Monday, June 17, 2013

KIA Masat (5) Ginra Hka Ú Kaw Myen Dap Ni Marai (4) Bawm Kapaw Si

(Lachid Kachin FB)

Jun 16, 2013 ya shani jahpawt maga daw 10:00am daram aten hta Jinghpaw mung KIA masat (5) dap ba uphkang ginra KIA dap dung (23) na share ninghkring ni shara la nga ai Mali hka a sinpraw hkran Talawgyi (Da Law) hte Sin Bu lawu Malihka makau Hka ngu ai shara de myen asuya dap ni shiga nshana ai shang wa ai majaw baila bawm gabye kapaw la nna myen hpyenla marai (4) kalang ta si mat ai hte marai (3) ram hkala hkrum mat ai lam na chye lu ai. Bawm gabye kapaw la ngut ai hpang myen dap ni masin pawt ai hte makau grupyin ni de sinat kaji kaba majoi gap shru bun ai lam na chye lu ai. 


Myen dap ni gaw KIA ni shara la nga ai Hka Ú mare na yen ya na lam ndai laman tsun shadut ai lam nga ai rai tim, KIA ni hku nna nyen ai sha ya du hkra shara la nga ai lam na chye lu ai. Dai shara gaw mali hka hte Miwa mung jarit hpe matut mahkai ya ai ahkyak ai shara langai re lam na chye lu ai. 


Ya yang myen asuya dap ni gaw Jinghpaw Mung hte Sam mung KIA ginra ni de shani shagu ngu na hpyen man law law garan nna shang chyinglau jahte tam hkawm nga ai re lam na chye lu ai.

 (Myutsaw Kasa)

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။