Sunday, August 11, 2013

SHARE SHAGAN MASAT HPAWNG GALAW

(Jinghpawkasa)

Wunpawng Amyu hte Wunpawng Mungdan sha ni shanglawt lu na lam hta Mungdan hte myu sha ni yawng a hkungga tai, asak apnawng mat wa sai “Share Shaga” ni hpe, myit dum masat masa galaw ai Ninghtoi gaw August shara praw (10) hta rai nga ai. Dai Masat Ninghtoi hpe “Share Shagan Masat Ninghtoi” ngu shamying ai re.
 
Ginjaw Ginra Ginwang Ginjaw, Masat (5) Dap Ba Daju hta 2013 ning a “Share Shagan Masat Ninghtoi Hpawng” hpe, Masat (5) Da Ba Daju, Padang Ninghkawng Gawknu hta Ninghtoi;-10/8/2013 ya jahpawt daw hkying 10:00AM ten hta galaw la lu sai. Dai Hpawng hta Hpawng Hpa-awn lit hpe Masat (5) Dap Ba Du Up (B.M) Du Kaba Kumbu Din La lit la ai, “Ginjaw Komiti Tingnyang Up, Ningbaw Kaba a Share Shagan Masat Ninghtoi Shatsam Mungga” hpe, Masat (5) Dap Ba Up (B.C), Du Kaba Nawgu Gum Ja kaw na hti htawn ya ai, Ginjaw Ginra Ginwang Ginjaw Komiti Tingnyang Up Slgk, Maji Naw Mai (Div.O) kaw na Ginjaw Komiti Tingnyang Up a “Share Shagan Masat Ninghtoi Shatsam Mungga” hpe madi shadaw let, du sa ai Dap shawa hpe n’gun jaw satsam mungga shaga la ai. Dai hpawng hta Dap shawa n’gun yawng 300 grup-yin sa du shang lawm ai lam na chye lu ai.

 
Ginjaw Komiti Tingnyang Up, Ningbaw Kaba a Share Shagan Masat Ninghtoi Shatsam Mungga hpe, Masat (5) Dap Ba Up(B.C), Du Kaba Nawgu Gum Ja kaw na du sa ai Dap Shawa hpe hti htawn nga yang.

Ginjaw Ginra Ginwang Ginjaw Komiti Tingnyang Up Slgk, Maji Naw Mai (Div.O) kaw na Ginjaw Komiti Tingnyang Up a “Share Shagan Masat Ninghtoi Shatsam Mungga” hpe madi shadaw ai mungga shaga nga yang.


Share Shagan Masat Ninghtoi Hpawng hta du sa ai Dap Shawa.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။