Thursday, May 2, 2013

Myen Asuya Hpyen Dap Ni Nat Ai Sharaw Wan A Majaw Wara Zup Na Mung Shawa Ni Tsin Yam Hkrum Nga

(Kachinnet)

Laiwa sai 2013 April (26) ya shani hkying (11:00)am kaw nna hkying (3:40)pm aten laman KIA Masat (2) Dap Ba, Masat (14) Dap Dung makawp maga ginra de Myen Asuya Hpyen Dap hpyen hpung ni sharaw wan nat hkawm ai majaw Wara Zup mare de wan lai bang nna mung shawa dum n’ta (49) hte kaga arung arai law law hkru lawm mat wa ai rai nga ai.


Ndai wan hpyen a majaw tsinyam hkrum ai mung shawa yawng marai (239), La (117) hte Num (122) gaw ya yang malu masha hte nga shara ni yak hkak nna jamjau nga ai lam hpe chye lu ai. Bai nna wan hpyen a majaw hkru lawm mat ai arung arai ni yawng ntsa lam Kyats Sen (621) re hpe sawn maram lu ai lam hpe chye lu ai.

Myen Asuya Hpyen Dap Jarit Sin Dap hpyen hpung ni gaw ndai laman KIA Masat (5) Dap Ba, Masat (3) Dap Dung makawp maga ginra Sadung mare kaw dap jung nga ai BGF Masat (1003) Dap kata hpyen hpung ni Sadung ginwang kata hpaga yumga galaw sha nga ai lauban ni hpe gumhpraw Sen (20) hte Sen (30) lapran njaw nmai ngu atik anang hpyi shagyeng sha nga ai lam hpe chye lu ai.  Gumhpraw n jaw ai lauban ni hpe gaw Suden hte Kampaiti mawdaw lam hku hkawm sa hkawm wa ahkang njaw na lam hte shahkrit shama nga ai lam hpe matut chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။