Wednesday, July 17, 2013

တိုင်းပြည်သာဆင်းရဲတာ လူတစ်စုကတော့ကြောက်ခမန်းလိလိချမ်းသာနေဆဲ…

(ဇော်ဝမ်းမောင် FB စာမျက်နှာ)

ပွင့်လင်းမြင်သာမှု အတိလင်းမရှိသော လက်ရှိအစိုးရ၏ အပြုမှု များ ခေတ် အဆက် ဆက် ချေလွန် လက်လွန်ခိုးခဲ့တာတွေ လုယူခဲ့တာတွေကို ယခုလူထုတွေအတွက် တခုလေး များ ပြန်ပြီး လုပ်ပေးခဲ့ ရင်တောင် လူထု အဖို့ စိတ်ဖြေရာရပြီး ခွင့်လွတ်ပေးကြမှာဖြစ်ပါ တယ်။ ဒါပေမဲ့ လက်တွေ့ မှာတော့ စစ်တပ်ကနှေ နိုင်ငံတော် စီးပွားရေး ကို လက်ဝါးကြီး အုပ် တပ်ချုပ်ကြီးနဲ့ အလိုတူ အလိုပါ ခေတ်ပျက် သူဌေးတွေ ဝက်ဝက် ကွဲအောင် တိုင်းပြည် ဘဏ္ဍာနဲ့ သယံဇာတတွေ ခိုးကြ၊ မျိုကြ၊ ဆို့ကြ လို့ တိုင်းပြည် ပြာပုံ ထဲရောက်၊ သဘာဝ ဘေးဒဏ်တွေ ကျ၊ ပြည်သူ က ကျောမွဲ ဘဝက မတက် တဲ့ ဘဝရောက်နေကြရတာပါ။


နှိင်ငံတကာက အမြင်ကောင်းရုံလောက်။ ကုလကလက်ခံန်ိင်ရုံ လောက်ဆိုတဲ့ စံနစ်ဟောင်းဆေးပြီးတိုများသုံးဟန်ပြညီညွတ်ရေး တွေဟန်ပြ ငြိမ်း ချမ်း ရေး တွေလုပ်နေတော့ မြန်မာပြည် သူလူထု တိုင်းရင်းသား အပေါင်း ဖွတ်သည်ထက်ညစ်ရတော့ မဲ့ အခြေအနေဖြစ်နေပါပြီ။

နိုင်ငံရဲ့ စီးပွားရေးအသက်သွေးကြော တစ်ခုလုံးကို ပင် ဦးပိုင်မှ ဝါးမြိုထားပါတယ်။ အရင်းအနှီးပမာဏမှာ ၁၉၉၀ ခုနှစ်ခန့်က ကျပ်ကုဋေတထောင် (သန်း ၁၀၀၀၀) ရှိသဖြင့် ဗမာပြည် သမိုင်းမှာ စတင်တည်ထောင်စလုပ်ငန်းတခုအဖို့ အကြီးမားဆုံးအရင်းအနှီးအဖြစ် စံချိန်သစ်တင်ခဲ့ပါတယ်။ကာကွယ်ရေးဝန်ကြီးဌာန ပစ္စည်းဝယ်ယူမှုညွှန်ကြားရေးမှူးရုံး (ကကဝယ်) က ထည့်ဝင်သည့် ၄၀%နှင့် ကျပ် ကုဋေ ၄၀၀ မှာ ပြည်သူ့ဘဏ္ဍာများပင်ဖြစ်ပါတယ်။ စစ်တပ်ကပိုင်ဆိုင်ခံစားကြမည့် ရင်းနှီးမြှုပ်နှံမှုကြီးအတွက် ပြည်သူလူထု၏ငွေ ကျပ်ကုဋေ ၄၀၀ ကို အတိုး မရှိ ဆွဲသုံးလိုက်ခြင်းပင်ဖြစ်ပါတယ်။ ကျန် ၆၀% ကို စစ်မှုထမ်းဆဲ နှင့် အငြိမ်းစားတပ်မတော်အရာရှိများ၊ စစ်မှုထမ်းဟောင်းအုပ်စုများ အပါအ၀င် တပ်မတော်ပိုင် စီးပွားရေးလုပ်ငန်းနှင့် မိတ်ဆွေအဖွဲ့များက ပိုင်ဆိုင်ပါတယ်။ ဦးပိုင်သို့ထည့်ဝင်ရမည့် ငွေကြေးအချိုးအစားအရ တပ်မကြီးဆိုရင် သိန်း (၁၀၀၀)၊ တပ်ရင်း/ တပ်ဖွဲ့အဆင့် တပ်လတ် ဆိုရင် သိန်း(၃၀၀) မှ (၅၀၀)၊ တပ်ငယ်ဆိုရင် သိန်း (၂၀၀) ဤငွေများကို တပ်ရင်းတပ်ဖွဲ့များက ကိုယ့်အစီအစဉ်နှင့် ကိုယ့်နည်းလမ်းအမျိုးမျိုးဖြင့် ရှာကြရပါတယ်။ ပြည်သူလူထုထံမှ နည်းအမျိုးမျိုးဖြင့် ကလိန်ကကျစ်ကျပြီး ဓါးပြတိုက်ယူထား သောငွေများပင်ဖြစ်ပါတယ်။

စစ်အုပ်စုနှင့် သူတို့၏ နီးစပ်ရာများ သားသမီးများ တပ်မတော် အရာရှိကြီးအချို့နှင့် ၎င်းတို့နှင့် ပတ်သက် ဆက်နွယ်သူများသာ ကောင်းစားလာပြီး ပြည်သူလူထုမှာတော့ကျောမွဲဘဝက မတက်နှိုင်ဖြစ်နေရပါတယ်။ မြန်မာ စီးပွားရေးဦးပိုင် လီမိတက်မှ ချုပ်ကိုင်ထားသော လုပ်ငန်းများမှာ၊ မြန်မာအင်တာပရိုက် ကုမ္ပဏီ လီမိတက်၊ မိုးကုတ် ကျောက်မျက်ရတနာ တူးဖော်ရေးလုပ်ငန်း၊ မိုင်းရူး ကျောက်မျက်ရတနာ တူးဖော်ရေးလုပ်ငန်း၊ နန်းယားဒေသ ကျောက်မျက် တူးဖော်ရေးလုပ်ငန်း၊ ရွှေသတ္ထု တူးဖော်ခြင်းလုပ်ငန်း၊ မော်ချီးဒေသ ခဲ၊သတ္ထု တူးဖော်ခြင်းလုပ်ငန်း၊ ကျောက်စိမ်း ထုတ်လုပ်မှုလုပ်ငန်း၊ ကျောက်စိမ်း ကျောက်မျက်ရတနာ အချောထုတ်လုပ်ခြင်းလုပ်ငန်း၊ မြန်မာ အင်ဒီမီဒီရယ်ဂျိတ် ကုမ္ပဏီ လီမိတက်၊ မြန်မာပရူဝါရီ ကုမ္ပဏီ လီမိတက်၊ ဂရင်းနှိပ် ကျောက်ပြားစက်ရုံ (ကျောက်ဆည်)၊ ပလပ်စတစ် ရက်ထည်အိပ်စက်ရုံ (ကျောက်ဆည်)၊ မော်စကိုစတီးလ် သွပ်ပြားစက်ရုံ၊ မာမီး ခေါက်ဆွဲစက်ရုံ၊ Red Rubby စီးကရက်စက်ရုံ၊ ဒူးယားစီးကရက်စက်ရုံ (ပခုက္ကူ)၊ မြန်မာရာဘာဝုဒ် ကုမ္ပဏီ လီမိတက် (မော်လမြိုင်)၊ မြန်မာ နာနတ်ရည်လုပ်ငန်း (ပဲခူး)၊ မြ၀တီ သောက်ရေသန့်လုပ်ငန်း၊ မြန်မာဘီယာ ဖြန့်ဖြူးရေးလုပ်ငန်း၊ လန်းပီ ပင်လယ်ရေကြောင်းခရီး ပို့ဆောင်ရေးလုပ်ငန်း၊ ငွေပင်လယ် မွေးမြူရေးနှင့်ရေလုပ်ငန်း၊ ပင်လယ်ငါးဖမ်းခြင်းလုပ်ငန်း၊ ရေထွက်ပစ္စည်း ပို့ကုန်လုပ်ငန်း၊ မွေးမြူရေးလုပ်ငန်းများ (ကြက်/ငါး/ပုဇွန်)၊ ရေလုပ်ငန်း စက်မှုရုံ ဖော်ထုတ်ခြင်းလုပ်ငန်း၊ တနင်္သာရီတိုင်း ငှက်သိုက် ထုတ်ယူခြင်းလုပ်ငန်း၊ ဆီအုန်း စိုက်ပျိုးရေးလုပ်ငန်း (ကော့သောင်း)၊ ဆင်မင်း ဘိလပ်မြေစက်ရုံ (၁/၂/၃) (ကျေက်ဆည်)၊ Myanmar land and development ကုမ္ပဏီလီမိတက်၊ သကြားစက်ရုံ (ဥက္ကံ)၊ ပဒုမ္မာ ဆပ်ပြာစက်ရုံ (ပေါင်)၊ သကြားစက်ရုံ (အင်းငါးခွ)၊ တော်ဝင် ပလပ်စတစ် လူသုံးကုန်စက်ရုံ (ကျောက်ဆည်)၊ ဆာလဖြူရစ် အက်စစ်စက်ရုံ (မုံရွာ)၊ မြ၀တီ ဘဏ်လုပ်ငန်း၊ မြ၀တီ ထရေးဒင်း သွင်းကုန်/ထုတ်ကုန်လုပ်ငန်း၊ နိုင်ငံခြားငွေ လဲလှယ်မှုလုပ်ငန်း၊ တပ်မတော်သား သက်သာချောင်ချိရေး အရောင်းဆိုင်၊ ဒုိ့ယာမြေ စိုက်ပျိုးရေးလုပ်ငန်း၊ ပြည်သာယာ စိုက်ပျိုးရေးလုပ်ငန်း၊ ဗန္ဓုလ သယ်ယူပို့ဆောင်ရေးလုပ်ငန်း၊ မြ၀တီ စိုက်ပျိုးရေး ၀န်ဆောင်မှုလုပ်ငန်း၊ န၀ဒေး ဟိုတယ်နှင့် ခရီးသွားလာရေး လုပ်ငန်းတို့ ဖြစ်ကြပါတယ်။

မြ၀တီ ထရေးဒင်း ကုမ္ပဏီလီမိတက်ဟာ နိုင်ငံခြားနှင့် သွင်းကုန်/ထုတ်ကုန် လုပ်ငန်းများ၊ အကျိုးတူ ဖက်စပ်လုပ်ငန်းများအား အဓိကထား လုပ်ကိုင်သော ကုမ္ပဏီကြီး ဖြစ်ပါတယ်။ မြ၀တီ ထရေးဒင်းမှ သွင်းကုန်/ထုတ်ကုန် လုပ်ငန်းအများစုကိုလည်း တပ်မတော်မှ အခွင့်ထူးခံ ဗိုလ်ချုပ်ကြီးများ၏ မိသားစုဝင်များ ၎င်းတို့နှင့် ပတ်သက်ဆက်နွယ်သည့် စီးပွားရေး လုပ်ငန်းရှင်များသာ လုပ်ကိုင်ခွင့် ရရှိကြပါတယ်။

ဗန္ဒုလ သယ်ယူပို့ဆောင်ရေးအောက်တွင် ဗန္ဒုလ ကုန်စည် ပို့ဆောင်ရေးလုပ်ငန်း၊ လေအိပ်ကားများ ဌားရမ်းခြင်း၊ ရောင်းချခြင်း လုပ်ငန်း၊ ရွှေမန်းသူ (ရန်ကုန်- မန္တလေး)၊ ရှမ်းမလေး (ရန်ကုန်-တောင်ကြီး)၊ ရွှေမြိုင်သူ (ရန်ကုန်-မော်လမြိုင်)၊ တော်ဝင် (ရန်ကုန်-နေပြည်တော်)၊ ရွှေမန်းသူ (ရန်ကုန်- နေပြည်တော်)၊ တော်ဝင် (နေပြည်တော်-မကွေး) အဝေးပြေး ယာဉ်လိုင်းများ၊ ပါရမီ (Taxi) (ရန်ကုန်မြို့တွင်း)၊ တော်ဝင် (Taxi) နေပြည်တော်မြို့တွင်း၊ ယဉ်လိုင်းများ ပါဝင်ပါတယ်။

ထို့ကြောင့် ပြည်သူလူထုများထဲမှ စီးပွားရေး လုပ်ငန်းရှင်များသည် စီးပွားရေးဦးပိုင် လီမီတက်နှင့် ယှဉ်ပြိုင်၍ လုပ်ကိုင်ပါက ဆုံးရှုံးလိမ့်မည်သာ ဖြစ်ပါတယ်။မြန်မာစီးပွားရေး ဦးပိုင်လီမီတက်ဟာ နိုင်ငံတော်၏ စီးပွားရေးလုပ်ငန်း အားလုံးနီးပါးကို ချုပ်ကိုင်ထားပြီး အခွန်ကင်းလွတ်ခွင့်များ အတော်အတန် ရရှိထားသဖြင့် နိုင်ငံတော်၏ ဘဏ္ဍာငွေများသည် တိုးပွားခြင်း မရှိခဲ့ခြင်းဖြစ်ပါတယ်။တနေ့တခြား နိုင်ငံတော်ဝင်ငွေ ဆုတ်ယုတ်လာပြီး တိုင်းပြည်ဆင်းရဲရခြင်းပင်ဖြစ်ပါတယ်။

၂၀၀၂ ခုနှစ်ကစ၍ သဘာဝ ဓာတ်ငွေ့မှ အမေရိကန်ဒေါ်လာငွေ ၅ ဘီလီယံခန့် (သန်း ၅၀၀၀) ထိုင်းနိုင်ငံအစိုးရထံမှ အတိုးရောအရင်းပါရရှိခဲ့ပါတယ်။ နောက်ပိုင်းမှာလည်း နှစ်စဉ်ပုံမှန်ရရှိခဲ့ကြပါတယ်။ ရရှိတဲ့ငွေများကို ထိုင်းနှင့်စင်္ကာပူရှိ မြန်မာသံရုံးများ၏ သံတမန် အခွင့် အရေးအောက်တွင် သီးခြားဘဏ်ငွေစာရင်းများဖွင့်၍ သဘာဝဓာတ်ငွေ့မှရသောငွေများကိုသွင်းရပါတယ်။ အဲဒီဘဏ်ငွေစာရင်းများမှ စစ်တပ်နှင့်ပတ်သက်၍ လေယာဉ်များအပါဝင်အဆင့်မြင့်လက်နက်ကြီးငယ်များ၊ အနုမြူ နှင့်ဒုံးလက်နက်ကိစ္စများကို ဦးပိုင်က စစ်တပ်အတွက် ဝယ်ယူပေးရပါတယ်။ ဦးပိုင်လီမိတက် ဟာ ထင်သလို ငွေကိုသုံးနိုင်ရန် စာရင်းစစ်၍မရသော အဖွဲ့စည်းတခုဖြစ်နေပြီး စစ်တပ်ကို ကျောထောက်နောက်ခံပြုထားသော စီးပွားရေးလက်ကိုင်ဒုတ် တခုလည်း ဖြစ်နေပါတယ်။

ယခင်မ.ဆ.လခေတ်ကာလက အာဏာရှင်များဟာ သူတို့ မတရားယူထားတဲ့ စည်းစိမ်ငွေမဲတွေကို ဆွစ်ဇာလန်နိုင်ငံ ဘဏ်သို့ အပ်မယ်။ နိုင်ငံတကာမှာ အိမ်တွေ၊ ခြံတွေ ဝယ်မယ်။ အဲ့ဒီလိုနည်းနဲ့ ခိုးထားသမျှ စာရင်းဖျောက်ကြပါတယ်။ အခုနောက်ဆုံးပေါ် စာရင်းဖျောက်နည်းကတော့ ငွေကို အရှင်ထားခြင်း ဖြစ်တယ်။ မြန်မာပြည်ရဲ့ သူဌေးတိုင်းရဲ့ လုပ်ငန်းတိုင်းမှာ မြန်မာပြည်ရဲ့ စစ်ဗိုလ်ချုပ်သားသမီးတွေရှယ်ယာ ပါပြီးသား။ ဤသို့ ဤပုံ မြန်မာစစ်ဗိုလ်ချုပ်များက ကွက်ကျော်မြင် ဂွင်ကျော် ရိုက်ထားတတ်ကြပါတယ်။ ပုဂ္ဂလိက ခေါင်းစဉ်တပ်လိုက်၊ သူတို့က ယူလိုက်နဲ့ မြန်မာပြည်ကို အိမ်တိုင်ပါ ချွတ်ရောင်းတဲ့ပုံ ပေါက်နေကြတယ်။ ပိုပြီး စိုးရိမ်စရာ ကောင်းတာက အခြေအနေ အပြောင်းအလဲကြောင့် သူတို့ အစိုးရ ပြုတ်ကျလျှင်တောင်မှ ပြည်သူတွေနဲ့ဆိုင်တဲ့ နိုင်ငံပိုင် စီးပွားရေးလုပ်ငန်းများ မရှိတော့တဲ့ အခြေအနေပါဘဲ။ ပြောရလျှင် ပုဂ္ဂလိက အမည်ခံကာ အစိုးရပိုင်အဖြစ်မှ ကိုယ်ပိုင်အဖြစ်သို့ ပြောင်းလဲနေခြင်းပါဘဲ။အလွန်တရာ ကလိန်စေ့ ငြမ်းဆင်နိုင်သော လှည့်ကွက်ပင် ဖြစ်ပါတယ်။။ သူတို့ ပြုတ်ကျခဲ့ရင်တောင်မှ မြန်မာပြည်အား အခွံဘဲ ချန်ခဲ့မယ်ဆိုတဲ့ ဘယ်သူသေသေ ငတေမာပြီးရော ဆိုသည့် စိတ်ဓါတ်မျိုးဘဲ ဖြစ်ပါတယ်။ စစ်အာဏာရှင်တွေဟာဆော်ဒီအာရေဗျနိုင်ငံလို အာရပ်နိုင်ငံများမှ ချေးငွေတွေကို ရယူဖို့ ကြိုးစားနေသလို အာဏာရှင်မိသားစုများရဲ့ ကိုယ်ပိုင် ဓနဥစ္စာ၊ ငွေကြေးတွေကို စင်ကာပူမှ ဒူဘိုင်းသို့ လွှဲပြောင်းနိုင်ရေးကိုလည်း ကြိုးစားနေကြပါတယ်။

တရုတ်နယ်စပ်နဲ့ ထိစပ်နေတဲ့ ကချင်ပြည်နယ်နှင့် ရှမ်းပြည်နယ်မြောက်ပိုင်းမှာရှိတဲ့ သဘာဝသစ်တောများမှ သစ်များကို တရုတ်တို့နဲ့ ၄င်းတို့ရဲ့ လက်ပါးစေ နယ်မြေခံများက တရားမ၀င် ခုတ်လှဲပြီး တရုတ်ပြည်ဘက်ကို ခိုးထုတ်နေကြတာ အခုဆိုရင် ဆယ်စုနှစ်တစ်ခုမက ကြာမြင့်ခဲ့ပါပြီ။ အဲဒီလို ခိုးထုတ်နိုင်အောင် မြန်မာစစ်တပ်က တိုင်းမှူးအပါအ၀င် ထောက်လှမ်းရေး တပ်မှူး၊ ဗျူဟာမှူး၊ စစ်ကြောင်းမှူး၊ တပ်ရင်းမှူး၊ တပ်ခွဲမှူးများသာမက ဒေသဆိုင်ရာ အုပ်ချုပ်ရေးဌာနများ၊ ရဲ၊ ဌာနဆိုင်ရာ၊ သစ်တောဌာန စတဲ့ တာဝန်ရှိသူအားလုံးဟာ တစ်နည်းမဟုတ်တစ်နည်း ပါဝင် ပတ်သက်ခဲ့ကြပါတယ်။ အဲဒီလိုနဲ့ မြန်မာ့သစ်တောထဲမှာ သစ်ခိုးယူမှုဟာ အဆမတန် များပြားလာလိုက်တာ ပွဲတော်ကြီးတစ်မျှပါပဲ။ သစ်ကားများသည် KIA သိမ်းထားသော နေရာများသာ မက မြန်မာ့ တပ်မတော် တပ်စွဲထားသော နေရာများပါ နေစဉ်ဖြတ်သန်း ရပါတယ်။KIA နှင့် တိုက်ပွဲ ဖြစ်ပွားပြီးနောက် ယနေ့ အချိန် ကချင်ပြည်နယ် တရုတ်နယ်စပ် အနီး တွင် စခန်းချ ထားသော မြန်မာတပ်မတော် တပ်ခွဲများလည်းရှိရာ ထို သစ်မှောင်ခို ခိုးထုတ်သော ကားများသည် မြန်မာ့ တပ်မတော် တပ်ခွဲ (ယခုအချိန်တွင် ၈ ခွဲ) ထားရှိရာ နေရာများ ကို နေစဉ်ဖြတ်သန်း ရပါတယ်။ ထိုသို့ ဖြတ်သန်းခ အတွက် မြန်မာစစ်တပ် တပ်ခွဲ တစ်ခုစီကို သစ်မှောင်ခို ကားတစ်စီးအတွက် တစ်သိန်းသုံးသောင်း ပေးကြရပါတယ်။ တစ်နေ့တစ်နေ့ အစီးရေ ၂၅၀ နဲ့ ၃၀၀ ကြားမှာ ရှိပါတယ်။ ၁၂ ဘီးကား၊ ၂၂ ဘီးကားတွေနဲ့ နေ့စဉ်တင်ပြီး ဖြတ်သန်းနေတာပါ။ သစ်တင် မဟုတ်သေးပါကျောက်စိမ်း ကားများလည်း ပါရှိပါတယ်။ ကျောက်စိမ်းကားများ အတွက်ကတော့ သီးသန့်  ဈေးရရှိကြပါတယ်။မြစ်ကြီးနား အနီး တပ်ရင်းများ ရှိ အရာရှိ များမှာ ရှေ့ တန်း ရောက်နေသော အခါ ယခင် နဲ့ မတူ့ ရှေ့ တန်းပဲထွက်ချင်နေကြပါတယ်၊သစ်တင်ကားများ မှ ငွေများကို ရာထူး အလိုက် အချိုးကျ ရရှိလာ သဖြင့် များစွာ အဆင်ပြေနေကြခြင်းလည်းဖြစ်ပါတယ်။ အရာရှိငယ်တစ်ယောက်ဆို အရင်က ငွေမတတ်နိုင်လို့ အဲ့နေရာ ရောက်ပြီး မှ သုံးလအတွင်း အဆင်ပြေပြီး ရည်းစားကို နောက်ဆုံးပေါ် iPhone5 တွေ S4 တွေ လက်ဆောင်ဝယ်ပေးလာနိုင်ပြီး ခုဆို လက်ထပ်ဘို့ တောင် ဘဏ်က ငွေ သိန်းသုံးဆယ်ကျော် လွဲထားပြီးလက်ထပ်မိန့် တင်ထားတယ်လို့ဆိုပါတယ်။ကချင်နဲ့ ငြိမ်းချမ်းရေး ရပြီး တပ်ပြန်ရမှာ ကိုတောင် စိုးနေရိမ်ကြပါတယ်။

အခုတော့ မြန်မာနိုင်ငံမှာက လက်လုပ်လက်စားနဲ့ ဝန်ထမ်းများသာ ပုတ်ပွလို့ ထနေတယ်။ သူတို့ အလုပ်လုပ်နေတဲ့ ရည်ရွယ်ချက်ကို မယုံလျှင် သွာမေးကြည့်ပါ။ စားဖို့အတွက်နဲ့ အတိုအထွာလေး ဝယ်နိုင်ဖို့ကသာ သူတို့ရဲ့ အကြီးမားဆုံး ရည်ရွယ်ချက် ဖြစ်နေပါလိမ့်မယ်။ အဘယ်မျှ စိတ်ထိခိုက်စရာ ကောင်းလိုက်ပါသလဲ။ ကားဝယ်ဖို့၊ တိုက်ဝယ်ဖို့က သူတို့ရဲ့ အိပ်မက်ထဲမှာတောင် ထည့်ပြီး မမက်ဝံ့သော စည်းစိမ် အရာဝတ္ထုများသာ ဖြစ်နေပါလိမ့်မယ်။ တိုးတက်နေတဲ့ ခေတ်ကြီးမှာ မြန်မာပြည်သားတွေ အလွန်အလှမ်းဝေးစွာ ပြတ်ကျန်နေခဲ့ကြပါပြီ။

ကျွန်တော်တို့နိုင်ငံဟာ အမှန်တကယ်မဆင်းရဲပါဘူး ယခု မြန်မာပြည်မှာ ကျင်းပနေတဲ့ Myanmar National League ဘောလုံးပြိုင်ပွဲက အသင်းပိုင်ရှင်များ(MNL ဘောလုံးပြိုင်ပွဲကြီး နေ့ချင်း ညချင်း ကြီးထွားလာရခြင်းမှာ မြန်မာပြည်ရဲ့ အားကစားလောကကို မြေတောင်မြှောက် ပေးတာထက် နိုင်ငံရေး အခင်းအကျင်းရဲ့ တစ်စိတ်တစ်ဒေသ အဖြစ် မဟာဗျူဟာမြောက် ဖေါ်ဆောင်လိုက်တဲ့ ပြိုင်ပွဲကြီး) သူဌေးကြီးများနှင့် ယခုမြန်မာပြည်က အလွန်ကြီးမားတဲ့ စီးပွားရေးလုပ်ငန်း တစ်ခုရဲ့ ပိုင်ရှင်၊ မြန်မာပြည်ရဲ့ အကြီးဆုံး စားသောက်ကုန် လုပ်ငန်းပိုင်ရှင်၊ မြန်မာပြည်ရဲ့ သွင်းကုန်ထုတ်ကုန် လုပ်ငန်းပိုင်ရှင်၊ ဘယ်သူတွေများပါလိမ့်၊ တေဇရဲ့ချမ်းသာမှုကို တရုတ်တန်းက တရုတ်သူဌေးကြီး ရွှေဆိုင်ပိုင်ဆိုင်သူက ခန့်မှန်းလို့မရအောင် ချမ်းသာကြောင်းနဲ့ တော်ရုံတန်ရုံ ချမ်းသာသူများမှာလဲ သူ့အား မယှဉ်ရဲဘဲ စီးပွားရေး လုပ်ချင်ရင် ကိုတေဇ သို့မဟုတ် ဦးပိုင်လက်ထဲသို့သာ “ဝ” ကွက် အပ်ရမလို ဖြစ်နေကြောင်း ပြောပါတယ်။ တေဇက ပေးမှ ကမ်းမှ စားရတဲ့ ဘဝမျိုး ဖြစ်နေပါတယ်တဲ့။

ကမ္ဘာ့အကြွယ်ဝဆုံး ပုဂ္ဂိုလ်များစာရင်း နှစ်စဉ် ထုတ်ပြန်မှုမှာ မြန်မာပြည်ကို လူရာမသွင်းဘဲ ချန်ထားခဲ့ပေမယ့် ကျွန်တော် ပြောရဲတာက ဘီလ်ဂိတ်ရဲ့ ကြွယ်ဝမှုကို မြန်မာပြည်က သူဌေးများ ကြည့်ပြီး ဟားတိုက် ရယ်မောနေကြမှာ သေချာလှပါတယ်။

စက်မှု ၀န်ကြီးဌာန ယခင်စက်မှု(၁)၀န်ကြီးဌာန၏ ညွှန်ကြားရေးမှူးချုပ်ဦးဝင်းမြင့် ဟာဆိုရင်သူ့လစာနဲ့မတန်လောက်အောင် ကိုချမ်းသာနေပါတယ်။ နေပြည်တော် ဥတ္တရသီရိမြို့နယ်မှာ သိန်း ၄၀၀၀ ကျော်တန်မြေကွက်နဲ့အိမ်တစ်လုံး ပုဂံ(၁)လမ်း၊ ခြံအမှတ် ( ၃၂၁၅ ) ရန်ကုန်မှာတင် အိမ် ၃ လုံး DG တယောက်ရဲ့တရားဝင်လစာက ၂၀၀၀၀၀/-ဖြစ်ပါတယ်။ (၁)နှစ်မှ (၂၄)သိန်းပဲ ရှိတယ်။ စားသောက်စရိတ်(၄)သိန်းနုတ်ရင် သိန်း(၂၀)အသားတင်ကျန်ပါတယ်။ ဒါဆိုဘယ်လိုလုပ်ဒီလိုသိန်း ၄၀၀၀ ကျော်တန်အိမ်ကို ဆောက်နိုင်ပါသလဲစဉ်းစားကြည့်ပေးပါ။ဗိုလ်ရွှေမန်းရဲ့ သားဖြစ်သူ အောင်သက်မန်းပိုင်တဲ့ ဧရာရွှေဝါကုမ္ပဏီဟာ ၁၉၉၇ ကတည်းက ဦးတေဇရဲ့ထူး ကုမ္ပဏီနဲ့ ပူးပေါင်းခဲ့ပြီး အခုအချိန်မှာတော့ စားအုန်း ဆီ၊ ဓာတ်မြေသြဇာနဲ့ လယ်ယာလုပ်ငန်းသုံး စက်ကိရိယာများနဲ့ ဆောက်လုပ်ရေး လုပ်ငန်းသုံး ပစ္စည်းများ တင်သွင်းခြင်း၊ ရွှေတူးဖော်ရေး လုပ်ငန်း၊ ဆန်၊ ပဲ၊ သစ်၊ ငါး ပုစွန် စတဲ့ ပစ္စည်းတွေကို တင်ပို့ရေးအပြင် လောင်စာဆီတင်သွင်း ရောင်းဝယ်ခြင်းလုပ်ငန်း တွေကို လုပ်ကိုင် နေပါပြီ။ နီးစပ်သူတယောက်ကတော့ “လက်နက်ကလွဲရင် အကုန်လုပ်တယ်”လို့ပြောပါတယ်။


မိုးကုတ်နဲ့ ဖားကန့်မှာလည်း ကျောက်တူးဖော်ရေး လုပ်ငန်းတွေ အကြီးအကျယ်လုပ်နေပြီး ရန်ကုန်မှာလည်း မြေကွက်အမြောက် အမြား ပိုင်ထားတယ်။ ဘန်ကောက်၊ မလေးရှား၊ စင်ကာပူနဲ့ သြစတြေးလျမှာ ကွန်ဒိုတွေ ၀ယ်ထားပြီး အမေရိကန်ရဲ့ ဆန်ရှင်ကို ရှောင်ဖို့ မလေးရှားနဲ့ ထိုင်းက ဘဏ်တွေမှာ ငွေစာရင်း ဖွင့်ထားတယ်လို့ အတွင်းသိတွေက ဆိုတယ်။ သူရ ဦးရွှေမန်းရဲ့သားငယ် တိုးနိုင်မန်း ကလည်း စီးပွားရေး အသိုင်းအ၀န်းနဲ့ အဆက်အသွယ် ကောင်းကောင်းရှိတယ်။ ဟိုတယ်နှင့် ခရီးသွားလုပ်ငန်း၊ ဆောက်လုပ်ရေး လုပ်ငန်းနဲ့ ချမ်းသာကြွယ်ဝနေတဲ့ ဇေကမ္ဘာ ဦးခင်ရွှေရဲ့သမီးနဲ့ ထိမ်းမြား ထားတာ မဟုတ်လား။ ကြားရတဲ့ သတင်းတွေအရ နာမည်ကြီး ဆက်သွယ်ရေး ကုမ္ပဏီဖြစ်တဲ့ Red Link နဲ့ ဖျော်ဖြေရေး ရေဒီယို ချယ်ရီ FM ဟာ တိုးနိုင်မန်း ပိုင်တယ်လို့ သိရတယ်။ ဦးအောင်သောင်း သူ့မိသားစုရဲ့ ချမ်းသာကြွယ်ဝမှုကို ဖော်ထုတ်တင်ပြရရင် သူ့ရဲ့သားများဖြစ်ကြတဲ့ ကိုနေအောင်နဲ့ ကိုမိုးအောင်တို့ဟာ အောင်ရီဖြိုး ကုမ္ပဏီ ထူထောင်ပြီး ဖဲရိုက်ဝါသနာ ထုံသူများ ဖြစ်ကာ အလှည့်ကျ ဆွေမျိုး မိသားစုအိမ်တွေမှာ ဖဲလှည့်ရိုက်နေစဉ် သူတို့အချင်းချင်း ပိုင်ဆိုင်မှု ကြွယ်ဝချမ်းသာမှုအား ပြိုင်ဆိုင်ရင်း ဂုဏ်ယူဝံ့ကြွားခဲ့ရာမှာ အနိမ့်ဆုံး ချမ်းသာသူ မိသားစုဝင် တစ်ဦးပင်လျှင် ၂၀၀၀ ခုနှစ် အချိန်ကာလတုံးက သိန်းထောင်ချီနေပြီဖြစ်ကြောင်းသိရှိရပါတယ်။ နောက်ပြီးတော့ သူ့ရဲ့ မွေးစားသားပမာ မန္တလေးဘီယာ ကိုယ်စားလှယ် ရရှိထားသူ AHK ကုမ္ပဏီပိုင်ရှင် ဦးဝင်းအောင်ရဲ့ပိုင်ဆိုင်မှု တွေရယ် ပြီးတော့ ရွှေဂုံတိုင်မှာရှိတဲ့ အောင်ရီဖြိုး ကုမ္ပဏီဟာ ဦးအောင်သောင်းရဲ့ သားများ ဦးစီးတဲ့ ကုမ္ပဏီ ဖြစ်ပြီး မွေးမြူရေးနဲ့ ရေလုပ်ငန်းဝန်ကြီးဌာန၊ အမှတ် (၁) စက်မှုဝန်ကြီးဌာနနဲ့ အခြား ၀န်ကြီး ဌာနတို့မှ လိုအပ်သော ကုန်ကြမ်းပစ္စည်းများကို တင်သွင်းခွင့်ပါမစ်၊ သွင်းကုန် ထုတ်ကုန် လိုင်စင်များအပြင် လုပ်ပိုင်ခွင့်အ၀၀ကို တစ်နည်းတစ်ဖုံ ချုပ်ကိုင်ရယူ ၀ါးမျိုထားကြတဲ့အပြင် ယခင် လျှပ်စစ်စွမ်းအားဝန်ကြီး ဗိုလ်ချုပ်တင်ထွဋ်ရဲ့သားနဲ့ ပူးပေါင်းပြီးတော့လည်း ရေအား လျှပ်စစ်စီမံကိန်းများ ကံထရိုက်ဆွဲကာ စက်ကြီးများ တင်သွင်းခွင့်ကိုလည်း ကန်ထရိုက်ရယူထားတဲ့ကုမ္ပဏီဖြစ်ပါတယ်။ ဦးအောင်သောင်းဟာ အတ္တသမားပီပီ ငါ့အတွက်၊ ငါ့မိန်းမ၊ ငါ့သားသမီးအတွက်၊ ငါ့ဆွေမျိုး အတွက် ငါ၏အရှက်ကို ပေးဆပ်မည်လို့ ကြွေးကြော်ရင်း အရှက်သိက္ခာမဲ့စွာ ကိုယ်ကျိုး စီးပွါးကိုသာ တစိုက်မတ်မတ် လုပ်ကိုင်ရင်း စက်မှု ( ၁) ရဲ့ အဆီအနှစ်များအား ၀ါးမြိုကာ စက်ရုံများ အရူံးပေါ်အောင်နဲ့ ၀င်းသူဇာဆိုင်ကြီး နလံမထူ ပျက်ဆီးဆုံးရူံးအောင်စွမ်းဆောင်ဦးဆောင်မှုပေးနိုင်ခဲ့ပါတယ်။

မပခတိုင်းမှူး ဗိုလ်ချုပ်မောင်မောင်ဆွေက ဒုတိယ ဗိုလ်ချုပ်မှူးကြီးမောင်အေးရဲ့ ယောက်ဖဖြစ်ပါတယ်။ဒေသဖွံဖြိုးရေးအတွက် ဆိုပြီး သစ်သယ်ယူခွင့်တွေကို ပယက မှ စာနဲ့တရားဝင် သဘောမျိုး ခွင့်ပြုပြီး ဒေသအတွင်းရှိ ကျေးရွာစာသင်ကျောင်းများ အမည်ခံ၍သော်၎င်း၊ အပစ်အခတ်ရပ်အဖွဲ့များ အတွက်သော်၎င်း နာမည်အမျိုးမျိုး၊ အကြောင်းအမျိုးမျိုးပြပြီး သစ်တစ်တန်ကို ကျပ်၂၀၀၀၀ိ/နှုန်းကောက်ခံခဲ့တာဖြစ်ပါတယ်။ မိုးမိတ်ဗျူဟာအောက်မှာပါတဲ့ မံစီနယ်ထဲက မံဝိန်း၊ ပါခမ်း၊ ဘလောင်ဒင်ဆာနယ်မြေမှာ သစ်ခုတ်ခွင့်ရဖို့ ဗျူဟာမှူးကို တစ်လသိန်းတစ်ထောင် ပေးရတယ်လို့ ဆိုပါတယ်။ရှမ်းမြောက်က ကွတ်ခိုင်ဗျူဟာအပိုင် နမ့်ခမ်းဒေသမှာလည်း ဒီဈေးနှုန်းပေါက်ပါတယ်။ဒေါ်လာသန်းချီ အလွဲသုံးစားလုပ်ခဲ့တဲ့ ဆက်သွယ်ရေးဝန်ကြီးဟောင်း သိန်းထွန်း ဘာကြောင့် အရေးယူ မခံရတာလဲ။ အရင် စက်မှု (၁) ဝန်ကြီးဟောင်း ဦးစိုးသိန်း(အခု သမ္မတရုံး ဝန်ကြီး) မြန်မာ့ရင်းနှီးမြှုပ်နှံမှု ကော်မရှင်ဆိုတဲ့ ဥက္ကဌထိုင်ခုံမှာ အမြိုင့်သားထိုင်ရင်း၂၀၀၉-၂၀၁၀ လောက်တုန်းက မြန်မာ့မော်တော်ယာဉ်နဲ့ ဒီဇယ်အင်ဂျင်ထုတ်လုပ်မှုလုပ်ငန်းကနေ အမြတ်ငွေကို
၂ဆကျော်လောက်စာရင်းလိမ်ပြခိုင်းတဲ့ကိစ္စ တာတာကုမ္ပဏီနဲ့ ပူးပေါင်းပြီးတော့ ၁၀ ဘီးကားတွေ တစ်နှစ်ကို အစီးရေ (၁၀၀)ထုတ်ဖို့မကွေးမှာ စက်ရုံတည်တော့ ကားပစ္စည်းအစိတ် အပိုင်းတွေကို ဆေးစိမ်တဲ့စက်ဝယ်တော့ အဲဒီစက်တန်ဘိုး အမေရိကန်ဒေါ်လာ (၇)သန်းလောက် ကဘယ်ပျောက်သွားလဲ။ မူးယစ်ဆေးဝါး ဖြန့်ချီရောင်းဝယ်ရေး ပြုလုပ်နေတဲ့ ဒုတိယ ဗိုလ်ချုပ်ကြီးရဲမြင့်ရဲ့ သား အောင်ဇော်ရဲမြင့်ကိုတောင် ထိထိရောက်ရောက် အပြစ်မပေးဘဲ ပြောင်ပြောင်တင်းတင်း ကာကွယ်ပေးနေကြပါတယ်။ ဘိန်းဘုရင် တွေ နဲ့  စီးပွားဖက်လုပ် ပြီး စစ်တပ် ခရိုနီ လုပ် တဲ့ လမ်းစကို စစ်ဗိုလ်ချုပ် တွေ က ပို ပြီး ပတ်သက်ခဲ့ကြတယ်။ကိုးကန့် ခေါင်းဆောင်များ လက်နက် ငယ်များ တရားဝင် ကိုင် ဆောင်ခွင့် ကို မြန်မာ စစ်ထောက်လှမ်းရေး အကြီး အကဲ ဗိုလ်ချုပ်ကြီး ခင်ညွန့် ၏ အမိန့် ဖြင့် ခွင့် ပြု ထား ခဲ့တယ်။ အခု သမ္မတ ဖြစ် နေတဲ့ ဗိုလ်သိန်းစိန် ၊ ဗိုလ်မြင့် လှိုင်(တနပ်စား) ၊ တင်အောင်မြင့်ဦး သူရ ရွှေမန်း တို့  တွေ ဟာ ဗိုလ်ခင်ညွန့် ကြောင့် ဘိန်းဘုရင် တွေ နဲ့  ပတ်သက်ပြီးသူ တို့  လည်း စီးပွား ဖြစ် မယ့် အခွင့် အရေး ကို အပြည့် မရခဲ့ကြ ဘူး ၊ အဲဒါကြောင့် ဗိုလ်ခင် ညွန့် ကို ဖယ် ထုတ် ဖို့  ဖြစ်လာတာ။ ပန်ချီပြခန်း နဝဒေး ကော်ဖီကော်နာနဲ့ နဝဒေး အမှတ်တရ ပစ္စည်းဆိုင်တွေကို ကျပ်သိန်းထောင်ချီ အကုန်အကျခံ တည်ဆောက်ခဲ့တဲ့ ဦးခင်ညွန့်က “ဘဘ ချမ်းသာတဲ့ သူမဟုတ်ဘူး” လို့ ပြောဆိုခဲ့ပေမယ့် စစ်ဗိုလ်ချုပ်ကြီးဟောင်း က တိုက်တာ ခြံဝန်းတွေနဲ့ စည်းစိမ် မပြတ်နေနိုင်တာ တွေ့ရပါတယ်။လက်ရှိနေထိုင်နေတဲ့ ခြံဝင်းကြီးနဲ့ တိုက်ကြီးဟာ စစ်သား တယောက်ရဲ့ လစာနဲ့ ဝယ်ယူနိုင်ဖို့ မလွယ်ကူပါဘူး။ ဗိုလ်သန်းထွန်းဟာ DSA အပတ်စဉ် (13) ကျောင်းဆင်းဖြစ်ပြီး ယခင် မျက်မှန်ကြီး တင်ဦးရဲ့ ထောက်လှမ်းရေး ညွှန်ကြားရေးမှူးရုံး ဌာနမှာ လုပ်ခဲ့ဖူးသူ ဗိုလ်ခင်ညွှန့်ရဲ့ လက်အောက်ခံ တပည့်တစ်ဦးဖြစ်တဲ့ ဗိုလ်မှူးချုပ် သန်းထွန်းဟာ စည်းစိမ်ဥစ္စာမြောက်များစွာနဲ့ (၁၀) သက်မက သုံးဖြုန်းနိုင်အောင် ချမ်းသာနေပြီး ဖြစ်ပါတယ်။ သူစီးလာတဲ့ Land cruiser ကားဖြူကြီးဟာ ၂၀၀၄ ခုနှစ်မှာ မြန်မာပြည်ရဲ့  ထိပ်သီး သူဋ္ဌေးကြီးများသာ စီးနိုင်ပါတယ်။ သူ့ရဲ့ ဆရာ ဗိုလ်ခင်ညွှန့်ရဲ့ လက်ရုံးတဆူမို့ ကြမ်းချင်တိုင်း ကြမ်း၊ ရမ်းချင်တိုင်း ရမ်း ၊ မောက်မာသူ အဖြစ် ထင်ရှားလှပါတယ်။ ပြောရရင်တော့ ကုန်နှိုင်ဖွယ်မမြင် တစ်ဦးချင်းပိုင်ဆိုင်မှုတွေ ရေးရရင် ဂူဂယ်က ပေ့ခ်ျ များပင်ပြည့်သွားနှိုင်လောက်ပါတယ်။

ဆင်းရဲသား အခြေခံလူတန်းစား လယ်သမားများဘက်က ကူညီဆောင်ရွက်သူတွေကျတော့ ထောင် ၁၀နှစ် ချခံရတယ်၊နိုင်ငံရဲ့ သယံဇာတတွေကို ပြည်သူလူထု ကောင်းကျိုးအတွက် လုံးဝ အသုံးမပြုဘဲ အကြီးအကဲ ဆိုသူများသည်ပင်တရားမ၀င်ကိစ္စများကို ပြောင်ပြောင်တင်းတင်း ကျူးလွန်နေသည်ကို မည်သူ တရားစီရင်ပါမည်နည်း။ ထုတ်ပြန်ထားသော ဥပဒေသည် အဘယ့်သို့ ရောက်သွားပါသနည်း။ ၄င်းတို့ကိုယ်တိုင် ထုတ်ပြန်ထားသော ဥပဒေများအတိုင်းသာ အရေးယူရပါလျှင် စစ်တပ်အတွင်း အကြီးအကဲဟူသည် ရှိနိုင်တော့မည်ပင်မထင်။ တရားရုံးတွေရဲ့ ဆုံးဖြတ်ချက်ဟာ တည်ဆဲအစိုးရ အလိုတော်အရ ဆုံဖြတ်နေတာ အနှစ် (၅၀) ရှိခဲ့ပါပြီ။ အုပ်ချုပ်ရေးနဲ့ တရားစီရင်ရေး အဖွဲ့ ပေါင်းပြီး ဥပဒေ က မည်သို့ပင် ဆိုစေကာမူ ပြည်သူလူထုကို အထက်စီး က နိုင်လိုမင်းထက် ဆက်ဆံ နေဆဲပါဘဲ။ အဲဒီတော့ အစိုးရဟာ ပြည်သူကိုကိုယ်စားပြုတဲ့ ပြည်သူတို့ ရဲ့ တရားမျှတသောတောင်းဆိုချက်များကိုမလိုက်လျောတဲ့ အစိုးရလို့ ဘဲသတ်မှတ်ရပါလိမ့် မယ်။

သူတို့ရဲ့ ပိုင်ဆိုင်မှု ပစ္စည်းစာရင်းတွေကောက်ယူဖိုကျတော့ သူတို့ရဲ့နိုင်ငံတော်ဘဏ္ဍာတွေ ခိုးစားဖွက်စားတာ တွေပေါ်မှာစိုးလို့ဝိုင်းပြီး ကာကွယ်နေကြတာလေ။ ရေအားလျှပ်စစ်က ထွက်တာတွေကို ရောင်းစားတယ် ဂက်စ်တွေနဲ့ လျှပ်စစ်ထုတ်ဖို့စိတ်မကူးပဲ ရောင်းစားတယ် ကော်မရှင်ယူတယ် ဘုန်းကြတယ် ပြည်သူတွေကို ဖယောင်းတိုင်ထွန်းနေကြလို့ပြောလိုပြော ထမင်းတနပ်လျှော့စားပါ ပြောလိုပြော တကယ်တမ်း သူတို့ပိုင်ဆိုင်မှုတွေသာ နိုင်ငံတော်အတွက် အသုံးချမယ်ဆိုရင် ဘယ်နိုင်ငံကိုမှ အကြွေးတင်စရာ အကူအညီတောင်းစရာ လိုမယ်မထင်ပါဘူး မြန်မာနိုင်ငံကြီး မဆင်းရဲပါဘူး လူတစ်စု ကောင်းစားနေတာပါ။နိုင်ငံတော်အတွက်ကျတော့ ဒေါ်အောင်ဆန်းစုကြည်ကို နိုင်ငံတကာနဲ့ လမ်းပေါက်အောင် တံတားထိုးခင်ပြီး ယခင်သခိုးတွေဖြစ်ခဲ့ကြတဲ့ ယခု အစိုးရက လူထုကိုဘန်းပြပြီး နိုင်ငံတကာက ချေဆန့်ကာ သူတောင်းစားတွေ သွားလုပ်နေကြတာ တိုင်းပြည်ရဲ့ သိက္ခာ ဘုန်းဘောလအောကျနေတာ အားလုံးအသိဖြစ်မယ်ထင်ပါတယ်။
မြင်အောင်သာကြည့်ကြပါတော့ဗျာ……


ဇော်ဝမ်းမောင်…

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။