Tuesday, May 28, 2013

THIS IS WE CALL KACHIN

(KBC MNK)

Hpa baw da aw...KIA/KIO gaw jinghpaw wunpawng myu sha ni yawng a Gawng malai nre ai nga ni..ya n dai zawn Myi hte hpra hpra mu sai n re ni..Pu Gang jang Sin Machyi chye dik ai kaw Kachin ngu ai ni lawm ai hpe prat tup dum nga mu yaw..


May 28 ya shani na Myen Asuya hte KIO ni a bawngban hpawng de su sa wa ai KIO Dat kasa ni hpe May 27 ya shani Myitkyina hte Waimaw ginra kaw na amyu Wunpawng sha ni sen mi daram wu wu di di hkap tau pang la ai lam chye lu ai.


Waimaw mare grupyin na ni gaw Waimaw hte Mung na mare du hkra mawdaw lam pai hkra hkap tau nna Myitkyina de na ni gaw Bala Min Htin mali hka mahkrai kaw nna lam dingyang chyat kaput mat hkra tau hkalum ma ai.


KIO Dat kasa ni hpe tau hkalum ai lamang hte seng nna Buga, lawk shagu na shawa masha ni Jahpawt 9:00 AM hta Shatapru Nawku Jawng, UCF wang kaw zup, kyu hpyi la nna dawnghkawn kaji kaba lang, Ben Baja dum, Htung hking bu hpun sumraw hte hkrak rai nna yan dingren ai gaw Myitkyina mare kaw moi mung nbyin ga shi ai lamang kaba hku byin wa sai.


Du sa wa ai KIO Dat kasa ni mung kabu ai hta kajawng hkra n-gun lu ma ai hte Myen Asuya masha kaba ni hte Myitkyina mare na maigan ni yu mau na daram re lamang galaw lai wa sai.


Sara kaba Sumlut Gam Woi awn ai KIO Dat kasa ningbaw ningla ni mung shanglawt hking hte hkrak,  Laknak hte, guard hte , Rung staff hte hkrak n-gun mi alu du sa nga sai lam chye lu ai. Dat kasa ni gaw dai na KIO Kyithkai Rung dingsa kaw yup nna 28 ya shani zuphpawng lawm, May 29 ya shani Wunpawng myu sha ni hte hkrum na lam shiga na lu ai. KBC MNK 

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။