Monday, July 1, 2013

LAWU TSANG UPHKANG DU MAJAT WUNKAT YU HPAWNG GALAW

(Jinghpawkasa)

Wunpawng Mungdan Shanglawt Asuya, Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Yu Hpawng hpe, 2013 ning, July praw (1) ya jahpawt hkying (8:00 AM) ten, Ginjaw Ginra Ginwang Ginjaw, Masat (5) Dap Ba Daju, Padang Ninghkawng Gawk Nu hta galaw la lu sai lam chye lu ai.


Dai hpawng hta Ginjaw Ginra Ginwang Ginjaw Uphkang Du (Div.O) Slgk. Maji Naw Mai kaw nna Masat Yan (1) Lawu Tsang Uphkang Du Majat Wunkat hta sharin hkam la ngut sai, Lawu Tsang Uphkang Du ni hpe Shawnglam de ta tut galaw sa wa na magam bungli ni hte seng nna, numhtet numra shatsam mungga jaw la ai hte Masat Yan (1) Lawu Tsang Uphkang Du Majat Wunkat Yu Hpawng hpe angwi apyaw hte sha galaw la lu sai lam na chye lu ai.

Ndai Wunkat Yu Hpawng hta Ginjaw Ginra Ginwang Ginjaw Dinggrin Komiti Salang ni, saw shaga da ai salang ni, Wunkat Jawngma ni hte Dap shawa n’gun yawng marai (70) daram sa du shang lawm ai lam hpe mung na chye lu ai.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Yu Hpawng hta Ginjaw Ginra Ginwang Ginjaw Uphkang Du (Div.O) Slgk. Maji Naw Mai Mungga shaga nga yang.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Yu Hpawng hta du sa ai Dap shawa hte Wunkat Jawng ma ni.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat lung ngut sai Jawng ma ni.  

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။