသည်။

http://www.phophtawnews.org/burmese/index.php/news/internal-news/item/661-2013-08-29-12-16-10.html

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။