Saturday, June 8, 2013

Hpunau SSPP/SSA Hpyen Hpung Ni Hte Myen Asuya Hpyen Dap Ts.K.Hk-16 Na Hpyen Hpung Ni Laja Lana Gasat Poi Byin

(Kachinnet)

2013 ning June shata praw (7) ya jahpawt hkying (5:00)am aten kaw nna shani hkying (11:00)pm aten du hkra KIA Masat (17) Dap Dung makawp maga ginra, Han Dau hte Dum Kyi lapran kaw dap jung shara jahkrat nga ai hpunau Sam SSPP/SSA Dap ni a shawnglam Post hpe Myen Asuya Hpyen Dap Ts.K.Hk-16 kata na hpyen hpung ni sa htim gasat ai majaw gasat poi byin wa ai lam hpe chye lu ai.
 
Dai shani hkying (3:30)pm kaw nna hkying (4:40)pm aten laman hta mung Myen Asuya Hpyen Dap Ts.K.Hk-16 Dap na hpyen hpung ni hte Hpunau Sam SSPP/SSA hpyen hpung ni Loi Yoi mare hte Chyam Dawm mare lapran na Kawng Sun Bum lagaw grup yin kaw gasat poi byin ai lam hpe chye lu ai.

Shana maga hkying (6:00)pm aten, hta mung Myen Asuya Hpyen Dap Ts.K.Hk-16 Dap na pawnghpawm hpyen hpung ni hte hpunau Sam SSPP/SSA Dap ni Hu Sa mare, Han Dau mare, Man Mun mare ginra shara ni hta matut manoi gasat poi byin ai lam hpe chye lu ai.

Ndai gasat poi byin ai shara ni hta lahkawng maga de na hkala, hkrat sum ai lam hpe tup hkrak nchye lu shi ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။