Thursday, June 20, 2013

KIA Masat (36) Dap Dung hte Masat (27) Dap Dung ni hta gasat poi byin.

(Kachinnet)


2013 June 18 ya shani hkying (12:10)pm hte (1:00)pm ten laman KIA Masat (36) Dap Dung makawp maga ginra, Loi Sa mare kaw na rawt wa ai Myen hpyen Hk.L.Y (128) Dap, n-gun (60) daram hte KIA Masat (36) Dap Dung na (MHH) Mungshawa Hpyen Hpung Dap Kung (2) ni, Loi Sa hte Ying Seng mare lapran na Hu Bang mahkrai kaw gasat poi byin ai lam chye lu ai.


Gasat poi byin ai ten Myen asuya hpyen dap ni laknak kaba (60mm) hte Mungbaw Buga, Win Seng mare, Hting Nu Daw maga de gap bun ai majaw Salang Marip Brang, Salang Ndup Hkun Hpung, Salang Jinghpaw La ni a dum nta ni hkru lawm mat ai lam chye lu ai.



Myen Asuya Hpyen Hpung ni gaw Wing Seng mare kaw na hkau na hkai nga ai Shadang Maran Yaw asak (23) ning hpe lam madun na matu woi mat nna, June 14 ya shani mung Ma marai (6) a Kawa Zahkung Lum Awng hpe lam madun na matu woi mat ai hta lam kaw gasat poi byin ai majaw hpang kaw na gap sat kau da nna lup kau da ai lam, ngam nga ai dum nta masha ni hpe gaw majan kaw nnga mat sai nga nna Myen gumhpraw Kyat 200,000 jaw ai lam na chye lu ai.


2013 June (16) shani hkying (10:00)am ten, Hu Na (Sam) mare na salang marai (12) hpe lam madun na matu rim mat nna June (17) ya shani (1:00)am daram hta marai langai hpe Myen Gumhpraw Kyat 1,000 hpra jaw nna bai wa shangun dat ai lam chye lu ai. Ndai zawn shanhte hpe lam madun na matu woi mat ai gaw, Mung Shawa Lawm yang K.I.A n-gap ai majaw re nga nna tsun dan ai hpe mung chye lu ai.  


Matut na KIA Masat (3) Dap Ba npu Dap Dung (27) ginra, Maji Kung Kaba kawn Kai Htik de shamu shamawt lung wa ai Hk.L.Y (240) Dap na hpyen hpung hte KIA Masat (27) Dap Dung na Mungshawa Hpyen Hpung (MHH) ni Du Hku mare, Nga Tu kawng kaw shana maga hkying (5:30)pm aten hta gasat poi byin ai lam chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။