Tuesday, June 25, 2013

PYITUSIT NI NAWNG BAT KAW MASHA SAT

(Jinghpawkasa)

Lai wa sai June (18) ya jahpawt daw hkying (10:00AM) ten ram hta lahta Sam Mung Mungwui Buga, nta htinggaw (8) sha nga ai Nawng Bat kahtawng hpe U Kyaw Myit ngu ai wa woi awn ai Panse pyitusit hpung ni kawn sa du zingri zingrat adip arip ayai aya di kau ya lai wa sai lam shiga na chye lu ai. Mare masha ni a dum nta ni yawng hpe la hpa n nga hkra amyaw amya di kau da ya ai sha nnga, ramma (4) hpe mung adup zingri kau da ai lam, marai (2) hpe gaw gap sat kau da nna, (2) hpe gaw ya du hkra rim woi da ai lam na chye lu ai. U Kyaw Myit gaw ka-ni hpaga lau ban kaba rai nna, Miwa mung masha langai re lam hpe mung na chye lu ai. Ndai zawn galaw ai hta woi awn shang lawm ai gaw Nawng Bat Kahtawng na Jinghpaw num hpe la da ai myen la re lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။