Saturday, July 20, 2013

PANGWA MAGA MYEN HPYEN N-GUN BAI JAT

(Jinghpawkasa)

Wunpawng Mungdan Shanglawt Asuya Dingdungdai Ginwang Dap Ba (1) up hkang ginra rai nga ai Pangwa ginra maga de myen hpyen ni n-gun kaba hte bai htu nga sai lam na chye lu ai. Myen asuya a hpyen dap Pin Baw daju hk-l-y (521), Samaw daju hk-l-y (105) ni hku nna hpyen man lahkawng hku nna htu lung wa ai re lam na chye lu ai. Chihpwi hpyen man ni gaw July (18) ya shani shani ka-ng hkying (12:00) ten ram hta hpyen mawdaw kaba (7) hte Mandawng mare kaw du shang wa sai lam na chye lu ai. Ndai hpyen man ni gaw Jinghpaw Mung hte Miwa mung,Pangwa jarit shadaw masat (6) hpe n lu lu hkra bai zing la na lam hte Zahkung Ting Ying a masing mung re lam hpe na chye lu ai. Jarit shadaw masat (8) de lung wa ai hpyen man ni gaw gara maga hku htu lung wa ai re hpe hkrak n chye lu shi ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။