Sunday, June 23, 2013

Sam Mung Hta K.I.A, SSPP/SSA Hpyen Hpung Ni A Ginra De Myen Asuya Hpyen Dap Ni Sa Htim Gap Gasat

(Kachinnet)

Myen Asuya Hpyen Dap gaw Sam Mung, KIA Masat (8) Dap Dung makawp maga ginra hte SSPP/SSA ni a ginra kata de sa htim gasat ai lam hpe chye lu ai.

2013 ning June (22) ya jahpawt hkying (8:00)am aten Masat (8) Dap Dung makawp maga ginra de Myen Asuya Hpyen Dap Hk-L-Y (111) Dap, n-gun marai (100) daram gaw tinang Mung Shawa Hpyen Hpung (MHH) hpyen hpung ni shara jahkrat nga ai Man Seng hte Pyeng Bum lapran de wa htim gap ai majaw gasat poi byin ai lam chye lu ai. 


Matut nna mung dai ni hkying (10:20)am ten hta KIA Dap Dung (8) na hpyen hpung hte Myen Asuya Hpyen Dap na hpyen hpung ni gaw Dinggri hte Lung Gam lapran na Nam Hpraw Hka kaw gasat poi byin ai lam hpe chye lu ai.

2013 June (6) hkying (11:00)am kaw nna (13:00)pm aten laman Myen Asuya Hpyen Dap Hk.M.Y (506) Dap na hpyen n-gun (60) hpung ni gaw Hpunau  SSPP/SSA hpyen hpung ni shara la nga ai Dingda Sam Mung, Kehsi Ginwang, kata na Loikuk kaw sa htim gasat ai lam hpe chye lu ai.

Gasat poi byin ai shara hta hkying (3:00)pm aten Kehsi kaw daju ai Myen Asuya Hpyen Dap Hk.L.Y (131) Dap na hpyen hpung n-gun (100) ram bai wa jat ai lam hpe chye lu.
Gasat poi byin ai shara hta (2) maga na si hkala ai lam hpe tup hktak nchye lu ai raitim hkala hkrum ai Myen Asuya Hpyen La ni hpe Lashio de htaw sa ai lam hpe gaw buga masha ni kaw nna chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။