Friday, August 16, 2013

ယုံကြည်မှုရှိမှ ဖယ်ဒရယ် ပြည်ထောင်စု ဖြစ်ပေါ် မယ်လို့ ဒေါ်အောင်ဆန်းစုကြည် ဆို

(RFA)

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်က ဖယ်ဒရယ် ပြည်ထောင်စုတည်ဆောက်ရေး အတွက်  အဓိက လိုအပ်ချက်ကတော့ တိုင်းရင်းသား အားလုံး တစ်ဦးကိုတစ်ဦး  အပြန်အလှန်ယုံကြည်မှု နဲ့ လေးစားမှုရှိရေးဖြစ်တယ်လို့ ပြောကြားလိုက် ပါတယ်။

ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့ညနေပိုင်းက ဆက်သွယ်မေးမြန်းခဲ့ရာမှာ အခုလိုဖြေကြားခဲ့တာဖြစ်ပါတယ်။

"အပြန်အလှန် လေးစားမူ ယုံကြည်မူရှိပြီဆိုရင် ပြည်ထောင်စုပုံစံတစ်ခု ဖော်ထုတ်ဖို့ဆိုတာ သိပ်ခက်ခက်ခဲခဲ မဟုတ်ပါဘူး၊ အရေးကြီးတာက တစ်ယောက်နဲ့တစ်ယောက် ယုံကြည်နိုင်ဖို့ လေးစားဖို့ အားလုံးက အတူလက်တွဲပြီးလုပ်ရင် လက်မတွဲတာထက် အများကြီးကောင်းတယ်ဆိုတာ နှလုံးသွင်းနိုင်ဖို့ပဲ၊ အဲဒီလို အခြေအနေ မဖြစ်သရွှေ့တော့ ခက်ခဲဦးမှာပဲ"


ဒါ့အပြင် ပုံနှိပ်ထုတ်ဝေခြင်း ဥပဒေနဲ့ ပတ်သက်ပြီး မေးမြန်းရာမှာတော့ စာနယ်ဇင်းကောင်စီက တင်ပြတဲ့မူကြမ်းကို အမျိုးသားလွှတ်တော်နဲ့ ပြည်ထောင်စုလွှတ်တော်ကနေ လိုအပ်သလို ပြောင်းလဲပြင်ဆင်ပြဌန်းမှာဖြစ်တယ်လို့ ဒေါ်အောင်ဆန်းစုကြည်က RFA ကိုပြောပါတယ်။

"အမျိုးသားလွှတ်တော်တင်တဲ့အခါ ပြင်သင့်တာကို ပြင်ဆင်ကြလိမ့်မယ်၊ ထောက်ခံသင့်တာကို ထောက်ခံ ကြလိမ့်မယ်၊ ပြောင်းသင့်တာကို ပြောင်းကြလိမ့်မယ်၊ အမျိုးသားလွှတ်တော်ပြီးတဲ့အခါ ပြည်ထောင်စုလွှတ်တော်ကို ပြန်သွားဦးမယ်လေ၊ ဒါသူ့အဆင့်နဲ့သူ ဆက်ပြီးတက်သွားမှာ"

တဆက်တည်းမှာပဲ စာရေးဆရာ မောင်ဝံသလို ဒီမိုကရေစီအရေး လိုလားဆောင်ရွက်သူတဦး ကွယ်လွန်သွားတိုင်း မိမိတို့ ရဲဘော်ရဲဘက်တွေအနေနဲ့ သူတို့ မျှော်လင့်ကြိုးပမ်းခဲ့ကြသလို ဒီမိုကရေစီအပြည့်အဝရရှိတာကို မမြင်မတွေ့လိုက်ကြရပဲ ဘဝဆုံးပါးသွားကြရတဲ့အတွက် ကြေကွဲဝမ်းနည်းမိရတယ်လို့ ဒေါ်အောင်ဆန်းစုကြည် က ပြောပါတယ်။

အပြည့်အစုံကို ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်မှာ နားဆင်ပါ။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။