Friday, July 19, 2013

CANADA CATHOLIC NGO NI TSIN YAM NI HPE GARUM

(Jinghpawkasa)

Canada Mungdan Catholic Development and Peace (NGO) hpung kaw nna Jinghpaw mung kata majan a majaw tsin yam hkrum nga ai myu sha ni a matu US$ 50,000 hpe garum ya lai wa sai lam na chye lu ai. Ndai garum alu ni hpe Myanma mung Catholic hpung a Karuna Myanmar Social Service (KMSS) hku nna garum shingtau lai wa ai re lam hpe mung na chye lu ai. Ndai Karuna Myanmar Socail Service hku nna Jinghpaw mung hpyen yen dabang hkan du nga ai hpyen yen tsin yam ni hpe malu masha, tsi mawan hte arung arai ni ra mara hpe garum madi shadaw ya nga ai sha n-ga, hpaji jawng ni hpaw nna ma ni hpe laika hpaji ni hpe mung lit la sharin ya nga ai u-hpung re lam hpe chye lu ai.


Ndai Development and Peace hpung ni gaw lai wa sai2010 ning hta myanmar mung kaw byin lai wa sai Nagris nbung laru hkrum sha ai ni hpe mung $ 2.4 millions garum shingtau lai wa sai re lam hpe na chye lu ai.

Ndai zawn Jinghpaw mung kata na tsim yam ni hpe lu garum la ai lam gaw Canada du Kachin Catholic Community ni kawn shakut shaja ai majaw re lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။