Saturday, June 29, 2013

KIA Masat (36) Ginra Hta Gasat Poi Byin Ai Majaw Mung Shawa Ni Miwa Hkran De Hprawng

(Kachinnet)

2013 ning June (26) ya shana hkying (8:00)pm kaw nna (9:00)pm aten daram du hkra Wunpawng Mungdan Shanglawt Hpyen Dap (K.I.A) Masat (4) Dap Ba, Masat (36) Dap Dung makawp maga ginra na Mung Shawa Hpyen Hpung (M.H.H) hte Myen Asuya Hpyen Dap Hk.L.Y (128) Dap ni Hpai Kawng mare, Kawng Sahte makau kaw laja lana gasat poi byin ai lam chye lu ai.
 
June 27 ya jahpawt hkying (7:00)am aten K.I.A Masat (36) Dap Dung na Mungshawa Hpyen Hpung (MHH) ni hte Myen Asuya Hpyen Dap Hk.L.Y (128), Hk-M-Y (507) Dap na pawng hpawm hpyen hpung ni Kong Sahte makau hta gasat poi matut byin ai lam chye lu ai.

Ndai gasat poi ni hta Myen Asuya Hpyen Hpung ni kaw nna laknak kaba (60mm) hte gap sharu bun ai a majaw, dai grup yin hta nga ai mung shawa ni marai (1000) daram gaw Miwa hkran Wan Din maga hprawng yen hkawm taw nga ra ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။