Monday, May 20, 2013

မြစ်ဆုံစီမံကိန်း ပြန်လည်တည်ဆောက်ရေးအတွက် တရုတ်အစိုးရမှ NLD အား ချဉ်းကပ်ခဲ့

(Eleven Media Group)

မြစ်ဆုံစီမံကိန်း ပြန်လည်တည်ဆောက်ရေးအတွက် တရုတ်အစိုးရမှ အမျိုးသား ဒီမိုကရေစီအဖွဲ့ချုပ်(NLD) အား ချဉ်းကပ်ခဲ့ကြောင်း သတင်းရရှိပါသည်။

အမျိုးသားဒီမိုကရေစီ အဖွဲ့ချုပ်သည် အာဏာရ တရုတ်ကွန်မြူနစ်ပါတီ၏ ဖိတ်ကြားချက်အရ တရုတ်နိုင်ငံသို့ ၁၀ ရက်ကြာ လေ့လာရေးခရီး သွားရောက်ခဲ့ရာ အဆိုပါ ခရီးစဉ်အတွင်း တရုတ်အစိုးရမှ ယင်းသို့ ချဉ်းကပ်ခဲ့ခြင်းဖြစ်ကြောင်း သိရသည်။


''ကျွန်တော်တို့ ကူမင်းကို ရောက်တဲ့အခါမှာ ကူမင်းအုပ်ချုပ်ရေးမှူး၊ နောက်ပေကျင်းရောက်တဲ့ အခါမှာလည်း နိုင်ငံခြားရေးရာ ညွှန်ချုပ်တို့၊ ဘာတို့ အပါအ၀င်ပေါ့။ နောက်ဆုံး ဒုဝန်ကြီးတွေနဲ့ တွေ့ခဲ့ရ တယ်။ သူတို့ကတော့ မြစ်ဆုံကိစ္စကို ပြန်ပြီးတော့ အကောင်အထည် ဖော်ချင်တဲ့ကိစ္စတွေ ပြောတယ်။ ရင်းနှီးမြှုပ်နှံမှုတွေ လုပ်ချင်တဲ့အကြောင်းတွေ ပြောပါတယ်'' ဟု တရုတ်နိုင်ငံသို့ လေ့လာရေးခရီး သွားရောက်ခဲ့သည့် NLD ကိုယ်စားလှယ် အဖွဲ့ခေါင်းဆောင် ဦးညီပု၏ ပြောကြားချက်ကို ကိုးကားပြီး RFA သတင်းတစ်ပုဒ်တွင် ဖော်ပြထားသည်။

NLD ကိုယ်စားလှယ်အဖွဲ့၏ ခရီးစဉ်အတွင်း မြစ်ဆုံစီမံကိန်းအပြင် ကုန်သွယ်ရေး၊ ရင်းနှီးမြှုပ်နှံမှု ကိစ္စရပ်များကိုလည်း ဆွေးနွေးခဲ့ကြောင်း သိရသည်။

ထို့ပြင် NLD ကိုယ်စားလှယ် အဖွဲ့၏ ၁၀ ရက်ကြာ လေ့လာရေး ခရီးစဉ်အတွင်း ယူနန်၊ ဖူကျင်းနှင့် ဘေဂျင်းမြို့များသို့ သွားရောက်ခဲ့ပြီး ယူနန်ပြည်နယ်နှင့် မြန်မာနိုင်ငံ နယ်စပ်ဒေသများမှ ကုန်သွယ်မှုလုပ်ငန်းများ၊ လမ်းပန်းဆက်သွယ်ရေး လုပ်ငန်းများ၊ သဘာဝပတ်ဝန်းကျင် ထိန်းသိမ်းရေး လုပ်ငန်းများနှင့် တန်ဖိုးနည်းအိမ်ရာ စီမံကိန်းများ အကြောင်းတို့ကို လေ့လာခဲ့ကြောင်း သိရသည်။
တရုတ်နိုင်ငံအနေနှင့် မြန်မာနိုင်ငံတွင် ရင်းနှီးမြှုပ်နှံမှု လုပ်ငန်းများ ဆက်လက် လုပ်ဆောင်လိုကြောင်း၊ လက်ပံတောင်းတောင် အရေးတွင် ဒေါ်အောင်ဆန်းစုကြည်၏ ၀င်ရောက်ကူညီ ဆောင်ရွက်ပေးမှုကိုလည်း အင်မတန် ကျေးဇူးတင်ကြောင်း ပြောကြားခဲ့သည်ဟုလည်း RFA သတင်းတွင် ဆက်လက်ဖော် ပြထားသည်။

မြစ်ဆုံစီမံကိန်း ပြန်လည် တည်ဆောက်လိုကြောင်း တရုတ်အစိုးရ၏ ပြောကြားမှု အပါအ၀င် ခရီးစဉ် အတွေ့အကြုံ အသေးစိတ်ကို ဥက္ကဋ္ဌ ဒေါ်အောင်ဆန်းစုကြည်ထံ တင်ပြသွားမည်ဖြစ်ကြောင်း လေ့လာရေး ခရီးစဉ်တွင် ပါဝင်သူ ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းက Eleven Media Group သို့ ပြောကြားသည်။

မြစ်ဆုံစီမံကိန်းကို ပြန်လည် စတင်မည်ဆိုပါက ဒေါ်အောင်ဆန်းစုကြည်ကပင် ထောက်ခံစေကာမူ ပြည်သူလူထု၏ ကန့်ကွက်မှု အများအပြား ကြုံတွေ့ရဖွယ်ရှိနေကြောင်းလည်း သိရသည်။

''ဒီစီမံကိန်းက မလုပ်သင့်ဘူးပေါ့ဗျာ။ တရုတ်ကတော့ သူတို့လိုချင်တာ ဖြစ်တဲ့အတွက် ချဉ်းကပ်မှာပဲ။ သူတို့ပေါ်လစီကလည်း သူတို့ရရမယ်ဆိုတာ ရှိတယ်။ ယန်စီမြစ်မှာ ဆည်သုံးခု ဆောက်တာတောင် တရုတ်လူမျိုးတွေ ကန့်ကွက်တာကိုတောင် သူတို့ဆက်လုပ်တယ်။ သူတို့လူမျိုးတွေကိုတောင် သူတို့ သိပ်ဂရုစိုက်တာ မဟုတ်ဘူး။ မြစ်ဆုံဟာ ကျွန်တော်တို့ရဲ့ရတနာ၊ ကချင်တို့ရဲ့မြေ။ သူများလက်ထဲကို မရောက်စေချင်ဘူး။ ဒါကြောင့် ဒီစီမံကိန်းကို ဘယ်တော့မှ ဆက်မဆောက်သင့်ဘူး'' ဟု စာရေးဆရာ ကိုတာက ပြောကြားသည်။

''မြစ်ဆုံဟာ ဧရာဝတီရဲ့အစ၊ ဧရာဝတီဟာ နိုင်ငံတော်ရဲ့မြစ်၊ ဒါကိုကိုယ်စားပြုတာက ယဉ်ကျေးမှုရော၊ ရာဇ၀င်ရော၊ ဖွံ့ဖြိုးမှုရော၊ လူမှုရေးရော ဧရာဝတီတစ်လျှောက်ကို ဖြစ်နေတော့ မြစ်ဆုံဆိုတာ ဧရာဝတီပဲ။ ဧရာဝတီဖျက်တဲ့အလုပ်ဆို ကျွန်တော်တို့ သဘောမတူပါဘူး။ မြစ်ဆုံလုပ်မယ့်အစား မြစ်ဆုံလောက် မကြီးတဲ့ ၁၅ မီတာထက် မကျော်၊ ပေ ၅၀ ထက်မမြင့်တဲ့ တမံအသေးလေးတွေ တစ်ရာလောက်လုပ်ပါ။ အဲဒီတစ်လျှောက်လုံးကို။ ဘာမှ မကန့်ကွက်ပါဘူး။ ကြီးကြီး ကျယ်ကျယ် လုပ်တာမျိုးတော့ မကြိုက်ပါဘူး။ ဒါက စစ်ကိုင်း ငလျင်ကြောနဲ့လည်း ဆက်စပ်နေတယ်။ သဘာဝဘေး အန္တရာယ်တွေလည်း ရှိတယ်။ ပြီးတော့ ရေအရင်း အမြစ်ကလည်း ဧရာဝတီမြစ်ကို နွေဆိုရင် ကောင်းကောင်း မစီးတော့ဘူး။ ဒါက စီးပွားရေးမျက်စိ တစ်ခုတည်းနဲ့ ကြည့်လို့မရဘူး။ ပတ်ဝန်းကျင် ထိန်းသိမ်းရေး၊ လူမှုရေး၊ အကုန်လုံးခြုံပြီး စဉ်းစားဖို့ ကျွန်တော် အကြံပြုချင်ပါတယ်။ တရုတ်ကတော့ အကုန်ချဉ်းကပ်မှာပဲ။ သူတို့ရဲ့ အတ္တကိုးဗျ။ သူတို့နိုင်ငံ လျှပ်စစ်ရဖို့က အရမ်းလိုအပ်နေတာ။ ကျွန်တော်တို့ကတော့ လုံးဝသဘောမတူပါဘူး'' ဟုလည်း သစ်တောပညာရှင် ဦးအုန်းက ပြောကြားသည်။

၂၀၁၁ ခုနှစ် စက်တင်ဘာ ၃၀ ရက်တွင် သမ္မတဦးသိန်းစိန်က မြစ်ဆုံဆည် တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း လွှတ်တော်သို့ သ၀ဏ်လွှာပေးပို့ခဲ့သည်။

အဆိုပါ သ၀ဏ်လွှာတွင် အချက် ၁၀ ချက် ပါဝင်ခဲ့ပြီး ရာသီဥတု ဖောက်ပြန်မှုကြောင့် မြောက်ဖျားရှိ ရေခဲတောင်များ အရည်ပျော်ခြင်း၊ မိုးသည်းထန်စွာ ရွာသွန်းခြင်း၊ အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည် ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကျေပျက်စီးမှု ရှိနိုင်ခြင်း၊ ဧရာဝတီမြစ်ကြီး ထိခိုက်ပျက်စီးနိုင်ခြင်း စသည်ဖြင့် ပြည်သူအချို့မှ စိုးရိမ်ပူပန်မှု ရှိနေကြသည်ကို မိမိတို့က သိရှိနေရပါသည် စသည့်အချက်များ ပါဝင်ခဲ့သည်။

''ဘယ်အစိုးရပဲ တက်တက်၊ ဘယ်ပါတီပဲတက်တက်၊ ဧရာဝတီရဲ့ရေရှည် အကျိုးစီးပွားကိုပဲ မျှော်ကိုးပြီး ဆောင်ရွက်ပါလို့ တိုက်တွန်းချင်တယ်။ ဧရာဝတီဟာ မြန်မာနိုင်ငံအတွက် အမျိုးသားရေး စရိုက်လက္ခဏာ ဖြစ်တဲ့အတွက် နိုင်ငံရေး ပါတီတွေပဲဖြစ်ဖြစ်၊ နိုင်ငံတော်ကို ဦးဆောင်နေတဲ့သူတွေပဲ ဖြစ်ဖြစ်၊ စီးပွားရေး ရှုထောင့်အရ အကျိုးစီးပွား ဦးတည်သူတွေအတွက် ဧရာဝတီရဲ့ အနာဂတ်ကို မစတေးသင့်ဘူး'' ဟု သဘာဝပတ်ဝန်းကျင် ထိန်းသိမ်းရေးပညာရှင် ကိုမြင့်ဇော်က ပြောကြားသည်။

ကချင်ငြိမ်းချမ်းရေးကွန်ရက်မှ ဒေါ်ခွန်ဂျာကလည်း ''မြစ်ဆုံနဲ့ ပတ်သက်လို့ ဆက်လုပ်တဲ့ သူကတော့ တစ်နိုင်ငံလုံးရဲ့ ရန်သူပဲ။ တစ်နိုင်ငံလုံးက ခဲရာခဲဆစ်နဲ့ လုပ်ထားရတာ။ ကမ္ဘာမှာ ဆိုရင်လည်း ဒီလိုမျိုး Mega Dam တွေက လုံးဝ ခေတ်မစားတော့ဘူး။ မြန်မာနိုင်ငံလည်း လျှပ်စစ်လိုနေတာပဲ။ ဒါပေမယ့် ဒီလိုမျိုး အန္တရာယ်ရှိတဲ့ လုပ်ငန်းတွေကို လုပ်မယ့်အစား လိုအပ်တဲ့ လျှပ်စစ်ပမာဏကို ပြည့်အောင် small dam တွေနဲ့ သဘာဝပတ်ဝန်းကျင်တွေလည်း ထိခိုက်မှုနည်းမယ်။ လူတွေအတွက်လည်း လုံခြုံမှုရမယ်ဆိုတဲ့ အချက်တွေကို ဦးစားပေးသင့်တယ်ဆိုပြီး ကမ္ဘာမှာလည်း အဲလိုမျိုးတွေ လုပ်နေကြတယ်။ ဒါပေမယ့် အဲဒါကတော့ စီးပွားရေး လုပ်ငန်းရှင်ကြီးတွေအတွက် ပိုက်ဆံ တစ်လုံးတစ်ခဲတည်း မ၀င်ဘူးပေါ့။ NLD က စီးပွားရေး သမားလည်း မဟုတ်ဘူး။ အဲဒါကို သွားညှိဖို့ လွှတ်လိုက်တာလည်း မဟုတ်ဘူး။ ဘာကိစ္စကြောင့် အဲဒါတွေ ဆွေးနွေးတယ်ဆိုတာ နားမလည်ဘူး။ ဒါကို လုပ်မယ်ဆိုရင်တော့ အစိုးရပဲဖြစ်ဖြစ် အတိုက်အခံပဲဖြစ်ဖြစ် အားလုံးကို ကန့်ကွက်တယ်။ 
ကျွန်မတင်မကဘူး တစ်နိုင်ငံလုံးကလည်း ဒီလိုပဲ သဘောထားရှိမယ် ထင်ပါတယ်။ ဘာလို့လဲဆိုတော့ ဧရာဝတီမြစ်ကြီးမရှိရင် တစ်နိုင်ငံလုံး ဘာမှလုပ်မရတော့ဘူး။ တစ်နိုင်ငံလုံးရဲ့ ရေရှားမှု၊ အညာဒေသရဲ့ ရေအရင်းအမြစ်တွေ အားလုံးက ဧရာဝတီမြစ်အပေါ် အများကြီးမူတည်တယ်။ ဧရာဝတီ ရဲ့ ရေဝေရေလဲ ဒေသဟာ မြန်မာနိုင်ငံရဲ့ ၆၅ ရာခိုင်နှုန်းရှိတယ်။ ဧရာဝတီမြစ်ရဲ့ မြစ်ကြောင်းတစ်ခုတည်း တင်မကဘဲ သူ့အထဲကို စီးဝင်တဲ့ ရေဝေရေလဲ ဒေသတွေကိုပါ ကျွန်မတို့ စောင့်ရှောက်ရမှာ ဖြစ်ပါတယ်။ အဲဒါတွေကို ထည့်သွင်းစဉ်းစားမှု မရှိဘဲ ဆက်လုပ်မယ်ဆိုရင် ဘယ်နိုင်ငံရေး ပါတီပဲဖြစ်ဖြစ် ကျွန်မတို့ရဲ့ ရန်သူပဲဖြစ်ပါတယ်'' ဟု ပြောပါသည်။

မြန်မာနိုင်ငံတွင် သမ္မတဦးသိန်းစိန် အစိုးရတက်လာပြီး နောက်ပိုင်း နိုင်ငံရေး၊ စီးပွားရေး ပြုပြင်ပြောင်းလဲရေးများကို အကောင်အထည် ဖော်နေသောကြောင့် မြန်မာနိုင်ငံသည် တစ်ချိန်က ဆက်ဆံရေး အေးစက်နေခဲ့သည့် အမေရိကန် အပါအ၀င် အနောက်နိုင်ငံများနှင့် ဆက်ဆံရေး ပြန်လည်တိုးတက် ကောင်းမွန်လာခဲ့ရာ တရုတ်အစိုးရသည် မြန်မာအစိုးရနှင့် သာမက အတိုက်အခံ နိုင်ငံရေးပါတီ တစ်ခုဖြစ်သည့် အမျိုးသား ဒီမိုကရေစီ အဖွဲ့ချုပ်နှင့်လည်း ထိတွေ့ဆက်ဆံ လာခဲ့သည်။

မြန်မာနိုင်ငံဆိုင်ရာ တရုတ်သံအမတ်သစ် ယန်ဟို့လန်သည် ၂၀၁၅ ခုနှစ် ရွေးကောက်ပွဲတွင် အနိုင်ရရှိပြီး အာဏာပြန်လည် ရရှိလာနိုင်သည်ဟု ရေပန်းစားနေသည့် အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်အား ၎င်း၏နေအိမ်သို့ သွားရောက် တွေ့ဆုံခဲ့သလို NLD ကျန်းမာရေးကွန်ရက်၏ ရန်ပုံငွေအတွက်လည်း ကျပ် ၁၀ သိန်း လှူဒါန်းခဲ့သည်။

တရုတ်နိုင်ငံ လေ့လာရေး ခရီးစဉ်အတွက် တရုတ်ကွန်မြူနစ်ပါတီ၏ ဖိတ်ကြားမှုတွင် အသက် ၆၀ အောက်များကိုသာ ဖိတ်ကြားခြင်း ဖြစ်သောကြောင့် ပါတီဥက္ကဋ္ဌ ဒေါ်အောင်ဆန်းစုကြည် ပါဝင်ခဲ့ခြင်း မရှိဘဲ ဗဟိုအလုပ်အမှုဆောင် အဖွဲ့ဝင်နှစ်ဦးဖြစ်သည့် ဦးညီပုနှင့် ဒေါ်နန်းခင်ထွေးမြင့်တို့ ဦးဆောင်ကာ သွားရောက်ခဲ့ခြင်း ဖြစ်ပါသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။