Thursday, June 6, 2013

LAWU TSANG UPHKANG DU MAJAT WUNKAT HPAW HPAWNG

(Jinghpawkasa)

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Hpaw Hpawng hpe, 2013 ning, June (6) ya jahpawt hkying 6:00 AM ten, Padang Ninghkawng Gawk Nu hta galaw la lu sai lam chye lu ai.

Dai hpawng hta Ginjaw Ginra Ginwang Ginjaw Uphkang Du (Div.O) Slgk. Maji Naw Mai Hpawng Hpaw Mungga shaga nna Masat Yan (1) Lawu Tsang Uphkang Du Majat Wunkat hpe hpaw hpang sai lam na chye lu ai. Dai hpawng hta du sa ai Ginwang Ginjaw Dinggrin Komiti Salang ni hte Wunkat Jawngma ni yawng marai (70) daram sa du shang lawm ai lam chye lu ai.
 
Ndai Wunkat hta Ginwang Daw Du hte Ninghtawn Du ni marai (55) tup sa du sharin hkam la na re lam chye lu ai. Sharin ginhpan (Subject) ni gaw, Wunpawng Mungdan Shanglawt Hpung a Gaw da ai Tara, Ninggawn Mung Masa, Mungchying Uphkang Dap hpe gaw da ai tara hte kaga chye ging chye ang ai hpaji ni hpe mung woi hkaja na re lam chye lu ai. Sharin na hte seng nna lit nga ai salang ni hte Ginjaw salang ni hku nna mung sa du sharin ya na re lam chye lu ai.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Hpaw Hpawng hta Ginjaw Ginra Ginwang Ginjaw Uphkang Du (Div.O) Slgk. Maji Naw Mai Mungga shaga nga yang.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Hpaw Hpawng hta du sa ai Dap shawa hte Wunkat Jawng ma ni.

Ginjaw Ginra Ginwang Ginjaw a Masat Yan (1) Lawu Tsang Uphkang Du Majat Wunkat Hpaw Hpawng hta du sa ai Dap shawa hte Wunkat Jawng ma ni.  

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။