Monday, June 24, 2013

ဦးသိန်းစိန် နားရမယ့်အချိန်ကို တရုတ် CPI မျှော်လင့်နေ

(ဧရာဝတီ)

သမ္မတဦးသိန်းစိန်က မြစ်ဆုံရေကာတာစီမံကိန်းကို သူ သမ္မတသက်တမ်း ကုန်ချိန်အထိ ရပ်ဖို့ ပြောထားပါတယ်။
ဒါကြောင့် တရုတ် နိုင်ငံ CPI  ကုမ္မဏီကလည်း သမ္မတသက်တမ်း ကုန်အောင် စောင့်နေပါတယ် တဲ့။
ဒီအကြောင်းနဲ့ ပတ်သက်ပြီး ဧရာဝတီကို ရောက်လာတဲ့ ပေးစာတစောင်မှာ ဖတ်ပါ -


CPI အရာရှိကြီးများသည်  (ဇွန်လ၊ ၁၄ ရက်၊ ၂၀၁၃) ရက်နေ့က  မြစ်ဆုံရေကာတာတည်ဆောက်ရာနေရာသို့ သွားရောက် လေ့လာကြသည်။
အောင်မြင်သာကျေးရွာရှိ နှစ်ခြင်းဘုရားကျောင်း ကော်မတီအဖွဲ့နှင့် အတူ သွားရောက်ကြည့်ရှုခြင်း ဖြစ်သည်။

အသင်းတော်ကော်မတီဝင် ဆရာမရစ်ဘောက်ဆန့်က CPI နှင့် အစိုးရအကြား ချုပ်ဆိုထားသည့် စာချုပ်နှင့်ပတ်သက်ပြီး မေးမြန်းခဲ့သည်။


CPI က ယခုအချိန်တွင် အစိုးရအနေနဲ့ စာချုပ်အား ပယ်ဖျက်လို့မရနိုင်ကြောင်း၊ အကယ်၍ စာချုပ်သဘောတူညီမှုကို ကတိဖျက်ခဲ့မည်ဆိုလျှင်လည်း နိုင်ငံတကာ လုပ်ထုံးလုပ်နည်းများအားဖြင့် ပြန်လည် လုပ်ဆောင်နိုင်ကြောင်း ပြန်လည် ဖြေကြားခဲ့သည်။

သို့သော် သမ္မတကြီးက စာချုပ်အား ဖျက်မည့်အကြောင်းမပြောဘဲ ယာယီ ရပ်ဆိုင်းမည်ဟုသာပြောသောကြောင့် သမ္မတ သက်တမ်းကုန်မည့် ရက်ကိုသာစောင့်နေရကြောင်း ဒေသခံများအား ပြောခဲ့သည်။

အောင်မြင်သာကျေးရွာအတွက် လုပ်ဆောင်ပေးထားသော အိမ်ယာများကို နောက်ဆက်တွဲ ကူညီမည့် အစီအစဉ် ရှိမရှိ  ဒေသခံ ဆရာမ ဒေါ်ရွယ်တောင် မေးမြန်းခဲ့သည်။ 

 

ဆက်လက်ကူညီစရာအကြောင်းမရှိပဲ စေတနာသက်သက်ကြောင့်သာ အခုလိုကူညီထောက်ပံ့ပေးခဲ့သည်၊
ထို့ပြင် အခုဆောက်လုပ်ပေးထားသည့် အိမ်ယာများသည် နဂိုအိမ်ထက်ကြီးအောင်ဆောက်ထားပေးသည်၊
ထိုအိမ်များ ပျက်စီးချို့ယွင်းလာရခြင်းမှာ အိမ်ယာများ ဆောက်လုပ်ချိန်တွင် လူကြီးများ မြန်မြန်ဆောက်လုပ်ပေးရန် တွန်းအားပေးမှုတွေကြောင့် Asia World က သစ်စိုများ အဖြင့် အချိန်လောက်မှုမရှိဘဲ  မြန်မြန်ဆောက်လုပ်လိုက်ရခြင်းဖြစ်ကြောင့်ဖြစ်သည်၊ သို့သော် Asia World က ကြိုးစားပြီး ပြန်လည်ပြုပြင်ပေးနေသည်ဟု CPI မှ ပြောသည်။

ရေကာတာစီမံကိန်းကြီးသည် ဒေသခံများ ဖွံ့ဖြိုးရေးအတွက် အရေးပါကြောင်း၊  မိမိတို့ (CPI) အနေဖြင့် မြစ်ဆုံရေကာတာကြီး ဆက်လက် လုပ်ဆောင်နိုင်ရန်  ကြိုးစားနေကြောင်းလည်း ပြောကြားခဲ့သည်။   



ဆက်စပ်သတင်း
 (၂၀၁၁ ခုနှစ်က အင်တာဗျူး)

မြစ်ဆုံဆည် စီမံကိန်း ရပ်တန့်ထားမှု CPI ဥက္ကဋ္ဌနှင့် အင်တာဗျူး 

 မြန်မာသမ္မတ ဦးသိန်းစိန်ဟာ မြစ်ဆုံဆည် စီမံကိန်းကို သူ့အစိုးရသက်တမ်း ၅ နှစ်တာ ကာလအတွင်း ဆိုင်းငံ့မယ်လို့ ပြီးခဲ့တဲ့ သောကြာနေ့က လွှတ်တော်မှာ မကြေညာမီ မိမိတို့ ကုမ္ပဏီအား တစုံတရာအကြောင်းကြားခြင်း လုံးဝမပြုလုပ်ခဲ့လို့ အင်မတန် အံ့အားသင့်ခဲ့ရကြောင်း China Power Investment Corporation (CPI) ဥက္ကဋ္ဌ မစ္စတာ လူကျိရိူ (Lu Qizhou) က တရုတ်နိုင်ငံပိုင် China Daily သတင်းစာကြီးကို မနေ့က ပြောကြားလိုက်ပါတယ်။ CPI ဟာ မြစ်ဆုံစီမံကိန်းမှာ ဒေါ်လာ သန်းထောင်ချီ ရင်းနှီးမြုပ်နှံထားတဲ့ တရုတ်အစိုးရပိုင် ကုမ္ပဏီ ဖြစ်ပါတယ်။

၂၀၀၆ ခုနှစ်က CPI နဲ့ မြန်မာအစိုးရရဲ့ လျှပ်စစ်ဝန်ကြီးဌာန အမှတ် (၁)၊ အေးရှားဝေါလ်ကုမ္ပဏီတို့ စာချုပ်ချုပ်ဆိုပြီး အမေရိကန်ဒေါ်လာ သန်း ၃၆၀၀ ကုန်ကျမယ့် မြစ်ဆုံစီမံကိန်းအပါအဝင် မေခမလိခမြစ်ပေါ်ရှိ ရေအားလျှပ်စစ်ဆည် ၇ ခု အတွက် ရင်းနှီးမြုပ်နှံမှု ပမာဏ စုစုပေါင်း အမေရိကန်ဒေါ်လာဘီလီယံ ၂၀ လောက်ရှိပါတယ်။

ဒီစီမံကိန်းတွေအတွက် ငွေအလုံးအရင်း မြှုပ်နှံထားတာကြောင့် စီမံကိန်းကို ဆက်လက်ပြီး သတ်မှတ်ကာလအတိုင်း ဆက်လက်လုပ်ဆောင်နိုင်ဖို့ မျှော်လင့်ကြောင်း၊ စီမံကိန်းကို ရပ်တန့်လိုက်ပါက “တရုတ်ပြည်နဲ့ မြန်မာပြည်” နှစ်နိုင်ငံလုံး မဖော်ပြနိုင်လောက်အောင် ဆုံးရူံးမှုများ ကြုံတွေ့ရမှာဖြစ်ကြောင်း၊ မြန်မာအစိုးရဖက်က စီမံကိန်းအတွက် ချေးငွေ သဘောတူညီချက်များအရ ပိုက်ဆံများလည်း ရယူထားပြီးဖြစ်ကြောင်း၊ ဒါ့ကြောင့် ယခုလို ရပ်တန့်လိုက်ခြင်းအတွက် မြန်မာဘက်မှ ဥပဒေကြောင်းအရ ပြဿနာများရင်ဆိုင်ရနိုင်ကြောင်း မစ္စတာလူကျိရိူက ပြောထားပါတယ်။

 

CPI ဥက္ကဋ္ဌ လူကျိရှို (ဓာတ်ပုံ - ဘလွန်းဘာ့ဂ်)

မေး။ မြန်မာအစိုးရက ဆောက်နေဆဲ မြစ်ဆုံစီမံကိန်းကို ရပ်လိုက်တယ်လို့ သိရပါတယ်။ ဘယ်လိုကနေဘယ်လို ဖြစ်သွားတာပါလဲဆိုတာ ရှင်းပြပေးပါလား။

ဖြေ။ ကျနော်လည်း မီဒီယာတွေကတဆင့် ကြားတာပါပဲ။ ကြားလိုက်တော့ လုံးဝအံ့သြသွားတယ်။ ဒီလို "ဆိုင်းငံ့" တယ်လို့ မကြေညာခင် မြန်မာဘက်က ကျုပ်တို့ကို ဘာဆိုဘာမှ အကြောင်းကြားတာ မဟုတ်ဘူး။ ကျနော်တို့ CPI ရယ် မြန်မာအစိုးရရဲ့ လျှပ်စစ်ဝန်ကြီးဌာန အမှတ် (၁) ရယ်၊ မြန်မာကုမ္ပဏီ အေးရှားဝေါလ်ရယ် ၂၀၀၆ ဒီဇင်ဘာထဲက သဘောတူညီမှု သဝဏ်လွှာထိုးထားတာပါ။ ဒီလိုထိုးထားတဲ့ အချိန်ကစပြီး CPI ဟာ နှစ်ဦးနှစ်ဖက် အပြန်အလှန်လေးစားတဲ့မူ၊ နှစ်ဦးနှစ်ဖက် အကျိူးစီးပွားယှဉ်ပြီး လုပ်ကိုင်တဲ့မူ၊ သူ့ရောကိုယ်ပါ အကျိုးရလဒ် ထွက်စေမယ့် မူဝါဒသဘောထားတွေကို အစဉ်တစိုက်ကျင့်သုံးခဲ့တာပါ။

မြန်မာနဲ့ ပူးတွဲလုပ်ကိုင်တာမို့ တရုတ်-မြန်မာနိုင်ငံ နှစ်နိုင်ငံလုံးရဲ့ ဥပဒေတွေ စည်းမျည်းစည်းကမ်းတွေကို တသွေမတိမ်းလိုက်နာခဲ့တာပါ။ ကျနော်တို့ တာဝန်ရှိတဲ့ကိစ္စမှန်သမျှ ဖြည့်ဆည်းခဲ့တာပဲ။ နိုင်ငံတကာစံချိန်နဲ့ ကိုက်ညီတဲ့ လုပ်ငန်းပိုင်ဆိုင်ရာ Build-operate-transfer (BOT) အတိုင်းလုပ်ခဲ့တာပဲ။ မြန်မာနဲ့ တရုတ်အစိုးရနှစ်ဖက် မြန်မာပြည်မှာရှိတဲ့ ရေစွမ်းအင်အရင်းအမြစ်တွေကို ပူးတွဲဖော်ဆောင်လုပ်ကိုင်ရန်ဆိုပြီး ၂၀၀၉ မတ်လက မူဘောင်ချမှတ်လက်မှတ်ထိုးပြီးတော့ ဒီဧရာဝတီမြစ် အထက်ဖက် ရေအားလျှပ်စစ်စီမံကိန်းကို CPI က လုပ်ဆောင်ဖို့ အတိအလင်း ဖော်ပြထားတာပဲ။

နောက်ပြီးကျနော်တို့က ဒိတ်ဒိတ်ကြဲ ရေအားလျှပ်စစ်စွမ်းအင်ဆိုင်ရာ ဒီဇိုင်းဆွဲတဲ့တက္ကသိုလ်တွေ၊ သုတေသနဌာနတွေ၊ အကြံပေးအဖွဲ.အစည်းတွေ၊ တရုတ်ပြည်က ဂုဏ်သိက္ခာရှိ ပညာရှင်တွေကို (ဒီမြစ်ဆုံအပါအဝင်) ဧရာဝတီမြစ် အထက်ဖက် ရေအားလျှပ်စစ်စီမံကိန်းကို အကောင်အထည်ဖော်ဖို့ အစီအစဉ်ဆွဲတာရော၊ ဒီဇိုင်းရော၊ အသေးစိတ်လေ့လာမှုအတွက်ရော၊ စီမံကွပ်ကဲဖို့အတွက်ရော ခေါ်ယူခဲ့တာပဲ။ Changjiang Institute of Survey, Planning, Design and Research ဆိုရင် ဒီစီမံကိန်း အစီအစဉ်ချဖို့အတွက်ရော ဒီမြစ်ဆုံဆည်စီမံကိန်း ဒီဇိုင်းဆွဲဖို့အတွက်ရော တာဝန်ယူလုပ်ဆောင်ခဲ့တာပဲ။ ဘာဖြစ်လို့လဲဆိုတော့ ဒီဌာနဟာ တရုတ်ပြည်က Three Gorges ဆည်ကြီးကို ဒီဇိုင်းချပေးခဲ့တာမို့ပါ။

နောက် ကျနော်တို့ မြစ်ဆုံစီမံကိန်းကို လုပ်ပြီဆိုတော့လည်း မြန်မာအစိုးရ လျှပ်စစ်ဝန်ကြီးဌာန အပါအဝင် သက်ဆိုင်ရင်ပညာရှင်တွေ၊ ကျွမ်းကျင်တဲ့အဖွဲ့အစည်းတွေက ဝိုင်းဝန်းပြီး နည်းပညာဆိုင်ရာမှတ်တမ်းတွေ၊ လေ့လာမှုတွေ အတူတကွ ဆွေးနွေးသုံးသပ်ခဲ့တယ်။ ဒါကြောင့် ဆည်ဆောက်လုပ်ဖို့ ထောက်ခံတဲ့ မှတ်တမ်းမှတ်ရာတွေအပြင် ဒါနဲ့ဆက်စပ်တဲ့ ဥပဒေဆိုင်ရာ အထောက်အထားစာရွက်တွေ နှစ်ဦးနှစ်ဖက် ဖက်စပ်လုပ်ဆောင်မယ့် လက်မှတ်ထိုးထားတဲ့ သက်သေစာတမ်းတွေ၊ စီးပွားရေးလိုင်စင်တွေ၊ ရင်းနှီးမြှုပ်နှံမှု ခွင့်ပြုချက်တွေ၊ လုပ်ကိုင်ခွင့်တွေ၊ ဥပဒေပိုင်းဆိုင်ရာ တရားသူကြီးရဲ့အမြင်တွေ ဒါတွေအားလုံး မြန်မာနိုင်ငံရဲ့ နည်းဥပဒေသတွေနဲ့ တသွေမတိမ်း ကိုက်ညီအောင်လုပ်ခဲ့တာပါ။ ဒီနှစ် ဖေဖော်ဝါရီလကတင် အခုသမ္မတဖြစ်နေတဲ့ ဦးသိန်းစိန်ဟာ ယခင်အစိုးရရဲ့ ဝန်ကြီးချုပ်အဖြစ်နဲ့ ဆည်ဆောက်တဲ့နေရာကိုလာပြီး ဒီစီမံကိန်းကြီးကို အရှိန်အဟုန်မြှင့် လုပ်ဆောင်ဖို့ ကျနော်တို့ကို လာပြောသွားသေးတာ။ အခု ဒီစီမံကိန်းကြီးကို ဗြုန်းဆို ဆိုင်းငံ့လိုက်ပြီ ဆိုတာကတော့ တကယ် နားမလည်နိုင်စရာဘဲ။ ဆိုင်းငံ့တယ်ဆိုတဲ့သဘောက ဆောက်နေတာတွေ ရပ်လိုက်ပြီလို့ဆိုတဲ့ အဓိပ္ပါယ်ထွက်ရင်တော့ ဒါဟာ ဥပဒေပိုင်းဆိုင်ရာ ပြဿနာတွေကို ဖြစ်စေတော့မှာပဲ။

မေး ။ CPI က ဘယ်လိုကနေဘယ်လို ဒီမြစ်ဆုံဆည်စီမံကိန်းမှာ သွားလုပ်ကိုင်ဖြစ်တာလဲ။ အခု ဆည်ဆောက်လုပ်နေတဲ့ အခြေအနေကရော၊ နောက်ပြီး တကယ်လို့ ရပ်ဆိုင်းလိုက်ပြီဆိုရင် ဘယ်လိုအကျိုးသက်ရောက်မှုတွေ ဖြစ်ပေါ်လာမလဲ။

ဖြေ ။ ရေအားလျှပ်စစ်ဆိုတာဗျာ မျက်မှောက်ခေတ်မှာဆိုရင် နည်းပညာအရရော သိပ်ကိုအဆင်ပြေပြီး စီးပွားရေး တွက်ချေကိုက်မှုအရပါ သိပ်ကိုအသုံးဝင်တဲ့ စွမ်းအင်ပါ။ ဖွံ့ဖြိုးပြီးနိုင်ငံတွေမှာဆိုရင် ရေအားလျှပ်စစ်ကို ဖော်ထုတ်အသုံးချမှုက ၆၀ % အထက်၊ အမေရိကနိုင်ငံဆိုရင် ၇၂ %၊ ဂျပန်မှာဆိုရင် ၆၇%၊ ပြင်သစ်မှာဆိုရင် ၉၀ %၊ အီတလီမှာ ၉၅ %၊ နော်ဝေ မှာဆိုရင် ၆၀ % အထက်မှာရှိနေတာပါ။ အခုကျနော်တို့ တရုတ်ပြည်မှာဆိုရင် ရေအားလျှပ်စစ်ထုတ်လုပ်မှုနှုန်းက ၅၀ % ရှိပြီ။ ၂၀၂၀ မှာဆိုရင် ၇၅ % အထက်ရောက်ဖို့ရှိတယ်။

မြန်မာပြည်ရဲ့ စုစုပေါင်း ရေအားလျှပ်စစ်ထုတ်လုပ်နိုင်တဲ့ အရင်းအမြစ်ပမာဏက ၁၀၀ ဂစ်ဂါဝပ်လောက်ရှိတော့ ဒီနိုင်ငံဟာ ကမ္ဘာမှာဆိုရင် ရေအားအရင်းအမြစ် အင်မတန်ပေါကြွယ်ဝတဲ့ ရှားရှားပါးပါးနိုင်ငံတနိုင်ငံပါပဲ၊ ဒါပေမယ့် အခုဒီနိုင်ငံမှာ ရေအားလျှပ်စစ် ထုတ်လုပ်အသုံးချမှုက ၂. ၄၅ % လောက်ပဲရှိတော့ သူရှိတဲ့ရေအားအရင်းအမြစ်နဲ့ နှိုင်းယှဉ်မယ်ဆို အဆမတန် နည်းနေတာပဲ။ ထုတ်သုံးလို့ရမယ့် အရင်းအမြစ်က အများကြီးကို ပိုလျှံနေတယ်။ အထူးသဖြင့် အခုကျုပ်တို့လုပ်တဲ့ ဧရာဝတီမြစ်အထက်ဘက် ရေအားလျှပ်စစ်စီမံကိန်းဆိုရင် တရုတ်-မြန်မာနယ်စပ်နဲ့လည်းနီးတယ်။ နောက်ပြီး ရလာတဲ့ လျှပ်စစ်က မြန်မာပြည် စက်မှုဖွံ့ဖြိုးရေးအတွက် အထောက်အကူပြုရုံတင်မကဘူး၊ တရုတ်ပြည်အတွက်လည်း သဘာဝကိုမထိခိုက်တဲ့ စွမ်းအင်ကိုလည်း ရရှိနိုင်တယ်။ ဒါတွေအပေါ် တွက်ဆပြီး သူရောကိုယ်ရော နှစ်ဦးနှစ်ဖက်အကျိုးဖြစ်စေမယ့် ဒီစီမံကိန်းကြီးမှာ ရင်းနှီးလုပ်ဆောင်ဖို့ ဆုံးဖြတ်ခဲ့တာပဲဖြစ်တယ်။



အခုအားလုံး ပူပန်နေတဲ့ မြစ်ဆုံစီမံကိန်းက ဧရာဝတီမြစ်ဝှမ်းမှာ အကြီးဆုံး ရေအားလျှပ်စစ်စီမံကိန်းပဲ။ ဒါကို ကျနော်တို့ ၂၀၀၉ ဒီဇင်ဘာမှာ စဆောက်တယ်။ မြစ်ဆုံဒေသမှာရှိတဲ့ ဒေသခံတွေကိုလည်း နေရာရွှေ့ပြောင်းတာ ပြီးသွားပါပြီ။ ဆည်ဆောက်ဖို့အတွက် ပြင်ဆင်တဲ့လုပ်ငန်းတွေ (ဆည်အတွက် လမ်းတွေ၊ ရေ၊ မီး၊ ဆက်သွယ်ရေး၊ လုပ်ငန်းခွင်အတွက် မြေတွေညှိတာတွေ) အားလုံး အရှိန်အဟုန်အပြည့်နဲ့ စခဲ့ပြီးနေပြီ။ လုပ်ငန်းခွင်အတွက်လိုအပ်တဲ့ ရေသန့်စင်တဲ့ စက်ရုံတွေ၊ လောင်စာဆီ သိုလှောင်ရေးရုံတွေ တော်တော်တောင် ပြီးစီးနေပါပြီ။ ဆောက်လုပ်မယ့် ဆည်အောက်ပိုင်းက ဧရာဝတီမြစ်ကူးတံတား တခုဆိုရင် ဆောက်နေဆဲ တန်းလန်းပါ၊ နောက်ပြီး ဆည်အတွက် ရေထွက်ပေါက် အဓိကလမ်းတွေ၊ ရေလွှဲစနစ်တွေဆိုရင်လည်း စတောင်စပြီးနေပါပြီ။

ဆည်အကောင်အထည်စဖော်တဲ့ ကာလကနေပြီး ငွေတွေလည်း အမြောက်အမြား ရင်းနှီးမြုပ်နှံထားတာပါ။ ဆိုတော့ ဒါကြီးကို ဆိုင်းငံ့လိုက်ပြီဆိုရင် ဆုံးရူံးမှုက တိုက်ရိုက် ရင်းနှီးမြုပ်နှံထားတာတွေ၊ ငွေကြေးအသုံးစရိတ်တွေထက်မက ပိုပါတယ်။ ဒီစီမံကိန်းကို ကန်ထရိုက်ယူထားတဲ့ သူတွေကလည်း စီမံကိန်းပျက်သွားတဲ့အတွက် ငွေကြေးတောင်းခံမှုတွေ၊ သတ်မှတ်ထားတဲ့ လျှပ်စစ် မထုတ်လုပ်နိုင်တော့မှာတွေ၊ ဒီမြစ်ဆုံဆည်နဲ့အတူဆောက်တဲ့ တခြားဆည်တွေအတွက် ရင်းနှီးမြုပ်နှံမှုတွေ အဆမတန် တက်လာမယ် အစရှိသဖြင့် ပြဿနာတွေအများကြီး ရင်ဆိုင်ရမယ်။ ဒါကြောင့် ဆည် ၇ ခုပါဝင်တဲ့ ဒီဧရာဝတီ ရေအားလျှပ်စစ် စီမံကိန်းကြီးဟာ အချိန်မီပြီးစီးတော့မှာ မဟုတ်ဘူး။ အကျိုးဆက်အနေနဲ့ တရုတ်ရော မြန်မာရော နှစ်နိုင်ငံလုံး တိုင်းတာလို့မရနိုင်တဲ့ ဆုံးရှုံးမှုကြီးတွေ ရင်ဆိုင်ရတော့မယ်။ ဒီနှစ်ဆန်းပိုင်းက နှစ်နိုင်ငံ သဘောတူညီချက်ရပြီး ဟိုဘက်ဒီဘက် သက်ဆိုင်ရာ ဘဏ်တွေက တရုတ်ယွမ်ငွေနဲ့ ငွေချေးစာချုပ် သဘောတူညီချက်လုပ်ခဲ့တယ်။ မြန်မာဘက်က ဒီငွေတွေပြန်ဆပ်ဖို့ အာမခံတဲ့သဘောနဲ့ မြန်မာအစိုးရဘက်က မြစ်ဆုံဆည်မံကိန်းမှာ သူတို့လည်း ရှယ်ယာဝင်ထည့်တယ်။

နောက်ပြီး ဒီချေးငွေစာချုပ်အရ ငွေတွေပြန်ဆပ်ဖို့ အဓိက အရင်းအမြစ်အနေနဲ့ မြန်မာဘက်က ဒီဆည်ကနေရမယ့် ငွေကြေး အကျိုးအမြတ်တွေကို ကြိုယူထားတာလည်းရှိတယ်။ ဆိုတော့ ဒီမြစ်ဆုံဆည်စီမံကိန်းကြီးသာ ဆိုင်းငံ့လိုက်ပြီဆိုရင် ပထမလုပ်ထားတဲ့ ငွေကြးစာချုပ် သဘောတူညီချက်တိုင်း ပိုက်ဆံတွေမြန်မာဘက်က ပြန်ပေးနိုင်ဖို့ အကြီးအကျယ် အခက်တွေ့မှာပါ။

ကျနော့်အမြင်တော့ ဒီဆည်ဆောက်ဖို့အတွက် နှစ်နိုင်ငံလုံးက လုံလောက်တဲ့ သိပ္ပံဆိုင်ရာလေ့လာမှုတွေကို သက်သေပြနိုင်လောက်အောင် ပြည့်ပြည့်ဝဝ လေ့လာခဲ့ပြီးတဲ့အတွက် နှစ်နိုင်ငံလုံးရဲ့ ဥပဒေပိုင်းဆိုင်ရာတွေ သေချာကျကျနန လုပ်ဆောင်ထားတဲ့အတွက် ဒီမြစ်ဆုံဆည်မံကိန်းကြီးဟာ သမိုင်းရဲ့အစမ်းအသပ်ကို သေချာပေါက် ခံနိုင်မယ်လို့ ပြောချင်ပါတယ်။ နှစ်ဦးနှစ်ဘက် မဆုတ်မနစ် အားထုတ်ကြမယ်ဆိုရင်တော့ ဒီစီမံကိန်းကြီး လျာထားတဲ့ ကာလအတိုင်း ချောချောမွေ့မွေ့ အောင်အောင်မြင်မြင် ဆက်လက်လုပ်ကိုင်သွားနိုင်မယ်။ နှစ်ဦးနှစ်ဘက် အကျိုးရှိပြီး သူရောကိုရော အကျိုးရှိတဲ့ ရလဒ် (win-win result) တွေ စစ်စစ်မှန်မှန် ပေါ်ထွက်လာမယ်လို့ ကျနော် အခိုင်အမာမျှော်လင့်ပါတယ်။

မေး ။ ဒီမြစ်ဆုံစီမံကိန်းဟာ တရုတ်နိုင်ငံအတွက်ပဲ စီးပွားရေးအကျိုးအမြတ် ရလိမ့်မယ်ဆိုပြီး တချို့ရေးတာတွေလည်း တွေ့ရတယ်။ ဒါနဲ့ ပတ်သက်ပြီး ဘာပြောချင်ပါသလဲ။

ဖြေ ။ ဒီအမြင်ဟာ တက်တက်စက် လွဲတဲ့အမြင်ပါ။ ဒီလိုမှားတဲ့အမြင်ကို ဆုပ်ကိုင်ထားတဲ့သူတွေက ဖြစ်နေတဲ့အခြေအနေကို နားမလည်သူတွေရှိသလို တချို့တွေကလည်း တမင် စေတနာဆိုးတွေ၊ မကောင်းတဲ့ရည်ရွယ်ချက်တွေနဲ့ ပြောဆိုနေကြသူတွေလည်း ရှိပါတယ်။ ဆည်အတွက် အခြေခံအဆောက်အအုံတွေ အကောင်အထည်ဖော်ရာမှာ Build-operate-transfer ကို အကောင်အထည်ဖော်တာ နိုင်ငံတကာမှာထုံးစံပါ။ ဒီ အခြေခံအရ ဧရာဝတီမြစ်ညာအထက်ပိုင်း ရေအားလျှပ်စစ် စီမံကိန်း ပြီးစီးတာနဲ့တပြိုင်နက် CPI ဟာ ဒီစီမံကိန်း နှစ် ၅၀ တိုင် လည်ပတ်အောင်ဆောင်ရွက်ဖို့ တာဝန်ရှိပါတယ်။ နှစ် ၅၀ ပြည့်တာနဲ့ ဒီစီမံကိန်းကို မြန်မာထံ အခမဲ့လွှဲပေးမှာဖြစ်ပါတယ်။ တိုက်ရိုက်သော်လည်းကောင်း သွယ်ဝိုက်ပြီးတော့သော်လည်းကောင်း ဧရာဝတီမြစ်ညာအထက်ပိုင်း ရေအားလျှပ်စစ်စီမံကိန်းဟာ မြန်မာပြည်ရဲ့ စီးပွားရေးအရှိန်အဟုန် တိုးတက်ဖို့ သိသိသာသာ အထောက်အကူပြုပြီး မြန်မာ့လူ့အဖွဲ့အစည်းကိုလည်း အင်မတန် အထောက်အပံ့ဖြစ်မှာပါ။

ဒီဆည်စီမံကိန်းကြီး တခုလုံးပြီးလို့ တိုက်ရိုက်စီးပွားရေး အကျိုးအမြတ်အနေကတော့ မြန်မာပြည်ဟာ အခွန်ကတဆင့် အမေရိကန်ဒေါ်လာ ၅၄ ဘီလီယံ ရမှာတင်မကဘူး၊ လျှပ်စစ်အလကားရမယ်၊ ထွက်လာတဲ့ လျှပ်စစ်ရောင်းလို့ရတဲ့ ပိုက်ဆံတွေလည်း ခွဲဝေကြရဦးမယ်။ နှစ် ၅၀ အတွင်း CPI က မြုပ်နှံလိုက်လို့ရလာတဲ့ အကျိုးအမြတ်ထက် အဆမတန် မြန်မာဘက်က ရဦးမှာဖြစ်ပါတယ်။ အထူးသဖြင့် ဆည်ရဲ့ ဒီဇိုင်းသက်တမ်းက အနှစ် ၁၀၀ ကျော်ဆိုတော့ အနှစ် ၅၀ ပြည့်လို့ ဒီဆည်ကို လွှဲလိုက်ရင် မြန်မာဖက်က နောက်အနှစ် ၅၀ လောက်ဒီဆည်ကြီးကနေ အမေရိကန်ဘီလီယံ ဆယ်ဂဏန်းလောက်ရှိတဲ့ အကျိုးအမြတ်တွေ ရနေဦးမှာဖြစ်ပါတယ်။ ဒါ့အပြင် အမေရိကန်ဒေါ်လာ ဘီလီယံနဲ့ချီတဲ့ တိုက်ရိုက်စီးပွားရေး အကျိုးအမြတ်ရော ဒီဆည်ကနေ မြန်မာဘက်က ရရှိဦးမှာပါ။ အမေရိကန်ဒေါ်လာဆိုတော့ နောင်မှာ ဒေါ်လာတန်ဖိုး ကျမသွားရင်ပေါ့ဆိုတာတော့ နားလည်လောက်ပါတယ်။

နောက် တိုက်ရိုက်မဟုတ်တဲ့ အကျိုးအမြတ်တွေပြောရရင် ဒီအဆင့်မြင့်တဲ့၊ စွမ်းအင်အများကြီး ထုတ်နိုင်တဲ့ မြစ်ဆုံရေအားလျှပ်စစ်စက်ရုံက မြန်မာပြည်ရဲ့ လျှပ်စစ်ဓာတ်အား အဆောက်အအုံကို အလျင်အမြန်တိုးတက်အောင် လုပ်ပေးနိုင်ရုံတင်မကဘူး၊ လျှပ်စစ်ဓာတ်အား ဆောက်လုပ်ရေး၊ တပ်ဆင်ရေး၊ စီမံအုပ်ချုပ်ရေး ပညာရှင်တွေကို အမြောက်အများကို မွေးထုတ်ပေးနိုင်မှာပါ။ ဒါကြောင့် မြန်မာ့လျှပ်စစ်ကဏ္ဍဟာ တရှိန်ထိုး အံ့မခန်း ခုန်ပျံတိုးတက်သွားပါလိမ့်မယ်။ တနိုင်ငံလုံး စီးပွားရေးရေး ဖွံ့ဖြိုးတိုးတက်ဖို့အတွက် ခိုင်မာတဲ့ လျှပ်စစ်စွမ်းအင်ကို ရရှိမှာဖြစ်ပါတယ်။

နောက်တခုက မြစ်ဆုံစီမံကိန်းပြီးရင် ဆည်အောက်ဘက်က ရေကြီးတဲ့အန္တရယ်ကိုလည်း သေသေချာချာ ကာကွယ်ပြီးသား ဖြစ်သွားမှာပါ။ မြစ်ကမ်းပါးတလျှောက်မှာ နေထိုင်နေတဲ့ ဒေသခံတွေ ရေကြီးတဲ့အခါ ခံစားရတဲ့ အသက်အိုးအိမ် စည်းစိမ်ဆုံးရှုံးမှုကို လျော့ပါးအောင်လည်း လုပ်ပြီးသားဖြစ်သွားမှာပါ။ မြစ်ကြီးနားမြို့မှာ ၅ နှစ်မှာ ၁ ကြိမ်လောက် ကြုံတွေ့နေရတဲ့ ရေကြီးတဲ့ဒဏ် ခံရတဲ့အခြေအနေဟာ ဆည်ကြီးပြီးသွားရင် အနှစ် ၂၀ မှာ ၁ ခါ လောက်ပဲ ရေဘေးကို ခံရတဲ့အခြေအနေကို ရောက်သွားမယ်။
နောက်ပြီး ကျနော်တို့က ဆည်နဲ့အတူ ၇၅၀ ကီလိုမီတာရှည်တဲ့ လမ်းကြီးတလမ်းရယ်၊ ရေ၊ မိုးလေဝသ၊ မြေငလျှင်အခြေအနေတွေ လေ့လာတဲ့ စခန်းတွေ ပေါ်ထွက်လာမယ်။ ဒီအဆောက်အအုံတွေဟာ ဒေသခံတွေအတွက် မုချမသွေ အလုပ်အကိုင် အခွင့်အလမ်းတွေကို ဖန်တီးပေးပြီး စီးပွားရေးလုပ်ငန်းတွေ၊ အရင်းအနှီးတွေကို ဆွဲဆောင်နိုင်မှာမို့လို့ သူတို့ရဲ့ လူနေမှုဘဝကို မြှင့်တင်ပေးမှာပါ။

နောက်ထပ်ပြောချင်တာကတော့ ဆည်ဆောက်လုပ်ရေး အရှိန်မြင့်မြင့် အကောင်အထည်ဖော်တဲ့အချိန်မှာ အလုပ်သမား ၄၀၀၀၀ လောက် လိုမှာမို့လို့ ဒေသခံတွေ အလုပ်ရကြဦးမှာဖြစ်ပါတယ်။ လောလောဆယ်မှာတော့ ဒီ (ဆည် ၇ ခုအပါအဝင်) ဆည်စီမံကိန်း ဆောက်လုပ်ရေးခွင်မှာ မြန်မာအလုပ်သမား ၂၀၀၀ လောက်ရှိပြီး ၁၄၀၀ လောက်က မြစ်ဆုံဆည်ဆောက်လုပ်ရေးမှာ ဝင်လုပ်နေကြတာပါ။ သူတို့ ဒီလိုဝင်လုပ်တာရော ဒီဆည်လုပ်ငန်းမှာ လုပ်နေတဲ့သူတွေအတွက် ဝန်ဆောင်မှုလုပ်ငန်းတွေ လုပ်ပေးတာကနေ ဒေသခံတွေက အတော်ကို သူတို့ရဲ့ စီးပွားရေးအဆင့်အတန်း လူနေမှုအဆင့်အတန်းတွေ တိုးတက်သွားကြပါပြီ။


မေး ။ တချို့လူတွေက ဒီဆည်ဆောက်ရင် ကြီးမားတဲ့ သဘာဝကပ်ကြီးတွေဖြစ်တဲ့ ရေကြီးတာတို့၊ မြေငလျင်လှုပ်တာတို့ ဖြစ်လိမ့်မယ်။ တကယ်ရော ဆည်ရဲ့လုံခြုံမှုက အလုံအလောက်ရှိရဲ့လား။

ဖြေ ။ ကျနော် သိထားသလောက်တော့ ရေအားလျှပ်စစ် ထုတ်လုပ်မှုသမိုင်းရဲ့ နှစ်ပေါင်း ၁၀၀ ကျော်အတွင်းမှာ တာတမံဆည်တွေ ဆောက်တဲ့အတွက်ကြောင့် ရေကြီးတာတို့ အားပြင်းတဲ့ငလျင်ကြီးတွေလှုပ်တယ်ဆိုတာ ရှိကိုမရှိဘူး။ ကျနော်တို့ CPI ဆိုတာလည်း ဒီတရုတ်ပြည်မှာတင် ၁၈ ဂစ်ဂါဝပ် ပမာဏရှိတဲ့ ရေအားလျှပ်စစ်ကို ထုတ်လုပ်နိုင်တဲ့ ကျင့်ဝတ်သိက္ခာရှိတဲ့ အကြီးစား စွမ်းအင်လုပ်ငန်းဌာနကြီးပါ။ ဒီမြစ်ဆုံဆည်ကြီးရဲ့ လုံခြုံစိတ်ချရမှုကို ကျနော်တို့ တကယ်အာမခံ လုပ်ပေးနိုင်ပါတယ်။ ဒီဆည်ဒီဇိုင်းပုံစံဆွဲတာရော ဆောက်လုပ်တာအတွက်ရော တရုတ်ပြည်မှာရှိတဲ့ ဒိတ်ဒိတ်ကြဲ ထိပ်တန်း ရေအားလျှပ်စစ် စက်ရုံဒီဇိုင်း ပညာရှင်တွေကို ခေါ်ယူခဲ့ပါတယ်။ ဒီပညာရှင်တွေဟာဆိုရင် ရေအားလျှပ်စစ်စက်ရုံ ၂၀၀ ကျော်ကို ဒီဇိုင်းဆွဲပေးခဲ့တဲ့ ပုဂ္ဂိုလ်တွေပါ။ သူတို့လုပ်ပေးခဲ့တဲ့ ဆည်တွေထဲမှာဆိုရင် မလေးရှားက Bakun Hydropower စက်ရုံလည်းပါတယ်။ နောက်ပြီး ကျောက်သားတမံဖြည့် အပေါ်ယံမျက်နှာပြင် ကွန်ကရစ်အုပ် ဆည်တွေထဲမှာဆိုရင် ကမ္ဘာအကြီးဆုံးဖြစ်တဲ့ ကျနော်တို့ တရုတ်ပြည်က Shuibuya ရေအားလျှပ်စစ်စက်ရုံလည်း ပါတယ်။ (မြစ်ဆုံဆည်သည်လည်း အလားတူ concrete-face rock-fill dam အမျိုးအစားဖြစ်သည်။)

နောက် ဒီမြစ်ဆုံဆည်ဟာ ငလျင်အန္တရာယ် ကျရောက်နိုင်သလားဆိုတာ အကြိမ်အကြိမ်အလီလီ စမ်းသပ်ကြည့်တော့ ဆည်ဆောက်ဖို့အတွက် လုံးဝ ဥဿုံစိတ်ချရတယ်၊ ယုံကြည်စရာရှိတယ်ဆိုတာ တွေ့ရပါတယ်။ မြန်မာအစိုးကလည်း နာမည်ကြီးအကြံပေးအဖွဲ့တွေ ပညာရှင်တွေကို ဆွစ်ဇလန်တို့၊ ဂျပန်တို့ကတောင်ခေါ်ပြီး ဒီကိစ္စကို အကြိမ်ကြိမ် စမ်းသပ်ကြည့်ကြပါတယ်။ နောက်ဆုံး နှစ်ဦးနှစ်ဖက်က ဒီဆည်ဟာ ဘာငလျင်အန္တရယ်မှ မရှိဘူးဆိုတာကို သဘောတူ လက်ခံခဲ့ကြတာပါ။

ဒီမြစ်ဆုံဆည်ရဲ့ဒီဇိုင်းဟာ တောင့်တင်းခံနိုင်ခြင်းအဆင့် ၉ ရှိတဲ့ ဆည်အမျိုးအစားပါ၊ တရုတ်ပြည် စီချွမ်ပြည်နယ်မှာ Wenchuan မြေငလျင်ဘေးကြီးကို ကြံ့ကြံ့ခံနိုင်ခဲ့တဲ့ တောင့်တင်းခံနိုင်ခြင်းအဆင့် ၇ ရှိတဲ့ Zipingbu ဆည်ကြီးထက် ပိုပြီး ဒီဇိုင်းအရ အဆင့်မြင့်ပါတယ်။ ဒါ့ထက်ပိုပြီး ဒီမြစ်ဆုံဆည်ရဲ့ အထွေထွေ မြေငလျင်ဒဏ်ခံနိုင်အား ကောင်းသထက်ကောင်းစေဖို့ ဆည်ရဲ့ရေစုန်ဘက်ကိုစီးမယ့် လျှောစောက်အပိုင်းမှာ ကွန်ကရစ်ချတဲ့အခါ သတ်မှတ်စံချိန်ထက်ကျော်ပြီး ပိုကောင်းအောင်လုပ် ထားတာပါ။ နောက်ပြီး တခြား မြေငလျင်ဒဏ်ကာကွယ်တဲ့ အစီအမံတွေလည်း လုပ်ထားတာတွေ ရှိပါသေးတယ်။

ပိုလျှံလာတဲ့ရေတွေကို ထုတ်ပစ်တဲ့ဆည်ရဲ့ ရေထွက်ပေါက် အဓိကလမ်းကြီးမှာရှိတဲ့ မျက်နှာပြင်ရေထွက်ပေါက်တွေ၊ အလယ်ဘက်က အပေါက်ကြီးတွေကို အသုံးပြုပြီး အရေးပေါ်အခြေအနေမှာ ဆည်ရေလှောင်ကန်ထဲက ရေအမြင့်ပေမြင့်လာရင် ရေကိုထုတ်ပြစ်လို့ရပါတယ်။ ဆည်ရေလှောင်ကန်ထဲကရေ အမြင့်ပေ ချက်ချင်းကျသွားအောင် လုပ်လို့ရတယ်၊ ဒီတော့ ဆည်ရဲ့လုံခြုံစိတ်ချရမှု၊ ဆည်အောက်ပိုင်းမှာနေသူတွေရဲ့ လုံခြုံမှုကိုလည်း သေချာအောင် လုပ်ပေးထားဖြစ်ပါတယ်။ နောက်ပြီး ဆည်လည်ပတ်နေတဲ့အချိန်မှာ အခြေအနေတွေအားလုံးကို မျက်ခြေမပြတ်စောင့်ကြည့်ဖို့ ကမ္ဘာ့အမြင့်ဆုံး ကျောက်သား တမံဖြည့် ဆည်ကြီးတွေရဲ့ စံနှုန်းအတိုင်း ရေလှောင်ကန်ဧရိယာထဲမှာပဲ ဒစ်ဂျစ်တယ် အဝေးထိန်းမြေငလျင်စောင့်ကြည့်ရေး စခန်း ၂၅ ခုတောင် ဆောက်ပြီး နောက်ထပ် ဆည်တခုလုံး နေရာအနှံ့ ဘေးအန္တရာယ် စောင့်ကြည့်ရေး ကိရိယာတွေ ၇၀၀ ကျော်ကို တပ်ဆင်ဖို့ စီစဉ်ထားပါတယ်။ မြစ်ဆုံဆည်ရဲ့ ရေကြီးဒဏ်ခံနိုင်တဲ့ စွမ်းအားဟာ နှစ် ၁၀၀၀ လောက်ကြာအောင် တည်တံ့အောင် ဒီဇိုင်းဆွဲထားတာပါ။

မေး ။ ရေအားလျှပ်စစ်ထုတ်တဲ့လုပ်ငန်းမှာ ပတ်ဝန်းကျင် ကာကွယ်ရေးဆိုတဲ့အကြောင်းလည်း ထိပ်တန်းက အမြဲပါဝင်တာ မဟုတ်လား။ တချို့အနောက်နိုင်ငံဘက်က အန်ဂျီအိုအဖွဲ့တွေက ဒီဆည်စီမံကိန်းဟာ ပတ်ဝန်းကျင်ကို ဆိုးဆိုးဝါးဝါးကြီးကို ထိခိုက်စေမယ်လို့ ဝေဖန်တာတွေ တွေ့ရပါတယ်။ ဒါကိုဘယ်လို တုန့်ပြန်ချင်ပါသလဲ။

ဖြေ ။ ဒီနေရာမှာ ကျနော် ပြန်မေးခွန်းထုတ်ချင်တာက ဒီလိုပြောတဲ့အဖွဲ့အစည်းတွေက မြန်မာတွေ သိပ်ကို အကျပ်အတည်းရောက်နေတဲ့ကာလမှာ မြန်မာနိုင်ငံရဲ့ စီးပွားရေးဖွံ့ဖြိုးတိုးတက်အောင် ဘာများကူညီခဲ့ဖူးတာရှိလဲ။ ခုခါကျမှ “မြန်မာတို့ရဲ့အကျိုးကို ကာကွယ်မယ်” ဆိုတဲ့ ကြွေးကြော်သံနဲ့ ဒီအဖွဲ့တွေဟာ မြန်မာအစိုးရက သူ့လူမျိုးရဲ့ဘဝတွေကို တိုးတက်ရာတိုးတက်ကြောင်း လုပ်နေချိန်မှာ သွားပြီး နှောက်ယှက်နေကြတာပါ။ သူတို့ ဘယ်လိုရည်ရွယ်ချက်တွေနဲ့ လုပ်နေလဲဆိုတာတော့ ကျနော်မပြောတတ်ဘူး။ လျှပ်စစ်ထုတ်တာပဲဖြစ်ဖြစ် ဘာပဲလုပ်လုပ် လူသားတွေ တခုခုလုပ်ပြီဆိုရင်တော့ သဘာဝကို ထိခိုက်မှုတော့ ရှိမှာပေါ့။ ရေအားလျှပ်စစ်ပဲဖြစ်ဖြစ်၊ အပူစွမ်းအင်ပဲဖြစ်ဖြစ်၊ နျူကလီးယားစွမ်းအင်ပဲဖြစ်ဖြစ်၊ နောက်ဆုံး လေစွမ်းအင် နေရောင်ခြည်စွမ်းအင် ဘာပဲလုပ်လုပ် သဘာဝကို တနည်းမဟုတ်တနည်း ထိခိုက်တာပဲ။

ရေရှည်ကောင်းမွန်တဲ့ ဖွံ့ဖြိုးရေးလုပ်ငန်းတွေအတွက် လုပ်တဲ့အခါ လူသားရဲ့ပြုလုပ်မှုကြောင့်ဖြစ်တဲ့ သဘာဝပတ်ဝန်းကျင် ဆိုးကျိုးတွေကို တတ်နိုင်သမျှ နည်းသနည်းထက် နည်းအောင် လုပ်ကြရမှာပါ။ လူသားတွေ ရေအားလျှပ်စစ်က စတင်ထုတ်လာခဲ့တဲ့ နှစ် ၁၀၀ သက်တမ်းမှာ သဘာဝကို ဘယ်လိုကာကွယ်စောင့်ရှောက်ရတယ်ဆိုတဲ့ အသိကလည်း မြင့်မားလာခဲ့ပါပြီ။ ဒီအပိုင်းမှာ သူတို့ရဲ့ စွမ်းဆောင်နိုင်ရည်ကလည်း နည်းပညာတိုးတက်လာမှုနဲ့အတူ အဆက်မပြတ် တိုးတက်လာခဲ့ပါပြီ။ ပြောချင်တာက ကြီးမားတဲ့ ဖွံ့ဖြိုးရေးလုပ်ငန်းတွေအတွက် အသင့်တော်ဆုံး ပြန်လည်ပြည့်ဖြိုးမြဲ စွမ်းအင်ဟာ ရေအားလျှပ်စစ်စွမ်းအင်ဆိုတာ အားလုံးက တညီတညွတ်တည်း လက်ခံထားကြတယ်ဆိုတဲ့ အချက်ပါ။

အမေရိကမှာရှိတဲ့ ဟူးဗား ရေအားလျှပ်စစ် စီမံကိန်းဆိုရင်လည်း လည်ပတ်နေတာ နှစ် ၈၀ ရှိပြီလေ။ ဒီစီမံကိန်းဆိုရင် အမေရိကန်အနောက်ဘက်ပိုင်းက ဟက်တာ ၇ သိန်း လောက်ရှိတဲ့ ဧရာမ သဲကန္တာရကြီးတခုလုံးကို မြေဆီသြဇာကောင်းမွန်တဲ့ လယ်ယာမြေအဖြစ် ပြောင်းလဲပေးနိုင်ခဲ့တယ်။ ဒေသရဲ့ တကယ့်ခိုင်မာတဲ့ ရေအရင်းအမြစ်လည်း ဖြစ်လာတယ်။ နောက်ပြီး Las Vegas မြို့အသစ်ကြီး တောင်ဖန်တီးပေးနိုင်ခဲ့တယ်မှတ်လား။ ဘရာဇီးနဲ့ ပါရာဂွေးတို့ ပူးတွဲလုပ်တဲ့ Itaipu ရေအားလျှပ်စစ် စက်ရုံဆိုရင်လည်း နှစ်နိုင်ငံလုံးရဲ့ လူမှုစီးပွား ဖွံ့ဖြိုးရေးအတွက် အင်မတန် သိသိသာသာကြီး ဖြစ်အောင်လုပ်ပေးခဲ့တာပဲလေ။

ကျနော်တို့ CPI က (အခုမြစ်ဆုံဆည် အပါအဝင် ၇ ခုလို) အတွဲလိုက် ဆင့်ထပ် ရေအားလျှပ်စစ်စက်ရုံကို မြစ်ဝါမြစ်ကြီးပေါ်မှာဆောက်ခဲ့လို့ စီးပွားရေးအတွက် အင်မတန်အားကိုးရတဲ့ စွမ်းအင်တွေအမြောက်အမြားကို ဖန်တီးပေးနိုင်ခဲ့ပါတယ်။ ဒါပေမယ့် ကျနော်တို့ဒီမြစ်ဝါမြစ်ကြီးရဲ့ အောက်ပိုင်းမှာရော၊ အလယ်ပိုင်းမှာရော အဆက်မပြတ် ရေတွေဆက်လက်စီးဆင်းနိုင်အောင် လုပ်ဆောင်နိုင်ခဲ့ပါတယ်။ ဒီစီမံကိန်းတွေအားလုံးက ဒီဂရီအမျိုးမျိုးနဲ့ ပတ်ဝန်းကျင်ကို ထိခိုက်တာတော့ရှိပါရဲ့။ ဒါပေမယ့် ဒီစီမံကိန်းတွေကြောင့်ပဲ ဒေသခံတွေရဲ့ လူမှုစီးပွားရေးကို ကောင်းကျိုးရှိစေခဲ့တာကိုတော့ ဘယ်သူမှငြင်းလို့မရဘူး၊ အခိုင်အမာထင်ရှားပါတယ်။

CPI ဟာ စီမံကိန်းတွေကို အကောင်အထည်ဖော်တဲ့အခါ ပတ်ဝန်းကျင်ကိစ္စကို အင်မတန် အလေးအနက်ထားပါတယ်။ စီမံကိန်းစဆွဲပြီဆိုကတည်းကိုက ပတ်ဝန်းကျင်ထိခိုက်နိုင်မှုနဲ့ ပတ်သက်တဲ့ လေ့လာတွေမှု အမြဲလုပ်ပါတယ်။ မြစ်ဆုံဆည်မဆောက်ခင်ကဆိုလည်း ဒီဧရာဝတီ မြစ်ဝှမ်းတဝိုက်မှာရှိတဲ့ အပင်တွေ၊ အပင်မျိုးစိတ်တွေဟာ ဆည်ကြောင့် ဘယ်လောက်ထိခိုက်နိုင်မလဲဆိုတာ သိရဖို့ တရုတ်-မြန်မာ နှစ်နိုင်ငံက ပညာရှင် ၁၀၀ ကျော်ခေါ်ပြီး သဘာပတ်ဝန်းကျင် ထိခိုက်မှုကိုသုံးသပ်တဲ့ သုံးသပ်ချက်တွေ လုပ်ဆောင်ခဲ့ပါတယ်။ ဒီပညာရှင်တချို့ဆို မြန်မာ အန်ဂျီအိုအဖွဲ့တွေကတောင် ပါပါတယ်။

ဒီလေ့လာချက်တွေအရဆို ဆည်ရဲ့ရေလွှမ်းဧရိယာမှာရှိတဲ့ ဒေသရဲ့ မူလအပင်မျိုးစိတ်တွေက နည်းနည်းပါးပါးဘဲရှိတယ်ဆိုတာ တွေ့ရပါတယ်။ နောက်ပြီး ရေလွှမ်းမယ့် ကုန်းမြေပမာဏကလည်း မြစ်ဝှမ်းဧရိယာတခုလုံးရဲ့ ၁၄ % ပဲ ရှိတယ်ဆိုတာ သိရပါတယ်။ ဒါ့အပြင် ရေလွှမ်းဧရိယာထဲမှာရှိတဲ့ ထိန်းသိမ်းရမယ့် အပင်မျိုးစိတ်တွေကိုလည်း ဆည်ရေလှောင်ဧရိယာ အပြင်ဖက်မှာ အများကြီး ကျနော်တို့ ပြန်ဖြန့်စိုက်ထားလိုက်တာ ဇီဝမျိုးကွဲတွေကို ထိခိုက်နိုင်စရာအကြောင်းမရှိပါဘူး။ နောက်ပြီး ပင်လင်ရေစိမ့်ဝင်မယ်ဆိုတဲ့ ကိစ္စဆိုရင်လည်း ဆည်ရေလှောင်ကန်ကြီးပြီးတာနဲ့ တပြိုင်နက် ပျမ်းမျှရေစီးပမာဏက ရေလျှံတက်တဲ့ရာသီဆို ၃.၅ % လောက်ပဲ လျော့ကျသွားမယ်၊ ခြောက်သွေ့ရာသီဆို ၁၆ % လောက်လျော့ကျသွားမယ်။ ဒီတော့ ရေလျှံတက်တဲ့ကာလတွေမှာ ပင်လေရေစိမ့်ဝင်နိုင်စွမ်းဟာ မဖြစ်နိုင်သလောက်ပဲ။ ခြောက်သွေ့ရာသီမှာလည်း ပင်လေရေစိမ့်ဝင်ခြင်းမရှိအောင် တားဆီးပေးနိုင်ပါတယ်။ ဒါကြောင့် မြစ်ကြောင်းတလျှောက် ပုံမှန်အတိုင်း သင်္ဘောတွေလှေတွေ သွားလာဖို့ အဆင်ပြေသလို ရေလျှံတာကို ထိန်းတာတို့၊ စိုက်ပျိုးရေးအတွက်ရေပေးတာတို့လည်း အများကြီးအကောင်ထည်ဖော်ဖို့ အဆင်ပြေသွားစေမှာပါ။

မေး ။ ဆည်ဆောက်တဲ့အတွက် ဒေသခံတွေ ရွှေ့ပြောင်းပေးရတယ်ဆိုတာလည်း အားလုံးကအာရုံစိုက်တဲ့ ကိစ္စတခုပါ။ ဒီလိုရွှေ့ပြောင်းပေးတဲ့ကိစ္စမှာ ဒေသခံတွေရဲ့ ဘဝသစ်လူနေမှုအဆင့်အတန်း ဘယ်လိုရှိလဲဆိုတာ အခရာကျပါတယ်။ ဒီကိစ္စနဲ့ရော ဥက္ကဌကြီးတို့က ဘာတွေများလုပ်ဆောင်ခဲ့တာရှိလဲ။

ဖြေ ။ မြန်မာအစိုးရကလည်း ဒီကိစ္စနဲ့ပတ်သက်ပြီးတော့ အများကြီး အလေးအနက်ထားပါတယ်။ အဲဒီအလျောက် သူတို့လည်း ရွှေ့ပြောင်းပေးတဲ့ကိစ္စကို စီစဉ်တာရော၊ အကောင်အထည်ဖော်တာရော၊ ပုံစချတာရော အစစအရာရာ ထိထိရောက်ရောက် လုပ်ကိုင်ခဲ့ပါတယ်။

အစိုးရက ရွှေ့ပြောင်းပေးတဲ့ကိစ္စကိုမလုပ်ခင် ဒေသခံတွေနဲ့ ကြိမ်ဖန်များစွာ ဆွေးနွေးတိုင်ပင်ပြီး သူတို့ဘယ်လိုအိမ်မျိုးကို လိုချင်လဲ၊ ပြောင်းပေးရတဲ့အတွက် ထောက်ပံ့ကြေး ဘယ်လောက်လိုအပ်သလဲဆိုတာ သေချာ လုပ်ခဲ့တာပါ။ နောက်တော့ မြစ်ဆုံဒေသခံတွေကို ရွှေ့ပြောင်းနေထိုင်ဖို့ နေရာသစ် ၂ နေရာ ရွေးလိုက်ပြီး သူတို့အဆင်ပြေအောင် မြေနေရာသစ်ကို စီစဉ်ပေးတယ်၊ လမ်းတွေဖောက်ပေးတယ်၊ ကောင်းမွန်တဲ့ပတ်ဝန်းကျင် ရရှိအောင်လည်း လုပ်ပေးခဲ့ပါတယ်။ သဘောတူညီချက်အတိုင်း သူတို့ပြန်လည်နေရာချထားရေးမှာ ကျနော်တို့ဝင်ကူညီခဲ့တယ်။ ပြီးတော့ လူမှုရေးအရ ကျနော်တို့ လုပ်ပေးစရာရှိတဲ့ တာဝန်ဝတ္တရားတွေအားလုံးကို ကျေပြွန်အောင်ဖြည့်ဆည်းပေးခဲ့တယ်။ ဒီလိုလုပ်တဲ့နေရာမှာလည်း သူတို့ရဲ့ဆန္ဒတွေ၊ ဓလေ့ထုံးတမ်းတွေ၊ ကိုးကွယ်ယုံကြည်မှုတွေအားလုံးကို ကျနော်တို့ အင်မတန် တရိုတသေထားပြီး လုပ်ခဲ့တာပါ။

ဧရာဝတီမြစ်ညာအထက်ပိုင်း စီမံကိန်းရှိတဲ့ ဒီမြစ်ဝှမ်းနေရာဟာ မြင့်မတ်တဲ့တောင်တွေ၊ မြစ်ချိုင့်ဝှမ်းတွေ တည်ရှိတဲ့နေရာပါ။ စီမံကိန်းကြီး အကောင်ထည်ပေါ်တာနဲ့ ရေလွှမ်းဧရိယာဟာ ဒီမြစ်ဝှမ်းနေရာတခုလုံးရဲ့ ၁၄ % ပဲ ရှိမှာဖြစ်ပါတယ်။ ဒီဆည် ၇ ဆင့်ပါတဲ့ စီမံကိန်းကြောင့် ပြောင်းရွှေ့ရတဲ့ လူဦးရေဟာလည်း ၂၀၀၀၀ မကျော်ပါဘူး။ မြစ်ဆုံရေအားလျှပ်စစ် စက်ရုံဆောက်တဲ့ နေရာမှာ ကျေးရွာပေါင်း ၅ ရွာရှိတယ်။ ဒီထဲက အိမ်ခြေ ပေါင်း ၄၁၀ ရှိတာ၊ လူဦးရေက စုစုပေါင်း ၂၁၄၆ ယောက်ပဲရှိတယ်။

သူတို့အတွက် ၂ ထပ် အုပ်ပတ်ကားအိမ်တွေ ဆောက်ပေးတယ်၊ အိမ်ထောင်စုတိုင်းကိုလည်း ထောက်ပံ့ကြေး ကျပ် ၁ သိန်း၊ ၂၁ လက်မ ရောင်စုံတီဗီတလုံး၊ တခြားလိုအပ်တဲ့ ပစ္စည်းပစ္စယတွေလည်း ပေးပါတယ်။ နောက်ပြီး သူတို့ဥယျာဉ်ခြံမြေလုပ်ဖို့အတွက် ကျနော်တို့က ထောက်ပံ့ကြေးတွေ အတော်ကိုပေးခဲ့ပါတယ်။ ဒီမြစ်ဆုံဆည်တခုလုံး ဧရိယာအ တွက် နစ်နာကြေးထောက် ပံတာဟာ မြန်မာငွေ ကျပ်သန်းထောင်နဲ့ချီရှိပါတယ်။ ဒီငွေတွေအားလုံး ဒေသခံတွေရဲ့ လက်ထဲတိုက်ရိုက်ကို ထည့်ပေးခဲ့တာပါ။ သူတို့တွေနေရာသစ်မှာ အခြေချဖို့ ကျနော်တို့ မြေဧက ၄၄၀ လောက် ရှာပေးခဲ့ပါတယ်။ အိမ်ထောင်စုတိုင်းအတွက် ၁ နှစ်စာ ဆန်ထုတ်ပေးတယ်၊ မြေနေရာသစ်ကို ပြုပြင်ဖို့နဲ့ တခြားအသုံးစရိတ်တွေအတွက်လည်း ပိုက်ဆံတွေထောက်ပံ့ပေးခဲ့ပြန်ပါတယ်။

စိုက်ပျိုးရေးအတွက် စပါးမျိုးစေ့ ကီလို ၃၀၊ ဓာတ်မြေသြဇာ ကီလို ၅၀ လည်း ပေးပါတယ်။ နောက်တခြားအခြေခံ အဆောက်အအုံတွေဖြစ်တဲ့ ကျောင်းတို့၊ ဆေးရုံတို့ကိုလည်း ကွန်ကရစ်နဲ့ ဆောက်ပေးထားပါတယ်။ ပြီးတော့ ကျောင်းသူကျောင်းသားတွေ အတွက် ကျောင်းစာအုပ်တွေ၊ ကျောင်းဝတ်စုံတွေ၊ စာရေးကိရိယာတွေလည်း ဖြည့်ဆည်းပေးပါတယ်။ နောက်ပြီး အဆင့်မီ ဘာသာရေးဝတ်ပြုဖို့ အဆောက်အဦးတွေ၊ ရဲစခန်းတွေ၊ စာတိုက်တွေ၊ ဈေးတွေ၊ မီးသတ်စခန်းတွေ၊ အုပ်ချုပ်ရေးပိုင်းသုံးဖို့ အဆောက်အအုံတွေ အားလုံးကို ဆောက်ပေးပါတယ်။ ကီလိုမီတာ ၂၀ ရှည်တဲ့ ကွန်ကရစ်လမ်းမကြီးတလမ်းရယ်၊ ရေမီးပုံမှန်ရဖို့အတွက်ရယ်လည်း စီစဉ်ပေးပါတယ်။

ဒီရွှေ့ပြောင်း နေရာချထားပေးတဲ့အလုပ်လည်း ပြီးစီးခဲ့ပါပြီ။ ဒေသခံတွေရဲ့ လူနေမှုအဆင့်အတန်းလည်း ယခင်နဲ့ယှဉ်ရင် အရမ်းကို တိုးတက်သွားလို့ သူတို့ဘဝသစ်ကို သူတို့ကျေနပ်နေကြပါပြီ။ မြစ်ဆုံဆည် ရေလှောင်ဧရိယာအတွက် ပြောင်းရွှေ့ချထားမှုတွေ လုပ်တဲ့အခါ အများလက်ခံနိုင်အောင် ဆင်ခြင်တုံတရားရှိရှိနဲ့ ကျနော်တို့ရဲ့ အတွေ့အကြုံတွေကို အစွမ်းကုန်အသုံးပြုပြီး လုပ်ဆောင်ခဲ့တာပါ။ ကျနော်တို့ဟာ ဒေသခံတွေရဲ့ ရေရှည်အကျိုးအတွက် ကူညီဖို့လည်း အလေးထားပါတယ်။ ဆိုတော့ ဒီမြစ်ဝှမ်းတခွင်မှာ တိရိစ္ဆာန်မွေးမြူရေး၊ အသီးအနှံ စိုက်ပျိုးရေးလုပ်ငန်းတွေ လုပ်ဆောင်နိုင်ဖို့ အစီအမံတွေချပြီး လုပ်ကိုင်နေပါပြီ။ နောက်ပြီး ရေအားလျှပ်စစ် စီမံကိန်းကြီး တည်ဆောက်ချိန်မှာ လိုအပ်တဲ့ ဝန်ဆောင်မှုတွေအတွက် ဒေသခံတွေကိုလည်း အလုပ်ပေး ငှားရမ်းခဲ့ပါတယ်။ ရည်မှန်းချက်ကတော့ သူတို့ ပိုကောင်းတဲ့ အလုပ်အကိုင်တွေရရှိပြီး သူတို့ရဲ့ဘဝကို အရှည်သဖြင့် တိုးတက်လုပ်သွားစေအောင်ပါပဲ။

ကျနော်တို့ တရုတ်ပြည်မှာ ဆိုရိုးစကားနှစ်ခုရှိပါတယ်။ တခုကတော့ “ကိုယ်တိုင်မြင်မှပဲ ယုံကြည်ပါ” ၊ နောက်တခုကတော့ “ပညာရှိမည်သည် အကြံဥာဏ်မှန်သမျှအား လက်ခံစဉ်စားတတ်သူဖြစ်ပြီး လူမိုက်ဆိုသည်မှာ သူအလိုရှိသည်ကိုသာလျှင် တွေးတောယုံကြည်သောသူဖြစ်၏” တဲ့။ လူတွေအားလုံး ပကတိအခြေအနေမှန်ကို သဘောပေါက်နားလည်ပြီး ယထာဘူတကျကျ မျှမျှတတ ကောက်ချက်ဆွဲနိုင်ကြမယ်လို့ ကျနော် အများကြီးယုံကြည်မျှော်လင့်ပါတယ်။
 

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။