Saturday, August 17, 2013

သျှမ်း/ကချင် နယ်စပ် မြန်မာတပ်စခန်းအနီး မူးယစ်ဆေးရောင်းဝယ်ဖောက်ကားနေ



 သျှမ်း- ကချင်နယ်စပ် မန့်ဝိန်းကြီးရဲစခန်းအနောက်ဘက်တွင် မူးယစ်ဆေးရောင်းဝယ် ရှူ သောက် နေကြသူများအား ရဲများက ရှင်းလင်းနှင်ထုတ်ခဲ့ ရာ ဆေးရောင်းဝယ်မှုတော့ လျော့ မသွားဘဲ မြန်မာတပ်စခန်းအနီးသို့နေရာပြောင်းရွှေ့သွားကြကြောင်း ဒေသခံများက ပြောပါ သည်။  

မန့်ဝိန်းကြီးအနောက်ဘက် ချိန်းဆွဲ့ခမ်းခြံထဲမှာ ရောင်းဝယ် ရှူသောက်နေကြတဲ့ မူးယစ် ဈေး ကို ပြီးခဲ့တဲ့လတုန်းက ရဲတွေက မောင်းထုတ်လို့ အခုသူတို့ မြန်sမာစစ်တပ်ရဲ့ မန့်ကောင်းခန် စခန်း အထက်ဘက်မှာ သွားရောင်းဝယ်သောက်စားနေကြတယ်  ။ နမ့်လင်း ဆိုတဲ့နေရာ မှာပေါ့။ မူးယစ်ဈေးဖြစ်နေတယ် - ဟု မန့်ဝိန်းကြီးဒေသခံစိုင်းအိုက်ကပြောသည်။


ယခင်က မူးယစ်ရောင်းဝယ်ဖောက်ကားနေသည့်အဖွဲ့များ သတင်းရပါက ကချင်တပ်မတော် က သွားရောက်ရှင်းလင်းလေ့ရှိသော်လည်း ယခုတခေါက်လာရောက်ရှင်းလင်းခြင်း မရှိသေး ကြောင်း စိုင်းအိုက်ကဆိုပါသည်။

ရှင်းလင်းသင့်တာကိုမရှင်းလင်းရင်တော့ လူငယ်တွေပျက်စီးမှုများလာမယ်။ ဆေး  သောက် စား နေကြတာကလဲ မိဘစကားနားမထောင်ချင်တဲ့အရွယ် ပျက်စီးလွယ်တဲ့ ဆယ်ကျော်သက် တွေပေါ့။ မြန်မာစစ်တပ်နဲ့နီးလို့ ကချင်တပ်လာမရှင်းတာလားမသိဘူးလို့ ရွာသားတွေက ပြောနေကြတယ်- ဟု ဆိုပါသည်။

နမ့်လင်းရွာနှင့် မန့်ကောင်းခန်ရွာမှရွာသားများလည်း လယ်ယာခြံမြေ သွားလုပ်ရန် စိတ်မဖြောင့်ကြောင်း၊ ဆေးသမားများကြောင့် ပစ္စည်းခိုးမှု ဓါးပြတိုက်လုယက်မှုလည်း ရှိလာကြောင်း ရွာခံ အမျိုးသမီးကြီးတဦးကလည်းပြောပါသည်။

ယခင်လက အဆိုပါမူးယစ်ရောင်းဝယ်သောက်စားသည့်အဖွဲ့များသည် မန့်ဝိန်းကြီး ရဲစခန်း အနောက်ဘက်တွင် ရှိနေကြပြီး ၊ ရပ်ရွာအုပ်ချုပ်ရေးမှူးများကလည်း ရှင်းလင်း ဆောင် ရွက် ပေးခြင်းမရှိကြောင်း၊ မန့်ဝိန်းကြီး ကျေးရွာ အနီးရှိ သျှမ်းမြောက် နမ့်ခမ်းမြို့ ကောင်းဆာ ကျေးရွာ ဟိုနမ့် မူးယစ်ဆေးရောင်း သည့်နေရာလည်း  မူးယစ်ဆေးဝါးများ လွတ်လပ်စွာ ရောင်းဝယ်ဖောက်ကားနေကြ ကြောင်း၊ ကချင်နှင့်  မြန်မာ့တပ် မတော်တို့ တိုက်ပွဲဖြစ်ပွားသည့် အချိန်မှစပြီး မူးယစ်ဆေး ယာဘ သုံးသူများပြားလာခြင်းဖြစ် ကြောင်းဒေသခံများ ကပြောပြပါ သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။