Wednesday, May 15, 2013

ငြိမ်းချမ်းရေး လုပ်ငန်းစဉ် (Peace Process) ဖြင့် မြန်မာ့ အနာဂါတ်ကို မျှော်ကြည့် ခြင်း အပိုင်း(၁)

(ရွှေဟင်္သာသတင်းဌာန)


လက်ရှိ မြန်မာ့ နိုင်ငံရေးရဲ့ အနေအထားဟာ တိုင်းပြည် တည်ငြိမ် အေးချမ်းမှု ရရှိစေဖို့ အကောင်းဆုံး နည်းလမ်းမှာ ငြိမ်းချမ်းရေး လုပ်ငန်းစဉ် (Peace Process) အပေါ်မှာသာ  မူတည်နေလိမ့်မယ် ဆိုတာ ထင်ရှားနေပါတယ်။

ပြီးခဲ့တဲ့၂၀၁၂ ခုနှစ် အတွက် မြန်မာ့ နိုင်ငံ အတွင်းမှာ ဖြစ်ပေါ်ခဲ့တဲ့ တိုးတက် မှုတွေနဲ့ ပတ်သက်ပြီးတော့အရှေ့ တောင် အာရှ စာနယ်ဇင်း မိတ်ဖက်များ မဟာမိတ် အဖွဲ့ (South East Asia Press Alliance) က ထုတ်ပြန်တဲ့ အစီရင်ခံစာ တစ်ခု ထဲမှာတော့ နိုင်ငံတွင်းဖြစ်ပေါ်ခဲ့တဲ့ အပြောင်းအလဲ တွေထဲ မှာတော့ နိုင်ငံရေး ကဏ္ဍ ပြုပြင် ပြောင်းလဲမှု တွေနဲ့မီဒီယာ ကဏ္ဍ ပြုပြင် ပြောင်းလဲမှု တွေဟာ မြန်မာနိုင်ငံ အပြောင်းအလဲရဲ့ ထိပ်ဆုံးမှာ ရှိနေခဲ့တယ်လို့ဆိုထား ပါတယ်။


တစ်ကယ်ပါပဲ၂၀၁၂ ခုနှစ် အတွင်းမှာ ဦးသိန်းစိန်ရဲ့ အရပ်သား အစိုးရသစ် လက်အောက်မှာ နိုင်ငံဟာ ပြောင်းလဲမှုခြေ လှမ်းများကို စတင် နိုင်ခဲ့ကြပြီး တိုင်းရင်းသား လက်နက်ကိုင် အဖွဲ့ (၁၀) ဖွဲ့နဲ့ အပစ်အခတ် ရပ်စဲနိုင်ခဲ့ပါတယ်၊ နိုင်ငံ ရေး အကျဉ်းသား ရာနဲ့ချီပြီး အမြောက် အမြား လွတ်မြောက် လာခဲ့ပါတယ်၊ အနောက်နိုင်ငံတွေရဲ့ စီးပွားရေး ပိတ်ဆို့ မှုအချို့တွေကို ဖြေလျော့ လာတဲ့ အနေအထားတွေ ဖြစ်လာတဲ့ အပြင်နိုင်ငံတကာက သမ္မတ ကနေ စပြီး အဆင့်မြင့် ကိုယ် စားလှယ်တွေ အဆုံး မြန်မာ့ မြေပေါ်ကို တံခါးမရှိဓါးမရှိ ဥဒဟို သွားလာ ကူးလူး လာခဲ့ကြတဲ့ အခြေအနေထိ ဖြစ်လာ ခဲ့ပါတယ်။

နိုင်ငံရေးအပြောင်းအလဲနဲ့ အားလျော်စွာ အရေးကြီးတဲ့ အစိတ်အပိုင်း တစ်ခု ဖြစ်တဲ့ တိုင်းရင်းသားလက်နက်ကိုင် အဖွဲ့တွေနဲ့ အပစ် အခတ် ရပ်စဲရေး ရရှိပြီး နောက်မှာ မြန်မာ့ ငြိမ်းချမ်းရေးလုပ်ငန်းစဉ်ဟာ အားကောင်း လာတယ်လို့ သတင်း မီဒီယာ အပါအဝင် နိုင်ငံရေး အသိုင်းအဝန်းနဲ့ သံတမန်အသိုင်းအဝန်း တွေက ရှုမြင်လာကြပါတယ်။ ဒါဟာ ရှေ့ဆက် ပီပြင် လာဖို့ ရှိတဲ့ ဒီမိုကရေစီ အပြောင်းအလဲရဲ့ နိမိတ်ဘဲလို့ ကြိုတင် ဟောကိန်း ထုတ်တာတွေ အထိ ရှိလာခဲ့ပါ တယ်။

ဒါတွေဟာတင်းကြပ်တဲ့စစ်အာဏာရှင် စိုးမိုးစဉ်ကာလ ကနေလွှတ်တော် ပုံရိပ်ကိုပြောင်းလဲတဲ့နေရာမှာ ထင်သာမြင်သာဖြစ်လာတဲ့ အချက်တွေဖြစ်ပါတယ်။ဒီအပြောင်းအလဲကိုပီပြင်စွာကြိုးကိုင်နိုင်ရေး အတွက်အစိုးရ အနေနဲ့ အချိန်ယူရမှာဖြစ်ပါတယ်။ 
အစိုးရ ရယူလိုသည့် အချိန်ကိုမည်သို့ မည်ပုံဆွဲသွားသလဲ ဆိုတဲ့ အချက်ကိုလည်း တချို့နိုင်ငံရေး သမားတွေက ဂရုတစိုက် သတိရှိစွာ ထားကြပါတယ်။ အချိန်ဆွဲပုံကို ခင်းကျင်းနေတဲ့ တချိန်ထဲမှာ ပြည်သူထောက်ခံမှုတွေ ပြန်ရအောင် ပေါ်လစီ မျိုးစုံ အကောင်အထည် ဖေါ်နေတယ် ဆိုတာလည်းထင်ရှား လှပါတယ်။

() ရခိုင်ပြည်နယ်က ဘင်္ဂလီကိစ္စ၊ () လက်ပန်တောင်းတောင် ဆန္ဒပြမှု၊ () KIA အပါအ၀င်တိုင်းရင်းသား လက်နက်ကိုင် တိုက်ခိုက်မှု၊ () ပြည်တော်ပြန်တွေ နေရာချမှု၊ ()ဘာသာရေး ဆူပူမှု၊ () တိုင်းရင်းသား လက်နက်ကိုင်တွေနဲ့ ဆွေးနွေးရေး ပြည်တွင်းစစ် ပြသာနာ ကိုင်တွယ်မှု၊ () နိုင်ငံတကာ အခင်းအကျဉ်း၊ () အာဆီယံ လှုပ်ရှားမှု၊ () လူထုအယုံအကြည်ရှိတဲ့လွှတ်တော် အရေးပါလာဖို့လှုပ်ရှားမှုတွေ (၁၀) NGO ကိစ္စ၊ (၁၁) တပ်မတော် အင်အားမြှင့်တင်မှုနဲ့ အမေရိကန် ဆက်ဆံမှု၊ (၁၂) ဒေါ်အောင်ဆန်းစုကြည်နဲ့ NLD ဖြိုခွဲရေးကိစ္စ၊ (၁၃) ပြည်တွင်း ဆန္ဒပြမှုများ၊ (၁၄) သယံဇာတ ရောင်းဝယ်မှု၊ ကိစ္စတွေမှာ ပြည်တွင်း အခြေအနေ ရှုပ်ထွေးနေအောင်ဖန်တီး ထားပုံရတယ်လို့မြင်ကြပါတယ်။

အဲဒီလို ရှုပ်ထွေးနေအောင် ဖန်တီး ထားပြီးတော့မှ၊ကံ့ဖွံ့ ညီလာခံ ကျင်းပ သွားတာမျိုးကိုလူတွေ မသိလိုက်ဘဲပြီးတဲ့အခါထုတ်ပြန်လိုက်မှလူတွေ သိကြရတယ်။  အာရုံလွှဲနည်းက ကျွမ်းကျင်ကြပါတယ်။ အဲဒီလိုဘဲ အာဆီယံ ဥက္ကဌအတွက် ပြင်ဆင်နေတာကိုလည်း လူထုက သိပ်ပြီး ဂရုမစိုက်နိုင်ခဲ့ဘူး။

အဲဒီလိုပါဘဲ တိုင်းရင်းသား အဖွဲ့တွေနဲ့ ရရှိထားတဲ့ အပစ် အခတ် ရပ်စဲရေးတွေ ဟာလည်း တဖြည်းဖြည်းနဲ့ ယုံကြည်မှုတွေ ပျက်ပြား လာနေပြီး ရင်ဆိုင် တိုက်ပွဲတွေဖြစ်လာရတဲ့ အထိ အရှိန်ကောင်း လာခဲ့ပါတယ်။ အင်အားကြီးတဲ့ အဖွဲ့ တွေကို ထိမ်းချုပ်နိုင်ဖို့ အစိုးရ တပ်ကနေရာ ယူလာခဲ့တယ်။ တိုက်ပွဲတွေ ကလည်း တစ်ဖွဲ့ ကနေ နှစ်ဖွဲ့ ဖြစ်လာတယ်၊ ကူးစက်မှု အတိုင်းအတာကြီးမား လာခဲ့တယ်။ဒီလုပ်ရပ်တွေဟာ တကယ့် ငြိမ်းချမ်းရေး လုပ်ငန်းစဉ် ဖြစ်သလားလို့ နိုင်ငံတကာကပါ စဉ်းစားစရာ ဖြစ်လာခဲ့ပါတယ်။

အစိုးရကလည်း ယဉ်ကျေး လှပါတယ်။ တိုက်ခိုက်လိုက် ဆွေးနွေးလိုက်နဲ့ နိုင်ငံရေး ကစားလာလိုက်တာ အချိန်ဆွဲပြီး ကစားနေတာနဲ့ တူနေမလား စဉ်းစားစရာဖြစ်ပါတယ်။ တကယ့် ငြိမ်းချမ်းရေး လုပ်ငန်းစဉ်ဟာ ဘာလဲ?
ဒီလိုဖြစ်စဉ်တွေ ဖြစ်လာ ခဲ့တဲ့အတွက် အစိုးရရဲ့ ငြိမ်းချမ်းရေး လုပ်ငန်းစဉ် (Peace Process) ဟာဘာလဲလို့ မေးခွန်း ထုတ်စရာတွေ ဖြစ်လာပါတယ်။ ဒါကြောင့် ငြိမ်းချမ်းရေး ဖြစ်စဉ်တွေ အတွက် ဝိုင်းဝန်း ကူညီ ပံ့ပိုး ခဲ့တဲ့ အလှူရှင် တွေ ဖြစ်တဲ့ အနောက်နိုင်ငံ တွေက ဒီလုပ်ငန်းစဉ်အပေါ် ပြန်လည် သုံးသပ်ဖို့ ဖြစ်လာ ခဲ့ပါတယ်။

အဲဒါကြောင့် အစိုးရရဲ့ ငြိမ်းချမ်းရေး လုပ်ငန်းစဉ် အခြေအနေနဲ့ ပတ်သက်လို့ နော်ဝေး အစိုးရက ကျောက်ထောက် နောက်ခံပေးထားခဲ့တဲ့ (မြန်မာ့ ငြိမ်းချမ်းရေး လုပ်ငန်းစဉ်ကို အကူအညီ ပေးနေတဲ့) Myanmar Peace Support Initiative (MPSI) ရဲ့ အကြံပေး အရာရှိ တစ်ဦးဖြစ်သူ မစ္စတာ အက်ရှလေ ဆောက်စ်ကို မေးမြန်း ရာမှာတော့ -
သမ္မတ ဦးသိန်းစိန်နဲ့ ဦးအောင်မင်းတို့ဟာ ငြိမ်းချမ်းရေးကို လိုလို လားလား ရှိကြတယ်။ ပြီးတော့ ဒီငြိမ်းချမ်းရေး လုပ်ငန်းစဉ် အောင်မြင်ဖို့ကို အလွန် မျှော်လင့် ထားကြတယ်ဆိုတဲ့ အကြောင်းသူက ပြောပါတယ်။

သူဒီလိုဘာကြောင့် ပြောနိုင်တာလဲ၊ ဘယ်အချက် တွေအပေါ် အခြေခံပြီး အခုလို သုံးသပ် ပြောကြားတာ လဲဆိုတာကျွှန်တော့ အတွက် အင်မတန်မှ စိတ်ဝင် စားစရာ ကောင်းတဲ့ အမေး တစ်ခု ဖြစ်လာခဲ့တယ်။ ဆက်လက်ပြီးတော့ ဒီအမေး ကိုလည်း သူက -
ဒီလိုပြောနိုင်ကာက ကျွှန်တော်ရဲ့ ဦးအောင်မင်းနဲ့ သီးသန့် တွေ့ဆုံ ဆွေးနွေး ခဲ့တဲ့ အပေါ် အခြေခံရမယ်လို့ ပြောလို့ ရပါတယ်၊ သမ္မတ အနေ နဲ့ရော ဦးအောင်မင်း အနေ နဲ့ရော ဒီငြိမ်းချမ်းရေးလုပ်ငန်းစဉ် အပေါ်မှာ နိုင်ငံရေး ခံယူချက် ရှိရှိနဲ့ ခိုင်ခိုင်မာမာ လုပ်ဆောင် နေပါတယ်၊တိုင်းရင်းသား လက်နက်ကိုင် ပဋိပက္ခ အပေါ် အဖြေရှာ နိုင်ဖို့ အတွက်ဟာ လက်ရှိ အစိုးရအတွက်အဓိက ရည်ရွယ်ချက် တစ်ခုလို့ ပြောနိုင် ပါတယ်လို့ ပြန်လည် ဖြေကြား ခဲ့ပါ တယ်။

ဒီလိုစကားမျိုးနဲ့ ပြည်တွင်းစစ် အနှစ် (၆၅) နှစ်မျှ ရှိလာခဲ့ပြီး ဆိုတာလည်း မစ္စတာ အက်ရှလေ ဆောက်စ် သတိရပါစေ။ ပြီးတော့ မျက်နှာဗြောင်နဲ့ လိမ်တတ်တဲ့ စစ်အာဏာရှင် အုပ်စုက ဆင်းသက်လာတယ် ဆိုတာလည်း မသိလေရော့သ လား၊ ဒါမှမဟုတ် အပေါင်းလက္ခဏာအမြင်နဲ့ပြောနေတာလား၊ သံတမန်စကားလား ဆိုတာသူဘဲသိမှာပါ။

တကယ်တော့ ငြိမ်းချမ်းရေးလုပ်ငန်းစဉ် အောင်မြင်ဖို့ ဆိုတဲ့ အပိုင်းမှာ တစ်ဖက်နဲ့ တစ်ဖက် ယုံကြည်မှု ရှိကြဖို့ဆို တာ အရေးကြီးလှပါတယ်။ မြန်မာနိုင်ငံ လွတ်လပ်ရေး ရခဲ့တဲ့ ၁၉၄၈ ခုနှစ် ကိုပြန်ကြည့်ကြပါ။ လွတ်လပ်ရေးရခဲ့တဲ့ ဇန်နဝါရီလနဲ့ အပြိုင် နှစ်မခြားဘဲ ဂျူလိုင်၊ သြဂုတ် လတွေက စလို့ ပြည်တွင်းနိုင်ငံရေးဟာ တော်လှန်ပုန်ကန်မှုနဲ့ ဘဲ စတင်လာခဲ့တယ်။
ဒီအထဲမှာ တိုင်းရင်းသား တွေရဲ့ နိုင်ငံသား အခွင့်အရေးလို့ ပြောနိုင်တဲ့ တန်းတူရေးနဲ့ ကိုယ်ပိုင် ပြဌာန်းခွင့် အတွက် လက်နက်ကိုင် တော်လှန်ပုန်ကန်  မှုတွေ စတင် လာခဲ့တာ ကနေ့ အထိ အဲဒီ မီးတွေကို မငြှိမ်းသတ်နိုင်သေးပါဘူး။တဖက်သတ် အမြင်နဲ့တွေးကြည့်မယ်ဆိုရင်သူ့ကြောင့် ကိုယ့်ကြောင့်လို့လက်ညှိးထိုးနေမှာဘဲ။မှန်ရဲ့လားလို့ဒီအဖြေမေးစရာဖြစ်လာပါတယ်။

ကနေ့ဆိုရင်ပိုပြီး စဉ်းစားစရာဖြစ်နေပါတယ်။ ပြည်တွင်းစစ်ကြောင့် တိုင်းပြည် ချွတ်ခြုံ ကျပါတယ်။ လူထု မကြေနပ်ကြဘူး။ ဒီတော့ (၁၉၆၂) ကျောင်းသား သပိတ်၊ (၁၉၇၄) ခုနှစ် ဦးသန့်သပိတ်၊ ၁၉၈၈ အထွေအထွေ သပိတ်၊၂၀၀၇ခုနှစ် ရွှေဝါရောင် သပိတ်၊ ဒီနောက်ပိုင်း သပိတ်တွေကတော့ လူတွေ မှတ်မိကြမှာပါ။ ဒီတော့ တိုင်းပြည် ချွတ်ခြုံကျအောင် ဆင်းရဲအောင် လုပ်တဲ့သူ၊ ပြည်တွင်းစစ်ကို ဖန်တီးခဲ့တဲ့သူ၊ သပိတ်တွေကို သတ်ဖြတ်မှု ပုံစံနဲ့ သပိတ် လှန်ခဲ့သူ ဘယ်သူဖြစ်မလဲ။ ဒီလူတွေအာဏာ ဘယ်စွန့်ရဲမလဲဗျာ။ ဒီတော့ နည်းမျိုးစုံနဲ့ အာဏာရှိနေအောင် ဖြစ်ပေါ်နေတဲ့ အခြေအနေနဲ့ အညီပြောင်းလဲပေးနေတာပေါ့။ အာဏာစွန့်မယ် မထင်နဲ့တွေးစရာပါ။

ဒီဖြစ်ခဲ့တဲ့ အကြောင်းရဲ့ အကျိုးဆက် ရလာတ်ကတော့၊ ပြည်တွင်း စစ်ရှည်ကြာဦးမယ်၊ သူတို့ရဲ့ (၂၀၀၈) ဥပဒေအတိုင်း လူထုကို စစ်ကျွန်နည်းနဲ့ ထိမ်းချုပ်လို့ ရအောင် ကြံဆောင်နေမယ်။ ငြိမ်းချမ်းရေး လုပ်ငန်းစဉ်နဲ့ အသံကောင်း ဟစ်နေပါ လိမ့်မယ်။ ဒါပေမဲ့ အနှစ်သာ ရကတော့ ပြောင်းလဲ လာပါ့မလား။

ဖြစ်နေတဲ့ ပြည်တွင်း စစ်ကိုဘဲ ကြည့်ကြပါ။ ကမ္ဘာမှာအရှည် ကြာဆုံး ပြည်တွင်းစစ် တစ်ခုလို့ ခေါ်ဆို နိုင်တဲ့ (၆၅) နှစ်ကြာ ပြည် တွင်း လက်နက်ကိုင်ပဋိပက္ခ ကြောင့်  အာဏာရှင် အစိုးရ အဆက်ဆက် ပေါ်မှာ တိုင်းရင်းသားတွေရဲ့ ယုံကြည်မှုတွေ ပျက်ပြား နေတာပေါ့။ ဒါလည်းဘဲ လွယ်လွယ်နဲ့ ဖြေရှင်းလို့ မရသေးပါဘူး။ ဒီလောက် ကြာရှည် လာခဲ့တဲ့ ဒီယုံကြည် မှုတွေကို တကယ်ပြန်လည် တည်ဆောက်မလား။ ဒီအတိုင်းထားပြီး လက်ညှိး ထိုးပြီး လိမ်လည် အမြတ်ထုတ်နေမလား ဆိုတာ လက်ရှိ ဦးသိန်းစိန် အစိုးရ အတွက် စိန်ခေါ်မှု တခုပါပဲ။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။