Friday, May 3, 2013

Myen Asuya Balik Ni Ja Htu Masha (50) Ram Hpe Rim Woi Mat

(Kachinnet)

KIA Masat(5) Dap Ba, Masat (3) Dap Dung makawp maga ginra kata na Hkang Bu ja maw kaw 2013 May (1) ya shani hkying (1:30)pm aten ram hta Waimaw Muklum kaw na Myen Asuya Balik Dap n-gun (70) ram gaw Mawdaw (8) hte lung wa nna ja htu sha nga ai Lauban ni hte hkawngma yawng marai (50) ram hpe ja htu jak (30) hte hpawn sa rim woi la mat ai lam hpe chye lu ai. 
 
Ndai KIA Masat (3) Dap Dung, Sadung Ginwang kata hta Myen Asuya Hpyen Dap hpyen hpung ni hte Jarit Sin Dap (BGF) hyen hpung ni Waimaw-Kampaiti lam mayan hkan shara jahkrat nga nna ja gumhpraw tam lu tam sha nga ai hpaga la ni hte lai wa lai sa mung shawa ni hpe matut manoi san jep satsang let myalu myasha nga ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။