Saturday, June 15, 2013

SLG. ZAHKUNG LUM AWNG HPE MYEN NI GAP SAT

(Jinghpawkasa)

Wunpawng Mungdan Shanglawt Asuya KIA Dap Ba (4) n pu Dung (36) ginra rai nga ai Mung Baw Nawng Heng Makau kaw KIA myu tsaw share ning hkring ni hte Mung Shawa Hpyen Hpung (MHH) ni jawm pawng nna myen asuya hpyen hpung ni hte June (14) ya shan daw de gap gasat lai wa sai lam na chye lu ai. Myen hpyen hpung ni kawn lam madun na matu Nawng Heng Mare na Slg. Zahkung Lum Awng (Asak 52) ni hpe lam madun na matu woi mat wa ai hta Shanglawt ni hkap taw ai hku woi sa ai ngu mara shagun nna Slg. Zahkung Lum Awng hpe gat sat kau ai lam na chye lu ai.
Slg. Zahkung Lum Awng gaw ma (6) a kawa rai nna, myi maga mi mung n kaja ai re lam matut na chye lu ai. Myen hpyen ni gaw n gun (100) jan rai nna (20), (30) rai garan nna htu shamawt hkawm taw ai re lam hpe chye lu ai.

June (15) ya jahpawt daw hta mung KIA Dung (36) na MHH ni hte Dung (9) na myu tsaw share ninghkring ni pawng nna myen hpyen ni hte Namkut hte Ying Lar lapran na Numshang kaw gasat lai wa sai lam shiga na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။