Sunday, June 16, 2013

KIA GINRA NI HTA MAJAN MATUT MANOI BYIN, JAHKRIT SHAMA LAM DING YANG GALAW NGA

(Kachinnet)

2013 June (15) ya shani hta KIA Makawp Maga Ginra ni de htu shadut lung wa ai hte chyinglau, jahkrit shama hkawm nga ai Myen Asuya Hpyen Dap hte KIA Hpyen Dap gasat poi byin ai lam chye lu ai. 

2013 June (15) jahpawt (11:05)am aten KIA Dap Dung(9) makawp maga ginra, Dap Kung (3) hte Kung (4) ni  dap jung shara jahkrat tawn ai Dak Lek de sa wa ai lam, Senghpawm mare maga de htu shadut lung wa ai Hk-L-Y(45) Dap n-gun (70) daram hte gasat poi byin ai lam chye lu ai.


June (15) jahpawt (7:30)am aten hta KIA Dap Dung (38) makawp maga ginra, Ying La hte Gyu Mei mare de htu lung wa ai Hk-L-Y (128) Dap hte, KIA Dap Dung (36) hte (38) na pawng hpawm hpyen hpung ni gasat poi byin wa sai hpe chye lu ai.

Matut na June (15) ya shani (1:00)pm aten Dap Dung (17) makawp maga ginra, Loi Kam Ming makau na Man Tan Bum grup yin hta MHH hpyen hpung hte Hk-L-Y (129) Dap ni ang katut gasat poi byin ai lam chye lu ai.

June (15) ya shani (2:00)pm ten, Dap Dung (8) makawp maga ginra hta Hk-M-Y (504) dap na hpyen hpung ni gaw MHH hpyen hpung ni Jinghpaw Sinli makau na yi wa kaw nga nga ai ten sa gap ai kaw nna gasat poi byin ai re lam hpe chye lu ai.

Lai wa sai 2013 June (10) ya shani KIA Dap Dung (6) Ginra, Kala Jawng kaw ye mase nlung hta nga ai Mung Shawa marai 159 hpe Dap Nu (101) Dap ni gaw hpyen mawdaw kaba lahkawng hte sa rim lahkawn nna Hpakant de rim htaw la sai lam chye lu ai. Dai zawn rim hkrum nga ai mung shawa ni hpe hpyen la n galaw ai rai yang htawng (3) ning jahkrat na nga nna mung jahkrit shama lam galaw nga ai hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။