Thursday, May 23, 2013

MAHTAI TAM AI KUN? HPAILA TAM AI KUN?

(Jinghpawkasa)

Daini ram ram galu mat wa nga ai myen mungdan a mungmasa dinghku majan manghkang gaw, ta’tut woi awn taw nga ai myen asuya ban hte ban RAP’RA ai ahkaw ahkang ngu ai a ntsa e madung tawn nna MAHTAI TAM na malai, mara tam nna hpyen n-gun hte hkrai hparan mayu taw nga ai majaw re.


Ndai aten hta mung masha asuya rai ga ai nga nna mungkan ting de marawn jathau taw nga ai Thein Sein asuya a yaw shada ai myit jasat, satlawat, masing ni mung maren sha re. Thein Sein asuya gaw gap taw nga ai simsa lam democracy gaw MAREN MARA RAP’RA ai ahkaw ahkang ngu ai a ntsa e madung tawn nna MAHTAI TAM ai democracy simsa lam n re. HPAILA TAM nna n-gun hte shazim mayu ai simsa lam she re ngu mu mada ai.
Hpa majaw nga yang Thein Sein asuya a hpyen masa hte seng nna yaw shada tawn ai ladat masing gaw hpan (2) rai nga malu ai.

(1) UNFC - laknak lang rawt malan hpung ni hpe hparan na ladat myu mi.
(2) UWSA – laknak lang rawt malan hpung ni hpe hparan na ladat myu mi.

(1) UNFC – Laknak lang rawt malan hpung ni hpe gaw ahkyak dik ai shara ni ma hkra hpe shawng zing madu la ngut jang gau ngwi ngwi lu hkra laknak dawm kau ya na masing re. Langai hte langai matut mahkai hkrun am dan di kau ya nna n-gun kya mat hkra galaw kau na. N-gun kya mat jang myit laknak mung kya mat na. Dai shaloi a-gajawng sha htim gasat shamyit shakre kau lu na ngu ai masing re. Ga shadawn, anhte KIO/KIA ni hte gap hkat jahkring tawn lu sai raitim shanhte ra ai shara ahkyak dik ai ni hpe n lu la shi ai re majaw HPAILA TAM nna lu hkra majan kaba hpaw dat ai. Dai hte maren SSPP/SSA hte RCSS/SSA hpe raitim gap hkat jahkring lakmat htu ngut ai hpang byin ai gasat poi gaw (100) lang jan mat wa sai. KNU – hpe gaw jau jau jumtek kau ngut sai. KNPP hte CNF ni laga Rahkaing, Mun ni hpe gaw dai ram ntsang ra nga malu ai. Dai majaw Thein Sein asuya hte gaw maisau pa n tsa kaw gap hkat bai jahkring na matu gaw Pang Lung Ga sadi hpe hkap la nna jet ai munghpawm Federal gawgap na ngu ai ga sadi sha n lu dingsa ram ram myit yu ra na re.

(2) UWSA – a ntsa e yaw shada ai hpyen masing gaw UNFC a ntsa e yaw shada tawn ai hte n bung ai. UNFC hpe a’tsawm sha jumtek kau lu jang UWSA hpe a’san sha, wan wu byin mat hkra shakrip dat jaw nna miwa mung de gawt bang kau na masing re. UWSA- hpe a’san sha datjaw na matu Thein Sein gaw American a maidang mata ya taw nga ai aten re. Anhte hpe Federal jaw na matu gap hkat jahkring mayu ai mung nre. UWSA hpe a’san sha shakrip kau na matu gumhpraw hte laknak n law ai majaw HPAILA TAM AI ai ni she re.

Dai majaw daini na Thein Sein asuya shakut taw nga ai simsa lam gaw grau kaba ai majan baw na matu HPAILA TAM AI KUN?

Sau Nan Du

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။