Sunday, June 9, 2013

HTARA HKA, KASHUN RAI HKRAI NOI HPAW POI

(Jinghpawkasa)

June (6) ya jahpawt hkying (11:00 Am-1:00 Pm) laman hta, Wunpawng Mungdan Dingdung daw, Sumpra Bum Ginwang, Chying Htawng Ninghtawn hte Nraw Kawng Ginwang daw, Lakawng Bum Ninghtawn yan a jarit rai nga ai, Htara Hka, Kashun Rai kaw galu de pe (393), nda de pe (6.5), tsaw de pe (43) re ai (masha hte cycle lai mai ai) Hkrai Noi hpaw hpawng hpe ngwi pyaw awng dang ai hte galaw la lu sai lam shiga na chye lu ai.


Kashun Rai Hkrai Noi Hpaw Hpawng hta, Masat (1) Dap Ba Daju na Dap Ba Up, Du Kaba Layang Gum San hte Dingdung Ginwang Ginjaw Komiti Dinggrin Salang ni, Sumpra Bum Ginwang Komiti Dinggrin Salang ni, Hpung woi sara kaba ni, magam gun ni hte mungshawa ni yawng hpawn marai (145) tup shang lawm lai wa sai lam hpe mung na chye lu ai.

Kashun Rai Hkrai Noi gaw, Sumpra Bum Ginwang Komiti a masing masa hte maren tatut hkrang shapraw sa wa ai hta, Chying Htawng Ninghtawn hte Lakawng Bum Ninghtawn kata mungshwa ni hte magam gun ni yawng hpawn marai (197) tup, bungli ninghtoi; (67) ya tup hte hkrat ang ai gumhpraw Ks. (17,800,000) tup re lam na chye lu ai.






No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။